Aktualitet

Një projektligj që është duke u hartuar nga Ministria e Financave synon të ofrojë trajtim të njëjtë si për investitorët vendas dhe ato të huaj, si dhe u jep mundësinë investitorëve të huaj që të kenë të drejtën e pronësisë së tokës. Projektligji i ri “Për investimet”, po hartohet pasi legjislacioni në fuqi në Republikën e Shqipërisë u jepte një mbrojtje shtesë investimeve të huaja, por jo atyre vendase.

Pas studimeve të thelluara që u bënë në rrafshin ligjor për investimet nga Këshilli i investimeve, ministria e Financave dhe Ekonomisë ka nisur punën për hartimin e një ligji që unifikon investimet që mbron njësoj si investimet vendase, por edhe ato të huaja. Projektligji do të trajtojë si pjesë më vete investimet strategjike, duke vënë në themel parimet e barazisë dhe të trajtimit pa diskriminim të investitorëve.Një çështje e rëndësishme që do të jepet zgjidhje në këtë projektligj është pronësia mbi tokën. Në ligjin ekzistues të investimeve i vitit 1993, investitorët e huaj nuk ka të drejtën e pronësisë mbi tokën në territorin e Republikës së Shqipërisë. Por kuadri i ri ligjor që synon të ofrojë trajtim të barabartë do të mundësojë posedimin e pronësisë së tokës nga të huajt si një detyrim që Shqipëria tashmë duhet të përmbushë në kuadër të integrimit në BE në plotësim të kushteve për lëvizjen e lirë të njerëzve në kapitaleve. Fakti që investitorët e huaj nuk kanë të drejtën e pronësisë së tokës përmendet shpesh në raportet e ndërkombëtarëve si një pengesë për tërheqjen e investitorëve të huaj.

Ligji i ri për investimet do të qartësojë kufizimet të cilat mund t’i imponohen pronësive të huaja në industri specifike si dhe të iniciohen rishikime periodike të kufizimeve të pronësive të huaja.
Ligji i ri do të përkufizimin modern të fjalës “investim” dhe gjithashtu do të cilësohen dhe qartësohen dispozitat mbi shpronësimin, duke përfshirë shpronësimin indirekt. Ky projektligj pritet të hyjë në fuqi vitin që vjen.

Alfred Marku, administrator i hotelit ‘Ishulli i Gjuetisë’ në Lezhë thotë se kamarierët në hotelin e tij paguhen mbi 400 mijë lekë të vjetra dhe nuk ekziston mentaliteti i bakshisheve.

Marku: Unë kam një mentalitet krejt ndryshe. Kamarieri im nuk duhet të marrë bakshishe. Dhe nuk duhet të jetë as lypsar dhe as hajdut.

Rrogat e kamarierit shkojnë mbi 400 mijë lekë. Kisha një debat me një kamarier që tha se në të gjithë botën japin bakshishe.

E pyeta sa vite punon kamarier. 10 vite tha. Sa e ke rrogën? 200 mijë lekë. Ti e krahason veten me një kamarier që sapo ka nisur punë?! Nuk i thotë t’i ke 15 vite eksperiencë dhe nuk e vlerëson.

Prokurorja e Përgjithshme Arta Marku ka kërkuar hetim disiplinor për 10 prokurorë lidhur me çështjen ‘Shullazi’.

Mësohet se Arta Marku kërkoi hetim për prokurorët që refuzuan shortin.

Bëhet fjalë për prokurorët: Olsian Çela, Përparim Kulluri, Behar Dibra, Sonila Muhametaj, Arenc Çela, Edvin Kondili, Pranvera Pustina, Eugen Beçi, Blerim Tominaj dhe Besim Hajdarmataj.

Ditën e djeshme prokurorët e Krimeve të Rënda janë rebeluar dhe kanë braktisur mbledhjen e thirrur nga drejtuesja e tyre, Donika Prela.

Zbulohen emrat e të zgjedhurve të Ramës në media për fluturimin e radhës me kompaninë e fluturimeve `Air Albania`, që po kryen testet e para këto ditë.

Pas provave me studentët e eskelencës, apo pensionistët, radha për pak ”përkëdhelje” me avionët e linjës më të fundit të fluturimeve është për gazetarë dhe njerëz të medias, po pse jo dhe artistë të afërt me qeverinë si Gaz Paja apo Ermal Mamaqi.

Duket se në mungesë të vetë kryeministrit shqiptar në këtë fluturim vendin e tij do e zërë aktori i Portokallisë Florian Binaj, i cili nuk dihet nëse ka menduar ndonjë pjeë humoristike për pasagjerët e tjerë në avion.

Zbardhet më poshtë listën e plotë të personave që do të jenë pjesë e këtij udhëtimi, ku nuk mungon as Blendi Fervziu, Bleona Qerreti, Ermal Mamaqi, apo njerëz të tjerë të ekranit.

Lista e plotë:

Blendi Fevziu, Rudina Xhunga, Ermal Mamaqi, Mira Kazhani, Skender Minzhozi, Flogert Muca, Anri Bala
Fred Peza, Anila Basha, Arban Hasani, Sokol Balla, Thimi Samarxhi, Elja Zotka, Lutfi Dervishi, Edi Frangaj
Muhamed Veliu, Esiona Konomi, Shpetim Nazarko, Dafina Cuca, Lorenc Vangjeli, Iva Tico

Qamil Xhani, Sonil Frasheri, Nertila Maho, Bledar Zaganjori, Mentor Kikia, Alket Braho, Enio Civici
Ed Manushi, Ola Xama, Monda Lajthia, Oljana Maloku, Esmeralda Cenollari, Dorina Azo, Elizabeta Dosku
Kristi Gongo, Erjola Lata, Geljano Fataj, Rezarta Delisula, Darina Tanushi, Almarin Gegvataj

Albiona Sulo, Denada Shkodrani, Gaz Paja, Albana Osmani, Bleona Qerreti, Roza Lati, Irida Lubani
Aleksander Furrxhi, Ani Ruci, Mirela Milori, Flor Binaj, Luana Vjollca, Anjeza Maja, Driçim Caka
Andi Qosja, Keti Banushi, Jul Kasapi, Brunilda Cami, Manjoha Hasa, Jonida Tashi, Erjon Skendaj
Bledi Lumani, Nertila Dosti, Ornela Joti, Xhirjeta Balla, Luela Myftari, Anila Jole, Endrit Aga

Prokurorja e Përgjithshme ka urdhëruar caktimin e përkohshëm të prokurorëve: Olsian Çela, nga Prokuroria për Krime të Rënda në Prokurorinë e Beratit, ndërsa Sonila Muhametaj nga Prokuroria për Krime të Rënda në Prokurorinë e Pukës, sakaq Besim Hajdarmataj nga Prokuroria për Krime të Rënda në Prokurorinë e Pogradecit.

Këto lëvizje të Arta Markut kanë ardhur fill pas urdhrit për hetim disiplinorë të prokurorëve qe refuzuan shortin për çështjen e Shullazi, ndërsa kujtojmë se Besim Hajdarmataj ka qenë drejtuesi i Prokurorisë se Krimeve të Rënda dhe kërkoi arrestimin e Saimir Tahirit.

Pas emërimit të Arta Markut, ai është ai caktuar si prokuror i thjeshtë po në Prokurorinë e Krimeve të Rënda, e tashme është spostuar si Prokuror në Pogradec.

Edhe tre ditë moti do të jetë i njëjtë, me temperatura të larta dhe me diell. Kështu bën të ditur Meteoalb.

Ja parashikimi i motit:

MOTI NDRYSHON JAVEN TJETER:

Nesër dhe gjatë fundjavës, moti mbetet me kthjellime dhe vranësira kalimtare në pjesën më të madhe të vendit; më të dukshme vranësirat gjatë orëve të pasdites dhe kryesisht në zonat malore.

Ndërsa mundësia për shira, shfaqet të hënën në zona të izoluara në Veri – Verilindje.

TEMPERATURAT do të vijojnë me vlera lehtësisht mbi normalet gjatë orëve të natës dhe mëngjesve (përfshirë edhe fundjavën) ndërsa temperaturat e mesditës kanë shënuar mesatarisht 6°C, mbi maksimumet tipike të muajit shtator. Konkretisht, deri të dielën, temperaturat sipas zonave do të luhaten: 12 – 30°C në zonat malore; 18 – 34°C në zonat e ulëta dhe bregdetare.

Java QE VJEN SJELL rënie të theksuara të temperaturave në të dy ekstremumet termike të ditës; ku vlerat minimale në rang territori ulen deri në 6°C ndërsa maksimumet nga 34°C gjatë këtyre ditëve, do ulen në 25 – 26°C.

Qeveria gjermane dhe ajo shqiptare do t’i hapin rrugën emigrimit legal të të rinjve me arsim profesional. Kjo shihet si zgjidhje për frenimin e emigracionit të paligjshëm.

Gjermania dhe Shqipëria kanë hedhur një hap të rëndësishëm drejt emigracionit legal, ku shumë të rinj dhe të reja, që kanë një arsimin profesional, tashmë mund ta gjejnë veten në tregun e ofertë-kërkesës në shtetin gjerman.

Ky hap konsiderohet i rëndësishëm për vetë faktin se kjo strategji frenon punën në të zezë nga njëra anë, ndërsa në krahun tjetër ndihmon shumë shqiptarë, që zotërojnë një diplomë të arsimit profesional, shkruan osservatorioitaliano.org.

Projektligji për ratifikimin e marrëveshjes ndërmjet Shqipërisë dhe Agjencisë Gjermane për Bashkëpunim Ndërkombëtar (GIZ), mbi projektin “Këshilla për Migracionin në Shqipëri”, synon të forcojë kontributin e emigrantëve për vendin e origjinës, por dhe një metodë frenimi për emigrantët e paligjshëm.