Ne daten 22 shtator dita e shtune duke u gdhire dt 23 shtator 2018 dite e diel ne fshatine Shen Vasil Sarande ne vendin e quajtur Zhubden jane vjedhur 30 koshere bleteshe.
Mësohet se bletët kanë në pronësi të një 60-vjecari banues në këtë fshat. Nga ana e policisë njoftohet se ka filluar hetimet për cështjen dhe se punohet për identifikimin dhe kapjen e autorit.
Deputeti i Partisë Demokratike, Agron Shehaj ka folur rreth platformës së prezantuar një ditë më parë nga opozita sa i takon çlirimit të ekonomisë në vend.
I ftuar një emisionin ‘Top Talk’, Shehaj theksoi se platforma e propozuar nga Basha i prek të gjitha qeveritë duke theksuar se është e rëndësishme që të mos kërkohet justifikimi i vjedhjeve të tanishme, me argumentin se çfarë problemi ka krimi në Shqipëri, apo lidhja e krimit me politikën ka ndodhur gjithmonë.
“Lulzim Basha ka propozuar një platformë për çlirimin e ekonomisë e cila prek të gjitha qeveritë madje në listë është përfshirë edhe një koncension dhënë gjatë qeverisjes së PD. Fakti që ka pasur apo jo përpara nuk do të thotë asgjë sepse do verifikohen të gjitha. Është e rëndësishme që të mos kërkohet justifikimi i vjedhjeve të tanishme, me të gjitha edhe me trafikun e drogës, me argumentin që dëgjoj që është qesharak kur thuhet se çfarë problemi ka krimi në Shqipëri, apo lidhja e krimit me politikën kur këto kanë ndodhur gjithmonë.
Ky nuk është argument. Nëse një kompani krijohet 2 ditë para dhe më pas merr koncension, këtu kemi të bëjmë me një fakt. Nëse Vilma Nushi merr një koncension prej 70 milionë eurosh në një fushë ku nuk ka asnjë eksperiencë, kur duhet se ka qenë mbështetëse e PS, nuk ke nevojë ta provosh. Një koncesion pa asnjë vlerë që e është marrë pa asnjë lloj gare”, tha Shehaj.
Deputeti demokrat, nënvizoi se duhet bërë një vlerësim se si ishte Shqipëria kur erdhi Rama në pushtet dhe si është sot, që sipas tij, të gjithë treguesit janë përkeqësuar.
“Duhet të gjykojmë se si ishte vendi kur Rama erdhi në pushtet dhe të shohim se si është Shqipëria sot. Të gjithë treguesit janë përkeqësuar. Marrim rastin e dëshirës së shqiptarëve për të ikur nga vendit si treguesin kryesor të qeverisjes. Në 2013 kishte 140 mijë shqiptarë që aplikonin lotarinë amerikane ndërsa vitin e kaluar ishin 400 mijë. Ky është një fakt”, theksoi Shehaj.
Sa i takon pasurisë së politikanëve dhe hetimit të tyre, Shehaj solli një shembull që sipas tij, një ministër nëse ka një rrogë prej 2 milionë lekësh dhe del me një makinë që kushton 200 mijë euro, atëherë nuk ka nevojë për prova, pasi për të ai është i korruptuar.
“Nëse një ministër që ka rrogën 2 milion lekë, s’ka të ardhura të tjera e del me një makinë 200 mijë euro unë nuk kam nevojë ta provoj, më mjafton dyshimi. Ai është i korruptuar. Unë kështu mendoj”, deklaroi deputeti Agron Shehaj.
Kush është ministri i Ramës që lëviz me makinë 200 mijë euro?! Read More »
Procesi i vettingut ka futur në kaos Prokurorinë e Krimeve të Rënda, për shkak se prokurorët janë shpërqëndruar nga dosjet e rëndësishme. Ish kryeprokurori Shkëlqim Hajdari me një përvojë të gjatë prej 20 vitesh në sistemin e drejtësisë, aktualisht Kryeinspektor i Përgjithshëm, tregon faktorët sipas tij që kanë sjellë kaosin e pazakontë në Prokurorinë e Krimeve të Rënda. I ftuar në “45 minuta” në Report Tv, Hajdari u shpreh se një nga faktorët është procesi i Vettingut. Sipas tij, zvarritja e këtij procesi si dhe vonesat e shkaktuara në hallkat e ankimimit pas vendimeve të KPK dhe ankimimit në KPA, kanë sjellë shpërqendrimin e vëmendjes së prokurorëve nga dosjet e rëndësishme duke krijuar një situatë kaotike në Prokurori. Ish-prokurori Shkëlqim Hajdari propozon ndërhyrje në ligjin e Vettingut për të afruar afatet e shqyrtimit të dosjeve të prokurorëve që kalojnë në ‘sitë’.
KPK dhe KPA duhet të punojnë më shpejt, duhet të mbështeten financiarisht në mënyrë që ritmi i punës të jetë më i larë, sepse përndryshe i bie që të përfundojë pas 7 vitesh. Për vite të tëra prokurorët do jenë në ankthin e Vettingut. Ritmet e komisionit duhet të jenë shumë herë më të shpejta. Vendimet e menjëhershme të KPK, kam përshtypjen që kanë krijuar një situatë që është e rëndë. Do ishte e rëndë që për të mos e tronditur më shumë organin që shikohej mundësia që vendimet e KPK të mos kenë efekte të menjëhershme, pa marrë më parë vendim të formës së prerë. Z.Rreshka u shkarkua nga KKP dhe u emërua një zonjë.
Dalja menjëherë nga sistemi dëmton besimin. Rikthimi në punë ndodh shumë vonë dhe është i pariparueshëm dëmi që është marrë. Ka shkatërruar punën. Mundet të rishikohet që të mos ketë efekte të menjëhershme sepse edhe komisionin e Apelimit e vendos në një pozicion të vështirë. Dhe pas shqyrtimit nga KPK, mbledhja e KPA të bëhet më shpejt. Duhet të ndërhyjmë në ligj. Nëse e lëmë KPK me këtë temp pune, institucioni i prokurorisë do shkatërrohet totalisht, askush s’e ka mendjen te puna. Ata që mbesin nga Vettingu të rindërtojnë prokurorinë e re. Duhet të kuptojmë se kur sulmojmë Prokurorinë, vetëm qytetarët kanë të drejtë të kërkojnë nga prokurorja ritme të tjera pune. Të ndalojmë sulmin ndaj Prokurorisë. Nuk duhet të marrim nëpër gojë prokurorë që ky i shërben një krahu dhe ky një krahu tjetër.
Situata te Krimet, thotë Hajdari, nuk ka ardhur si rrjedhojë e frikës së prokurorëve ndaj krimit. Thirrja e tij drejtuar Arta Markut është që t’i motivojë prokurorët e Krimeve të Rënda si dhe t’i mbrojë ata nga sulmet e politikës dhe kërcënimet që vijnë nga kriminaliteti. Nëse do isha në vend të Arta Markut, do mblidhja të gjithë prokurorët e vendit dhe do t’i motivoja, për t’i mbrojtur prokurorët nga çdolloj sulmi politik apo nga grupet kriminale. Të rikthejë solidaritetin që është shumë i rëndësishëm. Prokurorët duhet të kuptojë që ka ngjarje pa risk, por ka edhe ngjarje të vështira me zyrtarë që duhen çuar përpara drejtësisë apo edhe përballja me grupet kriminale. Siç tha edhe ambasada e SHBA, polici-prokurori duhet të punojnë sëbashku. Prokurorët e Krimeve të Rënda nuk kanë frikë nga krimi. Kaq është kjo histori.
Edhe mungesa e KLP-së, sipas tij, ka futur në ngërç punën e Prokurorisë, duke bërë që puna e Arta Markut, me mandat të përkohshëm të jetë ekstraligjore. Një proverbë popullore thotë, në atë shtëpi që nuk të dëgjojnë, minimumi është të mos flasësh dhe maksimumi, të ikësjh. Këtë s’e kam zbatuar as në shtëpi as aty ku kam punuar. Ne që ishim, edhe unë, si mbështetës i reformës dhe prishja e sistemit të kalbur të prokurorisë. E dija që do kishte një prishje të këtij centralizimi. Dhe rreziku ishte se nga centralizimi ndër vite, prokurorë që punojnë prej 25 vitesh, mund të na ndodhte që të shpërbënim trupën e prokurorëve. Duke e demokratizuar mund të kishte një mungesë kontrolli, liri të madhe. Znj.Marku po punon në një situatë ekstraligjore, jo për fajin e saj, por që nuk u ndërtua KLP, mundet të marrësh vendime për të ruajtur institucione, vendime që mund të kenë edhe kontestime.
Arta Marku po përpiqet ta mbajë me vështirësi në punë Prokurorinë. Kësaj situate i është shtuar edhe barra e Vettingut, barrë psikologjike mbi prokurorët pasi mund t’i nxjerrë fare jashtë sistemit. Ka edhe përplasje politike në adresë të prokurorisë për ecurinë e punëve, çështjeve që heton Prokuroria. Të gjithë këto faktorë e kanë futuar Prokurorinë në një krizë të fortë besimi. Prokurorët tani, edhe ata të Krimeve të Rënda, janë në një situatë që ka humbur ai besimi reciprok. Hajdari e cilëson urgjente ngritjen e Këshillit të Lartë të Prokurorisë, për të rikthyer në shinat e funksioniomit ligjor Prokurorinë e Përgjithshme, duke zgjedhur një Kryeprokuror me mandat të plotë ligjor.
Në momentin që ngrejmë KPK, atëherë është i gatshëm të fillojë menjëherë ndërtimine SPAK, BKH, kandidaturat për prokuroritë e rretheve dhe hapjen e garës për kryeprokuror të përgjithshëm. Po të ketë vullnet dhe të ecë shpejt Vettingu, krijohen të gjitha kushtet që Kryeprokuorja të thërrasë Konferencën e Prokurorëve dhe të konstituohet KLP.
Ish-prokurori Shkëlqim Hajdari i referohet edhe bllokimit në Kuvend të ligjit për statusin e gjyqtarëve dhe prokurorëve. Moshapja e Shkollës së Magjistraturës, thotë Hajdari, rrezikon ta kthejë Shqipërinë si në situatën e vitit 1992 kur gjyqtarët dhe prokurorët vinin nga kurset. Ne do na ngelet sistemi bosh për dy vite. Shpresoj të mos rikthehemi si në vitin 1992 me kurse të përshpejtuara për gjyqtarë dhe prokurorë. kjo nuk duhet të ndodhë kurrë sepse jemi në një proces integrimi.
Ashtu siç kishin parashikuar meterologët, dita e sotme ishte më e ftohtë në krahasim me ditët e tjera, por më e keqja nuk ka ardhur ende.
Metereologia Tanja Porja ka thënë se vendi është përfshirë nga një masë ajri më e freskët, e cila do të vijojë të paktën deri në ditën e premte.
Sipas Porjas, mëngjesi i nesërm mund të shkojë deri në 2 gradë celsius në zonat lindore, ndërsa gjatë ditës nuk do të ndihet shumë diferenca e temperaturave.
Ajo u shpreh për Fax Ëeb se nga e enjtja deri në të shtunën Greqia dhe Turqia do të përfshihen nga një stuhi ere dhe shiu, po që nuk do të prekë Shqipërinë.
Më pas ajo tha se nga e shtuna moti mund të sjellë dhe reshje. Sipas Tanjas, edhe muaji tetor do të këtë temperatura më të larta sesa tipiket e vjeshtës.
Merrni masat, meterologia: Ja sa do të shkojnë temperaturat nesër Read More »
Të gjithë ata që kishin planifikuar të niseshin me traget nga Vlorë do të duhet të anulojnë lundrimet e tyre, për shkak të erës së fortë.
Lundrimi detar në Vlorë është pezulluar, ndërsa trageti i parashikuar për tu nisur sot nuk ka lëvizur nga porti, për shkak të dallgëve të forta, ndërsa moti parashikohet të jetë i tillë edhe gjatë ditës së nesërme. Dallgët kanë një forcë prej 7 ballësh në det të hapur dhe 5 ballë në gji. Anijet e peshkimit janë rikthyer në breg, ndërsa janë pezulluar të gjitha lundrimet.
Do udhëtonit nga Vlora me traget, prisni deti është tërbuar Read More »
Ngado qytetarët janë të detyruar të japin rryshfet për të mbijetuar, jo vetëm me bizneset, shëndetin, por edhe për shërbime të tjera. Një tjetër skandal vjen këtë herë me inspektorët tatimorë në Tiranë, të cilët kërkojnë nga menaxheri i një lokali 50 mijë lekë të reja ryshfet, pasi e kanë kapur pa kuponë tatimorë gjatë një kontrolli në administruar prej tij. Skandali u denoncua në Fiks Fare nga qytetari, i cili ka rënë pre e kërkesave abuzive të inspektorëve të tatimeve dhe në këto kushte ka regjistruar me zë bisedën me ta.
Sipas bisedës së transmetuar në Fiks Fare rezulton se rasti korruptiv ka ndodhur në zonën e ish-stacionit të trenit në Tiranë gjatë kontrollit në një lokal. Sipas bisedës, rezulton se dy inspektorë kanë hyrë në lokalin e një qytetari dhe pasi kanë konstatuar disa tavolina me klientë pa kuponë tatimorë i kanë kërkuar menaxherit 500 mijë lekë të vjetra ryshfet. Pas kësaj bisede, menaxheri kthehet te inspektorë dhe sipas bisedës së regjistruar u thotë se kishte folur me gruan e pronarit, e cila do të shkonte në shtëpi të merrte 500 mijë lekë dhe për gjysmë ore do ua sillte. Inspektorët i kërkojnë që ai të mos i tregojë njeriu për këtë çështje.
“Tashi ju keni hallin tuaj, ne kemi hallin tonë ore”, i thotë një nga inspektorët menaxherit të lokalit. Ndërkohë, gjatë bisedës me menaxherin, inspektorët e tatimeve luajnë rolin e policit të mirë dhe policit të keq, ku njëri thotë e mbyllim këtë muhabet, ndërsa tjetri ushtron presion, duke i treguar sesa tavolina kishte kapur pa kupon tatimor. Pasi debatojnë për disa minuta, inspektorët e tatimeve dhe menaxheri bien dakord që do të takohen për rreth 30 minuta, ku do të kryhet pagesa për të mos vendosur gjobë. Pas dakordësisë mes palëve, inspektorët e tatimeve nuk e raportojnë shkeljen e konstatuar, por vendosin që të marrin paratë nën dorë, duke abuzuar me detyrën. Ky nuk është rasti i parë abuziv që denoncohet në Fiks Fare, ku funksionarët e ndryshëm të shtetit kërkojnë para, duke ushtruar presion ndaj qytetarëve në nevojë ose për të kryer një shërbim të caktuar, ndërkohë që edhe në ditët në vijim, Fiks Fare do të denoncojë edhe raste më të rënda korrupsioni dhe abuzimi me detyrën.
Biseda e inspektorëve tatimorë me menaxherin e lokalit/ Menaxheri- O vlla dëgjo tani unë fola me atë pronarin dhe më tha vimë brenda… vonohet 15 min. I thashë kanë ardhur këto të tatimeve dhe i thashë kshu kshu, kërkojnë 500 mijë lek (të vjetra) që mos vejnë as gjobë asgjë. Çuni të rrijë rehat në Itali të mbarojë punët ça ka me bo, ose për ndryshe të bllokohet aktiviteti i thashë. Për gjysëm ore tha hajde te shpia po marr burrin të vijë të m’i sjelli. Inspektori i tatimeve- Për gjysëm ore? Menaxheri- Po, për gjysëm ore. Inspektori i tatimeve- O shefi hajde një sekondë. A ma llaf burri? Menaxheri- Po llaf burri mo vlla ça muhabeti bën. Inspektori i tatimeve- Doli gjysëm fjale pastaj… Menaxheri- Ore për gjysëm ore… po s’bëhet llaf mo vlla ça muhabeti bën. Inspektori i tatimeve- Për gjysëm ore? Sa është ora? Menaxheri- Për gjysëm ore… Inspektori i tatimeve- Deri në orën tre?
Menaxheri- Për gjysëm ore tha ajo hajde të marrësh 500 mijë lekshin edhe hajde të mbyllet ky muhabet. Inspektori i tatimeve- Më fal, më fal! Menaxheri- S’ka gjë mo se ne jena punëtorë mos e rruj k… fare. Inspektori i tatimeve-Tashi ju keni hallin, ne kemi hallin tonë ore. Menaxheri- Të kupton vllai jot, mos e vrit mendjen fare për atë punë. Po shyqyr që ramë dakord për këtë t’i mbarojmë e të ri të mendoj rehat për kokë time. Inspektori i tatimeve-O vlla ajo…. Menaxheri-Mori burrin në telefon, edhe i tha kshu kshu kshu, unë i kërkova 500 mijë lekë. Për gjysëm ore tha ajo do të marr unë në telefon të vish t’i marrësh lekët. Ndaç rri këtu ndaç bëj ndonjë xhiro edhe hajde prapë më vonë ça të duash ti bëj. Inspektori i tatimeve- Edhe mos i lini këto tavolinat pa kupon fare. Menaxheri- Po nuk bëhet llaf mor burrë. Inspektori i tatimeve- Mos bëni ashtu gabimesh.
Menaxheri-Thashë pra kisha ik unë ke Partizani me hëngër bukë a më kupton, pastaj e dyta nuk ka pas tavolinë pa kupona, i ka pre të gjitha po i ka marrë era kuponat. Kuponi ke goca. Inspektori i tatimeve- Rri se i pashë kuponat të gjitha shumë mirë që në orën 10. Menaxheri- Për zotin kena klientë, hajde nesër kemi klienta që rrinë 5 orë me një kafe se kafe lagje është kjo. Inspektori i tatimeve- E di se rri edhe tre orë me një kafe po problemi është që është ora 2. Inspektori i tatimeve 2- Ora 14. 20. Menaxheri- Të betohem për kokë të fëmijës ka pas që në 10
Inspektori i tatimeve 2- Ore ishte bidoni me ujë plot dhe nuk e kishin mor zotëri, nuk them për ato që kanë ardhur që në orën 10 unë, them për ato që e kishin bidonin me ujë plot kishin edhe kafe. Ore nuk po flas për ata , se ashtu e pi edhe kafen vetë, po flas për ata që e kishin kafe e freskët mo zotëri. Menaxheri-Po ku e pe ti që ishte kafe e freskët mo burr? Inspektori i tatimeve- Kafja, uji sa kishin ardh. Menaxheri- Sa ja kishte çuar çuni (kamerieri) të betohem mor burrë për Zotin mo vlla, ja kishte çuar kuponin se unë isha vetë kur e preu mor burr. Inspektori i tatimeve- Kam numrin e kuponit këtu mor burr kam edhe të orës 10 edhe 11. Menaxheri- Atëherë ka ardhur klienti o zotri, atëhere ka ardhur klienti o vlla. Inspektori i tatimeve- Pashë tjetrën s’kishte, tjetrën s’kishte, tjetrën këtu s’kishte.
Menaxheri- Ore të gjitha kanë qënë me kupon o vlla, unë e di shumë mirë. Inspektori i tatimeve- Ai u ngrit i kontrolloi të gjitha i thashë më sill një kupon. Menaxheri-T’i solli pra të gjitha, t’i solli kuponat. Inspektori i tatimeve- Ore solli një tek kafe, një tek kafe ja ku e ke. Dy tek kafe se s’kishte asnjë tavolinë ja dy tek kafe. Ja ku i ke mo dy tek kafe, ja ku i ke! Menaxheri-Ore i ka sjellë në rregull çuni ato. Ato që kishte, në rregull iku mo iku ky muhabet. Inspektori i tatimeve- O shok , ishte tavolina ka kafe ujë mo vlla s’ke asnjë tek kafe, një tek kafe që është prerë në dy, një. Të shkruara ë. Menaxheri-O shefi iku ky muhabet. Inspektori i tatimeve- Një sekondë një sekondë. Kjo është e orës 10 kjo s’ka ç’më duhet, kjo vetëm një tek kafe kuponi 50.
Menaxheri-Aq punë ka pasur. Inspektori i tatimeve- O vlla a e kupton në gjithë këtë lokal ishte vetëm një tek kafe kupon i prerë. Menaxheri-Po nuk ka shanse mo vlla! Ja ku e ke edhe kuponin ke tavolina ke ky burri mo vlla, e ke në tavolinë kuponin e atij burrit. Nuk e preu mbrapa për kokë të motrës jo , mos shkoj ta pyes klientin unë tani në tavolinë, ta pyes kur ka ardhur kuponi. Nejse ky muhabet iku o vlla po diskutojmë. Inspektori i tatimeve-Nuk ke pse e pyet tjetrin se ne ishim, o goca çuna, ça ishin mbrapa gocave, tavolina tjetër atje, kjo tjetra këtu, ishin 5-6 tavolina. Inspektori i tatimeve 2- Preji se për vete i ke, se ty mund të të shkojë 150 mijë lek xhiro në ditë këtu, unë nuk po them ti pri 10 po…. Menaxheri-Po për vete, po para se me ik unë i thashë priji kuponat të gjitha këtu dhe ika ke Vila Goldi vajta hëngra një pilaf me rob shpie
Inspektori i tatimeve 2- Unë s’po them t’i presësh kokë më kokë po të paktën pri 10 hiq 2. Menaxheri-Jo mo kokë më kokë s’na kushton gjë, aq punë ka këtu mo vlla për Zotin, aq punë ka. Duam s’duam ne aq punë ka o vlla, nuk na kushton fare asgjë mos me i pre a më kupton. Inspektori i tatimeve- Nejse gjithsesi folim prapë. Ai kuponi atje duket që këtu, më fal atë kuponin atje e kam pa 5 herë. Menaxheri-Po ngaqë me the e ka pre në orën 10, klienti ka ardhur që në 10 edhe ato atje plako. Inspektori i tatimeve-Unë atje s’ja kam pa kuponin. Menaxheri-Ore shkova për veten time i thashë, ngaqë më the ti e ke pre tani. Inspektori i tatimeve-Jo jo po them për tavolinën atje, ka thënë këtu. Menaxheri-Unë kur folëm me the ti e ka pre tani kuponin dhe prandaj i shkova, kur të ka ardhur kuponi ty o zotri, i shkova për veten time o vlla
Inspektori i tatimeve-Ik e merri dhe njëherë ato dy kuponat atje? Menaxheri-Po o vlla shkoj i marr unë. Inspektori i tatimeve- Ik e merri, kam thënë për birrën këtu që ishte një çun tjetër. Menaxheri-Birrën e kam unë është tavolina ime ajo. Inspektori i tatimeve-Po ti nuk ishe aty. Hajde këtu Hajde. Inspektori i tatimeve2- Mos ja shkruaj. Inspektori i tatimeve-Ja shkrujta shumë mirë, ja shkrujta mo ja shkrujta. Menaxheri-O vlla është tavolina ime ajo. Inspektori i tatimeve-Më fal po ti nuk ishe këtu mo vlla. Menaxheri-Po s’isha ta thashë ku isha shkova hëngra një pilaf mu ke d…. Inspektori i tatimeve-Po mirë s’thashë gjë unë për birrën të thashë. Menaxheri-Edhe lashë çunin këtu i thashë të iki të ha një pilaf se kisha gjithë ditën pa bukë, rri 5 min se s’ka punë , rri 5 minuta edhe të iki të hajë vllai i thashë, ndërkohë e kisha hap birrën kur erdha më thërriti ajo hajde …. Inspektori i tatimeve 2-Ça ke kshu u mbyll çdo gjë ça ke
Menaxheri-U mbyll mo çdo gjë. Inspektori i tatimeve2-Ça ke pse e hapni kot muhabetin? Inspektori i tatimeve-Dëgjo kishe 5 tavolina përpara 1, 2, gocën, dy çunat mbrapa jo, këto çunat se këtë s’e pamë, këto të fundit fare ky që ishte me fasho, mbrapa gocave ishte çuni tjetër. Kishin ujë sa e kishin marrë. A ishe ti prezent kur të thashë më sill kuponin e asaj tavoline? Menaxheri-Po mo vlla po sa kisha ardh unë mo vlla. Inspektori i tatimeve-1 shkoj ke tjetra 2, shkoj edhe ke tjetra te çifti këtu poshtë 3. Menaxheri-T’i solli pra çuni kuponat. Inspektori i tatimeve-Nuk më solli asnjë nga këto, 3 kupona më solli vetëm një kafe zotëria, një kafe më solli ja ishte numri 50. Menaxheri-Ne mundohemi t’i japim zgjidhje këtij muhabeti ju të ikni në punë tuj, ne të rrimë në hallin tonë. Inspektori i tatimeve2 – Tani a u kry ajo punë?
Inspektori i tatimeve-Kuponin 55 e kam marrë unë, se kam marrë një kupon mo sa hyra këtu thashë të lutem më pre një kupon tatimor.Kuponin 55 e kam marrë unë, 52 ky që unë e kam marrë në orën 2, 2 e 10 min e kam marrë unë, 50 është në orën 1, që më solli çuni kafe një kafe tek, se aty ishin dy kafe një ujë edhe se ça ishte një gjë tjetër. Më solli tek kafe, nuk të gënjej ja fatura. Menaxheri-Edhe unë nuk po të gënjej ,mo, unë të them që i presim të gjitha mo se nuk na kushton gjë mo. Inspektori i tatimeve-Kurse për këtë është kuponi, e di ça s’dukesh aty përshembull, sa kafe ka marrë po që kishte kupon në tavolinë. Dukej ajo? Menaxheri-E di pse shkova unë, ngaqë the ti sa erdhëm ne filloi çuni shpërndante kuponat, dhe prandaj i shkova klientit unë, kur të ka ardh kuponi ty o vlla?
Inspektori i tatimeve-Unë të thashë për birrën këtu të thashë edhe aty s’ke kupon, s’ke pas mo e ke çu tani. Menaxheri-Jo jo është vendi im ai, ishte birra ime. Inspektori i tatimeve-Edhe birra jote që ta kesh të qartë shërbehet me faturë tatimore, pse? Sepse ça ke marrë ke marrë me faturë çfarë del del nga fatura, supozohet, zotëria ka marrë 24 birra dhe do shkarkohen 24 birra. Fol që s’e ke marrë në market. Menaxheri-Jo s’e kam marrë market në frigorifer e mora. Inspektori i tatimeve-Ka marrë zotëria me faturë 24 birra ose nuk e di sa ka marrë. Menaxheri-Të kuptoj të kuptoj. Inspektori i tatimeve-Dhe është i detyruar të presi kuponin edhe për vete. Do t’i shkarkojë mo vlla. Inspektori i tatimeve 2 – O …. A e ke larg shpinë që të lëvizim të paktën. Menaxheri-Mu këtu te d…. e ka shpinë a t’i iki edhe njëherë ke shpia tani?
Inspektori i tatimeve 2 –Mirë ik edhe njëherë. Që mos vijë ai plaku këtu. Menaxheri-Ç’punë ka plaku këtu mo vlla. Inspektori i tatimeve- Prandaj çfarë merret me faturë shkarkohet në faturë. Edhe ti n.q.se je punonjës këtu birra nuk jepet falas vlla. Menaxheri-Normal që s’jepet falas se ai me lekë e ble se ble pa lekë. Inspektori i tatimeve-Edhe ti pret kuponin, po nuk po them gjë për atë, unë mendova se është dikush tjetër. Menaxheri-Jo mo tavolina ime është. Inspektori i tatimeve 2 –A do lëvizësh edhe njëherë? Menaxheri-Po po lëviz unë
Emisioni “Stop” është ndalur në familjen Shima, ku varfëria është ekstreme. Kryefamiljari u shpreh: “Me netë kanë ndenjur pa bukë. Nuk ka prind në botë që ta marrë fëmijën dhe ta fusë me kokë në kazanin e plehrave. Nuk kam mbështetje tjetër se po të kem edhe unë e lej fëmijën. Me të vërtetë nuk di të shkruaj, të lexoj, por një punë për mua nuk e ka shteti”?
Ndërsa fëmijët thanë se i keqtrajtojnë në shkollë dhe se askush nuk do të rrijë me ta.
“Pa ngrënë dhe pa pirë dhe shokët më shajnë ‘zhuls’! Mua më vjen shumë keq, edhe babi është shumë keq…”, rrëfeu mes lotësh njëri prej djemve.
“Do bëjë Zoti mirë…”, iu përgjigj i ati i përlotur.
Fëmijët treguan se verën e kaluan duke mbledhur kanaçe, pasi detin nuk e kanë parë me sy.
‘Mua më përplasnin në tavolinën e shkollës. U thosha mos më përplasni se jam gjynah. Edhe mësuesja më kapte nga veshi. Në bankë jam vetëm se nuk më ul mësuesja me shokët. Unë kam qejf të luaj me shokët, por ata nuk pranojnë…”, rrëfeu i vogli i familjes Shima.
Ai ka vendosur të mos shkojnë më në shkollë për të mos u përballur më me bullizmin e vazhdueshëm.
Ëndrra më e madhe për Gëzimin, Arbenin dhe Ergysin është të ngopen me bukë, të kenë një shtëpi normale dhe të pajisen me libra dhe mjetet e nevojshme shkollore./tvklan
“Mos më përplasni se jam gjynah”. Klithma e fëmijëve që i refuzon mësuesja dhe shokët Read More »
Moti i keq me erë të fortë është bërë shkak për anulimin e lundrimit detar në Vlorë. Kapiteneria e portit ka ndaluar nisjen e tragetit drejt Brindisit. Shkaku i ketij ndalimi duken se kane qene dallgët te cilat ishin të forta prej 7 ballësh.
Anijet e peshkimit janë rikthyer në breg, ndërsa janë pezulluar të gjitha lundrimet. Nga sinoptikanet eshte paralajmeruar se parashikohet që moti të jetë i keq edhe gjatë nisës së nesërme.
Çmendet moti në Vlorë e Orikum. Pezullohet urgjent lundrimi ! Read More »
