Pastërtia e figurës së politikanve po ashtu do të kalojë nga e njëjta rrugë si edhe e drejtuesve të drejtësisë dhe rendit dhe për këtë është reforma në drejtësi. Në këtë formë arguementimi Ambasadorja e Gjermanisë në Tiranë, Susanne Schütz, gjatë një interviste për Agjencinë Telegrafike Shqiptare duket se ka hedhur poshtë kauzën më të fundit të opozitës. Sipas saj, vetingu në drejtësi nuk duhet të ngatërrohet me vetingun në politikë, teksa shtoi se se raporti i pasurisë së politikanëve në Shqipëri bëhet nga ILDKP, si organi kompetent për këtë lloj vlerësimi.
“Për politikanët ashtu si dhe për çdo person tjetër, veprat penale si korrupsioni dhe të tjera shkelje ligjore duhet të ndiqen penalisht. Në një shtet ligjor ekzistojnë rregulla dhe ligje të qarta për të cilat çdo shtetas duhet t’i përmbahet, qoftë ky dhe politikan”, tha Schütz . “Është mjaft e rëndësishme që për këtë qëllim të ndërtohen organet e duhura të sistemit të Drejtësisë për t’u ndjekur edhe politikanët nga drejtësia, por thelbësore është të mos ngatërrohet vetingu në drejtësi me atë në politikë. Krahas kësaj mbi bazën e informacioneve të mia ekzistojnë në Shqipëri, mekanizmat e duhura për të verifikuar raportet pasurore të personave të rëndësishëm, si politikanët, si ILDKP, që është organi përgjegjës për këtë dhe rëndësi ka që këto informacione të mbledhura të bëhen transparente në rrugë elektronike që të jepet mundësia të bëhet krahasimi i raporteve pasurore dhe vlerësimi i këtyre raporteve sipas ligjit”, tha Ambasadorja e Gjermanisë në Tiranë, Susanne Schütz.
Sa i takon reformës në Drejtësi, Ambasadorja the se “procesi i vetingut është një shans real dhe mjaft i rëndësishëm, që krijon një bazë të rëndësishme për të larguar politikën dhe korrupsionin nga sistemi i drejtësisë”. “Mesa di unë ky proces ka pasur vonesat e veta për shkak të hapave të ndryshëm për të cilat s’do doja të hyja në hollësi të veçanta, por KPK dhe KLGJ do ngrihen së shpejti që t’i hapin rrugën ngritjes së Byrosë Kombëtare të Hetimit dhe SPAKUT që janë kyçe në realizimin e plotë të Reformës në Drejtësi”, tha Ambasadorja e Gjermanisë në Tiranë, Susanne Schütz për Agjencinë Telegrafike Shqiptare.
Historia e rende e Xhisiela Malokut nga djali i deputeti socialist ka tërhequr vëmendje totale prej dy ditës, teksa të gjithë duan të dinë të vërtetën. Vajza pretendon se është përdhunuar, rrahur dhe djegur me cigare nga djali i deputeti të PS, Rrahman Rraja.
Por kush është djali i deputetit Rraja i përfshirë në këtë histori? Shqiptarja.com ka mundur të sigurojë fotot e tij nga profili i Facebook, një adresë që me sa duket nuk e ka përdorur më kohët e fundit. Ai përdor emrin Xhen (Rexhep) Rraja dhe fotot e profilit i përkasin vitit 2010-të.
Ndonëse të shkrepura pak vite më parë, pasionet e tij janë të përafërta me ato të djemve që kanë baballarë të pasur. Ai poston foto makinash të shpejta dhe luksoze, tufa me euro, por jo vetëm kaq.
Pasionet e tij prekin edhe armët e plumbat. Me sa duket të gjithë miqtë e njohin me emrin Xheni, siç e shkruan vetë Rrahmani me plumba karshi një kallashnikovi.
E si të mos mjaftonte në moshë fare të re, i riu shfqet edhe me kallashnikov teksa bëhet gati ta përdorë. Ai shfaqet në ambientet e një ballkoni që nuk dihet nëse është shtëpia e tij.
Përveç armëve, tufave me euro e makinave, Rrahmani apo Xheni ka edhe foto të disa rrënjëve me kanabis. Nuk dimë nga i ka shprepur, por bima narkotike duket të jetë një tjetër nga pasionet e tij qysh në moshë të re.
Gazetari Basir Çollaku ka bërë publike sot kërcënimet që ka marrë gjatë ditës së djeshme, ai dhe televizioni Shijak që transmetoi videon e nënkomisarit Emiljano Nuhu.
Me një status në Facebook, Çollaku tregon se menjëherë pas pjesës së parë të intervistës një telefonatë në Shijak Tv ka lëshuar kërcënime, fyerje e sharje.
Reagimi i gazetarit Basir Çollaku:
Kanosja ne tv Shijak
‘Do tju vrasim do tju fshijme. ‘Kanosje ne redaksine e Shijak tv.
Sapo Televizioni Shijak transmetoi pjesen e pare te intervistes se nenkomisar Emiljano Nuhut, qe denonconte kansojen ne zyre ndaj tij te djalit te deputetit Rrahman Raja, ne prani te deputetit Taulant Balla dhe kryebashkiakut Artur Bushi, banda e trazuar nisi nga kercenimet. Nje telefonate vjen ne numrin fiks te redaksise dhe thote: Do tju vrasim, do tju fshijme
Ky eshtë mesazhi mafioz i ardhur ne redaksi.
Prokuroria nese eshte vullnetdashese ne zbatim.te ligjit mund te hulumtoje dhe gjeje telefonuesin e bandes kriminale. Ne do te vazhdojme te permbushim misionin tone te fjales se lire.
CIA amerikane, tashmë nën drejtimin Gina Haspel, do të nisë një aksion të ri, afatgjatë, të gjithanshëm dhe të pamëshirshëm në të gjithë botën, kundër kultivimit dhe trafikimit të të gjitha llojeve të drogës. Lufta e CIA-s do të përqendrohet edhe në Evropë, duke goditur bosët e trafiqeve dhe politikanët që i mbështesin. Vendimi për aksionin e ri është marrë pas një analize të hollësishme, ku ka rezultuar se droga ka vrarë më shumë amerikanë se sa të gjitha organizatat terroriste në botë së bashku. Ky studim i bën bosët e drogës në të gjithë vendet, bashkë me politikanët dhe qeveritë e lidhura më ta, armikun numër një për Shtetet e Bashkuara të Amerikës.
Duke folur për strategjinë, Gina Haspel, është shprehur: “Asnjë sfidë e huaj nuk ka patur një ndikim më të drejtpërdrejtë mbi familjet dhe komunitetet amerikane sesa rrjedha e opioideve dhe ilaçeve të tjera në vendin tonë. Kjo është arsyeja pse CIA do të investojë më shumë në përpjekjet tona kundër narkotikëve jashtë vendit për të luftuar këtë kërcënim të tmerrshëm, një që ka vrarë më shumë amerikanë se çdo terrorist ndonjëherë”.
Po pse strategjia e re e CIA-s do të përvëlojë politikanët shqiptarë dhe bosët e drogës nën hijen e tyre? Në të gjitha raportet e viteve të fundit të Departamentit Amerikan në Shtetit, Shqipëria është futur në rreth të kuq si vendi kryesor, përmes të cilit furnizohen me drogë të gjitha linjat e trafikut nëpër Evropë, por edhe linja drejt Shteteve të Bashkuara të Amerikës. Në raportin e fundit, DASH thotë: “Shqipëria mbetet një ndër vend burimet kryesore të marijuanës, por edhe rrugë tranziti për kokainën dhe heroinën, e destinuar për në vendet e Bashkimit Evropian”. Raporti e cilëson Shqipërinë si portën kryesore të shpërndarjes së heroinës në të gjithë Evropën. “Shqipëria prodhon dhe eksporton sasi të konsiderueshme të marijuanës duke qenë një vend burimi për të dhe një vend tranziti për kokainën dhe heroinën afgane”, thuhet në raport.
Në një tjetër raport të vitit 2018, Departamenti Amerikan i Shtetit, sigurisht bazuar edhe në informacionet e CIA-s, thotë se Shqipëria është vendi kryesor për pastrimin e parave të drogës dhe korrupsionit. Në raport thuhet: “Shqipëria ka një ekonomi të madhe cash dhe informale, me flukse domethënëse parash që hyjnë nga jashtë në formën e remitancave. Burimet kryesore të parasë kriminale vijnë nga trafiku i drogës, evazioni fiskal, kontrabanda dhe trafiku i qenieve njerëzore. Institucionet financiare kryejnë transaksione, të cilat përfshijnë shuma domethënëse parash që burojnë nga trafiku i drogës. Ndërtimi, veçanërisht në zonat bregdetare, projektet e biznesit dhe kumari janë metodat më popullore të pastrimit të parave në Shqipëri”.
Pra, për SHBA tashmë është e qartë se kush është vendi kryesor në Evropë për marijuanën dhe trafikun e drogërave të forta, për pastrimin e parave të pista dhe për politikanët e lidhur me drogën. CIA ka informacione të detajuara se si krerët e politikës shqiptare kanë përdorur pushtetin dhe institucionet shtetërore për të krijuar ‘Republikën e kanabisit” në Lazarat. CIA ka të dhëna të hollësishme se kush janë politikanët më të lartë shqiptarë që lejuan kanalizimin e të gjithë Shqipërisë dhe më pas pastrimin e parave të drogës. CIA dhe FBI kanë dosjet e plota për politikanët e lidhur ngushtë me bosët e drogës, për politikanë dhe pushtetarët që po u pastrojnë kapove të drogës paratë e pista, përmes tenderave dhe kontratave publike.
Shembulli më i qartë i kapjes së krerëve të shtetit nga bosët e drogës dhe trafiqeve, është edhe Eskobari i Ballkanit, Klemend Balili, i lidhur ngushtë me dy kokat e krimit dhe korrupsionit në Shqipëri, Ilir Metën dhe Monika Kryemadhin. Të gjitha ata që kanë ende dyshime, të shikojnë videot kur Ilir Meta mban një fjalim special gjatë inaugurimit të hotelit të Balilit në Sarandë, i ndërtuar me paratë e drogës, të shohin dokumentet se kush e emëroi Balilin drejtor dhe cili ministër i LSI i dha mbi 90 hektarë tokë bujqësore. Një tjetër shembull është deklarata publike e Sali Berishës që krijimi i Republikës së Drogës në Lazarat ka një vendim politik i tij. Një tjetër shembull është lidhje e Edi Ramës me kapot kryesorë të drogës dhe krimit në Shqipëri, të cilët i futi edhe në parlament dhe i vuri në krye të bashkive. Një tjetër shembull, është heshtja mafioze e Lulzim Bashës për sasinë rekord të kokainës së kapur në Durrës, ku pas operacionit kanë ndodhur disa vrasje mafioze.
SHBA, përmes ish-ambasadorit amerikan në Tiranë, Donald Lu, u ka dhënë disa mesazhe të forta krerëve të politikës shqiptare. Për mos kapjen e Balilit, Lu ka deklaruar: “Balili është një bos i fuqishëm i krimit të organizuar me lidhje politike. Për dy vjet, qeveria, policia dhe prokurorët nuk kanë pasur aftësinë ose vullnetin që ta arrestojnë”. Të mos kesh vullnet për ta arrestuar, do të thotë se mbron Balilin, je peng i tij apo ke lidhje të forta me të. Tashmë, pas disa vitesh paralajmërimesh përmes raporteve dhe deklaratave publike, si dhe shumë dokumenteve dhe letrave kofidenciale, CIA do të hidhet në veprim./Pamfleti
Një ditë më parë, gazetari Basir CCollaku publikoi intervistën me nën komisarin Emiljano Nuhu, që solli dhe reagime të një pas njëshme duke e kthyer në një çështje dite, çështjen e djalit të deputetit, Rrahman Rraja.
Ndërkohë sot, Gazetari Basir Çollaku ka bërë publike sot kërcënimet që ka marrë gjatë ditës së djeshme, ai dhe televizioni Shijak që transmetoi videon e nënkomisarit Emiljano Nuhu. Me një status në Facebook, Çollaku tregon se menjëherë pas pjesës së parë të intervistës një telefonatë në Shijak Tv ka lëshuar kërcënime, fyerje e sharje.
Reagimi i gazetarit Basir Çollaku:
Sapo Televizioni Shijak transmetoi pjesen e pare te intervistes se nenkomisar Emiljano Nuhut, qe denonconte kansojen ne zyre ndaj tij te djalit te deputetit Rrahman Raja, ne prani te deputetit Taulant Balla dhe kryebashkiakut Artur Bushi, banda e trazuar nisi nga kercenimet. Nje telefonate vjen ne numrin fiks te redaksise dhe thote: Do tju vrasim, do tju fshijme
Ky eshtë mesazhi mafioz i ardhur ne redaksi. Prokuroria nese eshte vullnetdashese ne zbatim.te ligjit mund te hulumtoje dhe gjeje telefonuesin e bandes kriminale. Ne do te vazhdojme te permbushim misionin tone te fjales se lire.
Kejdi Mehmetaj është shprehur se shitja e drogës në gjimnaze është një fenomen shqetësues.
E ftuar në emisionin ‘Ditë e Re’ në Ora Neës tha se në gjimanzet e Tiranës dhe jo vetëm, gjen më shpesh cigaren e hashashit sesa shkumës.
“Në një gjimnaz të Tiranës apo dhe në ato të rretheve ti mund të gjesh cigaren e hashashit më shpejt sesa mund të gjesh një shkumës.
Kjo tregon që ka arritur në një pikë që duhet ndërhyrje e menjëhershme ose i gjithë brezi jonë do të marrë për keq.
Duhet të jetë policia, prokuroria, ministria e arsimit, psikologët, duhet të jenë prindërit, duhet të ketë një reagim të menjëhershëm mbi këtë fenomen.”, tha Mehmetaj.
Deputetja e LSI tha se situata aktuale kriminale në Shqipëri është e paprecedentë.
Sipas saj, “flasim për një shtet të kapur, me një kryeministër që nuk është mbi palët por është pjesë e gjithë këtij sistemi të ngritur me krimin e organizuar. Kryeministri i ka të gjitha mjetet në dispozicion që të mos lërë situatën ti rrëshkasë nga dora, se i bie të flasim për një njeri të paaftë që nuk e meriton të jetë specialist në një zyrë shteti dhe jo më të jetë kryeministër.
Kjo që po ndodh tani është e paprecedentë. Flasim për një situatë ku krimi ka kapur vendin. Çfarë po ndodh në Shkodër me familjet kriminale dhe që nuk jam vetëm një problem i Shqipërisë, sepse po të ishin problem i Shqipërisë nuk do kujtohej njeri, por janë kthyer në një problem për vendet tona partenere, që vënë limite dhe thonë se duhet të ndalohet ose ka sanksione të mëdhaja.”
Policia e Shtetit ka nisur një aksion masiv në qytetin bregdetar të Vlorës. Aksioni vjen dy të pas grabitjes së ndodhur, ku në një furgon që vinte nga Italia nën kërcënimin e armëve u morën 19 mijë euro.
Policia e Shtetit ka zhvilluar një aksion gjatë natës. Burime për ‘Shqiptarja.com’ nga policia bëjnë me dije se aksioni ‘Forca e ligjit’ është përqëndruar edhe në qytetin e Vlorës. Të njëjtat burime bëjnë me dije se gjatë aksionit për arrestimin e personave në kërkim, nuk është kapur asnjë por operacioni do të vijojë në qytet.
Ky operacion ka goditur edhe qytete të tjera të vendit. Së fundmi, ‘Forca e Ligjit’ shkatërroi bandën e ‘Bajrajve’, të cilët operonin në Shkodër dhe konsideroheshin si një nga grupet më të rrezikshme kriminale në veri të Shqipërisë. Më herët, ky operacion është zhvilluar edhe në Elbasan, Fier, Tiranë dhe Durrës.
Deputeti i Fushë-Krujës për PS, Rrahman Rraja, për djalin e të cili ka akuza se ka përdhunuar ish-të dashurën, ka reaguar duke thënë se e gjithë historia është një sajesë. Rraja u përgjigjet akuzave të nënkomisarit, Emiljano Nuhu, duke thënë e këtë të fundit nuk e ka takuar asnjëherë.
“Unë nuk e njoh fare këtë person dhe as nuk kam shkuar ndonjëherë në zyrën e tij. Gjithçka që ai thotë është një sajesë, ndoshta për të përfituar azil politik”, u shpreh deputeti, ndërsa tregon edhe precedentin e djalit të tij që lidh me Stacionin e Policisë së Fushë Krujës, shkruan Panorama.
“Djali ka patur një problem me një vajzë para dy vitesh me të cilën u nda sepse u lidh me një tjetër. Kjo ndarje është sqaruar në Komisariat. Në fakt, ajo ka bërë një deklaratë, dy ditë pasi ish-kryeministri Sali Berisha bëri postimin e tij në ‘facebook’ duke thënë se familja ime është e respektueshme në rrethin e Krujës dhe se me këto postime duan t’i ulin dinjitetin. Ajo kishte thënë se problemet që ka patur i kishte zgjidhur me djalin tim”,- tha Rraja, i cili sqaron në versionin e tij se vajza e nxitur nga xhelozia ka bërë një denoncim të cilin më pas e ka tërhequr.
“Denoncimin e kreu nga xhelozia se djali im u lidh me një tjetër. Këtë kallëzim ajo e sqaroi përsëri në komisariat”, shton deputeti socialist.vPo ashtu, ai ka mohuar edhe akuzat se në Stacionin e Policisë ka qenë me vëllanë dhe kreun e bashkisë, Artur Bushi. “Jo, jo as që bëhet fjalë. Nuk e di pse është shprehur kështu ish-nënkomisari, por nuk e kam takuar asnjëherë”, tha Rraja.
