Aktualitet

Lufta me video-përgjime, ka nisur me filmime skandalesh reale, si “mbërtheckat” e ish ministrit Pango. U pasua nga skandali i turpshëm, i bllokut të aferave korruptive, të ish-Zv/kryeministrit Ilir Meta, i cili bënte rolin e skeserit, tek një ministër. Vazhdoi me dashuriçkat e plakushit Agron Cane, sekretarit të Koço Kokëdhimës në Sarandë dhe me të tërbuarin për seks, rilindasin “brekë-grisur” Shukri Xhelili në Dibër.

Pas një heshtjeje të gjatë, ky perversitet u “rilind”, por kaloi nga përgjimet reale të orgjive e hajdutërive, në videot e sajuara, me subjekte krimesh politike, duke u intitucionalizuar tashmë, si praktikë e luftës mes tyre.

Nisi me video-përgjimin fals “Bami- Doshi”, për gjoja vrasjen shtetërore-politike, të deputetit “më të rëndësishëm” të parlamentit shqiptar në 20 vitet e fundit, por doli huq, madje skenaristi Doshi me mandat deputeti, u prangos e u lirua, ndërsa “aktori” Bami me imunitet krimineli, bëri disa kohë burg dhe “punon” në këtë “profesion”.

Vazhdoi me video-përgjimin “Babale-Xhafaj”, sajuar nga kupola e PD, si skenar për të rrëzuar pushtetin “me titra” nga ekrani, duke përdorur si subjekt, damkën e trafikut të drogës, të vëllait të ministrit të Brendshëm, Fatmir Xhafaj, por rezultoi montazh, ndërkohë që “skenaristi” Basha po vazhdon viedot e tjera, ndërsa “aktori” babale, ka marrë arratinë për azil!

Tani u hodh në qarkullim video e radhës, me personazh një oficer policie, që denoncon dy episode të rënda krimi: Përdhunimin e një femre, nga djali i një deputeti të PS dhe këcënimin e tij me vdekje, nga deputetët Rraja e Balla dhe një kryebashkiak me 6 emra, nëse do të bënte arrestimin e djalit të deputetit.

Nuk është çudi, që edhe në këtë video-skenë krimi, ka dalë emri i Durim Bamit, si “i prenotuar” për vrasjen e komisarit Nuhu mbasi tashmë prcedenti “Bami Doshi” është modë si video, ndërsa Bami është “klient” i paprekshëm i politikanëve dhe nuk shqetësohet fare nga policia e Fatmir Xhafës, megjithëse njihet nga të gjithë si “killer” i paguar!

Çfarë po ndodh? Precedenti “Bami”, po vazhdon me videot false, në përleshjet rrugaçërore opozitë-opozitë, ndërkohë që fëmijët, eskortat, shoferët, banditët e njerëzve të politikës e pushtetit, kërcënojnë, vjedhin, gjobisin e marrin peng biznesmenë, plaçkisin prona, përdhunojnë, vrasin e jetojnë në luks, duke përmendur emra politikanësh.

Me vilë Sheiku është Durim Bami, individi  i pa punë, që xhirron video me krime të sajuara e të porositura nga politikanët, por dhe nga grupet rivale. Është i lirë, i qetë, i armatosur dhe në gatishmëri të plotë me “grupin e gatshëm” (bandën), për të marrë porosinë e krimit të radhës, bërë publike, në video-denoncimin e komisarit Nuhu, hedhur në qarkullim nga skalioni “Basha”.

Policia e di, që Durim Bami është “shef kuadri dhe bankier” i bandës së Niklës, ku bëjnë pjesë dhe familjarët e deputetit Rraja. Por po hesht, ndërkohë që ka provat e plota, se klient Bami i Doshit, pasurohet me të ardhura nga “biznesi” që bënë me kobure, dinamit, kërcënime, trafiqe, gjobvënie, plaçkitje pasurish e vrasje, mbasi 1 javë më parë, policia e Xhafajt e kapi me kobure nën jastëk, por “çuditërisht” e liroi, pasi përditosoi fotografitë dhe e ri-mati sa i gjatë ishte!

Ndërkohë që emri i tij, përmendet si killer me pagesë, i prenotuar për një vrasje funksionari policor, nga deputetët e partisë së tij Rraja e Balla, ministri jurist dhe “ideator” i reformës në drejtësi, Fatmir Xhafaj, vazhdon e “ha fara”, bënë selfie me sekretaren në zyrë dhe shikon këto video që fryhen e shfryhen,  sikur të ishin dokumentar përleshjesh, mes kafshëve në xhungël!

Nuk është aspak çudi, që videot me të cilat po “luftohet” dhe personazhet e tyre, si Bamët, Begot, Babalet, Almir Rrapot, Zaganët, Nuhët, Rrajat e shumë të tjerë si këta, janë pjesë e çdo krahu politikë, të ndarë në “çeta”.

Përdorja dhe financimi i tyre, lejimi për të vepruar, nuk është rastësi, por linjë e inskenuar e berishëve, metëve, ramëve, bashëve, ballëve e luanëve të politikës.

Ata, janë “industria e krimit” politik, që përdoren  prej kapobandave politike të PD, PS e  LSI, për të ndarë territoret, me “lajmës kanunor”, ose me “grykën e kobures”, ndaj dhe nuk është rastësi, që në çdo skenar, skandal, aferë e krim të politikanëve, dalin përherë “bamët”./Pamfleti

Një delegacion me perfaqesues të Keshillit komunal të Pejes dhe organizatave nga Kosova,Serbia dhe Vlora janë ndalur në Bashkine e Vlores,ku janë pritur nga kreu i Bashkisë Dritan Leli.

Takimi është fokusuar në shkembimin e eksperiences për menyren e menaxhimit dhe marrjes së vendimeve në bashkepunim me komunitetin, duke vleresuar rendesinë që kanë organizatat në bashkerendimin e puneve të bashkive, Leli ka berë me dije se pervoja e percielle prej delegacioni në takim është per tu marrë shembull nga ky shkembim eksperiencash mund të bejmë më të miren në sherbim të komunitetit dhe se iniciativa te tilla ndikojnë edhe në bashkepunimin midis vendeve është shprehur më tej Kryetari i Bashkise Islam Tusaj, Kryetar i Kuvendit komunal te Pejes ka theksuar se menyra e qeverisjes e ndjekur prej tyre ka ne qender qytetarin dhe bashkepunimin me të dhe se vendimet merren ne bashkepunim me komunitetin.

Në takim kanë folur edhe perfaqesuesit nga Serbia. Delegacioni prej 20 vetesh perfaqesues të këshillit komunal të Pejes dhe organizatave nga Kosova,Serbia dhe Vlora janë ndalur në Bashkinë e Vlorës në kuader kjo të një vizite studimore per shkembimin e praktikave të rajonit mbi fuqezimin e pjesmarrjes qytetare në vendimarrje në Bashki.

Shpendë të ndryshëm kanë pushtuar kohët e fundit Lagunën e Nartës, siç janë Pelikanët, flamingot, rosat e egra, bajzat e shumë shpendë të tjera. Por ajo që shqetëson banorët dhe peshkatarët e Nartës është gjuetia e paligjshme e cila vijon ende edhe pse moratoriumi i gjuetisë ka vite që është në fuqi.

Edhe pse shpesh herë është ngritur shqetësimi nga banorët për këta gjahtarë që gjuajnë natën dhe pa kriter, ende nuk është marrë asnjë masë për parandalimin dhe dënimin e këtyre personave. Kamera e Report Tv la qenë në këtë lagunë, dhe siç duket dhe nga pamjet shpendët e shumtë kanë pushtuar habitatin e tyre.

Nga ana tjetër duken qartë edhe vendet ku fshihen personat të cilët gjuajnë në mënyrë abuzive, kryesisht rosa të egra. Peshkatarët shprehen se ka persona që gjuajnë në mënyrë barbare, duke përdorur sinjalizues të ndryshëm për të tërhequr rosat e egra dhe më pas i vrasin ato.

Peshkatarët shprehen se kanë njoftuar dhe policinë për këtë gjë, edhe shpesh herë kanë pasur përplasje fizike me persona që gjuajnë , si për shpendët ashtu dhe peshkatarët e paligjëshëm të cilët gjuajnë në lagunë që është e ndaluar në këtë sezon.

Banorët e Nartës si dhe peshkatarët kërkojnë mbështetjen nga strukturat përkatëse që të monitorojnë këtë territor, sepse sipas tyre nëqoftëse vazhdon të gjuhet pa kriter , këto shpendë që ndodhen në lagunë, shumë shpejt do ikin sërish./shqiptarja.com

Ministria e Brendshme dhe Policia e Shtetit do të shikojnë mundësinë e lehtësimit të procedurave të nisjes dhe mbërritjes së anijeve të peshkimit në porte.

Kjo u konfirmua sot nga zv/ministrja e Brendshme, Rovena Voda, e cila zhvilloi një interpelancë në platformën e bashkëqeverisjes “shqiperiaqeduam.al me përfaqësues të Konfederatës së Prodhuesve Shqiptarë të Peshkimit dhe Akuakulturës.

Lehtësimi i procedurave së kontrollit para daljes së anijeve në det, ishte pikërisht një nga kërkesat e parashtruara në këtë interpelancë.

“Shqipëria është një vend i prekur nga flukset migratore, ndaj dhe kontrolli kufitar ka të bëjë me parandalimin e këtij fenomeni”, tha zv/ministrja Voda në fillim të fjalës së saj.

“Fokusi ynë i punës ka qenë në ushtrim të një kontrolli kufitar të detajuar, jo vetëm në pjesën e kufirit blu, por edhe në gjithë pjesën e kufirit shqiptar dhe në të gjitha pikat kufitare”, tha zv/Ministrja.

Megjithatë, ajo e konsideroi të drejtë pretendimin e përfaqësuesve të sektorit të peshkimit, duke premtuar se skanimi i anijeve do të zhvillohet vetëm bazuar në analizën e riskut.

“Të mos jetë më damka e dikurshme që peshkatarët i kemi kontrabandistë e kriminelë. Ka ikur ajo kohë. Edhe nga kontrollet që kemi pasur, realisht nuk kemi pasur raste të anijeve e peshkarexhave që kryejnë veprimtari të jashtëligjshme. Do të kemi një kthesë dhe do të marrim masa që kjo kërkesë të realizohet”, premtoi zv/ministrja.

Lidhur me vonesat në procedurën e kontrollit, sidomos në rastet kur bëhet dalja në det e rreth 60 anijeve menjëherë, Voda premtoi po ashtu rishikimin e procedurës me qëllim eleminimin e pengesave që mund t’i krijohet këtij sektori në aktivitetin e përditshëm./atsh

Një qeveri që i përdhunon qytetarët e vetë me varfëri dhe padrejtësi, e ka ‘detyrë shtëpie’ që të mbrojë edhe përdhunuesit e vajzave jetime, nga bijtë e atyre që e mbajnë në këmbë! Këtë e ka thënë autori i këtij shkrimi i cili ka ‘meritën’ vetëm të artikulimit në një fjali të vetme, sepse me fjalë të tjera e dëgjon çdo ditë kur hipën në urbanët e ferrit në Tiranë; nga taksixhinjtë me licensë që ‘përdhunohen’ nga ata në të zezë; nga plakat e fshatit që shesin barishte të kopshtit nëpër trotuarët që kthehen në lokale nga shoferët e këshilltarëve të Ramës dhe që gogolin në përrallat që u tregojnë nipërve e mbesave, e kanë zëvendësuar me policët e Erion Veliajt; nga ajo mësuesja që troket derë më derë nëpër fis e miq, për të bërë 5 mijë eurot, për vendin e punës; nga ai ‘ditëziu’ që rri ditë të tëra përpara derës së policisë, për të kërkuar mbrojtje për fëmijët nga të fortët e lagjes…

Një hyrje për të kuptuar Fundin

Paraditen e djeshme gazetari investigativ, Basir Çollaku, në faqen e tij në Facebook bëri një njoftim të shkurtër, nëpërmjet të cilit paralajmëronte se në orën 13.00 në TV Shijak, do të zhvillonte një intervistë me një Nënkomisar policie, i cili do të jepte një dëshmi tronditëse për lidhjet e bandave të rrezikshme me policinë dhe politikën, për një deputet që porosiste vrasje, etj.

‘Sot në orën 13:00, në Shijak TV, dosja dhe rrëfimi ekskluziv. Dëshmi tronditëse e nënkomisarit të policisë së shtetit. Deputeti që mori 3 milion euro nga bandat për zgjedhje, dhe bandat që bëjnë emërimet në Ministrinë e Brendshme. Deputeti porositës i vrasjeve me pagesë…
Nuk keni parë gjë akoma…thotë ai….’, ishte njoftimi që bëri Çollaku rreth orës 11.00 të ditës së mërkurë.

Në orën 13.00 fiks, në TV Shijak në një edicion special u shfaq gazetari Çollaku, duke intervistuar oficerin e policisë Emiliano Nuhu. Tashmë dihet rrëfimi i tij tronditës i cili nis me historinë e 25-vjeçares, Xhesila Maloku,  nga një fshat afër Niklës, e cila është dhunuar dhe përdhunuar sistematikisht nga djali i deputetit socialist të Krujës, Rexhep Raja.

Ngjarja në fakt është denoncuar rreth 2 muaj më parë nga ish-kryeministri Sali Berisha dhe elementë si; mbyllja e çështjes, mosmarrja e kallëzimit ndaj të dëmtuarës në shumë komisariate, kërcënimi sistematik ndaj vajzës dhe vetë oficerit që ndiqte hetimin, transferimi i tij në Berat etj, nuk ishin surprizë.

Nuk është ndonjë habi tashmë, edhe ndërhyrja e babait deputet të Rilindjes, për të mos lejuar burgosjen e djalit (Është pak i përkëdhelur dhe nga Nikla-tha mbrëmë në opinion gazetari Artan Hoxha!), i cili rezulton kontigjent kriminal dhe ‘i kërkuar’ nga policia, por arrin që të futet edhe brenda në komisariat me pistoletë në brez.

Tre ‘Bomba’ që shkojnë përtej fatit, të një djali deputeti

‘Bomba’ e parë në rrëfimin e Nënkomisar, Emilano Nuhut, plasi, kur ai tregonte se pikërisht në zyrën e tij në komisariat, në momentin që po zbatonte urdhrin e prokurores, Mirela Kapo, për arrestimin e dhunuesit dhe përdhunuesit ‘me imunitet’, xhaxhai i tij nxori pistoletën dhe ja vendosi në kokë oficerit të Policisë së Shtetit.

Dhe kjo skenë e denjë për stacionin e policisë në zonën që kontrollonte Pablo Eskobar në Kolumbinë e viteve 80-të, u zhvillua edhe në prani të deputetit të zonës, të kryetarit të bashkisë Krujë, Artur Bushi, por më pikanti aty, vetë Taulant Ballës, NR2 i Rilindjes, shefi i grupit gjigant të deputetëve të PS në parlament.

Kjo skenë në fakt nuk është më e rëndë se ‘Afera Teatri’, apo grabitja pa mëshirë e financave dhe pronave të vendit nga Rama me një grusht biznesmenësh. Ashtu si artikuluam në fillim të shkrimit, kur një sekt pa ideologji në pushtet të përdhunon çdo ditë me padrejtësi dhe varfëri, nuk ka se si të bëjë dot as detyrën bazike për të mbrojtur nënshtetasit e saj, aq më shumë kur bëhet fjalë për një nga pinjollët e tyre.

Por ajo është e ndyrë, ka një impakt të jashtëzakonshëm edhe te votuesit më ‘qorra’ të Rilindjes; e përbuz edhe ai hajduti i vogël apo mesatar rilindas te tatimet, doganë apo hipotekë.

Sepse bëhet fjalë për një vajzë të re, jetime pa baba, pa vëlla, që nuk ka asnjë lloj përkrahje, e cila përdhunohet sistematikisht, i digjet cigarja nëpër pjesët intime të trupit (torturë e njohur kjo e tutorëve shqiptarë me vajzat që prostituojnë me dhunë, rrugëve të Europës); e cila vërtitet e frikësuar dhe e dëshpëruar komisariateve të Krujës, Tiranës dhe Durrësit dhe në vend që shteti ta marrin në mbrojtje, bëhet palë me xhelatin e saj.

Të gjitha këto, për të mbrojtur imazhin e deputetit të Rilindjes dhe për të mos lejuar, që të gërvishtet sadopak varaku me të cilin e lyen me kujdes çdo ditë Edi Rama dhe një makineri gjigante propagande. Një betejë titanike që Rama me të tijtë e ka bërë edhe më herët, me përdhunues e kriminelë të katapultuar në kryetar bashkish e deputetë.

‘Bomba’ e dytë e oficerit të policisë që ka marrë guximin të bëjë publike këtë maskaradë, (me një fabul të thjeshtë, por që nxjerr sheshit rrënjët e kalbura të shtetit që ka ndërtuar Rama) ishte implikimi i Taulant Ballës me një nga grupet më të rrezikshme kriminale, që vepron i plotfuqishëm në Elbasan e më gjerë.

Edhe kjo nuk është ndonjë surprizë e madhe, pasi shumë kandidatë dhe deputetë të opozitës, (Edhe kalamajtë e Elbasanit e dinë) në atë zonë elektorale e kanë denoncuar, që në fushatën zgjedhore të vitit të kaluar këtë fakt.

‘Bomba’ e tretë në rrëfimin e Emiliano Nuhut ishte komunikimi pa përgjigje i tij, me majën e piramidës së shtetit; Drejtorin e Përgjithshëm Ardi Veliu, ministrin e Brendshëm Fatmir Xhafaj dhe vetë kryeministrin Ed Rama.

As ky element nuk përbën surprizë, për këto 5 vite pushtet të Rilindjes. Le ta quajmë ‘histori të shkuar’ atë të Dritan Zaganit e Saimir Tahirit, e të japim një info ‘të vogël’ për aktualitetin.

Janë me qindra emaile pa përgjigje për Fatmir Xhafajn  e Edi Ramën, të cilat tregojnë me detaje, se çfarë ndodh mes krimit dhe shefave rajonalë të policisë, hipotekave, tatimeve, doganave, etj. Mes grupeve kriminale që kontrollojnë zona elektorale dhe deputetëve socialistë në gjithë vendin, të cilëve u kërkohet nga Edi Rama shifra e numrit të votave që kanë ‘në thes’, njësoj siç u kërkonte Lenka Çuko kryetarëve të kooperativave, kuintalët për hektarë të grurit.

Këto letra-emaile, shkruhen nga qytetarë, policë që ende besojnë se ligji ‘vonon por nuk harron’; dërgohen nga drejtues të strukturave socialiste në rrethe të cilët kurrë nuk e kishin imagjinuar se partia dhe qeveria e tyre do të bëhej pale, edhe me llumin e llumit në qytetet e zonat ku jetojnë e rrisin fëmijët. Të gjitha plot fakte e emra të përveçëm, të gjitha pa përgjigje!

Alibia e qepur trashë e Taulant Ballës, panik dhe kaos

Por le të rikthehemi te ‘bombat’, që plasën nga rrëfimi i Nënkomisar Nuhut. Të gjitha i ndërlidh një fill; Taulant Balla; Komisar i plotfuqishëm në çdo cep të vendit; I ngarkuari nga Rama për të parandaluar skandalet, zgjidhur dhe kuruar çdo cedim, që bëjnë deputetët dhe gjithë Rilindja nëpër Shqipëri.

Jo më kot ky shkrim nisi me elementë, që tregojnë kohën kur u lajmërua nga gazetari Çollaku, se do të kishte një intervistë eksplozive të Nënkomisar Nuhut dhe orën ekzakte kur do të shfaqej në TV Shijak. E theksojmë këtë fakt për të kuptuar, se sa trashë dhe në çfarë situate paniku u përpoq Taulant Balla të qepte alibinë e tij, përpara opinionit publik.

Doli dje rreth orës 15.00 dhe tundi letrën e dërguar prej kohësh nga Nënkomisar, Emiliano Nuhu, për Drejtorin e Përgjithshëm të Policisë, ministrin Xhafaj e kryeministrin Rama, ku tregohej gjithë historia që tashmë dihet. Pastaj tha, që një ‘Babale 2’ e gatuar në kuzhinën e SHQUP-it pritet të dalë në mediat e opozitës.

Meqenëse jemi te mediat ‘e tyre’ dhe ‘tonat’, gjithë paraditen e djeshme shumica e televizioneve informative, refuzuan që ta jepnin atë intervistë. Gjithsesi thelbi i daljes së Ballës (atë e dhanë të gjithë) në TV ishte që ti thoshte popullit shqiptarë, se çfarëdo që të dëgjonte për atë ishte mashtrim dhe ai po ju thoshte vetë e më herët.

Këtu bëri cedimin e parë, në qepjen e alibisë së tij. Intervista ku i dilte emri dhe roli i ndyrë e i paprecedent për një politikan të lartë, kishte 2 orë që ishte transmetuar live në tv, por edhe në rrjetet sociale. Syri.net dhe më pas disa portale të tjera e zbardhi dhe e hodhi në eter, në kohë reale.

Taulant Balla tha në atë dalje, edhe se në datën (21 Korrik) kur bëhet fjalë se ka ndodhur ngjarja në zyrën e Nuhut, ka qenë diku tjetër nëpër Shqipëri dhe madje cilësoi; ‘ në aktivitet politik, publik’. Por as dje dhe as deri më tani nuk na thotë vendin, qytetin dhe çfarë ishte ky ‘aktivitet publik’. Le të thotë qytetin, ambientin, tematikën, njerëzit me të cilët bënte ‘aktivitetin’, se të tjerat i verifikojnë vetë ata pak gazetarë dhe ato media që punojnë ende për të vërtetën.

Por Balla pasi jehona e skandalit precipitoi me shpejtësi, u vetë-zhyt edhe më shumë pasditen vonë të ditës së djeshme (shih në fund të shkrimit scrinin e statusit të Ballës, se e heq dhe e mohon ai pa problem).

‘Të mençurit e dine fare mirë çfarë marrëzie është kjo shpifje, që janë turrur ta pasqyrojnë me një zell të madh, vetëm pasi e nxora unë vetë!’, shkruan në faqen e tij në FB. E nxora unë vetë-këmbëngul i zhytur në mashtrim të trashë!

Në të njëjtin tekst zhytet edhe më thellë, kur lëshon profkën e madhe; ‘Unë s’kam shkelur as në Krujë gjatë vitit të fundit dhe jo më në komisariatin e Krujës i armatosur’. Pikë e zezë deri ku është katandisur Fuga, me gjithë taborët e vetë që menaxhojnë propagandën e Rilindjes!

Po kush ka thënë, cili ka artikuluar apo dëgjuar ndonjë akuzë deri në momentin e këtij statusi të shkruar nën panik, se Taulant Balla ka hyrë me pistoletë, në komisariatin e policisë në Krujë?!  Pastaj vazhdon; ‘Unë e provoj lehtësisht ku kam qenë atë ditë që maskarai i paguar apo i paturp apo të dyja bashkë, ka bërë këtë letër për të përfituar azilin politik!’.

Po provoje pra, na e thuaj me kë, për çfarë, ku ke qenë atë natë për të cilën akuzohesh se ke qenë në zyrën e oficerit të policisë Nuho?!Pur i bie gjoksit se ‘provon e lehtësisht’ bëje dhe qetëso e shpëto nga infarkti, të paktën ata socialistë të shkretë e të ndershëm, të cilët ende ju dinë se jeni të tyre dhe njësoj si ata.

Që ata dhe gjithë shqiptarë i përdhunoni me taksa, koncesione, varfëri, papunësi, emigrim masiv e mbi të gjitha me padrejtësi, kjo nuk ju bën më përshtypje. Por të paktën vërtetojuni, se nuk keni arritur deri aty, sa të mbroni përdhunimin dhe cigaret e shuara në trupin e një vajze fshati, pa baba e pa vëlla!/Syri-Poli hoxha

Kreu i grupit parlamentar të PS, Taulant Balla ka depozituar në Prokurori kallëzimin penal për kreun e PD, Lulzim Basha, pasi e akuzon për shpërdorim detyre dhe kallëzim të rremë, pas denoncimit të ish oficerit të Krujës Emiljano Nuhu.

Gjithashtu Balla ka  kallëzuar penalisht edhe ish oficerin për deklarim të rremë si dhe gazetarin Basir Collaku që realizoi intervistën.