Aktualitet

Nga Flamur Vezaj

Meviol Bilo, apo siç e thërrasin kolegët e tij Joli, i dekoruar dhe vlerësuar me nota maksimale disa herë nga shteti shqiptar e aleatët si dhe nga SHBA-ja për një mision sekret në vitin 1998 në zonën mes Malit të Zi dhe Kosovës për marrjen e CD-ve të avionit vëzhgues të rënë në këtë zone malore! Është njëri nga 30 themeluesit e Forcave Speciale Shqiptare, i cili ka marrë pjesë në misione paqeruajtëse në Republiken e Çadit në Afrikë, Irak e Afganistan!

I stërvitur nga forcat speciale amerikane “Green Berrets” dhe më pas pjesë e kompanisë luftarake shqiptare “Eagle” 1,2,3 e në vazhdim krah forcave speciale amerikane e britanike në zona të nxehta të luftimeve në Afganistan, ku në një nga këto misione humbi jetën edhe oficeri Feti Vogli! Sipas burimeve nga ushtria, Meviol Bilo është specialist xhenio, zhytje, qitje, etj dhe ka qenë pjesëtar i kompanisë së parë antiterror në Forcat e Armatosura! Përshkruhet si djalë punëtor, i përkushtuar, i drejtë dhe shume i qetë! I paskeduar ndonjëherë nga Policia!

Ervin Mata, biznesmen për shkak se familja disponon disa prona, ka një biznes hotelerie familjar dhe ka investuar në ndërtim në Tiranë! Frekuentues i jetës së natës dhe i fejuar i këngëtares Elvana Gjata dhe i paskeduar nga policia për ndonjë vepër në Shqipëri!

Fabiol Alushi, është përfshirë në sherr vetëm se ka pasur qëllim qetësimin e situatës, që me pas doli nga kontrolli dhe është larguar nga lokali bashkë me të dyshurit!

Geldo Hoti, dyshohet se ka ndihmuar të dyshuarit si autorë të largohen nga vendi i ngjarjes! I padënuar më parë!

Të shpallurit në kërkim përballë tre të “dëmtuarve” me një CV të pasur kriminale!

Ervis Martinaj, i dënuar nga drejtësia për organizim të lojërave të fatit të palicensuara, i dyshuar për disa ngjarje kriminale, si vrasja e Elvis Doçit, Enton Nikaj, gjobëvënie e kanosje të efektivëve të policisë, i skeduar si person me precedentë të theksuar kriminal dhe i dhunshëm!

Fabiol Gaxha, i dënuar për armëmbajtje pa leje dhe i shpallur në kërkim për vrasje të mbetur në tentativë dhe i referuar në raportet e policisë si person me rrezikshmëri shoqërore për shkak të prirjeve kriminale!

Esmerald alias Eljon Hato, i dënuar disa herë nga gjykatat dhe i hetuar për vrasje e porositje të vrasjes nga burgu! Disa herë i skeduar nga policia dhe i cilësuar si person me rrezikshmëri shoqërore!

Më lart rendita disa FAKTE për të kaluaren e personave të përfshirë në ngjarjen e zonës së ish-Bllokut ku mbeti i vrarë një person dhe dy të tjerë u plagosen! Vetëm nga leximi i CV-së e kuptoni se me çfarë personash kemi të bejme dhe si mua edhe juve besoj ju shkon në mendje pyetja, se çfarë e shtyu të dyshuarin “hero” të ushtrisë të qëllojë ndaj ketyre tre personave me CV të pasur kriminale dhe që bartin mbi supe minimumi nga një dyshim per vrasje!

A thua aq ngushtë ia kishin sjellë E.Matës dhe M.Bilos sa të kundërpërgjigjet ky i fundit në mënyrën më ektreme, atë të shkrepjes së armës! Ndoshta është herët, por kam përshtypjen se “heroi” ushtarak ka reaguar në kushtet e vetëmbrojtjes pasi të dhënat paraprake thonë se ka qenë Fabiol Gaxha që ka nxjerrë pistoletën dhe ka qëlluar i pari në drejtim të personave tashmë të shpallur në kërkim! Por të presim deri në fund të hetimeve!

Është e disata herë që ushtarakë të forcave komando përfshihen në ngjarje kriminale apo janë në krah të personave edhe me rrezikshmëri shoqërore apo detyrohen të bëjnë punë të “shoqëruesve” për shkak të pagave qesharake që marrin! Kjo pagë, mendoj që e ka shtyrë edhe M.Bilon që të mos rrijë pas punës në ushtri me dy fëmijët e tij, por të dalë t’i dëgjojë po… e E.Gjatës e të përfshihet në një ngjarje që jo vetëm i shkatërroi karrierën, por i rrezikohet edhe jeta atij e pjesëtarve të familjes së tij! E për çfarë, sepse shteti nuk është në gjendje t’i japë një vlerësim të kënaqshëm financiar qe ai dhe shumë kolegë të tij, që jane aset kombëtar, të mos përfshihen në ngjarje të tilla!

Largimi i investitorit gjerman, atij që ka në pronësi Telekom Albania, për ish-ministrin e Financave, Arben Malaj na thotë qartë se tregu i telefonisë në vend është në krizë. Teksa ishte i ftuar në studion e “Fax News për Malaj në vendin tonë 1-2 kompani mund të mbijetojnë. Ndërkaq për mundësinë e blerjes nga një Telekom Serbia, Malaj e analizon në shumë aspekte, nga ana e sigurisë kombëtare, te e drejta e kompanisë gjermane për ta zgjedhur vetë ofertuesin.

“ Në Shqipëri 1-2 kompani mund të mbijetojnë. Tregu është i ndarë me kompaninë Vodafone që ka pjesën më të madhe. Para se kompania të blihej nga Deutch Telecome, që është gjigand botëror, kompania shqiptare ra. Duhet parë nga ana e sigurisë kombëtare. A është Serbia partner strategjik i ynë. A po punon për paqen në rajon? E vetmja gjë që ka lidhje me shkallën kombëtare ka të bëjë me informacionin. Qeveria ka përgjegjësinë që çdo investitator duhet të vëzhgohet. Konkurrenca do jetë mundësia do jetë nga të gjitha vendet. Përjashtohen të gjitha ato kompani që në historikun e tyre kanë patur probleme me respektimin e vendeve ku kanë qenë. Nëse shikohet si koncept patriotik do të krijojë mure.

Si mund të ndihmojë Shqipëria. Kemi raste që Autoriteti i Shtetit shqiptar ka bërë hetime për konkurrencën dhe që synojnë marrëdhënie të fshehta dhe të mbrojnë konsumatorin. Sfidat në një kompani që zgjerohen janë të vështira.
Besoj që ligjet janë të qarta edhe në këtë rast kemi rast që qeveria ka përgjegjësinë e saj. Qeveria nëse ka hetime të thelluara mund të ndërhyjë për këtë rast. Nuk duhet të harrojmë që kompania gjermane ajo që po e shet, ajo ka të drejtën ta shesë në treg. Kompania Gjermane nga ana e saj do të ketë pretendime nëse qeveria shqiptare ndërhyn në zgjedhjet që bëjnë”, shprehet Malaj.