Aktualitet

Mëngjesin e sotëm, kryebashkiaku i Tiranës, Erion Veliaj priti disa miq të veçantë. Në “Ditën Ndërkombëtare të të Moshuarve” ai zgjodhi që kafen e mëngjesit ta pijë me gjyshe e gjyshër pensionistë, të cilëve u uroi gëzuar 1 Tetorin dhe bisedoi për disa nga nismat e ndërmarra në përmirësimin e infrastrukturës së qytetit.

“Në emër të Këshillit Bashkiak dhe qytetarëve të Tiranës, dua t’i uroj të gjithë gjysheve dhe gjyshërve “Gëzuar 1 tetorin”. Kam edhe një thirrje për nipat dhe mbesat: kjo është dita kur një gjyshi ose një gjyshe që keni harruar, t’i çoni një mesazh, t’i bëni një vizitë, t’i çoni një dhuratë të vogël në shtëpi. Kjo është dita për t’i kujtuar ata. Unë besoj se një qytet është i mirë, kur kemi një harmoni mes brezave, mes atyre që ndërtuan Shqipërinë që kemi sot, dhe po ia kalojnë stafetën Shqipërisë që duam për nesër”, tha Veliaj.

Pas suksesit të tre viteve të mëparshme, Bashkia e Tiranës rikthen edhe një nga nismat më interesante që është zbatuar ndonjëherë në kryeqytet, atë të kafes me gjyshërit dhe gjyshet pensionistë, të cilët në disa lokale mund ta konsumojnë kafen me çmim të reduktuar.

“Rikthejmë traditën tonë të mirë të “Kafes me gjyshin”, ndaj dua t’i falenderoj të gjitha institucionet pjesëmarrëse të kësaj nisme të bukur. Vërtet është diçka modeste, por diçka që tregon se nuk harrojmë, se jemi këtu për të respektuar trashëgiminë e të parëve tanë. Ju falenderoj shumë për kontributin, disa si ushtarakë, disa si mësues, disa si doktorë. Pavarësisht profesionit, vendi ynë është më i mirë falë këtij kontributi të mrekullueshëm”, theksoi Veliaj.

Teksa vlerësoi rritjen e frymës së humanizmit dhe të vullnetarizmit edhe tek të rinjtë, Veliaj i bëri apel gjithë shoqërisë për më shumë përkujdesje për të moshuarit.

“Më vjen mirë që ndjenja e humanizmit tek të rinjtë sa vjen e po rritet. Po merren më shumë me sport, me aktivitete humanitare, më shumë me punë vullnetare, gjëra që kujtojnë rininë e gjyshërve tanë, kur këto gjëra nuk ishin tabu. Mezi pres që të shoh sot, por edhe gjatë gjithë vitit, më shumë të rinj që kujtojnë gjeneratën e vjetër dhe pranojnë që nuk kemi ardhur nga hiçi. Kemi ardhur nga dikush, kemi ardhur nga një traditë, kemi një histori. Fakti që e kujtojmë këtë histori, na bën nder të gjithëve”, tha Veliaj.

Veliaj u vlerësua nga të moshuarit për vëmendjen që bashkia e Tiranës i ka kushtuar këto tre vite grupmoshës së tretë, qoftë në krijimin e infrastrukturës lehtësuese për ta, ashtu dhe në cilësinë e shërbimeve. /atsh

Ministrja e Mbrojtjes Olta Xhaçka thotë se xhenierët shqiptarë dhe ata të Gardës Kombëtare të Letonisë pastruan 788 municione luftarake.

Forcat e Armatosura të Shqipërisë dhe të Letonisë kanë marrë pjesë në një aksion të përbashkët për demontimin e municioneve luftarake.

“DETONATOR” duhet të ishte thjesht një stërvitje për pastrimin e municioneve të paplasura, por në punë e sipër xhenierët shqiptarë dhe ata të Gardës Kombëtare të Letonisë pastruan plot 788 municione të gjetura në sipërfaqe”, shprehet ministrja. /atsh

“Festa e shegës”, Promovimi i vlerave dhe resurseve të trashëgimisë kulturore, natyrore dhe produkteve është aktiviteti që pritet të organizohet në 7 tetor në njësinë administrative Ana e malit në Shkodër.

Ky aktivitet realizohet nga bashkia Shkodër në bashkëpunim me projektin Agro Turizëm Albania të mbështetur nga USAID dhe Ambasada e Suedisë.

I realizuar në kuadër të promovimit të produkteve të sektorit agropërpunues të Njësive Administrative të Bashkisë Shkodër, në këtë panair do të prezantohen produktet vendase, pasuritë kulturore dhe gatimet tradicionale të zonës.

Panairi do të zhvillohet në Njësinë Administrative Ana e Malit, pranë shkollës 9-vjeçare “Hasan Dardhanjori”, nga ora 10.00 deri në orën 14.00./atsh

Një ditë pasi i biri perfundoi ne pranga, pasi akuzohet për përndjekje të ish-të dashurës, deputeti i PS Rrahman Rraja tha se djali i tij nuk kishte ushtruar dhu në.

“Djali im nuk ka kryer dhunë, e keni gabim (u drejtohet gazetarëve). Nuk largohem nga PS-së”, tha Rrahja.

Emiljano Nuhu, ish-nën komisari i larguar për azil në Zvicër, ka marrë kërcënimet nga fisi i deputetit të PS-së, Rrahman Raja për ngjarjen ku u përfshiri i biri i këtij të fundit.

Më tej Nuhu është shprehur se kërcënimet i ka adresuar në Polici duke bërë një denoncim në Komisariatin Nr.6 në Tiranë. “Balkanweb” ka publikuar kallëzimin që Nuhu ka bërë në polici, dokument i cili mban datën 30 korrik.

Oficeri  Nuhu pretendon se kushërinjtë Rraja e kanë kërcënuar me jetë duke i thënë se nëse nuk heq dore nga hetimi i çështjes se Xhisieles do ta zhdukin brenda 24 orëve.

Muaji tetor nis me vranësira, duke lënë përfundimisht pas diellin e verës. Dita e sotme, që përkon me fillimin e mujit tetor, do të shoqërohet me mot me kthjellime dhe vranësira të shpeshta në pjesën më të madhe të vendit.

Meteolab bën me dije se do të ketë mundësi për shira të dobët në ekstremin Juglindor të vendit. Por, çfarë surprizash rezervon moti në vijim të muajit Tetor? Ja çfarë parashikon Meteoalb.

Parashikimi i motit ne vijim

E marta sjell shtim të vranësirave dhe shira të dobët në Veri por mundësi për rrebeshe të përkohshme në Qendër – Jug; stuhitë dhe rrebeshet lokalizohen në hapësirat detare të Adriatikut – Jonit. E mërkura dhe e enjtja paraqiten me kthjellime dhe vranësira të herë pas hershme ndërsa shirat mbeten në horizontin e fundjavës.

Temperaturat vijojnë lehtësisht mbi vlerat tipike të vjeshtës si në mëngjes dhe mesditë thuajse gjatë gjithë javës ndërsa vlerat ekstremale do të luhaten nga 7°C më e ulëta gjatë orëve të para të ditës deri mbi 28°C, maksimumi në zonat e Ultësirës Perëndimore.

Përgjithësisht, muaji tetor do të sjellë periudha 6 – 7 ditore të ngrohta të ndërprera këto me intervale 3-4 ditore me mot të ftohtë.