Aktualitet

Një biznesmen dhe tre punonjëse të një banke të nivelit të dytë, akuzohen nga prokuroria se përmes mashtrimit i zhvatën shtetasit Ardian D., shumën prej 740 milionë lekësh të vjetra.

Nën akuzë për mashtrim janë vënë biznesmeni Lefter Sulkaj dhe punonjëset e bankës, Anila Bushi, Vilma Gode dhe Valbona Derhemi të cilat dyshohen se duke shfrytëzuar besimin e klientit D. e kanë bindur këtë të fundit të hedhë në llogarinë e shoqërisë Sulkaj, shumën e majme.

D. i kishte depozituar paratë në një llogari në bankë dhe duke i besuar punonjësve të saj, ka pranuar ti kalojë lekët në llogarinë e kompanisë Sulkaj.

Prokuroria i akuzon tri punonjëset e bankës, se kanë vepruar për llogari të biznesmenit Sulkaj dhe e kanë bindur D. se ai ka mundësi për t’ia kthyer paratë, pasi kryen transaksione të mëdha bankare, shkruan BW.

Në dosje thuhet se D. ka mundur të marrë mbrapsht vetëm shumën prej rreth 15 milionë lekësh.
Organi i akuzës padit edhe bankën për mashtrim, pasi ka dyshime se ka shkelur manualin, duke mos mbrojtur interesat e klientëve.

Qindra njerëz janë mbledhur tek Kryeministria në Tiranë
Dhunimi i 25-vjeçares nga Fushë-Kruja nga djali i një deputeti të PS-së dhe fshehja e ngjarjes ka nxitur një revoltë tek qytetarët që sot janë mbledhur para Kryeministrisë për të protestuar.

Përfaqësues të shoqërisë civile, gazetarë, qytetarë të thjeshtë, familjarë me fëmijë janë mbledhur para godinës së qeverisë shqiptare për të kërkuar drejtësi të barabartë dhe kundër dhunës ndaj grave. Protestuesit kanë lëshuar edhe thirrje “Rama ik”.

“Liria e dinjiteti na kanë mbledhur sot këtu. Ligji të funksionojë për djemtë e deputetëve. Politika në vend është kthyer në armikun kryesor të qytetarëve. Protesta e sotme është e pavarur nga partitë”, u shprehën protestuesit

Xhisiela Maloku nuk “fshihet” më. Vajza e dhunuar nga djali i deputetit të PS Rrexhep Rraja del sonte me zë dhe figurë për të folur në emisionin e Eni Vasilit, “Open” në Top Channel.

Eni Vasili ka publikuar videon me fytyrën e vajzës dhe paralajmëron daljen e bujshme.

“Asnjë oficer policie nuk duhet të favorizojë asnjërën palë”, thotë Xhisiela në video-rrëfim ndërsa ngre pyetjen:“Kur ekspertiza ime është bërë 2 muaj më parë pse duhet të shkoj më datë 25”?!

“Mbrëmjen e sotme, në një rrëfim ekskluziv, Xhisiela Maloku do të flasë në “Open” me Eni Vasilin. Të thënat dhe të pa thënat e vajzës që i tronditi të gjithë. Arrestimi i Rexhep Rrahjës, misteret e ngjarjes dhe pikëpyetjet e hetimit.Sonte, ora 21:00, në Top Channel, në “Open”, shkruan Eni Vasili.

Inspektoriati i Peshkimit ka nisur një aksion në Vlorë për goditjen e varkave të paligjshme.

Aksioni është shoqëruar me tensione pasi peshkatarët e paligjshëm tentojnë të mbrojnë me forcë varkat e tyre.

Megjithëse peshkatarët kanë bërë rezistencë, inspektorët kanë bllokuar gjatë paradites së sotme 2 varka.Gjatë këtij aksioni në total janë sekuestruar 11 varka

A e dini se një botë pa varfëri është e mundur e mbi të gjitha, që mund te kontribuosh ti vetë për ta bërë të mundur?

Shqipëria është angazhuar në arritjen e Objektivave të Zhvillimit të Qëndrueshëm të cilat mund ta bëjnë botën një vend më të mirë brenda vetëm pak viteve. Disa veprime të vogla të përditshme mund te japin një ndikim të madh në shoqëri.

Por, çfarë mund të besh ti personalisht për të ndikuar në zhdukjen e varfërisë?

Së pari, e ke në dorë ti që të dhurosh ato që nuk përdor(rroba etj). Së dyti, të ndihmosh dikë në nevojë, të blesh edhe frutat e perimet që nuk duken “bukur” (pra perime e fruta jo shumë të shtrenjta. Kjo do të thotë që secili ka në dorë të kontribuojë në zbehjen e fenomenit të varfërisë. Organizata ndërkombëtare që operon në drejtim të të drejtave të grave por jo vetëm, “Un Women” ka publikuar një video ku jepen disa mënyra sesi mund të kontribuojë secili për të ndihmuar njerëzit në nevojë./atsh

https://www.facebook.com/UnitedNationsAlbania/videos/479845232511464/?t=0

Strukturat e Drejtorisë Vendore të Policisë Vlorë gjatë javës së kaluar në vijim të punën për goditjen e paligjshmërive, me qëllim rritjen e parametrave të sigurisë së qytetarëve ka proceduar penalisht 64 shtetas për vepra penale të ndryshme.

Sipas policisë, nga këta 17 shtetas janë arrestuar në flagrancë, 3 shtetas janë ndaluar pasi ishin në kërkim, 40 shtetas janë proceduar në gjendje të lirë, 4 shtetas janë shpallur në kërkim, janë plotësuar 5 Kërkesë – Padi për t’u pajisur me Urdhër Mbrojtjeje, si dhe janë vendosur 340 Masa Administrative për shkeljen e rregullave të qarkullimit rrugorë .