Aktualitet

Çështja e Teatrit Kombëtar tashmë po merr dhe vëmendjen e ndërkombëtarëve. Një prej tyre që ka folur hapur për këtë gjë është ambasadorja e Gjermanisë në Shqipëri, Susanne Schütz. Ajo shprehet se, investitorët kanë besim tek procesi i Vettingut, por paralelisht duhet të merren masa edhe për sa i përket prokurimeve publike. Sipas saj, ka nevojë për më shumë transparencë sa u përket procedurave të prokurimeve publike, apo edhe për raporte të paqarta pronësie në objekte potenciale investimi.

Rastin e prokurimeve Schütz, në një intervistë për “Monitor”,e lidh edhe me ambicien e Shqipërisë drejt BE-së, duke theksuar se reagimi i Komisionit për ligjin “Për Teatrin”, tregon standardet që duhet të aplikojë sot Shqipëria. Nga ana tjetër, ambasadorja nënvizon se ka vend për të parë edhe mangësitë në moralin e pagesave të detyrimeve në rastin e kontratave publike, të cilat nuk ndikojnë pozitivisht në imazhin e Shqipërisë si vend investimesh.

A mund të kemi një koment mbi momentin ku ndodhet sot Shqipëria në aspektin ekonomik, ambicies drejt Bashkimit Europian, progresi dhe sfidat?

Anëtarësimi në Bashkimin Europian nënkupton që secili prej vendeve kandidate të marrë përsipër të gjithë inventarin normativ dhe ligjor të unionit – të ashtuquajturin acquis communautaire. Këtu bëjnë pjesë krahas standardeve ligjore dhe juridike, edhe kapitujt e rëndësishëm për ekonominë, sikundër janë ato mbi prokurimet publike, të drejtën e konkurrencës apo mbrojtjen e konsumatorit. Shqipëria ka bërë ndërkohë hapa përpara në këta sektorë – kjo edhe me mbështetjen gjermane dhe europiane. Megjithatë Shqipëria ka përpara vetes ende detyra të mëdha për të përmbushur. Pozicionimi i Komisionit të Bashkimit Europian lidhur me ligjin për Teatrin Kombëtar, për shembull, ilustron standardet që duhet të aplikohen që sot në sektorin e prokurimeve publike në Shqipëri.

Cilët janë disa nga sektorët që kanë më shumë potencial në këndvështrimin tuaj dhe që mund të tërheqin investitorët e huaj? Çfarë përshtypjesh merrni nga investitorët gjermanë për Shqipërinë lidhur klimën e biznesit në vend, çfarë aspektesh kërkojnë përmirësim?

Shqipëria ka një potencial të madh zhvillimi në shumë fusha – këtu bëjnë pjesë turizmi, energjia e gjelbër, por edhe bujqësia dhe sektori i shërbimeve. Por në të gjithë këta sektorë është njësoj e rëndësishme që të krijohen kushtet e duhura të përgjithshme për investitorë potencialë – qofshin këta vendas apo të huaj. Dhe pjesë e këtyre kushteve janë para së gjithash siguria ligjore, transparenca dhe një administratë funksionale, eficiente dhe e pakorruptuar. Në komunikimin tim me investitorë gjermanë procesi i Vetting-ut në drejtësi, i cili ka nisur tanimë në mënyrë të suksesshme, ka gjetur vlerësimin e tyre. Ai forcon besimin në shtetin ligjor, duke kontribuuar kësisoj në një masë të konsiderueshme në rritjen e atraktivitetit të Shqipërisë si vend investimesh. Në këndvështrimin e komunitetit gjerman të biznesit, këto reforma duhet domosdoshmërisht të vijojnë të zbatohen. Sepse kemi ende sipërmarrje nga Gjermania, pra investitorë potencialë për Shqipërinë, që ankohen për mangësi në politikën e informimit dhe në transparencë sa u përket procedurave të prokurimeve publike, apo edhe për raporte të paqarta pronësie në objekte potenciale investimi. Nga ana tjetër, edhe mangësitë në moralin e pagesave të detyrimeve në rastin e kontratave publike nuk ndikojnë pozitivisht në imazhin e Shqipërisë si vend investimesh.

Shqipëria ka ndryshuar fokusin e saj nga turizmi masiv drejt atij elitar, pra të pasurve, duke aplikuar edhe një paketë lehtësuese për hotele të kësaj kategorie. A mendoni se jemi gati për këtë profil turisti dhe a është ky një turizëm i qëndrueshëm?

Në sektorin e turizmit, Shqipëria ka sigurisht një potencial të madh. Por është gjithashtu e qartë që ajo gjendet në një treg global me konkurrencë të fortë. Atraktiviteti i Shqipërisë si destinacion turistik mund të rritet nëse përmirësohen infrastruktura në tërësi – dhe këtu përmend rrugët dhe autostradat, menaxhimin e mbetjeve, ndërtimet pa leje, kanalizimet – dhe cilësia e shërbimeve. Gjermania e mbështet Shqipërinë në këtë kontekst me projekte të shumta – si për shembull me zhvillimin e koncepteve për turizmin e qëndrueshëm në zonat malore./Monitor

Një çift të moshuarish në fshatin Qyrkan në Cërrik jetojnë në terr, pasi nuk kanë para të paguajnë energjinë elektrike dhe për pasojë, OSHEE u ka ndërprerë lidhjen. 66-vjecari Xhevit Qafa thotë se është mbifaturuar nga OSHEE, ndaj borxhi që i detyrohet është i madh dhe ai nuk mund ta shlyej dot. Ai qan me dënesë, pasi i frikësohet një rikthimi në burg.

Ai bashkë me gruan e  sëmurë, jetojnë në një ndërtesë, ku varfëria është ulur këmbëkryq. Xhaviti thotë se ka bërë burg pasi ka rilidhur energjinë elektrike sa për të parë, ndërsa cështja në ngarkim të tij ende nuk është mbyllur.

Ai i lutet shtetit që të mos e dënojnë për një dritë, për të cilën banesa e tij e zymtë ka aq shumë nevojë.

‘I thashë që unë jam në pikë të hallit. Nuk kam çfarë të bëj më. Kam vënë dritë sa për të ngrënë bukë’- ka thënë Xhevit Qafa.

Punëtorët që po punojnë në ndërtimin e një gazsjellësi nga Shqipëria për në Itali kanë mbetur të habitur përballë dhjetëra zonave antike që kanë zbuluar ku ndodhen thesare që nga koha e Neolitit, raporton “euronews”.

Ky zbulim, që mendohet se është një prej më të mëdhenjve ndonjëherë në Shqipëri, nxit autoritetet që të ftojnë dhjetëra arkeologë për të bërë kërkime.

“Kemi zbuluar shumë objekte, argjendurina, armë… shumë artikuj qeramike”, thotë Iris Pojani, kryearkeologia e “Abkons”, në një prej ngulimeve në Turan, që ndodhet 180 kilometra në juglindje të kryeqytetit, Tirana.

“Aty ka armë, heshta, shigjeta, thika dhe ndoshta edhe shpata. Kemi gjetur shumë argjendurina si unaza, vathë, qelibar dhe rruaza qelqi, shumë prej tyre”, tregon Pojani.

Ekipi i përbërë nga 50 arkeologë zbuloi qindra skelete, varre dhe objekte që nga epoka e hekurit (1100 para erës sonë) deri në epokën e vonët romake (200-600 pas erës sonë) madje edhe varre që i përkasin epokës mesjetare, deri më 28 shtator që vazhduan punimet.

Por ata mbetën të habitur që gjetën prova për ekzistencën e këtij ngulimi në një epokë të largët të historisë.

“Nën shtresën e epokës së hekurit, u gjend një ngulim i epokës së neolitit si dhe kemi zbuluar një fshat dhe shumë, shumë objekte që lidhen me këtë periudhë”, thotë Pojani.

Epoka e neolitit është periudha e fundit e epokës së gurit dhe i paraprin epokës së broxit.

Kjo zonë është një nga 30 që janë zbuluar gjatë punimeve për të ndërtuar gazsjellësin që lidh Shqipërinë me Azerbaxhanin, Turqinë, Greqinë dhe Italinë nëprëmjet detit Adriatik.

28-Vajza me emrin Vlora, por me origjinë nga Prishtina, bëhen sot pjesë e pasurive tona kulturore.

Në Kaninë, jo vetëm për të vizituar Kalanë por edhe për të shijuar peizazhin e emrit që mbajnë mbi supe !

Tre ditë pas nisjes së aplikimit për lotarinë amerikane, Ambasada Amerikane në Tiranë ka publikuar sot një tjetër video në profilin e saj në facebook. Përmes videos, Ambasada Amerikane këshillon të gjithë aplikantët se si të kryejnë në mënyrë të saktë procedurën.

“E dini si të plotësoni në mënyrë të saktë aplikimin për Lotarinë Amerikane? Shihni këtë video që ju tregon hap pas hapi si të plotësoni formularin tuaj.” – thuhet në postimin e Ambasadës Amerikanë në Tiranë, bashkëngjitur videos.

https://www.facebook.com/usembassytirana/videos/288831241722955/?t=1