Albert Veliu është ndjerë i rrezikuar në burgjet e Shqipërisë, prandaj ai ka kërkuar azil në Kosovë, dhe kërkesa e tij do të pranohet. Kështu është shprehur avokati i Albert Veliut në Kosovë Tom Gashi në një lidhje për Fax Neës. Gashi tha se Veliu, i njohur ndryshe si Babalja duhet fillimisht të njihet me refuzimin ose jo të kërkesës për azil, dhe më pas të vendoset lidhur me ekstradimin e tij. Avokati zbuloi po ashtu se gruaja dhe djali i Veliut ndodhen në azil në Belgjikë.

“Klienti im deri në nesër do të duhet që të dalë para një gjykate për tu njohur me masën e arrestit. Tashmë ai mbahet në qendrën e paraburgimit në Prishtinë. Po situata është pak më e komplikuar, pasi Albert Veliu thotë se jeta e tij dhe e familjes është në rrezik, dhe fillimisht duhet të përfundojnë procedurat e azilit. Ai ndihet i kërcënuar për jetën, dhe ne kërkojmë që të qëndrojë këtu duke marrë azil politik. Ne kemi parë një skandal më të madh në Kosovë siç është rasti i largimit nga vendi të disa personave (gylenistëve). Nuk duhet të ndodhë që ai të largohet drejt Shqipërisë pa dokumentacionin e duhur. Duhet që Veliu të kalojë përmes procedurave ligjore, pasi akoma ka një ngërç me kërkesën e tij për azil, e cila as nuk është rrëzuar dhe as nuk është pranuar.

Gruaja e tij dhe djali ndodhen në Belgjikë, ndërsa në Kosovë bashkë me të ndodhet dhe djali që sapo ka mbushur moshën madhore. Klienti im mendon se nuk mund të jetë i sigurt në një burg në Shqipëri, unë mund të kem mendim tjetër, por unë kam detyrimin që të mbroj klientin tim”, u shpreh Gashi.

Përmbushja e pesë kushteve kyç është e vetmja mënyrë për Shqipërinë që të hapë negociatat për anëtarësimin në Bashkimin Europian.

Ky është vendimi kryesor i rezolutës vjetore për Shqipërinë, miratuar më 9 tetor 2018, nga eurodeputetët e Komisionit të Marrëdhënieve me Jashtë të Parlamentit Europian.

Sipas rezolutës, së miratuar me 44 vota pro, 5 kundër dhe 5 abstenime:
“… është shpejtësia dhe cilësia e reformave, ato që do përcaktojnë afatet kohore për pranim dhe kujton që vendimi për të hapur negociatat e pranimit me Shqipërinë do të kushtëzohet me përfundimin e procedurave parlamentare kombëtare dhe miratimin e Këshillit Evropian, në varësi të progresit të arritur.”
Për sa i përket një datë të qartë për hapjen e negociatave, në rezolutë theksohet qartë se nuk ka një të tillë, por në qershor të vitit 2019, do të rivlerësohet sërish puna e qeverisë për realizimin e kushteve kyç:
“…merr parasysh vendimin e Këshillit për të rivlerësuar situatën në qershor 2019 dhe përshëndet rrugën e qartë që drejt fillimit të bisedimeve të pranimit dhe thekson faktin se procesi i shqyrtimit përgatitor ka filluar.”
Pra duket qartë që qershori i 2019 është vetëm një afat kohor për të vlerësuar edhe njëherë progresin e bërë nga Shqipëria për 5 kushtet e vendosura, por jo një datë për hapjen e negociatave.

Kjo deklaratë hedh poshtë qëndrimin e qeverisë Rama, e cila që prej qershorit 2018, kur u miratua drafti i parë i rezolutën nga KE, ka propaganduar se në qershor 2019 do të hapen negociatat mes Shqipërisë dhe BE-së.

Kryeministri Rama në qershor 2018, menjëherë pas votimit të draft-rezolutës, shkroi në Twitter:
“Pas 72 orësh mes dallgëve të brendshme të BE, Shqipëria i’a doli të marrë datën për hyrjen në portin e Europës së Bashkuar. Rezultatet e reformave tona bënë që dhe më skeptikët të njohin Meritën e Shqipërisë e të Maqedonisë. Një betejë tejet e vështirë u fitua lufta vijon.”
Raporti rithekson shumë qartë pesë kushtet kryesore për hapjen e negociatave me Shqipërinë: lufta kundër krimit të organizuar dhe korrupsionit; lufta ndaj drogës; reforma në drejtësi; reforma në administratë shtetërore dhe respektimi i të drejtave të njeriut.

Raporti rikonfirmon po kështu kërkesat e Bundestagut gjerman dhe OSBE/ODHIR për kryerjen e reformës zgjedhore dhe zbatimin e saj për në zgjedhjet lokale të vitit 2019.

Për herë të parë, në rezolutë theksohet se mbrojtja e trashëgimisë kulturore është një ndër vlerat themelore të Bashkimit Europian, ndaj kërkohet nga Shqipëria të miratojë dhe të zbatojë sa më shpejtë një strategji kombëtare për kulturën për të ruajtur trashëgiminë kulturore të Shqipërisë. Duket se kjo kërkesë ka në qendër mbrojtjen e Teatrit Kombëtar, të cilin qeveria Rama kërkon ta shembë me anë të një ligji “special” që ndër të tjera, bie ndesh direkt me detyrimet që ka Shqipëria në kuadër të Marrëveshjes së Stabilizim-Asociimit (MSA), që përbën kuadrin rregullues ndërmjet vendit tonë dhe BE-së.

Lulzim Basha ka dhënë sot për rreth 35 minuta dëshmi në Prokurori. Kreu i PD-së nuk e ka pritur mirë thirrjen duke thënë se ka një mesazh për Ramën. Lideri demokrat ka ngjitur shkallët e prokurorisë së Tiranës në orën 12:15 minuta, ndërsa ka dalë në orën 12:40 minuta. Basha ishte vetëm në prokurori, pasi nuk shoqërohej nga asnjëri nga ndihmësit e tij ligjor.

Pas daljes nga prokuroria, ai nuk pranoi që të jepte detaje nga dëshmia që bëri para prokurores Elsa Miha se çfarë provash ka që Taulant Balla ka qenë në komisariatin e Fushë Krujës në datë 21 korrik. Në prononcimin për mediat Basha lëshoi akuza të forta në drejtim të shumicës, ndërsa kishte një mesazh për kryeministrin Edi Rama.
“Sot deputeti Salainji ka dëshmuar pas kallëzimit nga një trafikant i dënuar droge dhe unë i kallëzuar nga një politikan bandit i lidhur me krimin. Kur regjimet e korruptuara janë afër fundit, faza e fundit është përdorimi i shtetit për të shpëtuar. Thirrja e kryetarit të opozitës për tú paraqitur në prokurori nuk është fundi i opozitës, por fillimi i fundit të regjimit. Kam një mesazh për Ramën; PD, unë dhe shqiptarët sa nuk trembemi, as nuk shantazhohemi dhe nuk impresionohemi nga makinacionet e shtetit privat, do të vijojmë betejën tonë”, tha Basha.

Operatori i Shpërndarjes së Energjisë Elektrike ka paditur 11 abonentë në Tiranë, pasi vidhnin energji. OSHEE njofton se skema më e përdorur është manipulimi i matesit përmes sistemit “urë”, pra kalimi i telit blu në pozicion të tillë që matësi të regjistrojë 80% më pak konsum.

Gjatë kontrolleve në javën parë të tetorit u zbuluan 11 raste. Bie në sy fakti se vjedhja e energjisë elektrike ka ndodhur në objekte që ndodhen në qender të Tiranës (rr.Elbasanit, ish-Bllok, 21 Dhjetori, etj.)

Mes te proceduarve është një subjekt privat (furre buke), i cili kishte manipuluar matësin.
“Kontrollet vijojnë normalisht dhe nuk tolerojmë askënd. I bëjmë apel abonenteve të zgjedhin rrugën ligjore, pagesën e faturave (në pamundësi, skemat me këste), dhe jo te abuzojne”- tha Klevis Jahaj, drejtor i Drejtorise Rajonale OSHEE Tiranë.

Gjatë stines së dimrit, Vlora ka qenë një nga qytetet më problematike  sa i përket përmbytjeve. Ardhur nga bllokimi i kanalizimeve apo edhe mos funksionimi i tyre. Filtrat e ujrave te zeza, në pjesën fundore para se të shkojnë në hidrovor, thuajse totalisht të bllokuara, duke sjellë edhe problematiken e përmbytjeve.

Problematike që lidhen me papastërtite në filtrat fundore, ndërsa një apel i është drejtuar dhe qytetarëve të Vlorës. Kryetari i Bashkisë së Vlorës, Dritan Leli e ka cilësuar papërgjeshmëri totale, duke j’u drejtuar qytetarëve të Vlorës rreth situatës së krijuar, në pjesën fundore të kanalizimeve, cka ka sjellë probleme të mëdha edhe në përmbytjen e qytetit të Vlorës. Pjesa fundore e kanalizimeve të ujërave të zeza, është një pikë kyce drejt cuarjes së ujërave drejt hidrovorit të qytetit të Vlorës. Bllokimi i këtij kanalizimi sjell situatë problematike, deri edhe në permbytje të qytetit të Vlorës, si edhe ka ndodhur rëndon gjatë stinës së dimrit. Nderhyrja vjen pikërisht në prag të stinës së dimrit, duke shpresuar se këtë vit Vlora si qytet nuk do të vuaj nga permbytjet.

Çdo ditë e tij fillon qysh në orët e hershme të mëngjesit, sepse në këtë mënyrë edhe kujdeset për trashëgimin e të parëve të tij.

Punën si fermer e bënë me një dashuri të madhe e një gjë të tillë e tregon edhe fakti sepse mban lloje të ndryshme të kafshëve.

Naim Kryeziu, nga fshati Bubavec i Malishevës thotë se ka nëntë vite që kujdeset për fermën, të cilën së pari e ka filluar gjyshi i tij.

“Personalisht unë punoj nga viti 2009, por kam traditë familjare që merremi me kultivimin e deleve. Fshati Bubavec është i përshtatshëm për blegtori. Në këtë fshat ka rreth 900 krerë dele, 700 krerë lopë që mbajnë dikush dy e dikush tri, por ka fermer me 50 të tilla”, thotë për RTV Dukagjinin Naim Kryeziu.

Sipas tij, një përkushtim më të veçantë, e duan delet, që numëron me mbi 300 krerë, të cilat gjithashtu pëlqejnë meloditë e fyellit nga çobani i tyre.

Fshati Bubavec, i cili ndodhet pak kilometra larg Malishevës, ka një sipërfaqe të madhe, ndërsa përbëhet prej më shumë se 2000 banorëve.

Kryetari i këtij fshati, Fehmi Kryeziu, ka thënë se toka e këtij vendi është shumë e përshtatshme për blegtori, andaj edhe shumica e banorëve të këtushëm, mbajnë ferma.

“Bubaveci i ka përafërsisht 3 mijë banor. Shumica merren me bujqësi dhe blegtori ka prej atyre që merren edhe me ndërtimtari. Karakteristik e veçantë është se ka gurë dekorativ, ka disa familje që merren edhe me gdhendjen e tyre”, thotë kryetar i fshatit Bubavec, Fehmi Kryeziu, përcjell Telegrafi.

Të kullosësh bagëtitë dhe të kujdesesh për to, është përgjegjësi, por mbi të gjitha është një kënaqësi të ballafaqohesh me botën e kafshëve, ka thënë fermeri Naim Kryeziu./Telegrafi

https://www.facebook.com/tvdukagjiniofficial/videos/478212362698194/?t=0

Deputeti demokrat Ervin Salianji i cili është vendosur nën akuzë nga prokuroria ka zbardhur sot në emisionin “Të paekspozuarit” në News24 një pjesë të përgjimeve nga transkriptet e Prokurorisë që publikoi në “Facebook”. Salianji tha se është një pjesë e skandalit “Xhafaj gate”.

Në përgjimet e ‘imituesit’ të Agron Xhafajt sipas tij, Fredi Alizoti i thotë një mikut të tij se ka marrë një pako të mirë.

“Ka një evoluim të çështjes. Nuk bëhet më debati publik nëse ka qenë apo jo zëri i Agron Xhafajt.
Ne kemi publikuar nëj video, e keni parë që e kam nxjerrë gjatë një debati televiziv ku aktori i fabrikuar nga qeveria pranon që e merr Ard Veliu dhe Taulanti. Këto fakte dhe prova janë të njëjta me provat e prokurorisë. Faktohen dhe nga përgjimet që ka bërë vetë prokuroria e shtetit shqiptar.
Po ju them vetëm një pjesë të këtij skandali ‘Xhafaj gate’, skandalin më të madh në fabrikimin e provave për të mbrojtur një person që është vëllai i ministrit të brendshëm dhe vetë ministrin.
Alizoti me nr. tel 091 në fund thotë në datën 1.6.2018 në orën 5:20 dy apo 3 orë para se të vinte në prok flet me një mikun e tij dhe i thotë 5 min dhe vjen drejt i policisë së Fierit dhe i thotë mora një pako të mirë.
Unë jam person nën hetim dhe si person nën hetim mund të kem të gjitha provat. Këto janë dokumente zyrtare të Prokurorisë që kanë shkuar në gjykatë.
Prokuroria ka marrë disa mjete aty këtu për të mbajtur në detyrim paraqitje Jetmir Olldashin. Në datë 29 maj thuhet ‘ça do bëjmë me atë shokun nga Librazhdi’. Dy ditë para 1 qershorit. Thotë më është ofruar një gjë e mirë nga një palë tjetër. ‘Taulanti nga Librazhdi’”, deklaroi Salianji.

Zbardhja e transkriptit të bisedës telefonike:
0682029700- numri i personit që merr në telefon
0676494091- Numri i telefonuesit që përgjigjet.

091: Alo
771: Alo
091: E vlla
771: Hë mo vlla, ça bën ti
091: Jam jam me një shok po pres, ca bën ti?
+700: Hiç vlla ja ka pak pune ne Durres
091: O vlla
+700: he?
+091: Fola edhe me Salen, kupton thashë mos te ngelet qefi të ha në besë kupton?
+700: Fol
+091: E po pres të vi Taulant tani
+700: Kush?
+091: Taulanti Taulanti
+700: Cili?
+091: Taulanti Taulanti
+700: Krah i kundërt eee?