FNSH zbarkon në Vlorë. Dy grupe te FNSH dhe policia e Vlorës në kontrolle në pikat hyrëse dhe dalëse të qytetit të Vlorës. Hyrja e qytetit nga fshatrat e lumit të Vlorës , por dhe në dalje të qytetit në drejtim të autostradës kanë qenë pikat e kontrollit të policisë lokale të Vlorës dhe forcave të FNSH, të cilat kanë nisur prej oreve të para të mengjesit në qytet kontrolle te vijueshme. Mesohet se qellimi mbetet kryesisht kontrollet per armë, por edhe të personave të shpallur në kerkim, apo edhe automjeteve të dyshimta.
FNSH ka mberritur në qytet në ndihmë të policisë së Vlorës, teksa mesohet se pika kryesore e kontrollit mbetet hyrja e qytetit prej fshatrave të lumit të Vlorës, një nga zonat më të nxehta sa i perket lendeve narkotike. Burime nga blutë e Vlorës kanë saktesuar se kontrollet do të vijojnë gjatë gjithë dites,ku dy grupet e FNSH do të ndalen edhe në pika të tjera të qytetit të Vlorës.
Situata e menaxhimit të mbetjeve inerte në Bashkinë e Himarës, kryesisht aksin panoramik Llogora-Palasë ka hyrë në rrugën e zgjidhjes. Pas publikimit të lajmit për depozitimin e mbetjeve aty nga ushtria, Bashkia e Himarës ka nisur menjëherë pastrimin.
Sakaq, çështja ka tërhequr vemendjen edhe të ministrit Blendi Klosi, i cili kainspektuar ecurinë e procesit të pastrimit tē zonës. Sipas tij, kjo pikë do rikthehet në shërbim të turizmit duke mos prishur imazhin turistik të zonës.
Sipas Klosit, do të shihet mundësia e partneritetit me privatët për menaxhim afatgjatë të mbetjeve. Kreu i Bashkisë së Himarës, Gjergji Goro tha se ky investim përtej kapaciteteve financiare të bashkisë së Himarës. Por për menaxhimin e mbetjeve inerte po punohet me min e linjës për të ndërtuar një strategji afatgjatë: Për menaxhimin e mbetjeve inerte në Himarë, min Klosi kërkoj nga njësitë vendore të Vlorës e Himarës të ndiqet shembulli i Tiranës.
Dhuna në familje është një nga fenomenet shqetësuese në familje pasi është edhe më shumë shqetësues se sa evidentohet për shkak se shumë raste nuk denoncohen. Pavarësisht vështirësisë së matjes së saj, të dhënat e raportuara nga Drejtoria e Përgjithshme e Policisë, dhe të publikuara nga INSTAT në Vjetarin Statistikor Rajonal, tregojnë se gjatë viteve 2013-2017 ka një rritje të numrit të raportimeve për dhunën në familje.
Fatkeqësisht, gratë janë viktimat më të shpeshta të dhunës në familje. Gjatë 2017-s, për çdo 10 mijë gra numëroheshin 22.7 gra të dhunuara në rang kombëtar. Po cilët janë qarqet ku dhuna ndaj grave është më e lartë dhe ku më e ulët (së paku sipas raportimeve)?
Durrsakët njihen si indiferentë, por Qarku i Durrësit ka normën më të lartë të grave të dhunuara. Sipas të dhënave të INSTAT për çdo 10 mijë gra në Durrës kishte 32 gra të dhunuara, apo rreth 11 gra më shumë se mesatarja kombëtare. Qarku i Durrësit është i përbërë nga 3 bashki të mëdha: Durrës, Shijak dhe Krujë.
Qarku i Vlorës ndjek Durrësin për dhunën ndaj grave. Referuar INSTAT-it në Vjetarin Statistikor Rajonal për çdo 10 mijë banore gra në Vlorë kishte 26.6 gra të dhunuar në 2017-n. Në kryeqytet, ku dhe mundësia për ta raportuar dhunën është më e lartë, numri i grave të dhunuara për çdo 10 mijë banore gra ishte 26.3, rreth 4 gra më shumë se mesatarja e vendit.
Mbi mesataren kombëtare të dhunës ndaj grave renditen dhe qarku i Beratit me 25.4 gra të dhunuara për 10 mijë banore gra, Korça me 23.8 gra, dhe Lezha me 23.1. Më pas nën mesataren renditen qarku i Gjirokastrës me 22 gra për 10 mijë banore gra të atij qarku, Fieri me 19.2, Elbasani me 17.1 dhe Shkodra me 15.
Por cilët janë qarqet me nivelin më të ulët?
Dibra dhe Kukësi janë qarqet që kanë nivele të ulëta të dhunës ndaj grave me përkatësisht 8.2 dhe 7.6 gra për 10 mijë banore gra të këtyre qarqeve. Në krahasim me mesataren kombëtare në Dibër ka 14 gra të dhunuara më pak, ndërsa në Kukës, i cili ka dhe nivelin më të ulët në vend, ka rreth 15 gra më pak.
Sikurse dihet, dhuna në familje është ndër krimet më pak të raportuara dhe më vështirë të evidentuara, por së paku nga statistikat mund të themi se kuksianët dhe dibranët trajtojnë më mirë gratë në krahasim me pjesën tjetër të vendit.
“Trajektorja e saj Eliptike ne gjysmen e rruges perqafon planetet e sistemit tone Diellor pastaj largohet jashte sistemit. Duke qene se sot do jete ne kundershtim me Diellin do sjell dyshim dhe mohim te marredhenieve si edhe ndarje. Mund te sjell lajme te rreme si dhe thashetheme te cilat sjellin shume probleme ne marredhenie ne pergjithesi”.
Astrologia njofton se një prej shenjave sot do të bëhet viktimë e një plani mashtrues dhe bëhet fjalë për Peshqit. Lexoni më poshtë parashikimin për të gjitha shenjat.
Dashi
Ju do jeni shume dyshues dhe nuk do besoni me ne nje marredhenie apo projekt duke dashur ta shembni vete dhe ta humbni
Demi
Per ju do kete lajme te rreme dhe thashetheme te cilat do ju prekin personalisht por edhe ne punen tuaj sidomos nese jeni ne nje moment delikat ligjor
Binjaket
Nuk do beni njohje te mira sot dhe do ndikoheni nga persona qe nuk kane qellime te mira drejt askujt Kjo do ju penalizoj ne jeten personale dhe gjerat qe doni me shume
Gaforrja
Dikush do perpiqet sot tju prish famen emrin karrieren dhe do tentoj akoma te beje veprime qe edhe ata te familjes tju shohin me dyshim
Luani
Mund te josheni nga lakmia per me shume fitime apo me shume arritje dhe te merrni krejtesisht rrugen e gabuar sidomos ate te hakmarrjes
Virgjeresha
Ne situatat qe do ju krijohen do ju duket veteja se ju kane nxjerr ne pension ose keni nevoj per nje pushim te gjate per te ardhur ne vete
Peshorja
Te gjitha qe keni aritur ti ekuilibroni dhe te vini nje rregull dikush qe ju njef do perpiqet ti mohoj si vlera dhe si meritat tuaja
Akrepi
Nje startegji e re pune do ju josh dhe kjo ndoshta qe te viheni ne sherbim te dikujt qe ka sukses pavaresisht menyrave qe e ka arritur
Shigjetari
Jeta juaj errotike do jete ne veshtiresi sot duke pare se asgje qe keni dashur nuk po vjen ashtu sic duhet dhe po ju detyron te beni veprime te pamatura
Bricjapi
Do ndjeheni te sulmuar dhe duhet te kuptoni qe ata qe e kane nisur sulmin kunder jush nuk jane personat perballe por ata te afermit e familjes
Ujori
Ambjenit i bukur dhe plote ideale eshte zevendesuar padashur me nje ambjent pak mizerabel dhe pa auren e duhur per ju
Peshqit
Mund te bini viktime e nje palani mashtrues ne ekonomi dhe dyshues per ate qe keni ne dore dhe e zoteroni si fuqi manaxhuese.
Ditën e sotme familjarët por dhe ithtarët e ish-diktatorit Enver Hoxha kanë përkujtuar ditëlindjen e tij, 110-vjetorin.
Ndërkohë nuk e ka kaluar në heshtje as nusja e nipit të Enverit, teksa në një postim në Instagram, Rezarta Shkurta, bashkëshortja e Ermal Hoxhës, ka ripostuar foton e publikuar nga Teuta Hoxha.
“Sot për familjen tonë është një ditë e shënuar, në përkujtim të 110-vjetorit të datëlindjes së Enver Hoxhës”, shkruhet në këtë postim të bërë në Facebook, nga nusja e djalit të Enver Hoxhës.
Kujtojme se Teuta Hoxha, ka shkruar mes te tjerash edhe nje liber “Enveri në kujtimet e mia”. Në këtë botim ajo ku rendit pjese te rendesishme te njohjes dhe jetes ne familjen e diktatorit, Enver Hoxha, perfshire edhe momentet e dites, kur ai u nda nga jeta.
Kryetari i Kuvendit të Shqipërisë, Gramoz Ruçi mori pjesë në Forumin e Kryetarëve të Parlamenteve të Shqipërisë, Kosovës dhe Maqedonisë, i organizuar nga agjencia e lajmeve “BIRN” dhe “Internews Kosova”, ku qëllimi ishte shkëmbimi i përvojave ndaj sfidave parlamentare që po kalojnë parlamentet Shqipërisë, Kosovës dhe Maqedonisë, si edhe diskutim i hapur për mbi zyrtarizmin e gjuhës shqipe në Maqedoni.
Në këtë forum, krahas Kryetarit të Parlamenteve të Kosovës, Kadri Veseli dhe Kryetarit të Parlamentit të Maqedonisë, Talat Xhaferri, merrnin pjesë edhe Ali Aliu, gjuhëtar dhe anëtar i Akademisë së Shkencave të Kosovës dhe anëtar i jashtëm i Akademisë së Shkencave dhe Arteve në Maqedoni dhe në Shqipëri dhe Hilmi Jasharin, Avokati i Popullit në Kosovë.
Gjatë zhvillimit të bashkëbisedimit, Ruçi u pyet nga përfaqësuesit e medias mbi zhvillimet politike në Maqedoni me miratimin e ligjit për përdorimin e gjuhës Shqipe si gjuhë zyrtare dhe zhvillimeve në Kuvendin e Kosovës mbi miratimin e marrëveshjes së demarkacionit, ku Ruçi i bëri thirrje politikës ballkanase që të integrohet në Bashkimin Europian duke europianizuar Ballkanin dhe jo duke ballkanizuar Evropën.
Kryetari i Kuvendit të Shqipërisë dënoi aktet e dhunës në Kuvendin e Kosovës në seancën e diskutimit mbi ratifikimin e marrëveshjes së demarkacionit me Malin e Zi, duke thënë se dhuna nuk është mjet demokratik dhe ligjore të të shprehurit në Kuvend, në tempullin e demokracisë.
Lidhur me situatën politike në Maqedoni, Ruçi vlerësoi bashkimin e spektrit politik shqiptar në Maqedoni duke shprehur se duhet të vijoi bashkëpunimi për integrimin e mëtejshëm të shtetit maqedonas në Bashkimin Evropian dhe në NATO.
I pyetur për mbledhjen në Tiranë të faktorit shqiptar në Maqedoni, Ruçi pohoi efektin pozitiv që solli ky takim në bashkimin e partive shqiptare në Maqedoni drejt objektivave të përbashkëta.
Ruçi u ndal edhe në sfidat që hasin të tre vendet duke shtuar se parlamentet respektive duhet të vijojnë punën e tyre për reformimin e kuadrove ligjore në mënyrë që të tre vendet, Shqipëria, Kosova dhe Maqedonia të vijojnë rrugëtimin e tyre për anëtarësim të plotë në strukturat euro-atlantike/atsh
Xhamia e Allajbegisë, Dibër monument kulture i kategorisë së I është një tjetër destinacion i turizmit religjioz i cili po merr vëmendjen e instituteve dhe specialistëve përkatës për të qenë një atraksion i denjë dhe mikpritës për turistët e huaj dhe vendas.
Specialistët e DRKK-së, Shkodër kanë kryer punime konservuese dhe mirëmbajtjeje në Xhaminë e Allajbegisë, Dibër. Nisur nga teknika e ndërtimit dhe burimeve historike, ky objekt kulti i përket shek.XVI.
Xhamia e Allajbegisë ndodhet në një fushë të hapur pranë fshatit Burim në rajonin e Dibrës. Ajo është ndërtuar në vitin 1578 dhe i takon tipologjisë së xhamive të vogla monumentale me kupolë, minare dhe hajat. Teknika e përdorur e klauzonazhit është një veçori e rrallë për rajonet verilindore të Shqipërisë.
Xhamija e Allajbegisë përbëhet nga salla e lutjeve në formë kubike e mbyllur me një kuve, minare dhe themelet e një portiku të shembur si pasojë e një tërmeti. Dera në anën veriore shërbente për të hyrë në sallën e lutjeve. Mihrabi dhe gjurmë të mimbar janë gjetur në murin jugor të dhomës të ndërtuar me dru.
Salla e lutjeve është mbuluar nga një kupolë në formë sferike. Në muret perëndimore, jugore dhe lindore janë vendosur nga tre dritare në dy rreshta, ndërsa në murin verior ndodhen vetëm në një rresht. Xhamija e Allajbegisë përfaqëson një monument me rëndësi kombëtare i shpallur në vitn 1970 monument kulture i kategorisë së parë./atsh
Parku Kombëtar “Shebenik-Jabllanicë” mbetet i vizitueshëm në çdo fundjavë. Kryesisht janë të rinjtë ata që preferojnë të ngjiten në këtë park, qoftë edhe për shkak të terrenit të thyer. Këtë fundjavë me të rinjtë e ardhur nga Elbasani e Tirana, u bashkuan dhe nxënësit e shkollës së bashkuar “Shefqet Dosku” Dorëz. Kur kjo moshë e kalon kohën e lirë në aktivitete sportive, apo në vëzhgim të natyrës, do të thotë të qëndrosh më pak pranë teknologjisë dhe rrjeteve sociale.
Kjo është stina kur ky park kthehet në një destinacion turistik për vizitorët e natyrës dhe të aventurës. Bimësia fillon të ndërrojë ngjyrë, gjethet vizatojnë në tokën ku bien tapetet e verdhë dhe reshjet nuk kanë filluar akoma.
Rreth 10 mijë turistë, kryesisht të rinj, vendas e të huaj e kanë vizituar vitin e kaluar Parkun Kombëtar në Qarkun e Elbasanit. Një pasuri turistike e pakonkurrueshme, që pret vizitorë të apasionuar pas aventurës, natyrës, traditës dhe historisë.
Është një vend i thyer me kontraste të forta gjeografike, ku mund të gjesh që nga fushat e blerta, lumenj, shpella deri te lartësitë e maleve me borë.
Janë dy lumenj dhe disa burime të vogla ujore që rrjedhin përmes zonës së Parkut, përfshirë në veri lumin e Qarrishtës që bashkohet me lumin Rrapun dhe në jug lumin e Bushtricës, që bashkohet me lumin Shkumbin. Brenda parkut gjenden mbi 14 liqene akullnajore të vogla me bukuri madhështore, të cilat ndodhen në një lartësi mbi 1900 metra mbi nivelin e detit.
Pothuajse i panjohur për pjesën më të madhe të vendit, vitet e fundit, Parku Kombëtar i Shebenikut ka nisur të promovohet dhe të nxisë tërheqjen e turistëve.
Drejtoria e Zonave të Mbrojtura të Qarkut Elbasan është kujdesur që të vendosë në të gjithë parkun tabela orientuese për vizitorët, por edhe të shoqërojë çdokënd që ka dëshirë të shijojë mrekullitë e tij.
Parku Kombëtar i Shebenikut ka mjaft monumente natyrore të shpallura apo jo, që mund të vizitohen nga turistët dhe studiuesit.
Me interes është Kisha e Kosharishtit e ndërtuar në një shpellë me figura e mbishkrime që nga shek. II para erës sonë, që duhet të jetë gjithashtu pjesë e guidës nëse doni të vizitoni Parkun Kombëtar të Shebenikut.
Kjo shpellë-kishë është e vendosur në një shkëmb në lartësi rreth 70 metra nga niveli i lumit të Qarrishtës, ku janë pikturuar Shenjtorja Mari dhe dishepujt gjatë një ceremonie.
Shumë i rëndësishëm fakti që ngjyrat në këto piktura nuk janë zhdukur dhe qëndrojnë ende të gjalla.
Do të gjeni në Shebenik liqenet karstike, liqenin e Fushë-Studnës, Vlaskën, Fushën e Dorëzit, Bredhin e Fushë-Kuqes, Rrapin e Taksimit, Shkallën e Skënderbeut, Gurrën e Ariut e shumë zona të tjera që presin vizitorë.
Moratoriumi i gjuetisë bëri që edhe kafshët e egra të shtohen, për t’i dhënë më tepër gjallëri kësaj zone.
Gjatë monitorimeve të saj me kamera kurth, Drejtoria Rajonale e Zonave të Mbrojtura ka arritur të fotografojë një sërë kafshësh të egra si, derri i egër, ariu, kaprolli, ujku etj.
Shoqata të ndryshme që kanë në fokus aktivitet sportive kohët e fundit po i organizojnë ato në këtë park.
Gara të çiklizmit malor, alpinizëm apo ski e kanë bërë tashmë këtë park më të njohur dhe me siguri një nga destinacionet më tërheqëse të turizmit të natyrës shqiptare. /j.p/
