Aktualitet

E veshur me një bluzë të bardhë, me syze dhe tërësisht e qetë.

Kështu u shfaq para gazetarëve Xhisiela Maloku ditën e sotme në Gjykatën e Apelit Tiranë ku u dha masa e sigurisë për Rexhep Rrajën.

Ndërkohë që Maloku tha se do të vijojë t’i qëndrojë deklaratës së saj se Rexhep Rraja është i pafajshëm.

Xhisiela mbërriti me vonesë pak minuta pasi u mësua vendimi që Gjykata e Apelit kishte dhënë për Rexhep Rrajën për ta lënë atë në burg. Shkak sipas saj ishte trafiku i ngarkuar.

Po ashtu, ajo kërcënoi dhe median: “Më rrini larg. Një media që do merret me jetën time do ta çoj në prokurori.”

Ngjarja e rëndë në Bllok, vazhdon të jetë një ngjarje e veshur me mister, ndërkohë që Ervis Martinaj, një nga protagonistët kryesore është transferuar në ambientet e burgut 302 në Tiranë.

Martinaj po qëndron në ambjentet e këtij burgu prej disa ditësh, ndërkohë që po pret të përmbushet dhe afati 30 ditor i qëndrimit në qeli, që vetë Gjykata e Tiranës ka vendosur për të. Burimet thanë se Martinaj vijon të mjekohet në ambjentet e burgut, pasi ende ka disa koplikacione me plagën që i është shkaktuar në qafë, nga goditja me pistoletë e Marviol Bilos. Transferimi i Martinaj, në ambjentet e paraburgimit 302, u realizua vetëm një ditë pasi qëndroi në spitalin e Burgut. Mjekimin Ervis Martinaj, e mer në qeli, ndërkohë që shpesh herë është vizituar në ambjentet e burgut nga doktorët e spitalit Amerikan në Tiranë.

Transferimi solli shkarkimin e Sulejmanit
Pas përplasjes së Policisë me mjekët e spitalit “Amerikan 2”, për pengesën që krijuan për transferimin e Ervis Martinajt në Spitalin e Burgut, Drejtoria e Burgjeve ka bërë kallëzim penal për spitalin. Ndërkohë nga ana tjetër, Drejtori i Përgjithshëm i Burgjeve Stefan Çipa ka shkarkuar nga detyra shefin e Policisë së Burgjeve, Enrik Sulejmani pasi nuk zbatoi dot urdhrin e transferimit.

Zyrtarisht, Ministria e Drejtësisë ka njoftuar masat e marra për pengimin e transferimit Ervis Martinit, duke konfirmuar si padinë penale ndaj spitalit ashtu edhe masat e marra ndaj punonjësve që nuk zbatuan në kohë vendimin e gjykatës. Sipas Ministrisë bazuar në vlerësimin e Institucionit të Mjekësisë Ligjore, ka rezultuar se në gjendjen shëndetësore në të cilën ndodhet i paraburgosuri, trajtimi i tij mund të kryhet në Qendrën Spitalore të Burgjeve.

Forcat Operacionale që kanë shkuar mëngjesin e datës 9 tetor 2018 në mjediset e Spitalit “Amerikan 2” për të kryer shoqërimin dhe marrjen në ruajtje të të paraburgosurit Martinaj kanë hasur në pengesat e shkaktuara nga personeli i spitalit, pasi mjekët nuk kanë plotësuar dokumentacionin e kartelës shëndetësore të të paraburgosurit. Policia kishte në dorë një epikrizë përcjellëse të printuar me emrat e 4 mjekëve, por që nuk kishte asnjë firmë të asnjërit nga mjekët. Për moszbatim të vendimit të gjykatës me masën e sigurisë “arrest në burg” 30 ditor për Martinajn është kryer shkarkimi i Drejtorit të Policisë së Burgjeve, Enrik Sulejmani, me motivacionin e mospërmbushjes së detyrave funksionale sipas ligjit në fuqi.

Humbja e ndjenjave pas goditjes me armë
Ervis Martinaj, personi që u plagos në një nga lokalet e zonës së bllokut, ka folur publikisht rreth ngjarjes se ndodhur në lokal “Metropol” në ish-bllok, të përshtjelluar nga misteri, ç’ka ka sjellë dhe ngritjen e një sërë alibive, për sa i përket motivit të kësaj ngjarje. Martinaj ka rrëfyer se është qëlluar me një plumb, pikërisht kur ka hyrë në mes dy personave që po kacafyteshin me grushta, Fabiol Gaxha dhe Marvil Bilo.

Në rëfimin e tij, Martinaj thotë se ka humbur ndjenjat dhe nuk është në gjendje të kujtojë se çfarë ka ndodhur, madje nuk ka qenë në gjëndje të dëgjojë krismat që kanë vijuar. Martinaj, thotë se kur është përmendur, ka shkuar tek banaku duke u zvaritur dhe aty ka parë Redi Popeskun me një shishe ëiski në dorë. I ka kërkuar ndihmë, dhe ashtu siç ishte i dehur ai e ka ndihmuar, duke e çuar deri tek taksitë, ku është nisur në spital.

Sipas Martinaj, kur ka mbëritur në spital, shikimi i tij është dobësuar,dhe gjëndja është përmirësuar vetëm pas ndërhyrjes së mjekëve. I plagosuri thotë se Eljon Haton, të plagosurin tjetër e ka kushëri. “Kur ka filluar debati, unë kam qënë me një gotë në dorë duke pirë bashkë me Ervin Matën. Sherri ishte mes Fabiolit dhe një personi që ishte ulur në tavolinën tjetër. Siç isha me gotë në dorë, kam hyre duke thënë “Mos, mos u zini!”, sepse kur hyra unë ata po ziheshin me grushte” – është shprehur Ervis Martinaj, biznesmeni i lojërave të fatit.

Kryeministri, Edi Rama ka marrë një koment në Facebook nga një 13-vjeccar, i cili i tregon historinë e nënës së tij që ende nuk ka gjetur punë. Ai thotë se është gati të braktisë shkollën për të gjetur punë, vetëm që nëna e tij të mos ketë më lot në sy pasi zyra e punës nuk po u zgjidh proiblemin.

“Miredita Xhaxhi Edi! Jam Amiri jam 13 vjec dhe jam ne klasen e 8-te.Jam djali i Valbona Xhikes para shkruesja qe kerkonte te punesohej. Kam menduar qe ta braktis shkollen me gjith deshiren e madhe qe kisha per ta vazhduar por jann me i madhi i femijeve dhe mendoj te dal e te shes cte mundem per ti perkrah te familjes.

Nuk e duroj dot me gjendjen ekonomike te familjes time.Nuk duroj dot me lotet e nenes time tek kthehet e pashprese nga zyra e punesimit. ju lutem me ndimoni duke zbutur gjendjen e familjes time qe dhe un si gjith femijet e tjere te arsimohem”, shkruan A.Pellumbi.

Gjykata ka lënë në fuqi vendimi “arrest me burg”, për djalin e deputetit Rexhep Rrahja. Kërkesën për lirimin e tij e ka dorëzuar avokati i Rrajës Ilir Murati. Pas këtij vendimi ka qenë Xhisiela Maloku e cila para dyerve të gjykatës ka kërkuar që Rexhepi të lihet i lire, pasi problemet mes tyre kanë qenë vetëm për shkaqe xhelozie dhe ai është i pafajshëm.

Avokati i Rrajës thotë se klienti i tij po mbahet padrejtësisht në burg pasi denoncimi i Xhisiela Malokut është bërë për shkak të xhelozisë. Madje Murati thotë se “ka plot vajza që digjen për ‘hobi’ me cigare në trup”. Ai ka thënë se nga pamjet e kamerave Rexhep Rraja dheXhisiela Maloku dolën të përqafuar nga hoteli.
“Xhisiela më ka ardhur në zyrë, pranoi që e kishte bërë për xhelozi”, ka thënë avokati. Kërkesa e Rrajës për ndryshim të masës së sigurisë do të shqyrtohet nga gjyqtarja Shpresa Beçaj. Beçaj tha se do të merret vendimi pasi të shqyrtohet dosja.

Historia e saj është e mjaft e trishtë. Bëhet fjalë për një grua që jeton në Farkë, brenda një kasolleje bashkë me tre fëmijët. Rastin e Florinda Llleshi e sjellë gazetarja e Top Channel, Anila Hoxha.

RRËFIMI I PLOTË

Te lindesh grua …

“Oj nene pse me bere, “. Florinda Lleshi shkel nje shtegu mes permes pyllit dhe nxjerr deshperimin prej shpirtit, duke mallkuar edhe gruan me te rendesishme per te , gruan qe e solli ne jete. Florinda po me con drejt kasolles ne te cilen ka perfunduar ne mes te maleve, qyqe e vetme dhe me 3 femije te mitur. Ajo vendosi te dale prej marteses per shkak te dhunes barbare. Ishte 21 vjece kur u martua me shkuesi, jetonte atje ne Mirdite dhe krushqi pas krushqie i thane se i kishin gjetur nje djale nga familje e mire. Eshte nga Kukesi i thane, familje e mire,djale punetor.

Por gjjithcka rrodhi me tej, qe teper larg endrrave te saj. Ne nje rast , pasi kishte punuar gjithe diten si kafshe ne are kur u kthye ne shtepi ajo u dhunua aq shume sa vendosi ti jepte fund jetes dhe piu fotoksine. Jetoi. Ne 2015 , i shoqi e goditi me sopate ne koke. Nje muaj ne spital, nuk beri ze. Nuk denoncoi pavaresisht plageve . Florinda u kthye serisht aty ne zonen e Farkes se Madhe ku jetonin te gjithe bashke me shpresen se kur te nesermen te lindte dielli edhe jetes se saj do i hapej nje faqe e re.Nuk pati asnje rreze ne asnjeren prej diteve qe vijne njera pas tjetres.

Perkundrazi kur nuk mundi me te duronte dhunen, Florinda i tha stop gjithckaje. Ne fund te 12 viteve martese, ajo u nxor nga shtepia me rrobat e trupit dhe 3 djemte e vegjel. Pa asnje shprese per te trokitur per ndihme, e ndersa mbi vete ka dy urdhera mbrojtjeje, ajo ngriti nje kasolle aty ne pyll, prane shtepise se ish burrit. Dhe ndersa i dha fund nje torture, per te ka nisur nje torture e re.URIA.

Kasollen e ka mbuluar anash me batanije , dhe rrecka rrethanore qe era te mos fryje e shiu mos te hyje brenda.Do te jetoje si njeri. Do qe ti vere ne gjume femijet te ngopur. Qe bijve mos t’ua ngrohe duart me frymen e saj . E pamundur. Ka nje vit e gjysem qe jeton si te jete e padukshme, ajo e padukshme, te tre femijet te padukshem. Por ajo e ka nje emer , quhet Florinda eshte vetem 33 vjece. Femijet e saj quhen Fatmir, Fabian dhe Armen dhe jane 10 , 8 dhe 6 vjec.Jane ne shkollen e Farkes se Madhe dhe nese ndodh ti takoni dijeni se e ema ka ecur mes per mes nje pylli, ka udhetuar 40 minuta ne kembe per ti cuar ne shkolle. Dhe secilit prej tyre kur i ve ne gjume ju tregon perralla me ushqim te ngrohte.

p.s , per me shume shikoni videon, Florinda me priti ne rruge sot dhe m’u lut ta shikoja ku jetonte . Trishtim!

FNSH zbarkon në Vlorë. Dy grupe te FNSH dhe policia e Vlorës në kontrolle në  pikat hyrëse dhe dalëse të qytetit të Vlorës. Hyrja e qytetit nga fshatrat e lumit të Vlorës , por dhe në dalje të qytetit në drejtim të autostradës kanë qenë  pikat e kontrollit të policisë  lokale të Vlorës dhe forcave të FNSH, të cilat kanë nisur prej oreve të para të mengjesit në qytet kontrolle te vijueshme. Mesohet se qellimi mbetet kryesisht kontrollet per armë, por edhe të personave të shpallur në  kerkim, apo edhe automjeteve të dyshimta.

FNSH ka mberritur në qytet në ndihmë të policisë  së Vlorës, teksa mesohet se pika kryesore e kontrollit mbetet hyrja e qytetit prej fshatrave të lumit të Vlorës, një nga zonat më të nxehta sa i perket lendeve narkotike. Burime nga blutë e Vlorës kanë saktesuar se kontrollet do të vijojnë  gjatë gjithë dites,ku dy grupet e FNSH do të ndalen edhe në pika të tjera të qytetit të Vlorës.

Situata e menaxhimit të mbetjeve inerte në Bashkinë e Himarës, kryesisht aksin panoramik Llogora-Palasë ka hyrë në rrugën e zgjidhjes. Pas publikimit të lajmit për depozitimin e mbetjeve aty nga ushtria, Bashkia e Himarës ka nisur menjëherë pastrimin.

Sakaq, çështja ka tërhequr vemendjen edhe të ministrit Blendi Klosi, i cili kainspektuar ecurinë e procesit të pastrimit tē zonës. Sipas tij, kjo pikë do rikthehet në shërbim të turizmit duke mos prishur imazhin turistik të zonës.

Sipas Klosit, do të shihet mundësia e partneritetit me privatët për menaxhim afatgjatë të mbetjeve. Kreu i Bashkisë së Himarës, Gjergji Goro tha se ky investim përtej kapaciteteve financiare të bashkisë së Himarës. Por për menaxhimin e mbetjeve inerte po punohet me min e linjës për të ndërtuar një strategji afatgjatë: Për menaxhimin e mbetjeve inerte në Himarë, min Klosi kërkoj nga njësitë vendore të Vlorës e Himarës të ndiqet shembulli i Tiranës.

Dhuna në familje është një nga fenomenet shqetësuese në familje pasi është edhe më shumë shqetësues se sa evidentohet për shkak se shumë raste nuk denoncohen. Pavarësisht vështirësisë së matjes së saj, të dhënat e raportuara nga Drejtoria e Përgjithshme e Policisë, dhe të publikuara nga INSTAT në Vjetarin Statistikor Rajonal, tregojnë se gjatë viteve 2013-2017 ka një rritje të numrit të raportimeve për dhunën në familje.

Fatkeqësisht, gratë janë viktimat më të shpeshta të dhunës në familje. Gjatë 2017-s, për çdo 10 mijë gra numëroheshin 22.7 gra të dhunuara në rang kombëtar. Po cilët janë qarqet ku dhuna ndaj grave është më e lartë dhe ku më e ulët (së paku sipas raportimeve)?

Durrsakët njihen si indiferentë, por Qarku i Durrësit ka normën më të lartë të grave të dhunuara. Sipas të dhënave të INSTAT për çdo 10 mijë gra në Durrës kishte 32 gra të dhunuara, apo rreth 11 gra më shumë se mesatarja kombëtare. Qarku i Durrësit është i përbërë nga 3 bashki të mëdha: Durrës, Shijak dhe Krujë.

Qarku i Vlorës ndjek Durrësin për dhunën ndaj grave. Referuar INSTAT-it në Vjetarin Statistikor Rajonal për çdo 10 mijë banore gra në Vlorë kishte 26.6 gra të dhunuar në 2017-n. Në kryeqytet, ku dhe mundësia për ta raportuar dhunën është më e lartë, numri i grave të dhunuara për çdo 10 mijë banore gra ishte 26.3, rreth 4 gra më shumë se mesatarja e vendit.

Mbi mesataren kombëtare të dhunës ndaj grave renditen dhe qarku i Beratit me 25.4 gra të dhunuara për 10 mijë banore gra, Korça me 23.8 gra, dhe Lezha me 23.1. Më pas nën mesataren renditen qarku i Gjirokastrës me 22 gra për 10 mijë banore gra të atij qarku, Fieri me 19.2, Elbasani me 17.1 dhe Shkodra me 15.

Por cilët janë qarqet me nivelin më të ulët?

Dibra dhe Kukësi janë qarqet që kanë nivele të ulëta të dhunës ndaj grave me përkatësisht 8.2 dhe 7.6 gra për 10 mijë banore gra të këtyre qarqeve. Në krahasim me mesataren kombëtare në Dibër ka 14 gra të dhunuara më pak, ndërsa në Kukës, i cili ka dhe nivelin më të ulët në vend, ka rreth 15 gra më pak.

Sikurse dihet, dhuna në familje është ndër krimet më pak të raportuara dhe më vështirë të evidentuara, por së paku nga statistikat mund të themi se kuksianët dhe dibranët trajtojnë më mirë gratë në krahasim me pjesën tjetër të vendit.