Aktualitet

Banorët protestojnë sot tek parlamenti, Rama ka një përgjigje për ta

Aktualitet, Politike / /

Banorët e Unazës së Re që do iu prishen shtëpitë nga qeveria kanë paralajmëruar sot se protestën do e zhvendosin para parlamentit, ku ka seancë plenare.

Eshtë dita e 19 që ata protestojnë kundër prishjes se banesave dhe bizneseve të tyre. Ata do të mblidhen në orën 10:00, kur fillon edhe seanca plenare. Ndërkohë 6 banorë janë çuar në ndjekje penale nga policia për shkak të protestë së tyre.

Por sot kryeministri Edi Rama ka deklaruar se s’ka asnjë shans që paligjshmëria të dëmshpërblehet dhe i ka konsideruar një pjesë të biznesmeneve që operojnë në atë zonë dhe kërkojnë dëmshpërblim, si “zaptues profesionistë”.

Duke publikuar një kronikë të TCH që tregon bizneset që janë ngritur në të dy anët e rrugës nga Pallati me Shigjeta deri tek sheshi Shqiponja, kryeministri shkruan në Fb:
“Dhe me këtë pasqyrë sqaruese të situatës ligjore në Unazën e Re, ku ndër ata që e quajnë veten në “proces legalizimi”, janë shfaqur edhe një kategori e panjohur më parë e zaptuesve profesionistë të trojeve publike a private, ju siguroj se s’ka asnjë shans që paligjshmëria të dëmshpërblehet me taksat tuaja dhe ju uroj një ditë të mbarë”.

VIDEO

Banorët protestojnë sot tek parlamenti, Rama ka një përgjigje për ta Read More »

Dalin në dritë të tjera bëma të Shefqetit, “shëruesi” sek.ual të burrave (video)

Aktualitet, Problematika / /

Stafi i programit ka mundur të sigurojë dëshmi për abuzimet e Shefqetit, që mesa duket vijojnë prej dekadash. Një qytetar që jeton në Itali, ka gjetur kurajon të rrëfejë eksperiencën e tij disa vite më parë.

Një video-skandal u transmetuar mbrëmbë ku një person i quajtur Shefqet pretendon se zgjidh hallet e qytetarëve.

Përmes pamjeve të kamerave të fshehta, “Stop” zbuloi se “shëruesi” Shefqet prekte burrat në pjesë intime dhe çdo hall të tyre ai pretendonte se e zgjidhte përmes forcës seksuale të burrave.

Tek “shëruesi” Shefqet, shqiptari që jeton në Itali, kishte shkuar së bashku me të ëmën për një problem familjar që kishin, dhe jo personal.

Edhe në këtë rast, “shërues” Shefqeti kishte nxjerrë jashtë të ëmën e qytetarit dhe nisi të prekte djalin nga pjesët intime. Edhe pse kjo nuk kishte asnjë lidhje me hallin e tyre.

Në një komunikim me gazetarin dhe drejtuesin e ‘Stop’ Saimir Kodra, ky qytetar rrëfeu gjithashtu se atë skenë e kishte të vështirë ta harronte për disa kohë.

Saimir Kodra: Për çfarë më kërkove të bëjmë këtë lidhjen telefonike në Skype?
Qytetari: Në radhë ta parë faleminderit që pranuat kërkesën time, thjesht doja të dëshmoja me dëshminë time personale një eksperiencë dramatike që kam përjetuar me personazhin që transmetuat mbrëmë. Shpresoj që organet kompetente të veprojnë. Isha tek ky për një eksperiencë personale që në 2005 dhe mbaruam punë për 5 minuta. Na tha do bëj ashtu, do bëj kështu. Pastaj, 5 minuta i tha mamit dil jashtë se kam punë me çunin.

Saimir Kodra: Ndërkohë, ju kishit vajtur për problem tjetër familjar, jo për punën tënde.

Qytetari: Po, për njerëz të tretë, jo për ne që ishim prezent aty. Dhe unë thjesht bëja punën e shoferit, duke dërguar mamin që po fliste me të për problemin tonë familjar. Dhe tha rri këtu, e më ngriti në këmbë e më tha: “Do të provoj të të paralizoj këmbë e duar ta shikosh forcën time”. Faktikisht më hyri frika dhe pastaj tha “po e shof që qenke çun i ri, po jeton në Itali, shkon pas femrave, ke epsh, ta ndal unë epshin ty”. Uli, tha, pantallonat. Më preku siç bëri të njëjtat gjëra që bëri mbrëmë.

Arrita disi të shkëputem, por faktikisht kohën më të madhe e ka kaluar me mua se me familjarët e mi që ishim për problemin tim. Ka qenë vështirë për ta kaluar faktikisht, por kemi qenë të rinj dhe shyqyr Zotit ka kaluar ajo punë. Kur pashë mbrëmë u ndjeva sikur të isha atë ditë aty. Faktikisht nuk më ka ikur nga mendja për disa kohë shumë të gjata. Se më ngelte mendja, aty, thoja çfarë më bëri ky. Mos po më bën ndonjë magji. Unë nuk besoj shumë në fakt në këto gjëra, por kur pashë pamjet e vilës që kishte krijuar ky me ato Lekë, përveç krimeve që bën personale, ka dhe një zhvatje nga personat, nga Lekët që iu merr. Jam në Itali me familjen time.

Mbrëmjen e djeshme, emisioni “Stop” publikoi pamje se si “shëruesi” Shefqet prekte burrat nga pjesët intime, duke pretenduar se çdo problem ai e zgjidhte përmes forcës së tyre seksuale. Ndërsa grave ai u jepte këshilla në copa të vogla letrash me shkrime të pretenduara në gjuhën arabe, për të zgjidhur çdo hall.

VIDEO

Dalin në dritë të tjera bëma të Shefqetit, “shëruesi” sek.ual të burrave (video) Read More »

Sot do merrni lajme, ja çfarë thotë horoskopi juaj

Aktualitet / /

Parashikimi i horoskopit për 12 shenjat e zodiakut. Njihuni me atë që do ju ndodhë sot.

Dashi
Disa persona të shenjës së Dashit do të mendojnë për një ëndërr të vjetër. Përpiquni që të mos humbisni mundësitë që do t’ju shfaqen sot. Për ta bërë këtë, duhet të filloni t’i besoni plotësisht intuitës suaj.

Demi
Sot do të dëgjoni shumë gjëra. Mos i besoni të gjitha thashethemet pa asnjë shkak. Nëse keni nisur diçka të re dhe të rëndësishme në jetë si për shembull një marrëdhënie apo projekt biznesi, atëherë kjo këshillë është e vlefshme. Mund të ndodhë që miqtë tuaj të mos ua aprovojnë zgjedhjet, por ju ndiqni dëshirat tuaja.

Binjakët
Do të mendoni rreth mënyrës së duhur për të pasur sukses në punë dhe në jetën tuaj personale. Nëse i kushtoni vëmendjen e duhur kësaj çështje, mos bëni hapa pas. Duhet të përkushtoheni maksimalisht për të arritur qëllimet tuaja në jetë.

Gaforrja
Disa persona të kësaj shenje do të kalojnë një ditë melankolie. Ka gjasa që të bëni një krahasim të së kaluarës suaj me të tashmen. Është e rëndësishme që të mos lejoni nostalgjinë t’ju kthehet në melankoli.

Luani
Sot do t’i kushtoni shumë rëndësi paraqitjes suaj. Ka gjasa që të gaboni gjatë një gjykimi. Mos u bëni sipërfaqësorë, sepse mund t’ju pengojë në rrugën drejt suksesit. Sa u përket marrëdhënieve romantike, sot mund të takoni një person shumë të veçantë.

Virgjëresha
Mos u nxitoni, teksa jeni duke kryer detyra të rëndësishme, pasi mund të harroni disa detaje shumë të rëndësishme. Dëgjojeni partnerin/partneren tuaj teksa ju flet dhe mos e ndërprisni për diçka tjetër. Ka gjasa që një mik të ketë nevojë për këshillën tuaj sot.

Peshorja
Ndoshta sot mund të ndryshoni ambientin në shtëpi, që do t’ju falë mjaft kënaqësi. Partneri/partnerja mund t’ju bëjë një surprizë sot. Mund të përfshiheni në një konflikt në punë sot.

Akrepi
Është e rëndësishme që sot të relaksoheni, pas një periudhe të lodhshme në punë. Gjendja juaj emocionale varet nga mënyra sesi do zgjidhni të veproni ndaj një çështjeje të caktuar. Disa persona të kësaj shenje, veçanërisht femrat, mund të përdorin paraqitjen e tyre për të përfituar në një lloj mënyrë.

Shigjetari
Mos u tregoni shumë kërkues ndaj vetes, por as ndaj të tjerëve. Pranoni këshillat e të afërmve, por edhe të partnerit/partneres. Ka gjasa që një konflikt i vjetër të marrë fund dhe të nisni gjithçka nga fillimi.

Bricjapi
Sot do të përqendroheni maksimalisht në jetën tuaj personale. Do të zbuloni se dikush është shumë i interesuar për ju. Megjithatë, mendohuni mirë para se të ndërmerrni ndonjë hap të rëndësishëm, pasi mund të rezultojë që të mos jetë personi i duhur për ju.

Ujori
Mund të ndiheni konfuz, pasi do të mendoni rreth disa ideve të reja. Do të kontaktoni me persona, të cilët do të tregohen të gatshëm të bashkëpunojnë me ju. Do të ishte mirë që përveç avantazheve të një projekti, të mendoni edhe rreth rreziqeve të mundshme.

Peshqit
Mund të përfshiheni në një situatë të papritur, e cila ka gjasa t’ju shqetësojë. Përpiquni të mos i lejoni disa persona të caktuar t’ju shkatërrojnë ditën. Përkundrazi, buzëqeshini personave që tentojnë t’ju ofendojnë, por njëkohësisht veproni me shpejtësi për të zgjidhur situatën.

Sot do merrni lajme, ja çfarë thotë horoskopi juaj Read More »

10-fishim numrit të oficerëve të sigurisë në shkolla

Aktualitet, Arsim / /

Pas projektit pilot në gjimnazet e Tiranës, buxheti 2019 për Arsimin parashikon dhjetëfishim të numrit të oficerëve të sigurisë në shkolla. Kryeministri Edi Rama i pranishëm në prezantimin e buxhetit të Arsimit theksoi se projekti pilot në gjimnazet e Tiranës testoi figurën e oficerit të policisë në shkolla dhe ka marrë reagime pozitive.

“Pamë të mirat e kësaj figure të ndërmjetme, as mësues e as polic dhe që ka ndikim të drejtpërdrejtë në mbarëvajtjen e orëve të mësimit”, – theksoi Kryeministri. Ai vuri në dukje se janë parashikuar 150 oficerë sigurie në 150 gjimnaze të vendit, duke i dhënë përgjigje problemit të sigurisë dhe mbarëvajtjes së mësimit në gjimnazet më të populluara, ku ka edhe nevojë më të madhe. /atsh

10-fishim numrit të oficerëve të sigurisë në shkolla Read More »

Buxheti për Arsimin, 66% më shumë se 5 vjet më parë

Aktualitet, Arsim / /

Buxheti për Arsimin në vitin 2019, shënon një rritje prej 66% më shumë sesa 5 vjet më parë. Kryeministri Rama, i pranishëm në prezantimin e buxhetit 2019 për Arsimin vuri në dukje disa pika kyçe që, siç tha, nënvizojnë natyrën e këtij buxheti dhe potencialet që ai garanton për reformën e sistemit arsimor.

Reforma e sistemit arsimor, theksoi Rama, ka dhënë rezultate të pakontestueshme që vihen në dukje nga rezultatet e nxënësve tanë në barometrin global të Pizës. “Rezultatet në vijim duhet të jenë konstante dhe më kuptimplote”, theksoi ai duke vënë theksin tek shifrat që përcjell buxheti i ri.

“Krahasuar me 5 vjet më parë, buxheti i arsimit është rritur rreth 66%. A është kjo një shifër e mjaftueshme? Asnjëherë nuk është e mjaftueshme ajo që shpenzojmë për arsimin në asnjë vend të zhvilluar e s’ka si të jetë në Shqipëri, si një vend në zhvillim, por është një shifër kuptimplote. Akoma edhe më kuptimplote është tërësia e rezultateve të arritura, duke shfrytëzuar gjithë volumin e financimeve në dispozicion të arsimit”, theksoi Kryeministri Rama. /atsh

Buxheti për Arsimin, 66% më shumë se 5 vjet më parë Read More »

Rritje të mëtejshme për pagat e mësuesve deri në fund të mandatit

Aktualitet, Arsim / /

Garantimi tanimë i konsoliduar i meritës së mësuesve, mosprekja edhe moscënimi i mësuesve për arsye politike, moslëvizja e mësuesve nga këtu atje për arsye korruptive apo në mënyrë arbitrare dhe sidomos çelja e një rruge tanimë të shkruar në ligj të konkurrencës dhe të meritës për gjithë mësuesit që duan të hyjnë në sistem, përbën një arsye shumë të fortë për ta parë të nesërmen e sistemit tonë arsimor parauniversitar, me optimizëm dhe për të besuar se rezultatet do të shkojnë në rritje.

Kështu deklaroi sot Kryeministri Edi Rama në prezantimin e buxhetit 2019 për Arsimin, duke shtuar se “padiskutim që kemi nevojë që ta rrisim më shumë pagën e mësuesve”.

“Rritja e vitit të ardhshëm është e rëndësishme, ashtu sikundër është e rëndësishme që ta kthejmë kokën pas e të shikojmë se cila ishte paga reale e mësuesve 5 vjet më parë. Mësuesit paguheshin më pak dhe paguanin më shumë taksa nga rroga e tyre. Sot mësuesit paguhen më shumë dhe paguajnë më pak taksa nga rroga e tyre. Por deri në fund të mandatit ne duam ta rrisim përsëri pagën e mësuesve, ky është qëllimi”, – deklaroi Rama.

Ai vijoi më tej duke theksuar se edhe reforma e gjimnazeve ka qenë një reformë që përsëri i ka ardhur në ndihmë procesit, mësuesve dhe nxënësve.

“Ka qenë një hap i madh, pavarësisht se ishte komplet si veza e Kolombit. Ndryshimi i sistemit duke kaluar në 3 lëndë në 6 orë, që erdhi nga vetë mësuesit, një hap shumë domethënës dhe shumë pozitiv i përshëndetur nga mësuesit dhe prindërit dhe për të mos marrë në sysh dhe i akuzuar dhe i sulmuar nga ata të Unazës së Re”, – tha Rama. /atsh

Rritje të mëtejshme për pagat e mësuesve deri në fund të mandatit Read More »

Shkarkohet drejtori i ALUIZNI-t dhe dy punonjës në Vlorë

Aktualitet, Lajmi i fundit / /

Ministrja e Drejtësisë Etilda Gjonaj në cilësinë e drejtueses së njësisë së Task-Forcës për të luftuar korrupsionin në administratë përmes një deklarate për mediat njoftoi sot shkarkimin nga detyra të Drejtorit të ALUIZNI-t Ardian Musta në Vlorë dhe 2 punonjësve.

Arsyeja e shkarkimit është mosrespektimi i procedurave të kërkuara nga ligji në fuqi në marrjen e  vendimit të kualifikimit dhe lejeve të legalizimit.  Konkretisht, nuk janë marrë parasysh përcaktimet e Ligjit “Për trashëgiminë kulturore dhe muzetë”, duke legalizuar një shtesë në një objekt ekzistues, duke cënuar pamjen e jashtme të murit mesjetar të Kalasë së Skelës. Ministrja tha se kontrolli nisi pas denoncimit të ardhur pranë Platformës së Bashkëqeverisjes. Gjithashtu Task-Forca për të luftuar korrupsionin ka rekomanduar edhe 24 masa disiplinore.

Deklarata e plotë
Në cilësinë e Koordinatorit Kombëtar kundër Korrupsionit shpreh në këtë informim javor se qeveria shqiptare është e vendosur të vijojë luftën pakompromis kundër korrupsionit dhe abuzimit me detyrën. Nga njëra anë thellojmë reformat, transformojmë sektorët dhe bëjmë të mundur që të gjitha këto ndryshime të vihen në funksion të cilësisë së jetës dhe shërbimeve që ofrohen ndaj qytetarëve dhe nga ana tjetër ndërtojmë çdo ditë një aleancë me qytetarët për t’u përballuar rast pas rasti me korrupsionin. Falë kësaj aleance me qytetarët, Task Forca Antikorrupsion ka kryer gjatë javës së kaluar kontroll në Drejtorinë e Hetimit Tatimor Rajoni Jugor – Fier lidhur me respektimin e kërkesave ligjore për ushtrimin e veprimtarisë ekonomiko-tregtare nga ana e subjekteve ekonomike  pa u regjistruar, mbajtjen, transportimin, përdorimin dhe tregtimin e mallrave pa dokumentacionin e duhur tatimor, si dhe të punonjësve të padeklaruar në organin tatimor.

Gjatë kontrollit të Task Forcës Antikorrupsion janë konstatuar shkelje të ndryshme, ndër të cilat po përmend: Mos përcaktimi në Urdhërat e Shërbimit të zonës së inspektimit, të listës së subjekteve që duhen kontrolluar dhe arsyen e ushtrimit të kontrollit; përzgjedhja e cila është realizuar nga vetë inspektorët pa asnjë kriter ligjor, nënligjor apo akt administrative me karakter të brendshëm.  Aktet e konstatimet janë mbajtur vetëm në tatimpagues me biznes të vogël. Aktet e konstatimi të cilat janë shoqëruar me kupon tatimor lëshuar në një orar i cili nuk përputhet me orën e përfundimit të mbajtjes së vetë aktit. Aktet e konstatimi të nënshkruara nga vetë inspektorët të cilët nuk rezultojnë në listën e pjesëmarrësve në inspektim, sipas urdhërit të shërbimit përkatës apo mospërputhje ndërmjet referencës të parashikuar në kuadrin ligjor dhe vlerës së gjobës së pasqyruar në proces verbalet e gjobës.

Nisur nga shkeljet e konstatuara, Task Forca Antikorrupsion ka rekomanduar 24 masa disiplinore për drejtues dhe inspektorë të kësaj drejtorie.
Janë rekomanduar gjithësej;
12 Vërejtje me paralajmërim për largim nga puna për Drejtorin e Drejtorisë së Hetimit
Tatimor, Rajoni Jugor-Fier, si dhe për 10 inspektorët e Sektorit të zbatimit, si dhe për Përgjegjësin e Sektorit të zbatimit;
Janë rekomanduar gjitashtu: 12 Vërejtje me shkrim për inspektorët e zbatimit, të kesaj Drejtorie.
Gjithashtu bazuar në një denoncim të ardhur pranë Platformës së Bashkëqeverisjes, me objekt denoncimin e legalizimit një shtesë anësore të një pallati shumëkatësh pranë stadiumit “Flamurtari” – Vlorë, grupi i kontrollit të Task Forcës Antikorrupsion ka kryer gjatë javës së kaluar inspektim administrativ në Drejtorinë Rajonale të Aluizni-t, Vlorë dhe Zyrën Vendore të Regjistrimit të Pasurive të Paluajtshme Vlorë.
Në përfundim të këtij hetimi janë rekomanduar 3 masa disiplinore “Largim nga puna” për:
Drejtorin e Drejtorisë Rajonale të ALUIZNI-t, Vlorë;
Përgjegjësin e Sektorit të Legalizimeve, Drejtoria Rajonale e ALUIZNI-t, Vlorë;
Specialistin e Sektorit të Legalizimeve, Drejtoria Rajonale e ALUIZNI-t, Vlorë;
Janë rekomanduar këto masa pasi është konstatuar se nuk kanë respektuar procedurat dhe kërkesat e parashikuara në kuadrin ligjor në fuqi lidhur me mbledhjen dhe administrimin e dokumentacionit tekniko-ligjor të nevojshëm, në marrjen e vendimit të kualifikimit dhe emetimin e lejes së legalizimit sipas kuadrit ligjorpër një objekt shtesë pa leje në objekt egzistues.
Saktësisht nuk janë marrë parasysh përcaktimet e Ligjit “Për trashëgiminë kulturore dhe muzetë”, duke legalizuar shtesë në një objekt ekzistues, duke cënuar vëllimin ose pamjen e jashtme të murit mesjetar të Kalasë së Skelës.

Në të njejtën kohë nga strukturat kundër korrupsionit në Policinë e Shtetit, gjatë javës së kaluar janë evidentuar 13 vepra penale në fushën e korrupsionit dhe janë proçeduar penalisht 33 autorë, prej tyre janë arrestuar dhe ndaluar: 10 autor, ndërsa 23 të tjerë po gjykohen ne gjendje  të lirë.
Për të gjitha rastet e evidentuara, nga strukturat për hetimin e korrupsionit dhe Drejtoria Qendrore e Hetimit, janë kryer veprimet hetimore dhe janë referuar në Prokurori, veprat penale të “Korrupsionit pasiv i personave që ushtrojnë funksione publike” dhe “Shpërdorimi i detyrës”, etj.
Rezultatet e vazhdueshme të angazhimit të strukturave antikorrupsion dhe institucioneve të tjera ligjzbatuese janë tashmë të prekshme nga të gjithë qytetarët.
Bashkëpunimi i drejtpërdrejtë me qytetarët nëpërmjet Platformës së Bashkëqeverisjes, reagimi i menjëhershëm ndaj çdo denoncimi apo ankese ligjore, po rrit gjithnjë e më shumë numrin e denoncimeve të rasteve konkrete duke e bërë dhe më efektive punën e strukturave antikorrupsion.
Ndaj do të vazhdojmë me këmbëngulje, dhe besim, që të ftojmë të gjithë qytetarët të bëhen pjesë e kësaj beteje të madhe, për shtetin e së drejtës dhe sundimin e ligjit, përmes denoncimeve dhe informacioneve të tyre në platformën e bashkëqeverisjes shqiperiaqeduam.al.

Shkarkohet drejtori i ALUIZNI-t dhe dy punonjës në Vlorë Read More »

Drejtori i Ujësjellës Kanalizime Vlorë, Dorian Xhelili, flet për masat e marra

Aktualitet, Intervista / /

Drejtori i Ujësjellës Kanalizime Vlorë, Dorian Xhelili, flet për masat e marra për përballimin e përmbytjeve. Xhelili u bënë thirrje qytetarëve që të tregojnë përgjegjshmëri dhe të mos dëmtojnë rrjetin e kanalizimeve, duke hedhur në të, mbeturina të ndryshme. Më poshtë gjeni të plotë fjalën e drejtorit të Ujësjellës Kanalizime, Dorian Xhelili.

Është duke u zhvilluar projekti i fizibilitetit për rikonstruksionin dhe përfundimin e ujësjellësit dhe kanalizimeve të ujërave të zeza të Njësisë Administrative të Orikumit. Gjithçka është një bashkëpunimi financiar i Qeverisë Gjermane me Qeverinë Shqipetare, në kuadër të “Programit IV Rural i Furnizimit me Ujë (Orikum)”. Financuesit dhe zbatuesit e projektit po studiojnë zonën ku do të zbatohet projekti i fizibilitetit, ndërsa po evidentojnë edhe problematikat që po shfaqen dhe që do të zgjidhen me këtë projekt. Po ashtu po punohet edhe për vendosjen në funksion të Impiantit të Përpunimit të Ujërave të Ndotura të Orikumit, pasi ky është edhe qëllimi i këtij projekti.

Pas Orikumit, sot u zhvillua në Vlorë, trajnimi i specialistëve dhe punonjësve tanë të kanalizimeve për mjetet moderne dhe të teknologjisë që do të përdoren për pastrimin e rrjetit. Trajnimet po realizohen nga specialistë të ardhur nga Turqia. Këto makineri të specializuara synojnë që të pastrojnë rrjetin e kanalizimeve deri në detajë, madje edhe në ndërhyrje të specializuara për të cilat do të vendoset në punë makina robot. Procesi i trajnimit të punonjësve tanë, po ndiqet nga afër edhe nga drejtori i Ujësjellës Kanalizime, Dorian Xhelili.

Drejtori i Ujësjellës Kanalizime Vlorë, Dorian Xhelili, flet për masat e marra Read More »