Aktualitet

Ndërtimi i projektit të Unazës së Madhe është shoqëruar me incidente të mëdha për shkak të banorëve të “Astirit”, të cilët kërkojnë dëmshpërblim për banesat që do t’u prishen.

Por banesat në Astir nuk janë të vetmet që do të prishen.

Kjo pasi Inspektorati Kombëtar i Mbrojtjes së Territorit, (IKMT) ka njoftuar se sot do të nisë nisë një aksion në Shkozë për projektin e Unazës së Madhe.

Përmes një postimi në faqen e Facebook, IKMT ka njoftuar se sot do të shemben 16 objekte me madhësi të ndryshme.

Njoftimi i IKMT:

Nisim sot nje aksion te ri ne Shkoze, ne kuader te projektit per ndertimin e Unazes se Madhe, loti dy. Do te prishim 16 objekte me madhesi te ndryshme…”

U mendua se ishte një deklaratë e kryeministrit për të tërhequr vëmendjen por jo.

Tashmë pijet alkoolike dhe ato energjike nuk do të lejohen ligjërisht të konsumohen nga të miturit. Kuvendi i Republikë së Shqipërisë ka sjellë madje disa ndryshime në ligjin nr 9518 “Për mbrojtjen e të miturve nga përdorimi i alkoolit” ku theksohet se përveç pijeve alkoolike do të ndalohet edhe përdorimi i pijeve energjike dhe atyre të gazuara që përmbajnë sheqer të shtuar.

Masat dhe gjobat
Në ligj bëhet me dije se ndalohet ofrimi i pijeve alkoolike dhe energjike të miturve nga personi madhor që e shoqëron atë në vende publike. “Ofrimi i pijeve alkoolike dhe pijeve energjike nga personat madhorë që shoqërojnë të miturit në njësi tregtare, përbën kundërvajtje administrative dhe dënohet me gjobë nga 10 mijë deri në 20 mijë lekë. Ofrimi i pijeve alkoolike dhe pijeve energjike nga personat madhorë që shoqërojnë të miturit në baret, restorantet, kinematë apo klubet e natës përbën kundërvajtje administrative dhe dënohet me gjobë nga 20 mijë deri në 30 mijë lekë.”,-theksohet në ligj.

Gjithashtu, në këtë të fundit bëhet me dije se shitja e alkoolit dhe pijeve energjike te personat nën 18 vjeç ndalohet rreptësishtë nga të gjitha dyqanet, marketet apo njësitë e tjera të shitjes. Të gjithë personat e dyshuar si minorenë do të kontrollohen nëpërmjet mjetit të identifikimit për të ndaluar përdorimin e lëndëve të sipërpërmendura.

Gjithashtu, do të ndalohet çdo lloj reklamimi i pijeve të gazuara që përmbajnë sheqer të shtuar në institucionet arsimore për të mitur. “Ndalohet transmetimi i publicitetit për pijet alkoolike, pijet energjike dhe pijet e gazuara që përmbajnë sheqer të shtuar në brendësi të këtij programi drejtuar të miturve, si dhe 60 minuta para dhe pas këtij programi”,-thuhet në ligj. Ndërkohë, radiotelevizionet, mediat e shkruara publike ose private, si edhe agjencitë publicitare, brenda 6 muajve nga hyrja në fuqi e këtij ligji, duhet të miratojnë rregulla për përmbajtjen e mesazheve publicitare që kanë të bëjnë me pijet energjike dhe pijet e gazuara që përmbajnë sheqer të shtuar.

Synimi
“Ky ligj ka si qëllim parandalimin e pasojave shëndetësore nga konsumi i alkoolit, pijeve energjike dhe pijeve të gazuara që përmbajnë sheqer të shtuar nëpërmjet përdorimit të tyre nga të miturit”,-theksohet në ligj. Në këtë të fundit bëhet me dije se “pije energjike” konsiderohen ato pije joalkoolike, në të cilat përmbajtja totale e kafeinës tejkalon sasinë 150 mg/l dhe që në përbërje të tyre kanë të paktën një ose më shumë substanca stimuluese ose tonike, të tilla si: taurinë, D-glukuronon y-lakton, guaranë, maltodekstrin, xhensen, karnitinë, kreatinë dhe gingko biloba. Ndërkohë, “pije të gazuara që përmbajnë sheqer të shtuar” konsiderohen ato pije joalkoolike, të gazuara, që përmbajnë sheqer, agjentë të tjerë ëmbëlsues apo aromatizues, natyral apo artificial, si dhe acid ushqimor, përjashto ujin mineral dhe ujërat e gazuara, lëngjet e frutave dhe pijet e bëra me qumësht ose produktet e qumështit.

Çfarë ndalon ligji, masat administrative
Ndalohet ofrimi i pijeve alkoolike dhe energjike të miturve nga personi madhor që e shoqëron atë në vende publike.

Ofrimi i pijeve alkoolike dhe pijeve energjike nga personat madhorë që shoqërojnë të miturit në njësi tregtare, përbën kundërvajtje administrative dhe dënohet me gjobë nga 10 mijë deri në 20 mijë lek?. -Ofrimi i pijeve alkoolike dhe pijeve energjike nga personat madhorë që shoqërojnë të miturit në baret, restorantet, kinematë apo klubet e natës përbën kundërvajtje administrative dhe dënohet me gjobë nga 20 mijë deri në 30 mijë lekë

Shitja e alkoolit dhe pijeve energjike te personat nën 18 vjeç ndalohet rreptësishtë nga të gjitha dyqanet, marketet apo njësitë e tjera të shitjes.

Të gjithë personat e dyshuar si minorenë do të kontrollohen nëpërmjet mjetit të identifikimit për të ndaluar përdorimin e lëndëve të sipërpërmendura.

Do të ndalohet çdo lloj reklamimi i pijeve të gazuara që përmbajnë sheqer të shtuar në institucionet arsimore për të mitur.

Ndalohet transmetimi i publicitetit për pijet alkoolike, pijet energjike dhe pijet e gazuara që përmbajnë sheqer të shtuar në brendësi të këtij programi drejtuar të miturve, si dhe 60 minuta para dhe pas këtij programi

Radiotelevizionet, mediat e shkruara publike ose private, si edhe agjencitë publicitare, brenda 6 muajve nga hyrja në fuqi e këtij ligji, duhet të miratojnë rregulla për përmbajtjen e mesazheve publicitare që kanë të bëjnë me pijet energjike dhe pijet e gazuara që përmbajnë sheqer të shtuar. /GSH/

DASHI:

Kjo e hënë do ju drejtojë drejt një periudhe të qetë. Sa i takon dashurisë, realizimi i një objektivi të përbashkët do të sjellë shumë entuziazëm dhe energji. Ata që janë vetëm, nuk parashikohet të kenë ndonjë zhvillim të rëndësishëm. Në punë, mos u sforconi shumë, pasi keni nevojë për të pushuar. Parashikohen keqkuptime me kolegët, por mundohuni që ti kaloni sa më thjeshtë.

DEMI:

Kjo ditë nuk do të jetë në ritmin e duhur! Në dashuri do të jeni nën formën e zakonshme. Dikush mund të ndihet i pakënaqur nga raporti, kështu që mundohuni ti bëni sytë katër. Për ata që janë vetëm, një miqësi mund të kthehet në diçka më shumë. Sa i takon sferës profesionale, qartësoni idetë tuaja dhe do të gjeni zgjidhjen që kërkoni.

BINJAKËT:

Kjo e hënë parashikohet të jetë mjaft interesante, ku fundi do jetë edhe më i mirë. Në dashuri, sidomos sa i takon raporteve në çift, duhet t’iu kushtoni më shumë rëndësi nevojave të personit që keni pranë dhe për rrjedhojë do ju duhet të hiqni dorë nga disa zakone tuaja. Kjo e hënë do të jetë mjaft intriguese për ata që janë vetëm. Në punë, parashikohen rezultante të frytshme dhe një situatë e qetë.

GAFORRJA:

Dita do të nisë me ritmin e duhur, sidomos sa i takon sferës së ndjenjave. Do të jeni në ekuilibër të plotë dhe do të shijoni momente zbavitëse, teksa sharmi juaj do të jetë maksimal. Ndërkohë ata që janë vetëm, do të bëjnë njohje interesante. Në vendin e punës, duhet të insistoni në gjërat për të cilat jeni të sigurtë, në mënyrë që të korrni sukses.

LUANI:

Kjo ditë do ju gjejë tejet aktiv, sidomos sa i takon çështjes së ndjenjave. Do të jeni të përfshirë nga një pasion, të cilin vështirë se do e mbani në fre. Për ata që janë vetëm ky është një moment rikuperimi, ku nuk do të mungojnë aventurat. Në vendin e punës, nëse hasni ndonjë pengesë prej kolegëve, mundohuni që të flisni hapur. Duhet të shmangni keqkuptimet, pasi shpesh zgjidhja më e mirë, është të mos mbajturit asgjë.

VIRGJËRESHA:

Kjo e hënë nuk parashikohet të jetë shumë pozitive, ndaj mos u përfshini në nisma të rrezikshme. Duhet të bëni durim dhe të veproni me sa më shumë delikatesë në raportet në çift. Për ata që janë vetëm, parashikohen takime premtuese, të cilat do të ngjallin simpati. Ndërsa në vendin e punës duhet të jeni më të përqendruar në objektivat tuaja lidhur me programe të caktuara. Do të jepeni maksimalisht për të bindur një person që të punojë në një drejtim me ju.

PESHORJA:

Parashikohet një ditë ku do të jeni gjithë dëshirë për të bërë diçka të re. Në dashuri, duhet të tregoni kujdes pasi Hëna nuk do të ketë ndikim aspak të favorshëm. Shumë shpejtë mund të krijohet një klimë tensioni, e cila mund të shkaktojë zënka. Për ata që janë vetëm, nëse një njohje po thellohet më tej, mendohuni më mirë para se të vendosni për të vijuar. Ndërsa sa i takon punës, parashikohen momente nervozizmi me disa kolegët tuaj. por në sajë të aftësive tuaja do të qetësoni çdo situatë, duke rigjetur normalitetin.

AKREPI:

Kjo e hënë do të jetë mjaft e favorshme për të gjithë ata që janë çift. Do të jeni të buzëqeshur, gazmorë dhe të kënaqur dhe gjithë entuziazëm, duke e parë këtë ditë më pozitivisht se kurrë. Për ata që janë vetëm, mund të ketë disa të papritura. Do të arrijnë që të përdorin sharmin e tyre për ti bërë përshtypje dikujt që e pëlqejnë. Përfitoni pa u menduar dy herë, shkruan noa.al. Në vendin e punës do të hasni një sërë mundësish gjatë gjithë ditës. Parashikohet një e hënë e mbushur me perspektivë mjaft interesante.

SHIGJETARI:

Kjo ditë do të jetë e luhatur. Raporti në çift do të jetë gjithë ulje-ngritje, ku do ju duhet të rigjeni humorin. Megjithatë do të gjeni mbështetje te partneri/ja, ndaj shfrytëzoni dëshirën për të nisur plane për të ardhmen. Ata që janë vetëm do i hedhin sytë tek një person special, i cili do ju zgjojë fantazinë. Këshillohet që të guxoni dhe të mos e lini gjithçka në dorë të ëndrrave. Në vendin e punës, më në fund do të shihni të realizuar disa objektiva. Këshillohet që të veproni me kujdes dhe do ia dilni.

BRICJAPI:

Kjo e hënë parashikohet të jetë perfekte, thuajse në gjithçka. Nuk do të përballeni me asnjë të papritur apo surpriza të pakëndshme. Në dashuri, mundohuni të hapni zemrën me partnerin, pasi kështu do të arrini të gjeni qetësinë. Mbrëmja ju fton të bëni diçka më të guximshme. Për ata që janë vetëm parashikohet një takim perfekt, i cili premton shumë. Ndërsa në vendin e punës, nëse keni projekte të reja ndërmend, ka ardhur momenti që ti vini në zbatim.

UJORI:

Kjo e hënë parashikohet disi e vështirë për të lindurit e kësaj shenje. Shumë prej jush do të mundohen të mbajnë nën kontroll çështjet e përditshme, duke falur gabimet e personit që kanë pranë. Ata që janë vetëm, do të jenë me humor të keq, ndaj më mirë të mos guxojnë me persona të tjerë. Në vendin e punës, duhet t’ia dilni vetë, pasi kolegët veçse do ju pengojnë.

PESHQIT:

Kjo fillim javë për shumë nga të lindurit e kësaj shenje, do të jetë mjaft pozitive, por duhet të mbani nën kontroll disa çështje tejet të rëndësishme. Sa i takon dashurisë, do të jetë një moment i mirë për ndjenjat, ku do të jeni më të qetë dhe partneri do të jetë në sintoni totale me ju. Ata që janë vetëm, do të jenë të gatshëm të bëjnë njohje të reja. Sa i takon sferës profesionale, do të jeni të vendosur dhe kurajoz dhe asgjë nuk do ju ndalë. Përgatituni për të parë realizimin e disa projekteve tuaja. Shumë prej jush do të arrijnë të gjejnë pika të përbashkëta, me ata që më herët kanë treguar pikëpamje të ndryshme nga tuajat.