Janë rikthyer rreshjet e dëborës në zonat malore të qytetit juglindor. Dardha dhe Voskopoja janë përfshirë nga rreshjet e shumta të dëborës.
Trashësia në Voskopojë ka arritur në 5 cm dhe 10 cm në Dardhe.
Policia u ka bërë thirrje drejtuesve të mjeteve të bëjnë kujdes në lëvizje si dhe të jënë të paisur me zinxhirë.
Studentët vazhdojnë protestën e tyre nën moton “Dhjetori i Dytë” edhe sot.
Në rrjetet sociale, që janë edhe “zemra” e kësaj proteste, studentët publikuan axhendën dhe në bazë të saj janë mbledhur para Korpusit Universitar në orën 9:30 dhe prej aty kanë nisur marshimin drejt Ministrisë së Arsimit.
Studentët i kanë vendosur si afat të fundit Ministrisë së Arsimit, ditën e martë, kur duhet të jenë plotësuar të gjitha kërkesat e tyre.
“Jemi të gjithë të bashkuar. Do i kërkojmë ministrisë dhe qeverisë të njëjtat kërkesa me 8 pika. Deri të martën është ultimatumi. Nëse nuk plotësohen, të martën do jetë protesta më masive që keni parë ndonjëherë”, u shpreh një prej studentëve për mediat.
E sotmja, do të jetë dita e 5-të e protestave të studentëve për të drejtat e tyre, teksa ata vazhdojnë të bëjnë thirrje për mos politizim të tubimit. Sipas tyre ka pasur tentativa nga disa grupe për t’i përçarë, ndaj kanë hedhur disa ide. Ata kërkojnë që mos ketë një drejtues, por organizimi të bëhet nëpërmjet rrjeteve sociale dhe e dyta që të bëhen të dallueshëm nga grupe politike propozojnë që të mbajnë në dorë një shami të kuqe.
“Studentë, të gjithë të bashkuar për të kërkuar me ngulm plotësimin e kushteve! Kush nuk ka mundësi të shkojë të mblidhet pranë fakulteteve të vet, të vijë direkt në Ministrinë e Arsimit”, thuhet në faqen e Facebook të Universiteti.info.
Edhe “Lëvizja për Universitetin” bën thirrje që politika të qëndrojë larg studentëve.
“Studentët në protestë para Ministrisë së Arsimit po përballen me një fushatë të koordinuar dezinformimi dhe orvatjesh për t’i përçarë. Lëvizja Për Universitetin u bën thirrje të gjitha partive politike që të ndalin veprimet përçarëse ndaj studentëve. Edhe më fort se nga ne, thirrja për mospërfshirjen e partive vjen nga mijëra studentë njëzëri. Janë ata që e kanë kuptuar se partitë kanë vetëm një interes: përçarjen e studentëve dhe instrumentalizimin e protestës për agjendat e tyre”.
Studentët nuk kanë ndërmend të tërhiqen edhe pas refuzimit që i bën dje ministres Lindita Nikolla, e cila hyri mes turmës për të komunikuar me ta, por u refuzua, pasi studentët nuk kërkojnë negociata por vetëm plotësim të kushteve.
GAZETA “SHQIP” RENDIT KËRKESAT E PLOTA TË STUDENTËVE
Drejtuar: Ministrisë së Arsimit dhe Sportit
Ministres së Arsimit dhe Sportit Znj. Lindita Nikolla
Lënda: Kthim përgjigje me shkresë zyrtare
Përgjysmim i tarifës së studimi
Rritja nga 10% në 50% e peshës totale të votës së studentëve për të zgjedhur kandidatët për dekan/rekor dhe rritja e përfaqësisë së studentëve në senatin akademik me 20%.
Mbështetur në nenin 99 mbi Këshillet Studentore, Ligji i Arsimit të Lartë pika 2 kërkojmë që Bordi i Administrimit të IAL-ve të ketë numër të barabartë votash si nga Ministria e Arsimit dhe Sportit dhe IAL-të dhe të shtohet një përfaqësues në këtë bord nga studentët.
Mbështetje e studentëve për kërkime shkencore.
Mbështetje e studentëve të doktoraturës me fonde për kërkimin shkencor.
Përmirësim i kushteve të konvikteve të Universiteteve.
Dyfishim i buxhetit për arsimin e lartë.
Pajisja e të gjithë studentëve me kartën e Studentit brenda vitit akademik 2018-2019. Presim përgjigje zyrtare me shkrim deri në orën 14:00. Kërkesa drejtohet nga Këshilli Studentor.
Studentët, afat qeverisë: Deri të martën, ose protesta më masive e historis Read More »
Defeketi në një nënstacion të OSHEE në zonën e Vlorës ka detyruar operatorin e shprendarjes që të stakojë energrjinë në disa zone të këtij arku.
Në njoftimin e OSHEE për abonentët thuhet se, ‘për shkak të avarisë në zbarrat 35kV ne N/stacionin Orikum i Ri (OST) aktualisht është duke u punuar, për rrjedhojë stakuam linjen Uji i Ftohtë-Radhimë-Orikum i Vjeter.
Puna do të vazhdojë deri në oren 11:30, dhe gjatë kësaj kohe janë pa energji elektrike këto zona:
Rradhimë, Tragjas, Dukat, Fshat- Dukat, Llogara, Jonufër dhe Orikum.
Pa drita zona e Orikumit,defeket në një nënstacion të OSHEE Read More »
Shtrihet gjatë bregut të Adriatikut dhe quhet “Kompleksi Ligatinor i Patokut” që përfaqëson një nga bukuritë natyrore më interesante të këtij bregu.
E ndodhur ndërmjet Lumit Mat në Veri dhe Lumit Ishëm në Jug, ky kompleks përfshin një llojshmëri të lartë habitatesh.
Një lagunë nga pesë lagunat e jashtëme në brigjet shqipëtare është nga më interesantet dhe nga më të populluarat me faunën ujore.
Këto karakteristika dhe shumëllojshmëria e habitateve janë te lidhur ngushte me biodiversitetin e larte te Kompleksit Ligatinor te Patokut. Shumëllojshmëria e bimësisë është një nga karakteristikat më të spikatura të këtij kompleksi nga bimët detare, në pjesën perëndimore, më të zakonshmet janë livadhet nënujore.
Pozicioni i favorshëm dhe shumëllojshmëria e habitateve rreth lagunës kanë krijuar kushte të përshtatshme për faunën ujore. Inventarizimi i shpendëve ka regjistruar numër të lartë llojesh, që i përkasin shpendëve te ujit, shkurretave, pyjeve, kullotave, dunave dhe tokave bujqësore. Në Kompleksin Ligatinor te Patokut është regjistruar numër i madh llojesh te shpendëve të kërcënuar në shkalle botërore si Pellikani dhe specie të tjera që tashmë janë rikthyer.
Peshkimi është përparësi për zhvillimin e lagunës dhe zonës. Bregdeti, laguna dhe 2 lumenjtë Mat dhe Ishëm, qe e lagin, krijojnë kushte te përshtatshme natyrore për zhvillimin e peshkimit me interes te madh ekonomik. Kompleksi i Patokut karakterizohet nga një shumëllojshmëri e peshqve. Pozicioni gjeografik i kësaj zone lehtëson komunikimin me tregjet e shitjes, gjë që përben një tjetër faktor për perspektiven e mire te zhvillimit te peshkimit. Aty gjenden dhe disa komplekse turistike, kryesisht zhvillohet turizmi i natyrës, vëzhgimit dhe kulinarisë.
Turizmi ekologjik është një nga potencialet me te rëndësishme për zhvillimin e zonës. Karakteristikat e saj natyrore me llojshmërinë e larte te habitateve (det, lagune, pyll, lumenj, toke bujqësore), biodiversitetin e pasur me shume grupe te florës dhe faunës, ekzistencën e bujqësisë dhe peshkimit tradicional janë faktorë kryesore për zhvillimin e eko-turizmit. Pozicioni i kësaj zone pranë Tiranes dhe rrugëve nacionale e lehtëson ardhjen e turisteve. Patoku është kthyer në një destinacion për turizmin familjar dhe atë të kulinarisë detare. /atsh
Laguna e Patokut, “parajsë” e biodiversitetit dhe turizmit Read More »
Çmimet e ushqimeve në tregjet e vendit janë të qëndrueshme, ndonëse konsumatorët kanë rritur fluksin e blerjeve për mallrat ushqimore, në prag të festave të fundvitit.
Në tregjet kryesore të fruta-perimeve, tek “Pazari i Ri” në kryeqytet dhe tregu “Agroushqimor” në periferi të Tiranës, që furnizojnë pikat e shitjes me pakicë, çmimet kanë ndryshime të papërfillshme.
Tregtarët shprehen se, prodhimet vendase vazhdojnë të shiten me çmime disi më të larta ndërsa produktet e importit kanë pësuar ulje.
Sipas tyre: “Prodhimet e sezonit janë drejt fundit, ndonëse produktet e vendit vijojnë të furnizojnë tregjet dhe për pasojë çmimet janë më më të larta se produktet e importit”. /atsh
Çmimet e ushqimeve të qëndrueshme në këtë fundvit Read More »
Pedagogu dhe shkrimtari Edmond Tupe është përzënë nga studentët. Ai nuk është lejuar të marrë megafonin dhe të flasë gjatë protestës.
Edhe gjatë ditës së djeshme studentët mbështetjen e politikanëve apo figurave të ekranit e kanë refuzuar duke thënë se mund t’ia dalin të vetëm.
“Jo politikë, jo politikë, ia dalim vetë”, dëgjohet të thërrasin studentët vazhdimisht.
Gjithashtu ata kanë paralajmëruar se nuk do të ndalen deri sa të plotësohen kërkesat e tyre.
Kë përzunë nga protesta studentët?“Largohuni! Ia dalim vetë” Read More »
Projekti “Rikualifikimi urban dhe restaurimi i objekteve në Qendrën Historike dhe Zonën e Mbrojtur në fshatrat Dhërmi dhe Vuno”, po zbatohet nga Fondi Shqiptar i Zhvillimit në bashkëpunim me Institutin e monumenteve të Kulturës.
Projekti u financohet nga qeveria shqiptare dhe Banka e Këshillit të Europës (CEB).
Në Vuno dhe Dhërmi Krahas restaurimit të godinave, po punohet edhe për ndërtimin e rrjetit inxhinierik nëntokësor dhe rikonstruksionin e kalldrëmeve.
Restaurimi i godinave ka nxitur banorët të bëjnë investime private në ambientet e brendshme të shtëpive të tyre për t’i përshtatur si bujtina apo restorante.
Përfundon procesi i restaurimit të çative dhe fasadave për 210 shtëpi në fshatrat Dhërmi dhe Vuno.
Godinat e klasifikuara si pjesë e trashëgimisë kulturore si banesa e Pirro Gjikopullit dhe Llukë Petro Zhupës u janë nënshtruar edhe restaurimit të tavaneve dhe elementëve të tjerë dekorativë të brendshëm.
Punët në Komunitet IV- Zhvillimi i Alpeve Shqiptare dhe Zonës Bregdetare” është një program investimesh në bregdetin e jugut, rajonin e Alpeve, qarqet Vlorë, Gjirokastër, Dibër, Shkodër dhe bashkitë Himarë, Vlorë, Gjirokastër, Mat, Pukë.
Objektivi i përgjithshëm i programit është nxitja e zhvillimit të qëndrueshëm social-ekonomik në komunitetet me potencial të lartë turistik, nëpërmjet përmirësimit të infrastrukturës së integruar publike duke respektuar mjedisin dhe ruajtur trashëgiminë kulturore dhe historike.
Në bashkinë e Himarës, programi parashikon disa paketa investimi të integruara për të cilat puna ka filluar vitin e kaluar.
Që nga infrastruktura rrugore, vendet parkimit, ndërtimi i infrastrukturës turistike në plazhet e Jalit dhe Dhërmiut, deri te rikonstruksioni i rrugëve, kalldrëmeve, ujësjellës – kanalizime, fasadave, çative, shesheve si sheshi Petro Marko dhe sheshi Strungli në fshatrat e Vunoit dhe Dhërmiut. Pjesë e këtyre ndërhyrjeve ishte edhe ndërtimi i shëtitoreve në plazhin e Jalit dhe Dhërmiut që tashmë kanë përfunduar. Ndërkohë, në Dhërmi po punohet intensivisht për ndërtimin e hapësirave urbane si vende pushimi përgjatë shëtitores, ndërtimi ujvarës së shkronjave dhe riparime të tjera.
Të gjitha investimet kanë për qëllim krijimin e mundësive për pasurimin e ofertës turistike me element kulturorë dhe historikë dhe nxitjen e sipërmarrjes private edhe në ato zona të bregdetit të jugut.
Restaurohen çatitë dhe fasadat e 210 shtëpive në Vuno dhe Dhërmi Read More »
Anulimi i VKM per tarifat shtese,pergjysmim i tarifes se studimit,kushte te permiresuara ne konvikte. Prej ores 9 te mengjesit,studente te universitetit Ismail qemali ne Vlore,ne proteste,ne diten e dyte te saj,duke ju bashkuar ne kete menyre protestes dhe kauzes se studenteve ne kryeqytet.
Thirrje edhe studenteve te tjere,per te braktisur auditoret dhe bashkuar protestes se tyre,ndersa pas protestes perballe rektoratit,studentet e Vlores kane marshuar edhe ne rrugen kryesore te qytetit, per tu bashkuiar edhe me studentet e fakulteve te tjera.
“Nuk terhiqemi deri ne plotesimin e kerkesava tona. Protesta jone do te vijoje ne universitetin Ismail Qemali,ndersa ne vijim,nese kerkesat nuk plotesohet do ti drejtohemi Tiranes,per tju bashkuar studenteve ne kryqytet. Duam te drejtat tona,hajde bashkohuni me ne,”-thirrjet e studenteve te Vlores.
Studente te univesritetit Ismail Qemali te Vlores ne proteste deri ne plotesimin e kerkesave te tyre,tashme te bera publike ndaj Ministrise se Arsimit. Proteste qe do te vijoje deri ne plotesimin e te gjitha kerkesave.
