Paraditen e sotme studentët që qëndrojnë ende para Kryeministrisë në protestë kanë dalë në një deklaratë për mediat, duke u shprehur se janë kërcënuar me jetë.
Studenti Klajdi Bello ka deklaruar se është kërcënuar me jetë, duke përmendur edhe emrin e kërcënuesit që sipas tij është Eljon Çuçaj.
Bello është shprehur se ka marrë kërcënime në Facebook dhe nëpërmjet telefonit, por sot disa persona u kanë shkuar dhe janë konfliktuar edhe fizikisht me ta.
Klajdi tha:
Kam marrë kërcënime nëpërmjet Facebook-ut nga Eljon Çuçaj, i bëra bllok, më mori në telefon dhe pastaj erdhi këtu fizikisht dhe më tha që unë kam 400-500 veta nga pas. Më tha gjithashtu “do të vij të të gjej familjen në Dukat”, por për të treguar që ne nuk jemi primitiv unë do të ndjek në instancat ligjore. Kini kujdes sepse populli është me ne. Nëse ndonjërit nga ne i ndodh diçka kjo kryeministri dhe kjo qeveri do të bjerë brenda 24 orëve.
Këta persona i kam denoncuar dhe qëllimi i tyre është që ta shuajnë këtë protestë. Unë do të kërkoj menjëherë mbështetje ligjore për familjen time. Këta persona, në të njëjtën orë 10-12, afrohen dhe duan të na kërcënojnë, të mbyllin protestën dhe të na dhunojnë madje. Policia mbron Jon Grabockën dhe Eljon Çucaj, ndërsa ne jo.
Pushteti po përpiqet që ta banalizojë protestën tonë, ju lutem na ndihmoni se po ndihemi të pasigurt. Dua të rritem në vendin tim.”
Partia Socialiste pritet që të mbledhë sot kryesinë e saj, ku në diskutim do të jenë dhe performance e ministrave dhe bilanci i qeverisë.
Edhe pse jemi në prag të pushimeve, socialistët duket se e kanë pasur me ngut mbledhjen e strukturave, pasi në datën 28 Dhjetor do të thërrasin dhe Asamblenë e tyre Kombëtare.
Ajo që është hedhur në media, është ideja e disa ndryshimeve qeveritare, për të shuar sadopak tensioned e krijuara pas protestës së studentëve dhe gjendjes së përgjithshme social-ekonomike.
Ndryshime në qeveri janë paralajmëruar edhe gjatë muajit shtator, gje e cila më pas nuk ndodhi. Duke qenë se 2019-ta do të jetë një vit elektroral dhe mes mandate qeverisës, Rama ndoshta ka menduar që të freskojë sadopak kabinetin e tij.
Lidhur me ndryshimin e mundshëm të ministrave ka pasur dje një reagim dhe Ylli Manjani.
“Ndryshimi i ministrave nuk zgjidh keqqeverisjen, përkundrazi e maskon atë për të shtyrë edhe pak kohë. Natyrisht po e hëngri njeri këtë maskë të re….
Në historinë tonë politike të 28 viteve, veçanërisht në historinë e Partisë Socialiste këto lloj krizash janë zgjidhur më ndryshimin e Kryeministrave jo thjesht të ministrave”,shkruan Manjani.
Sipas tij, ministrat në kabinetin Rama janë thjesht zëdhënësa politikë dhe kopsitës letrash zyrtare të zgjidhjeve që imponon kryeministri.
Në shumicën e shteteve në botë, hendeku i pagave gjinore mbetet i pashpjegueshëm deklaron Organizata Botërore e Punës (ILO) në një raport të fundit. Për Shqipërinë raporti thekson se, sipas orëve të punës, hendeku gjinor i pagave është 32 % (sipas koeficientit GINI).
Deri më tani raporti ka përshkruar evolucionin e pagave mesatare dhe se si mund të lidhet me ndryshimin e produktivitetit të punës. Megjithatë, siç është vërejtur në edicionet e mëparshme të Raportit të pagave globale (ILO, 2014 dhe 2016a), pagat mesatare aktuale, ose trendet në pagat mesatare, nuk na informojnë për nivelet e pabarazisë në paga. Sipas grafikut më poshtë, tregohet pabarazia në paga, siç përfaqësohet nga koeficienti Gini, duke përdorur të dhënat e anketës mbi pagat nga 64 shtete të cilat së bashku reflektojnë shpërndarjen e pagave nga 75 për qind e punonjësve të pagave në botë. Shifra ilustron pabarazinë në pagë, duke i krahasuar vendet me të tjerët në një nivel të ngjashëm të zhvillimit ekonomik. Koeficienti Gini përmbledh shpërndarjen relative të pagave në popullsi, me vlera më të ulëta (afër zeros) duke treguar nivele më të ulëta të pabarazisë dhe vlera më të larta (afër 100) duke treguar nivele më të larta të pabarazisë në paga. Grafiku tregon që pabarazia e pagave ndryshon dukshëm midis dhe brenda katër grupeve të vendeve. Vendet me nivelet më të ulëta të pabarazisë në paga gjenden në grupin me të ardhura të larta, ndërsa vendet me nivelet më të larta të pabarazisë në paga gjenden në grupet me të ardhura të ulëta dhe me të ardhura mesatare. Ka gjithashtu disa ndryshime brenda grupimeve: midis vendeve me të ardhura të larta, koeficienti i Gini varion nga një nivel i ulët prej 19.5 për Suedinë në një nivel të lartë prej 38.7 për Kili. Midis vendeve me të ardhura të ulëta, Republika e Bashkuar e Tanzanisë ka një koeficient Gini prej 53.6, ndërsa Afrika e Jugut – e klasifikuar si të ardhura të mesme dhe të mesme – ka një koeficient Gini prej 63.9. Sipas këtyre vlerësimeve, Afrika e Jugut, Namibia, Republika e Bashkuar e Tanzanisë dhe Malaëi janë vendet me nivelet më të larta të pabarazisë në paga midis 64 vendeve të konsideruara.
Raporti i ILO argumenton se, në të gjitha grupet e të ardhurave, hendeku i pagave gjinore mbetet kryesisht i pashpjeguar nga dallimet në atributet dhe karakteristikat e tregut të punës midis grave dhe burrave. Ndër vendet me të ardhura të larta, dallimet në atributet dhe karakteristika ende kanë ndikime të konsiderueshme në hendekun gjinor të pagave, për shembull në vende si Kili, Republika e Koresë ose Sllovenia. E njëjta gjë vlen edhe për vendet me të ardhura të mesme dhe atyre me të ardhura të ulëta, si për Shqipërinë, Brazilin, Madagaskarin, Namibinë, Federatën Ruse, Republikën e Bashkuar të Tanzanisë, Tajlandën, Tunizinë ose Turqinë.
Në vendet me të ardhura të larta, arsimi kontribuon në mesatarisht më pak se 1 pikë përqindjeje në hendekun gjinor të pagave, përmes kontributit shumë më të madh në disa vende si në Kili, në Republikën e Koresë, në Sllovaki ose në Republikën Çeke. Kjo gjetje e përgjithshme nuk është e habitshme pasi që në vendet me të ardhura të larta niveli arsimor i grave në punësim të paguar është në shumicën dërrmuese të vendeve dhe në të gjitha renditjet e shpërndarjes së pagave, më të larta se arritjet arsimore të meshkujve ; arritja më e ulët arsimore kështu nuk mund të jetë një shpjegim për hendekun gjinor të pagave. Çuditërisht ndoshta, arritjet më të ulëta arsimore nuk janë aq shumë faktorë në shpjegimin e hendekut të pagave gjinore në shumicën e vendeve me të ardhura të ulëta dhe të mesme. Kjo fillimisht mund të duket e habitshme, sepse gratë në përgjithësi kanë arritje më të ulëta arsimore sesa meshkujt në shumë prej këtyre vendeve. Në praktikë, gjithsesi, një pjesë e madhe e grave të arsimuara me pakicë qëndrojnë jashtë tregut të punës ose punojnë si punëtorë me llogari të vetë në vend të punonjësve të paguar. Nëse ndonjë gjë, gratë në punësim të paguar priren të jenë më të arsimuar se burrat brenda grupeve të ngjashme profesionale.
Trendet kryesore në pagat në botë
Rritja e pagave globale në vitin 2017 ishte më e ulët që nga viti 2008, duke mbetur shumë më poshtë niveleve të arritura përpara krizës financiare globale. Rritja e pagave globale në terma realë (që është, përshtatur për çmimin inflacionin) ka rënë nga 2.4 për qind në 2016 në vetëm 1.8 për qind në vitin 2017. Nëse përjashtojmë Kinën, me popullsinë më të madhe, rritja globale e pagave në terma realë ra nga 1.8 për qind në 2016, në 1.1 për qind në vitin 2017.
Raporti i pagave globale 2018/19
Në vendet në zhvillim, rritja reale e pagave është luhatur në vitet e fundit, duke u rritur nga 2.9 për qind në 2015 në 4.9 për qind në vitin 2016, dhe më pas duke rënë në 4,3 për qind në vitin 2017. Punëtorët në Azi dhe në Paqësor kanë gëzuar rritjen më të lartë të pagave reale
në mesin e të gjitha rajoneve gjatë periudhës 2006-17. Megjithatë, edhe këtu rritja e pagave në
2017 ishte më i ulët se në 2016, duke rënë nga 4.8 për qind në 2016 në 3.5 për qind në 2017.
Rritja e pagave gjithashtu ka rënë në Azinë Qendrore dhe Perëndimore, nga 3.0 për qind në vitin 2016 në 0.5 për qind në vitin 2017. Në Amerikën Latine dhe në Karaibe, rritja reale e pagave
në vitin 2017 u rrit lehtë krahasuar me vitin 2016, por mbetet relativisht i ulët, poshtë 1 për qind. Në Afrikë, ku të dhënat e pagave janë mbledhur për herë të parë për një numër të konsiderueshëm të vendeve, pagat reale duket se kanë rënë në përgjithësi 2017 me 3.0 për qind. Kjo kryesisht lidhet me tendencat negative të pagave në Egjipt dhe Nigeri, dy shtete të mëdha që ushtrojnë një ndikim të fuqishëm mbi peshën mesatare rajonale.
Duke marrë një perspektivë më të gjatë, pagat reale midis viteve 1999 dhe 2017 janë pothuajse
trefishuar në vendet në zhvillim. Megjithatë, paga mesatare e vendeve me të ardhura të ulëta dhe të mesme mbetet e ulët dhe e pamjaftueshme për të mbuluar në mënyrë adekuate nevojat e punëtorëve dhe familjeve të tyre.
Raporti i ILO 2018/19 analizon hendekun gjinor të pagave. Raporti fokusohet në dy sfida kryesore: si të gjejnë mjetet më të dobishme për matjen dhe si të ndahen paga gjinore në mënyrë që të informojnë më së miri politikë-bërësit dhe partnerët socialë për faktorët që janë në themel të saj. Raporti përfshin gjithashtu një rishikim të çështjeve kryesore të politikave, lidhur me pagat dhe zvogëlimin e boshllëqeve të pagave gjinore në rrethana të ndryshme kombëtare.
Ndërsa sipas të dhënave të fundit të INSTAT, hendeku gjinor në paga është 10,5 %, çka nënkupton se në total, femrat në Shqipëri paguhen 10.5% më pak sesa burrat. Në vitin 2016 diferenca në paga mes meshkujve dhe femrave ishte më e ulët, në 6.3%./Monitor.
“Gjendet një thesar në brigjet e detit Jon”, kështu shkruajnë mediat italiane.
Është fjala për gadishullin e Karaburunit, ku është zbuluar së fundmi në një anije antike e përmbytur. Imazhi është zbuluar nga RPM Nautical Foundation me seli në Florida.
Pamjet tregojnë një anije të përmbytur, që shtrihet në detin Jon pranë gadishullit të Karaburunit.
Anija mund të ketë objekte që datojnë që prej shekullit VIII para Krishtit deri në Luftën e Dytë Botërore dhe për pasojë cilësohet si një thesar pasi ka atraksione të mëdha turistike.
48 instrumente muzikore, do te jene tashme pjese e shkolles se muzikes Naim Frasheri ne Vlore. Nje dhurate e princit gjerman Gau, me instrumentet muzikore qe do te jene plotesisht ne funksion te shkolles dhe nxenesve te saj. Ka mjaftuar nje vizite e rastesishme e princit gjerman para dy vitesh ne shkollen e muzikes se Vlores dhe prej atehere lindi nje bashkpunim i fytshem, konkretizuar me ndihmen e jashtezakonshme per nxenesit dhe stafin akademik te kesaj shkolle.
Nga pianot, tek kitarat, veglat frymeore, firzamonike dhe te tjera jane tashme pjese e shkolles se muzikes Naim Frasheri Vlore. Nje ndihme e jashtezakonshme dhe nje dhurate e mrekullueshme qe vjen pikerisht ne kete fund vit per kete shkolle. Drejtori Vasillaq Gazhda ka treguar fillimisht momentet e vizites se princit Gjerman Gau ne shkollen e muzikes dhe interesimin e tij per te ndihmuar, cka u konkretizua me mberritjen e 48 instrumenteve muzikore, duke bere qe natyrisht te rritet ndjesheme dhe niveli mesimor ne shkolle.
Jane nxenesit, ata te cilet kane nisur ti vene ne funskion gjate oreve te mesimit instrumentet muzikore te mberritura ne shkolle, duke shprehur kenaqesine, qe me ne fund, pas veshtiresive per mungesen e bazes materiale, do te kene mundesine te vijojne studimet e tyre me instrumente te tjera, qe do te jene nje ndihmese e jashtezakonshme per vete nxenesit.
Shkolla e muzikes Naim Frasheri Vlore tashme ka pjese te saj 48 instrumente te tjera muzikore, te cilat jane totalisht ne funskion te nxenesve dhe stafit akademik te saj.
Ashtu si në çdo fundvit, një nga shqetësimet e konsumatorëve shqiptarë është rritja e çmimeve, kryesisht e produkteve ushqimore.
Ndonëse nga një vëzhgim i kryer këtë të shtunë në treg nuk është vërejtur deri më tani ndonjë rritje e çmimeve, qytetarët shprehen se edhe ato çmime që janë të larta dhe të papërballueshme, veçanërisht për pensionistët dhe familjet me ndihmë ekonomike.
Familja e Riza Mustës në fshatin Lubonjë të Selenicës prej vitesh jeton në kushte shumë të vështira. Janë 10 fëmijë dhe i zoti i shtëpisë të cilët në shumë raste ngrysen e gëdhihen me barkun bosh. Të vetmën të ardhur kanë një ndihmë prej 2500 lekë në muaj, ndërsa fëmijët shpesh braktisin shkollën për të mbledhur kanaçe.
Të flesh me barkun bosh. Kjo është historia e familjes së Riza Mustës në fshatin Lubonjë të bashkisë Selenicë. Report Tvka ndjekur nga afër historinë e Rizait, babit të 10 fëmijëve i cili jeton në kushte të mjerueshme. Gruaja nuk ka as 1 muaj që i ka vdekur, ndërsa Rizai është i detyruar të jetoj me fëmijët në një shtëpizë të vogel. Ata flenë disa në shesh dhe disa në dy krevate të vjetër dhe rrenuar.
Me lot në sy i zoti i shtëpisë na tregon atë çka kishte gatuar sot, supe me mish pule, të sjellë nga mësuesit e një shkolle aty pranë. Rizai tregon se kjo është ditë me fat pasi do të hanë diçka, pasi në ditët më të shumta ata kanë fjetur me barkun bosh, në shesh dhe errësirë totale, pasi prej 1 muaji i kanë prerë edhe dritat.
“Sot më sollën mësueset. Kishim një pulë që e patën sjellë dhe sot sollën dy pako me oriz”, thotë Rizai.
Një prej mësueseve jashtë kameras shprehet se në momentin që i trokitën në shtepi, fëmijët i gjetëm shtrirë në shesh. Burim të vetëm të ardhurash kjo familje ka mbledhjen e kanaçeve. Fëmijët dalin që herët në mëngjes për të mbledhur hekurishte, ndërsa ndihma që ata marrin nga Bashkia është 2500 lekë.
“Jetoj në kushte shumë të vështira. Asnjë sistem nuk më ka ndihmuar. Më kanë prerë dritat se kam për të paguar 11 mln lekë, 6 milionë kështu dhe 5 mln lekë oferta. Flejmë në çimento. Fëmijët shkojnë në shkollë, por këto ditë nuk kanë shkuar se skanë kushtët për të mësuar, për të bërë detyrat. Gjithçka këtu është jashtë normave njerëzore”, vijon Rizai.
Vajza e shtëpisë Luljeta vetëm 14 vjeçe tregon me pak fjalë se jetesa qe ajo bën është mjaftë e veshtirë, pasi në vend që të ishte në gjimnaz rri në shtëpi për t’u kujesur për familjen e saj.
“Unë jam e zonja e shtëpisë që bëj të gjitha punët. Është shumë e vështirë. Na iku nëna. Rrimë pa bukë”,rrëfen Luljeta.
Dy djemte e vegjel të Rizait me lot në sy tregojnë se nuk shkojnë në shkollë pasi mbledhim kanaçe për të jetuar. Nga të pangrënet disa herë në shkollë fëmijëve u ka rënë të fikët.
“Nuk kam shkuar në shkollë se s’kemi për të ngrënë. Mbledh kanaçe”, thotë djali i vogël me lot në sy.
Fshati Lubonjë ndodhet vetem 30 km larg qytetit të vlores dhe i përket Bashkisë së Selenicës, një fshat që dita ditës po braktiset. Pamjet tregojnë qartë se palltet janë të amortizuara, të braktisura.
“Fshati është katandisur për ibret të zotit, nga ana ekonomike, nga ana e kushteve për ujë, për drita… Një shie bie dhe drita nuk ka”, thotë një banore e fshatit Lubonjë në Selenicë.
“Fshati siç e sihkoni edhe vetë, shtëpitë janë rrënuar. Edhe këta që banojnë aty prit kur t’i zërë poshtë pallati sepse po hapet nga lart. Nuk ve dorë as bashkia dhe askush”, thotë një tjetër banor.
Report Tv shkoi edhe në qendren shëndetësore për të parë kushtet e saj, por u ndesh me derën mbyllur, kjo tregoi qartë atë çka banorët thonin.
