Aktualitet

Stelina Brakaj,19 vjecarja studion informatikë në shkollën industriale Vlorë. Prej lindjes vuan nga një sëmundje e cila nuk e lejon të lëvizë,nuk e lejon të ecë me hapat e saj, por në asnjë mënyrë nuk është dhe nuk mundet të bëhet pengesë për 19 vjecaren. Me ndihmën e një karroce,e sheh përditë në shkollën industriale, aty ku është një nga nxënëset më të mira të shkollës, por vec informatikës,ka edhe pasione të tjera,mbi të gjitha muzikën. Mbështetja e saj më e madhe është familja,nëna që e shoqëron për cdo ditë, por edhe shokët dhe shoqet e saj.

Jeton në konviktin e shkollës industriale, bashkë me mamanë e saj,në pamundësi edhe të faktit se nuk mund të shkojë përditë në llakatund,aty ku jeton pjesa tjetër e familjes.

Shtatë operacione të kryera mes Greqisë dhe Shqipërisë,nuk e kanë ndihmuar të ngrihet në këmbë,madje për shkak të ndërhyrjeve kirurgjikale ka humbur edhe një veshkë. Pak vite më parë pati mundësitë të shkonte drejt SHBA,për një tjetër operacion,që mund ta ngrinte në këmbë, por dicka e tillë nuk u realizua për shkak të veshtirësisë ekonomike dhe ndihmës së premtuar,por të paralizuar.
I kanë dhënë disa herë premtime,deputetë,pushtetarë e deri dhe ministra, por në realitet vec premtimit asgjë tjetër.

Ndihma thuajse pak ose shumë pak. Stelina sot lëviz me ndihmën e një karroce mekanike, por fakti që duhet të ndjekë shkollën e bën të pamundur, teksa një karrocë elektrike do të ishte zgjidhja për 19 vjecaren. Është e apasionuar pas muzikës, por mbi të gjitha mbi shkollën. Kërkon vetëm ndihmë,por jo lëmoshë, Stelina është kryelartë,për atë cfarë ka realizuar,pavarsisht vështirësive dhe aftësive të kufizuar.Stelina Brakaj sot është 19 vjec,vitin tjetër do të shkojë në universitet,duket se asgjë nuk e ndal. Dhe qëllimi i saj është të vijojë informatikën,pa harruar edhe muzikën,pasionin e saj të dytë. Sot ka nevojë për ndihmë,ka nevojë për një karrocë elektrike ,për të vijuar dhe ndjekur ëndrat dhe pasionet e saj.

olicia Rrugore e Tiranës dhe Njësia Operacionale e Policisë Rrugore, në kuadër të masave të marra për përmirësimin e shërbimit të Policisë Rrugore, kanë reduktuar ndjeshëm efektivët e vendosur me shërbim fiks, për menaxhimin dhe rregullimin e trafikut, nëpër kryqëzime që janë të pajisur me semafor.

“Me reduktimin e prezencës fizike të dukshme, janë shtuar patrullat e policisë rrugore, me mjete të uniformuara dhe jo vetëm, të cilat gjatë kontrollit të territorit, evidentojnë, dokumentojnë dhe më pas procedojnë sipas shkeljeve të verifikuara, mjetet e konstatuara në shkelje të rregullave të qarkullimit rrugor duke adresuar me pas masat administrative në adresat përkatëse sipas afateve ligjore të parashikuara në nenin 199 te Kodit Rrugor të Republikës së Shqipërisë”, njofton policia.

“Nga kontrollet policore në formën e patrullimit dhe monitorimit me mjete të pa-uniformuara në zonat e kryqëzimeve, dhe në rrugët urbane të Kryeqytetit janë evidentuar dhe konstatuar 125 mjete të ndryshme në shkelje të rregullave të qarkullimit rrugor për të cilat janë përpiluar procesverbalet e konstatimit të shkeljeve dhe do behet njoftimi zyrtar i tyre, sipas normave të parashikuara në Kodin Rrugor të Republikës së Shqipërisë”, vijon njoftimin Policia.

“Shkeljet e konstatuara janë kryesisht për parkime të gabuara, mos-pozicionim siç duhet në koristë dhe zonën e kryqëzimit, mosdhënie përparësisë ndaj këmbësorëve, mosrespektim të sinjalizimit rrugor horizontal dhe të ndritshëm, si dhe shkelje të tjera të rregullave të qarkullimit rrugor që ndikojnë jo pak, në krijimin e kushteve për trafik të rënduar, konfuzion në qarkullimin e mjeteve dhe burim për aksidente rrugore”, theksohet në njoftimin e Policisë. /j.p/ TIRANË, 16 dhjetor /ATSH-A. Fortuzi/-

Tirana po përgatitet për natën më të gjatë të vitit, atë të ndërrimit të viteve dhe atmosfera festive ndjehet kudo në kryeqytetin shqiptar.

Shtëpizat e “Fshatit të Festave” të vendosura në sheshin “Skënderbej” janë kthyer një hapësirë festive ku qytetarët mund të kalojnë kohën dhe të argëtohen jo vetëm gjatë ditës, por veçanërisht gjatë orëve të mbrëmjes. Këtë vit, zbukurimi i Tiranës ka nisur herët, që në ditët e para të muajit nëntor, traditë e ndjekur në shumë kryeqytete të botës.

Gazeta italiane “Corriere della Sera” e ka cilësuar Tiranën si një nga qytetet më të reja, me alternativa dhe kosto të ulët, në Europën e re. Tirana është renditur si destinacioni më i mirë për turistët italianë për festat e fundvitit. Ja disa nga fotot nga Tirana të realizuara nga qytetarë dhe fotografi Gent Onuzi.