Aktualitet

Zgjedhjet bëhen për ata që zgjedhin, pas 30 qershorit fazë e re e trajtimit të ankesave

Aktualitet, Politike / /

Në 30 qershor ne, ndër të tjera do të krijojmë mundësinë për të hyrë në një fazë të re të trajtimit të ankesave për bashkitë, qoftë në aspektin sasior, qoftë në aspektin cilësor”, – deklaroi sot Kryeministri Edi Rama.

Gjatë takimit me koordinatorët e platformës së bashkëqeverisjes, ku u prezantuan rastet e zgjidhura, Kryeministri Rama u shpreh se ka diferencë mes trajtimit të ankesave nga institucionet e qeverisjes qendrore dhe degëve të tyre në rrethe dhe nga bashkitë, por kjo do të ndryshojë pas zgjedhjeve të 30 qershorit.

“Më vjen mirë që të them se numri i halleve dhe i problemeve të trajtuara dhe zgjidhura ka prekur kufirin e 35 mijë. Sigurisht nuk janë të gjitha halle janë dhe probleme të natyrave të ndryshme që lidhen me aspekte të ndryshme të qeverisjes për të cilat qytetarët shkruajnë. Nga ana tjetër dua të nënvizoj se ka një diferencë, e cila meriton vëmendje midis halleve dhe problemeve që zgjidh qeveria përmes ndërhyrjes së agjencisë që administron platformën tek institucionet qendrore. Qofshin ato institucione qendrore në Tiranë apo përfaqësi të institucioneve nëpër qarqe. Dhe nga ana tjetër e nivelit sasior dhe cilësor jo të pëlqyeshëm të trajtimit të ankesave në qeverisjen nga bashkitë. Kam besim që në 30 qershor ne, ndër të tjera do të krijojmë mundësinë për të hyrë në një fazë të re të trajtimit të ankesave për bashkitë, qoftë në aspektin sasior, qoftë në aspektin cilësor”, – tha Rama.

Duke i falenderuar të gjithë të pranishmit të ftuar që dolën dhe sollën rastin e tyre, Kryeministri theksoi se është ai që në fakt që duhet t’i falenderojë ato dhe “të gjithë ata që me votën e tyre i dhanë mundësi vetes, që përmes qeverisë të hyjnë në këtë proces bashkëqeverisjeje”.

“Kjo është bashkëqeverisje në kuptimin më të mirë të fjalës, pasi nuk ka nevojë as për miq, as për shokë, as për kushërinj, as për filtra të tjerë. Por çdo qytetar njësoj si çdo deputet ka akses të drejtpërdrejtë tek çdo ministër për problemin e vet”, – tha Rama.

Dhe, nënvizoi kryeministri, “çka ne do të realizojmë është që, aksesi i drejtpërdrejtë tek çdo kryetar dhe kryetare bashkie pas 30 qershorit të jetë i së njëjtës cilësi. Ky është një moment shumë i rëndësishëm dhe është po aq e rëndësishme të nënvizohet se zgjedhjet nuk bëhen për ata që zgjidhen, por bëhen për ata që zgjedhin. Dhe ata që zgjedhin, në 30 qershor, ndër të tjera, do të zgjedhin edhe për të pasur akses të drejtpërdrejtë si qytetarë, tek çdo kryetar bashkie për të cilin kanë dhënë ose s’kanë dhënë votën e tyre, por që me votën e qytetarëve do të jetë aty në detyrë për 4 vitet e ardhshme”./atsh

Zgjedhjet bëhen për ata që zgjedhin, pas 30 qershorit fazë e re e trajtimit të ankesave Read More »

Flet shkenca: Dy janë pikat më të larta të lumturisë në jetë!

Aktualitet / /

Shkencëtarët kanë zbuluar se ka dy pika kulmore kur njerëzit janë më të lumturit.

Për të realizuar këtë eksperiment ‘Qendra e Performancës Ekonomike’ në shkollën e ‘Ekonomisë dhe Skencave Politike’ në Londër ka marrë në pyetje 23.000 pjesëmarrës nga Gjermania, nga mosha 17-85 vjeç.

Vullnetarët u pyetën të vlerësonin shkallën e tyre të lumturisë dhe të parashikonin sa të lumtur do të ishin ata pas 5 vitesh.

Pasi kaluan 5 vite të njëjtët pjesëmarrës u pyetën sërish, që të shikohej nëse ata kishin arritur ta bënin parashikimin saktë. Sipas kësaj, shkencëtarët dolën në rezultatin se njerëzit që janë 23 dhe 69 vjeç janë të mbushur me lumturi.

Arsyeja është shumë e thjeshtë.Kur jeni 23 vjeç në jetën tuaj keni shumë mundësi dhe jeni optimistë për të ardhmen.

Nuk keni shumë përgjegjësi mbi shpatulla, mund të udhëtoni, të takoni njerëz të rinj. Ndërsa në moshën 69-vjeçare keni kaluar të gjitha momentet e vështira në jetë.

Keni të gjithë kohën e botës dhe me të gjitha paratë që keni grumbulluar gjatë jetës mund të bëni çdo gjë që keni dëshirë. Në këtë moshë keni kaluar edhe stresin profesional dhe më në fund mund të relaksoheni.

Flet shkenca: Dy janë pikat më të larta të lumturisë në jetë! Read More »

Horoskopi ditor, e Martë 21 Maj 2019

Aktualitet / /

Dashi
Disa projekte të lindura javëve të fundit duhen çuar përpara dhe parashikohet që të sjellin kënaqësi të shumta. Mërkuri do të ketë ndikim të favorshëm në shenjën tuaj dhe nëse ka propozime të cilat duhet ti bëni, është momenti i duhur për ti çuar përpara.

Demi
Ju kanë zili dhe ju kritikojnë në të njëjtën kohë! Bëni kujdes që të tregoheni të matur, pasi një shpërthim i juaji mund t’iu kushtojë shtrenjtë. Në vendin e punës, ka ardhur koha që të përvishni mëngët.

Binjakët
Kjo javë do të jetë e mbushur me lajme pozitive. Ndonëse jeni përballur me momente të vështira, gjithsesi keni rezistuar. Duhet të reflektoni gjatë lidhur me disa situata të vështira me të cilat do të përballeni. Dashuria do të shkojë drejt përmirësimit vetëm në ditët në vijim.

Gaforrja
Java ka nisur me ritme frenetike me të cilët me gjasë nuk ishit mësuar dhe për këtë arsye do të ndiheni të brishtë. Hëna do të udhëheqë shenjën tuaj, kështu që humori do të ketë luhatje, por edhe gjendja fizike nuk paraqitet e mirë.

Luani
Dielli dhe Mërkuri do të kenë ndikim pozitiv në shenjën tuaj, kështu që nëse ka diçka që dëshironi, do të jetë e lehtë që ta arrini. Nëse jeni në konkurrencë të vazhdueshme, nuk do të jetë e lehtë që të biuni në sy. Në punë, do të ketë zhvillime interesante, ndonëse mund ta keni humbur durimin.

Virgjëresha
Kjo periudhë nuk ofron shumë zgjidhje. Do të ndiheni konfuz, veçanërisht në vendin e punës. Zhvillime pozitive do të ketë vetëm në ditët në vijim. Saturni ju buzëqesh, mirëpo situata ekonomike nuk paraqitet shumë e mirë. Ndërkohë në dashuri duhet të jeni më të përkushtuar.

Peshorja
Duhet të tregohet kujdes ndaj tensioneve të akumuluara prej kohësh. Parashikohet një propozim mjaft i favorshëm në punë, ndonëse nuk do të jeni në humorin e duhur. Po ashtu do të përballeni me mundësinë për të mbyllur një çështje me leverdi. Situata financiare është e shkëlqyer, dhe për këtë arsye janë të favorizuara edhe investimet e vogla.

Akrepi
E keqja e të lindurve të kësaj shenje është se janë të dashuruar, por nuk janë të kundërpërgjigjur. Po ashtu do të jeni pasionant, por me Venusin kundër situata do të jetë e vështirë. Për të sqaruar disa raporte që po jetoni, do t’iu duhet të prisni.

Shigjetari
Parashikohet një përmirësim i ndjeshëm i cili mund të sjellë fitore. Këshillohet që të shmangni dekurajimet, pasi mund të hasni në momente të forta tensioni. Do të mbartni me vete situata të vështira qysh prej muajve të fundit, të cilat do e keni vështirë që ti menaxhoni. Megjithatë bëni mirë të injoroni këdo që nuk i njeh meritat tuaja.

Bricjapi
Fjala kyçe e kësaj dite është që të rinisni… edhe nga zero nëse do të duhet. Do të jetë një ditë e favorshme për të gjetur bashkëpunimet e duhura si në dashuri edhe në punë. Në sferën profesionale mund të ketë diçka të bukur, ashtu si dhe në atë sentimentale.

Ujori
Parashikohet një e martë e mbushur me negociata dhe diskutime, ku do ju duhet që të mendoni më shumë për interesat që keni, shkruan noa.al. Urani do të ketë ndikim negativ, duke bërë që të keni pasiguri. Dashuria do të përballet me disa pengesa.

Peshqit
Zakonisht bëni çdo gjë vetëm, përfshirë edhe zgjidhjen e problemeve, por tashmë do të nisni të ndjeni peshën mbi supe. Bëni kujdes në raportin në çift, sidomos me ata të shenjës së Luanit dhe Akrepit. Keni nevojë për pak ngrohtësi, pasi nëse do të ndiheni pozitiv do të arrini të kapërceni disa kriza të mbartura në kohë.

Horoskopi ditor, e Martë 21 Maj 2019 Read More »

Rama: Pas 30 qershorit bashkëqeverisje edhe me kryetarët e bashkive

Aktualitet, Politike / /

Gjatë mbledhjes së radhës me koordinatorët e platformës së bashkëqeverisjes “Shqipëria që duam” kryeministri Rama u ndal të zgjedhjet e 30 qershorit.

Sipas tij pas këtyre zgjedhjeve mekanizmi i adresimit të problematikave të qytetarëve ndaj bashkive do të hyjë në një fazë të re.

“Dua të nënvizoj se ka një diferencë e cila meriton vëmendje midis halleve dhe problemeve qe zgjidh qeveria përmes ndërhyrjes së agjencisë që administron platformën tek institucionet qendrore. Qofshin ato në Tiranë qofshin në qarqe. Unë kam shumë besim që në 30 qershor ne ndër të tjera do të krijojmë mundësinë për të hyrë në një fazë të re të trajtimit të ankesave për bashkitë qoftë në aspektin sasior qoftë në aspektin cilësor. Çka ne do të realizojmë është aksesi i drejtpërdrejtë tek çdo kryetar dhe kryetarë bashkie pas 30 qershorit të jetë i të njëjtës cilësi. Ky është një moment shumë i rëndësishëm dhe po aq e rëndësishme të theksohet se zgjedhjet nuk bëhen për ata që zgjidhen por edhe për ata që zgjedhin” tha Rama

Por ajo që ra në sy gjatë prezantimi të rasteve të qytetarëve ishte rasti i fundit ku një banori të njësisë administrative Zall Bastar kishte tre vite që nuk i paguhej qeraja nga njësia administrative. Zall Bastari është pjesë e administrimit nga Bashkia e Tiranës pas zgjedhjeve të 2015. Deklarimi i këtij rasti që tregon indiferencë për pothuajse gjithë periudhën e mandatit të kryebashkiakut Veliaj nuk është një publicitet i mirë në këtë kohë fushate për të.

Rasti i denoncuar:
Petrit Lila banor ne Zall Bastar. Kjo njësi në vitin 2013 i kishte marrë me qera një objekt në pronësi të tij për shkak se shkolla e Bastar Murrizit kishte nevojë të rindërtohej. Kontrata ishte e rregullt por kjo njësi kishte ndërprerë pagesat nga viti 2015 deri në vitin 2018. Me marrjen e rastit çdo gjë u shqyrtua me Bashkinë Tiranë dhe ju shlye detyrimi zotit Lila” referoi një nga koordinatoret e “Shqipëria qe duam”. /Opinion.al

Rama: Pas 30 qershorit bashkëqeverisje edhe me kryetarët e bashkive Read More »

Turistë nga Gjermania deri në Zelandën e Re: Të mrekulluar nga bukuria natyrore dhe mikpritja shqiptare

Aktualitet, Turizem / /

Për turistët Tirana, kryeqyteti i Shqipërisë vijon të jetë një nga destinacionet më të preferuara. Në këto ditë të fundit pranverore rrugët e kryeqytetit janë të mbushura me turistë të huaj.

Transformimet që ka pësuar Tirana e kanë bërë atë të jetë në listën e destinacioneve europiane.

Gjatë një vëzhgimi nga Agjencia Telegrafike Shqiptare grupet e turistëve i gjen kryesisht përgjatë bulevardit “Dëshmorët e Kombit”, tek “Piramida”, por edhe në muzeumet e Tiranës, ku mund të mësojnë më shumë për kulturën dhe traditën shqiptare.

Nuk i mungon itinerarit të tyre edhe shëtitjet në lagjet e vjetra të Tiranës dhe ndërtesat shumëngjyrëshe, ku njihen me historinë e Tiranës dhe shijojnë kuzhinën vendase.

Por, një ndër vendet që vijon të tërheqë më së shumti interesin e vizitorëve të shumtë, është edhe sheshi “Skënderbej”, në qendër të qytetit të Tiranës. I kthyer tashmë në një atraksion të ri për vetë rikonstruksionin modern dhe bashkëkohor, ky shesh është shndërruar në një vlerë të shtuar për turizmin e qytetit.

Tirana është pa dyshim një nga qytetet më të gjalla e më në shndërrim të Europës Juglindore. Ajo është kthyer në një qendër atraksioni turistik për turistë të huaj nga rajoni, Europa, por edhe më gjerë. Transformimi që po pëson Tirana po zë gjithashtu hapësira në revistat më të njohura të botës.

Por turistët e huaj përveç Tiranës, kanë vizituar edhe qytetin muze të Beratit, Gjirokastrën, Sarande Durrësin, Shkodrën, Tropojën, etj.

Ata shprehen të mrekulluar nga bukuria natyrore, historia, kultura dhe mikpritja e shqiptarëve.

Turistët e huaj që gjenden në Tiranën gjatë këtyre ditëve janë nga vende të largëta si , Gjermania, Australia, Suedia, Shtetet e Bashkuara të Amerikës, Zelanda e Re, etj, gjë kjo e cila vërteton se tashmë kryeqyteti është një pikë kyçe e itinerareve turistike për këta turistë.

Një i ri nga Danimarka shprehet se “jam i lumtur që kam ardhur këtu, është shumë këndshëm, sapo kemi ardhur, në fillim kemi vizituar xhaminë, tani kemi ardhur këtu për të parë piramidën, na duket një vepër e bukur. Do të rrimë në Tiranë edhe ditë tjetër, pastaj do të shkojmë në Vlorë dhe më pas në Gjirokastër. Njerëzit janë shumë miqësorë. Çuditërisht, të gjithë që kemi takuar ishin shumë miqësorë dhe mikpritës”.

Një tjetër turiste e lindur në Nigeri, por e rritur në Londër shprehet se “është hera e parë që vij në Shqipëri. Shumë bukur, njerëzit janë shumë të sjellshëm dhe është shumë lirë. Po ia kalojmë shumë këndshëm këtu. Kam parë qendrën e qytetit. Kemi ecur në këmbë, dje shkuam në Berat dhe qyteti ishte shumë i bukur. Një qytet me dritare të vogla. Ia kaluam shumë bukur atje. Do qëndroj në Shqipëri dy ditë. Pak a shumë ky udhëtim ngjan me një pushim fundjavë”.

Sipas saj, është një mundësi fantastike sepse është afër me Londrën dhe ka fluturime të lira nga Londra tani.

“Përpara se të vija më kanë thënë mos shko në Shqipëri se është vend i frikshëm. Por pashë se kudo njerëzit ishin të mrekullueshëm. Përfundimisht do të kthehem sepse ka kaq shumë vende për t’u vizituar. Mendoj se është ide e mirë të vish të Tiranë dhe më pas të bësh udhëtime ditore në qytetet rreth e rrotull”, shprehet ajo.

Një turiste nga Gjermania thekson se “është hera e parë që vij në Shqipëri dhe më pëlqen shumë. Kudo që shkon është shumë këndshëm. Do qëndroj 7 ditë. Ishim në Sarandë, më pas në Durrës dhe do të qëndrojmë dy ditë në Tiranë”.

“Saranda më duket një qytet i veçantë. Durrësi shumë i bukur me plazh të gjerë. Do të doja të vija sërish me pushime. Të gjitha vendet janë shumë të bukura për t’u vizituar. Do të doja të vija sërish me pushime. Të gjitha vendet janë shumë të bukura për t’u vizituar”, shprehet ajo.

Ndërsa një i ri nga Australia tha se “Shqipëria është vend i mirë. Njerëzit janë shumë të këndshëm. Do të qëndroj dy ditë, do të shëtis, do të shikoj xhamitë dhe kishat, shtëpinë e Enver Hoxhës dhe ndoshta më vonë do të shoh edhe ndonjë gjë tjetër”.

I pyetur nëse e njihte më parë Shqipërinë, ai thotë se “vetëm pak informacione nga interneti. Dukej vend pak misterioz. Prandaj edha”.

Një i ri nga Zelanda e Re, por që jeton në Suedi thekson se “është hera e parë në Shqipëri, është një vend i mirë. Kemi dy javë për udhëtimin tonë në Kosovë, Maqedoni dhe Shqipëri. Një udhëtim shumë i mirë”.

“Kam qenë në veri, në Shkodër, në Tiranë dhe më pas do të vazhdoj në jug. Pra kam parë pjesën më të madhe të vendit. Çdo gjë kushton lirë për turizmin europian. Ushqimi dhe hoteli ishin shumë të mirë. Pra , një udhëtim shumë i mirë”-, nënvizon ai.

Ai thotë se “do t’ua rekomandoj shokëve. Kërkuam në internet kur menduam të bënim një udhëtim në Europën Lindore. Ne kërkuam gjërat që mund të bënim në Mal të Zi, Maqedoni, Kosovë dhe përreth. Gjetëm shumë informacione në internet si për shembull në Lonely Planet. Bëmë kërkime dhe prenotuam”.

Ndërsa një i ri nga SHBA u shpreh se “është hera e parë që vizitoj Shqipërinë. Deri tani më duket shumë bukur. Njerëzit janë të këndshëm dhe ushqimi shumë i mirë. Nuk kam ankesa. Kam një histori shumë interesante. Po bëj një tur të lirë të cilin po e shijoj shumë. Do qëndroj në Shqipëri për pesë ditë”.

“Përveç Tiranës do shkoj në Shkodër dhe më pas do ngjitem lart në mal. Po do vizitoj Thethin, Valbonën. Miqtë e mi europianë që kanë bërë ecje në mal më kanë thënë që është shumë bukur. Njerëzit kanë qenë shumë miqësorë. Dje në darkë patëm mundësinë të shkonim në shumë bare. Provuam ushqimin tradicional ballkanas me shumë erëza dhe na pëlqeu tej mase. Këtu ofrohen lloje të ndryshme gatimesh”, thotë ai./atsh

Turistë nga Gjermania deri në Zelandën e Re: Të mrekulluar nga bukuria natyrore dhe mikpritja shqiptare Read More »

Parashikimi i motit, 20 maj 2019

Aktualitet / /

Sipas Shërbimit Meteorologjik Ushtarak, moti për ditën e sotme parashikohet i vranët me intervale të shkurtra kthjellimesh.

Parashikohen reshje shiu me intensitet të ulet dhe mesatar në formë shtrëngatash të përkohshme në veri dhe pjesërisht në qendër.

Mjegullinë lokale parashikohen përgjatë zonave luginore dhe malore.

Era do të fryjë me drejtim Jugperëndim -Juglindje 1-12m/sek .Valëzimi i forcës 2-3.

QYTETET Temperaturat në °C Sigla
Shkodër 10/23 re shi
Kukës 10/21 re shi
Lezhë 10/22 re shi
Dibër 9/23 re shi
Durrës 13/22 re shi
Tiranë 13/24 re shi
Elbasan 13/25 re shi
Berat 11/24 re shi
Vlorë 12/23 re shi
Korcë 11/21 re shi
Gjirokastër 8/25 re shi
Sarandë 12/22 re shi/atsh

Parashikimi i motit, 20 maj 2019 Read More »

Reformimi i ndihmës ekonomike, 8-fishim i punësimit dhe mbi 7 mijë përfitues për herë të parë

Aktualitet / /

Reformimi i ndihmës ekonomike është fokusuar në dy drejtime, shpërndarjen e drejtë të fondeve dhe punësimin.

Nëpërmjet reformës në skemën e ndihmës ekonomike që prej vitit 2013, mbi 37 000 familje apo individë që nuk janë më pjesë e kësaj skeme pasi nuk ju takonte ose kanë arritur të gjejnë punë.

Ndërsa mbi 7 000 të tjerë, që padrejtësisht ishin të përjashtuar, përfituan për herë të parë nga skema e reformuar.

Pavarësisht reduktimit të numrit të përfituesve, Fondi i mbështetjes është rritur. Një familje në nevojë sot përfiton trefishin e shumës financiare që merrte në vitin 2013. Kjo shtuar faktin që sot se merret ndihmë ekonomike e plotë dhe jo gjysmake si dje.

Sot qeveria ju ofron qytetarëve në nevojë mbështetje në arsim, shëndetësi dhe kompensim të faturave të energjisë.

Megjithatë alternative më e mirë mbetet punësimi dhe numri i të punësuarve nga ndihma ekonomike në vitin 2018 ishte mbi 8 herë më i lartë krahasuar me vitin 2013. Sipas statistikave nga viti 2013 deri në vitin 2018 ky numër është 8.5-fishuar, nga 596 në 2013 në 5 066 në vitin 2018.

Sipas shifrave, numri i përfituesve është ulur me 37%, nga 101 000 që ishte në 2013-ën në 63 660 në vitin 2018.

Fondi i mbështetjes është rritur nga 3.8 miliard lekë në vitin 2013 në 4.7 miliard lekë në vitin 2018, pra 24.4% më shumë.

Mbështetja financiare është trefishuar, nga 1 500-3 000 lekë në vitin 2013, në 4 500-8 000 lekë në vitin 2018./atsh

Reformimi i ndihmës ekonomike, 8-fishim i punësimit dhe mbi 7 mijë përfitues për herë të parë Read More »

Basha: “Pa votë të lirë, nuk ka stabilitet dhe zhvillim”

Aktualitet, Politike / /

Në mbyllje të vizitës së tij në Parlamentin Britanik dhe Dhomën e Lordëve, kreu i PD, Lulzim Basha ishte i ftuar i nderit në një darkë pune me anëtarë të parlamentit dhe Dhomës së Lordëve në Londër.

Mes pjesëmarrësve në këtë darkë pune ishte Lordi George Robertson, ish-Sekretar i Përgjithshëm i NATO-s dhe anëtar i Dhomës së Lordëve.

Në darkë ishin të pranishëm edhe deputetët Crispin Blunt, Sir Mark Lyall Grant, dhe Gavin Williamson, anëtar i Parlamentit Britanik dhe lidershipit të Konservatorëve dhe ish-ministër i Mbrojtjes.

Gjithashtu në darkë ishte i pranishëm edhe Sir Hugh Orde, ish Kryedrejtuesi i Shërbimeve të Sigurisë në Irlandën e Veriut.

Në qendër të diskutimeve ishte siguria dhe stabiliteti në Europën Juglindore dhe kriza politike në Shqipëri.

Basha shprehu mirënjohjen për ndihmën e çmuar të Britanisë së Madhe për kapërcimin me sukses të sfidave jetike për paqen dhe stabilitetin në Ballkan, në veçanti, në luftën e Kosovës dhe procesin e pavarësimit të saj, në konfliktin e armatosur në Maqedoni e Marrëveshjen e Ohrit dhe, së fundmi, Marrëveshja e Prespës që shërben për të konsoliduar perspektivën afatgjatë euroatlantike të rajonit, duke garantuar anëtarësimin e saj në NATO.

Basha ndau me miqtë e shquar britanikë qëndrimin e PD se përpjekjet dhe diskursi mbi kufijtë dhe shkëmbimin e territoreve shkon kundër këtyre arritjeve, duke kërcënuar paqen dhe stabilitetin rajonal dhe minuar perspektivën europiane të vendeve dhe popujve të rajonit.

“Autokratët e korruptuar përbëjnë një kërcënim për demokracinë dhe stabilitetin. Kriza e thellë ne Shqipëri ilustron qartë se pa demokraci dhe sundim të ligjit nuk mund të ketë stabilitet dhe as zhvillim ekonomik.”- theksoi kreu i opozitës.

“Forcimi i institucioneve demokratike, kontrolli dhe kufizimi i pushteteve, drejtësia e pavarur dhe zgjedhjet e lira janë parakusht për integrimin e vendeve tona në BE. Zgjedhjet e lira dhe të ndershme janë jetike për demokracinë dhe legjitimitetin e qeverisë para qytetarëve. Për këtë qëllim hapi më emergjent është shkëputja e lidhjeve të provuara mes krimit të organizuar dhe politikës”, vuri në dukje Basha.

Ai i njohu bashkëbiseduesit me propozimet e PD dhe opozitës së bashkuar për daljen nga kriza përmes një procesi të lirë zgjedhor nën kujdesin e një qeverie tranzitore, e cila do t’i çlirojë duart drejtësisë për t’i dhënë fund pandëshkueshmërisë së politikanëve të kapur në bashkëpunim me krimin për vjedhjen e zgjedhjeve dhe do të përmbushë të gjitha parakushtet e ngarkuara me ligj për të garantuar votën e lirë./atsh

Basha: “Pa votë të lirë, nuk ka stabilitet dhe zhvillim” Read More »