Aktualitet

Arian Çani ka një propozim për Berishën: Sali Berisha duhet të bëhet si Albin Kurti

Aktualitet, Opinione, Politike / /

Gazetari Arian Çani ka komentuar përplasjet dhe kaosin që është krijuar kohët e fundit në Kuvend.

Në një intervistë për emisionin “Now” në Euronews Albania ai ka propozuar që opozita duhet të ndjekë shembullin e kreut të qeverisë Albin Kurti, gjatë kohës që ishte në opozitës.

Sipas tij opozita në vendin tonë duhet të ketë një strategji, ose në të kundërtën nuk do arrijë asgjë.
Arian Çani: Kujtoj opozitën e Albin Kurtit, e mbani mend sa vazhdoi me flakadanë. As opinionin nuk e kishte shumë pro, dhe me kalimin e kohës filloi të bëhej normale. Me kalimin e kohës filloi të bëhej normale. Njerëzit duhet të mësohen me një teatër të ri, me ca aktorë të veshur me kostume të tjerë. Unë them se nëse e kanë me kaq nuk do të arrijnë gjëkundi. Nëse nuk do të kenë një strategji nuk do të arrijnë asgjëkundi.

Arian Çani ka një propozim për Berishën: Sali Berisha duhet të bëhet si Albin Kurti Read More »

Revoltohet Sonila Meço: Kemi kapur fundin, këto gjëra vetëm në Shqipëri ndodhin

Aktualitet, Opinione / /

Sonila Meço është revoltuar pas rastit të dhunimit të vajzës 3-vjeçare nga edukatorja.

Ajo shkruan se kemi kapur fundin dhe se këto gjëra vetëm në Shqipëri ndodhin.

“Kam ngecur tek kërcitja e tmerrshme e kockës së njomë të një vogëlusheje 3 vjeçare…
U thye edhe ashti i fundit i njerzillëkut të shoqërisë, eshtra bazike e ekzistencës, kufiri i fundëm i tolerancës, skaji i epërm i durimit të një shoqërie, që është tkurrur në mbijetesë shpirtërore e kulturore.

I gjithë zinxhiri garantues, mbrojtës, sigurues, ushqyes e kultivues i njeriut për njeriun, i shtetit për qytetarin, i ministrisë për institicionin arsimor, i edukatores për fëmijën, i doktorit për pacientin, i policit për të pambrojturin, i shoqërisë për familjen, i drejtësisë për viktimën, i të rriturit për të voglin, i shoqërisë civile për të drejtat e njeriut, i politikës për taksapaguesin, i biznesit për klientin, i shpirtit për shpirtin është shpërbërë e shkërmoqur si të ishim tribalë, të humbur e të harruar civilizimi.

Dhe Jo! Nuk ndodh kudo në botë dhe Po, veç në filma mund të haset skenari i një fantazie patologjike të fshehjes së një krimi mbi pafajësinë e dlirë të një fëmije nga të gjitha institucionet.

Se mirë u çmend edukatorja, pas saj koleget, pas tyre drejtoresha, pas saj ministria, më pas mjeku, pas tij polici, edhe më pas tij oficeri i policisë gjyqësore, tej më pas tij gjykata….por nëse janë çmendur këta, dyshoni më se jemi të shëndetshëm mendërisht ne të tjerët?

Po si mund të prodhojë një zinxhir kaq të përsosur kriminal një shoqëri e tërë, që peshon me qesëndi kalbjen e vet mbi ashtin e njomë të një fëmije, teksa këndon e lumtur, nga vendi ku duhej të qe më e mbrojtur se kurrë?

A e kuptoni, që kemi kapur fundin”, shkruan ajo.

Revoltohet Sonila Meço: Kemi kapur fundin, këto gjëra vetëm në Shqipëri ndodhin Read More »

‘Përmbytet’ Vlora, kryebashkiaku: E prisnim! Problem i mbartur prej vitesh

Aktualitet, Lajmi i fundit / /

Shirat me intesitet të lartë kanë krijuar probleme ne Vlorë duke përmbytur rrugët e qytetit. Kryetari i bashkisë Ermal Dredha në një komunikim me mediat ka theksuar se kjo është një problematikë që vijon prej 30 vitesh.

Dretha u tha gazetarëve, se me këtë intensitet reshjesh, probleme shfaqen jo vetëm në Vlorë por kudo në botë. “Kemi që në mëngjes, sic e patë edhe ju intensiteti ishte i lartë. Pritej kjo situatë, është një problem i mbartur prej 30 vitesh. Do një projekt që ta zgjidhi njëherë e mirë këtë punë.

Është i mbartur, s’kemi ca të bëjmë. Nuk është Vlora në këtë situatë. kudo të shkosh në botë, me këtë intensitet, problematika të ngjashme janë kudo. Por ne jemi të gjuthë në terren, për ta përballuar”– u shpreh Dredha për gazetarët.

‘Përmbytet’ Vlora, kryebashkiaku: E prisnim! Problem i mbartur prej vitesh Read More »

Gruaja i zë pritë Berishës: Vetëm ti dhe Rama dilni në Tv. S’dimë kush na përfaqëson

Aktualitet, Opinione, Politike / /

Ndërkohë që ish-kryeministri Sali Berisha po mbante një komunikim me gazetarët, pranë ambienteve të Kuvendit ishte një qytetare, e cila u shfaq e revoltuar në përgjithësi me klasën politike.

Ajo iu drejtua ish kryeministrit duke thënë se nuk e dimë kush na përfaqëson, pasi nga mëngjesi deri në darkë në televizor del vetëm Rama dhe Berisha.

Berisha: Nëse je gazetare rri këtu dhe bëj pyetje, po nuk je gazetare, shko në zyrë dhe të pres atje.

Qytetarja: Zoti Berisha, unë nuk e di kush në përfaqëson në parlament. Ne kemi halle. Në televizor ju shikojmë vetëm juve dhe Edi Ramën nga mëngjesi deri në darkë.

Berisha: Hajde dhe ti dil ne televizor, unë nuk kam kundërshtim

Qytetarja: Këtu ka shkelje ligjore qysh nga Presidenca, kryeministri, ministrat.

Berisha: Unë të besoj, por nuk e zgjidhim dot këtu.

Qytetarja: Nuk di kë të takoj

Berisha: Unë nuk jam presidenti, unë jam Sali berisha.

Gruaja i zë pritë Berishës: Vetëm ti dhe Rama dilni në Tv. S’dimë kush na përfaqëson Read More »

Deputetët e Berishës vijojnë revolucionin e karrigeve në Kuvend

Aktualitet, Politike / /

Deputetët e Rithemelimit kanë vijuar aksionin e tyre duke penguar zhvillimet e Komisioneve Parlamentare edhe këtë të martë.

Ata nuk kanë lejuar që kolegët socialistë të hyjnë në mbledhjen e komisionit për Sigurinë Kombëtare.

Më herët, deputetët demokratë penguan mbledhjen e Komisionit të Veprimtarisë Prodhuese, duke detyruar socialistët ta anulonin atë.

Këta të fundit kanë vendosur që një pjesë e Komisioneve Parlamentare të zhvillohen online, në mënyrë që evitojnë përplasjet me kolegët e opozitës.

Deputetët e Berishës vijojnë revolucionin e karrigeve në Kuvend Read More »

Nxehen gjakrat brenda Kuvendit/ Koçi: Dash, mos e kruaj me mua

Aktualitet, Debat / /

“Më dhunove. Më dhunove. Çfarë kam bërë unë. Më thuaj, pse e mbyllët derën. Nuk ka ndodhur kurrë më parë një gjë e tillë. Si ka mundësi?”. Kjo ishte pyetja dhe “vërshimi” i deputetit të PD-së, Sula drejtuar socialistëve.

Debati në Komisionin e Ligjeve ishte i fortë pasi deputetët e PD-së u futën brenda disa nga dera dhe të tjerët nga dritarja, pasi me urdhër të kryetares së Kuvendit, Lindita Nikolla garda mbylli dyert duke i lënë pas hekurave.

“Mos u kruaj shumë me mua” ishte përgjigja e Petro Koçit drejtuar Dashnor Sulës. Përballë tensionit dhe kaosit, drejtuesja e komisionit të Ligjeve e mbylli komisionin.

Pjesë nga debati

Dashnor Sula: Turp i zi, turp i zi!

Petro Koçi: Mos u kruaj shumë me mua…

Dashnor Sula: Kruhem me ty e me kë të më dojë qejfi. Të kesh turp ti pra, se s’ke as moral. Je hajdut, s’ke turp. Mbylle gojën, na mbyllni derën si qen aty.

Petro Koçi: Ça bëmë ne këtu që bërtet? S’ta mbylla unë derën.

Nxehen gjakrat brenda Kuvendit/ Koçi: Dash, mos e kruaj me mua Read More »

Iu ndalua hyrja në Kuvend, shpërthen Alizoti: Jemi afër një dikature, po ndiqen epshet e Ramës

Aktualitet, Politike / /

Deputeti i Partisë Demokratike, Tomor Alizoti, komentuar ndalimin e hyrjes së deputetëve në Kuvend nga Garda e Republikës, duke e cilësuar si aNë një intervistë televizive Alizoti është shprehur se “jemi afër një diktature, ku dëshira e kryeministri prevalon mbi ligjin”, ndërsa theksoi se “Garda nuk mund të marrë urdhra që janë në kundërshtim me Kushtetutën”.
“Shteti i së drejtës është ai që kufizon epshet e liderit. Kjo është dëshira e Edi Ramës. Kjo që ndodhi sot është antiligjore”, u shpreh ai.

Tomor Alizoti u shpreh se opozita ka bërë dhe po e bën detyrën e saj, ndërsa theksoi se kjo “nuk është një betejë për Berishën, por për Shqipërinë”.
Sa i përket zhvillimit të mbledhjeve të komisioneve online, ai tha se janë shkelje të ligjit, pasi sipas tij ato bëhen vetëm në gjendje të jashtëzakonshme.

“Kryesia e Kuvendit është një vend ku deputetet dhe opozita kanë zyrat nuk ka lidhje me komisionet. Ndalimi i deputetëve të hyjnë në zyrën tij nuk mund ta ndalojnë garda. Jemi afër një diktature, ku dëshira e kryeministri prevalon mbi ligjin. Garda nuk mund të marr urdhra që janë në kundërshtim me Kushtetutën. Shteti i së drejtës është ai që kufizon epshet e liderit. Kjo është dëshira e Edi Ramës. Kjo që ndodhi sot është antiligjore. Ky nuk është një sitëm i së drejtës por po merr pamje diktatoriale. Demokracia funksionon aq sa hapësirë ka opozita.

Shqipëria nuk është shtet i së drejtës, nëse do ishte, Garda nuk do merret urdhra, se thonë tani që do i heqin nga puna. Nuk është për të zbatuar epshet e Kryeministrave. Opozitarizmi i jep lirinë popullit. Opozita e ka bërë dhe po e bën detyrën e saj. Kjo është një beteje për Shqipërinë dhe jo për Berishën. Kjo është detyrë ndaj njerëzve. Nuk ka rrugë tjetër, po kthehemi në 90’. Ne nuk jemi më republikë parlamentare, në momentin që deputetet nuk i lejon të hetojnë, te marrin pjesë në reformën zgjedhore, të ngrenë komisione. Bërja e mbledhjeve online janë shkelje të ligjit, pasi ato bëhen vetëm në gjendje të jashtëzakonshme, nuk jemi në këtë situatë. Është një shkelje, duhet shuar në aksione të forta për të mbrojtur demokracinë në vend”, tha deputeti demokrat.

Iu ndalua hyrja në Kuvend, shpërthen Alizoti: Jemi afër një dikature, po ndiqen epshet e Ramës Read More »