Orikuminews

Rinis transporti ndërkombëtar detar i pasagjerëve/ Monitorim rigoroz protokolleve të sigurisë

Aktualitet, Lajmi i fundit / /

Ministria Infrastrukturës dhe Energjisë së bashku me Drejtorinë e Përgjithshme Detare po punon për të bërë të mundur rifillimin gradual dhe të sigurt të transportit ndërkombëtar detar të pasagjerëve.

Përmes një njoftimi për shtyp, ministria njoftoi se i gjithë ky proces ka në fokus garantimin e sigurisë së shëndetit të pasagjerëve, duke përmbushur në mënyrë rigoroze të gjitha protokollet e sigurisë të miratuara nga Ministria e Shëndetësisë, bazuar në udhëzimet e organizmave ndërkombëtare.

“Duke marrë në konsideratë kërkesat e operatorëve të licensuar në transportin detar të pasagjerëve dhe deklaratën e Komisionit Evropian të datës 11 qershor 2020, për heqjen e kufizimeve të udhëtimit duke filluar nga 1 korrik 2020, Ministria e Infrastrukturës dhe Energjisë njofton se duke nisur nga dita e hënë, 22 qershor 2020, do të lejohen të gjitha linjat e transportit ndërkombëtar të pasagjerëve”, thuhet në njoftimin e MIE-s.

Në këtë situatë të re, sipas MIE-s, përgjegjësia do të jetë e shoqërive të transportit ndërkombëtar detar të pasagjerëve, të cilat duhet të ndërmarrin hapat e nevojshëm, për të mundësuar rezervimin e lundrimit për dhe nga Portet e Republikës së Shqipërisë.

“Shoqëritë e Transportit ndërkombëtar detar të pasagjerëve do të jenë përgjegjëse edhe për të informuar pasagjerët për kufizimet e mundshme në fuqi për nisjet nga portet e Republikës së Shqipërisë dhe destinacionin e synuar si dhe rregullat e kujdesit dhe sigurisë së shëndetit në destinacionin ku ata do të mbërrijnë” shprehet MIE.

Drejtoria e Përgjithshme Detare do të monitorojë zbatimin e të gjitha masave si dhe planin e veprimit për zbatimin e detyrimeve të parashikuara në Protokollin e Operimit të Transportit Detar, të miratuar nga Ministria.

“Ministria e Infrastrukturës dhe Energjisë së bashku me Drejtorinë e Përgjithshme Detare dhe portet detare në vend është e angazhuar për të ndërmarrë çdo veprim të nevojshëm në mënyrë që të garantohen lundrime të sigurta duke mos cenuar sigurinë e shëndetit të punonjësve të sektorit dhe të pasagjerëve”, thuhet më tej/atsh

Rinis transporti ndërkombëtar detar i pasagjerëve/ Monitorim rigoroz protokolleve të sigurisë Read More »

Lleshaj: Nuk do të lejojmë ndërtimet pa leje përgjatë vijës bregdetare

Aktualitet, Problematika / /

Ministri i Brendshëm, Sandër Lleshaj kërkoi sot një vëmendje të shtuar të strukturave përgjegjëse për të parandaluar ndërtimet pa leje përgjatë vijës bregdetare.

Ministri i Brendshëm, Sandër Lleshaj zhvilloi sot një takim në Sarandë, me kryetarët e Bashkive Sarandë, Delvinë, Himarë, Finiq e Konispol, deputetët e qarkut Vlorë, përfaqësues e drejtues vendorë, Prefektin, drejtues të Policisë së Shtetit dhe IKMT, për të diskutuar për mbarëvajtjen e sezonit turistik, masat për mbrojtjen e mjedisit dhe kundër ndërtimeve pa leje, luftën antikanabis dhe çështje të tjera që lidhen me sigurinë.

Duke folur për krimin mjedisor, Lleshaj “kërkoi që strukturat përgjegjëse të bëjnë maksimumin kundër krimit mjedisor”. Ai tha se “Policia e Shtetit do të ndërmarrë masat ligjore kundër atyre që kryejnë krim mjedisor, Kodi Penal i Republikës ka 19 nene që adresojnë krimin mjedisor”.

Lidhur me ndërtimet pa leje, Lleshaj tha se IKMT dhe Policia e Shtetit punojnë së bashku për të adresuar këtë problem. “Kundër krimit mjedisor do të ketë gjoba shumë të majme ashtu sikundër edhe përgjegjësi penale. Policia bashkë me IKMT do të marrin masa të plota për ta ushtruar këtë përgjegjësi me seriozitet”, tha ai.

“Vija bregdetare nuk duhet të cënohet më tej. Ne nuk do të lejojmë më asnjë tullë që të vendoset pa leje në vijën bregdetare. Për këtë duhet që drejtuesit përkatës, veçanërisht Policia e Shtetit ta kenë të qartë se e kanë faturë mbi shpinë çdo konstatim për cënim të vijës bregdetare”, tha Lleshaj.

Ai garantoi se “nuk do të lejojmë asnjë tullë të re të shtohet përgjatë vijës bregdetare, apo ndërhyrjet nëpër plazhe”. “Policia dhe IKMT e kanë të qartë se këtu nuk ka asnjë hapësirë për të diskutuar. Ndërtimet pa leje që janë jashtë çdo procesi legalizimi nuk tolerohen, ndërsa ato që janë futur në proces legalizimi nuk bëhet fjalë që ne të ndërhyjmë. Por, asnjë tullë apo bankinë private nuk mund të ndërtohet në vijën bregdetare. Prekja e konfiguracionit natyror të vijës bregdetare është e papranueshme”, tha ai.

Lleshaj shtoi se “Policia ka po ashtu detyra të shtuara edhe në kontekstin e sigurisë në plazhe”. “Këtë vit të shtohen masat e Policisë edhe sa i takon kontrollit në plazhe”, tha Lleshaj.

Ministri u shpreh se “siguria është prioritet, ndaj Policia do të godasë edhe krimin e vogël, i cili është i papranueshëm sidomos kur ndodhe dhe në zonat minoritare “.

Lleshaj tha se “ne kemi një ndër Policitë më të vogla në rajon, por qeveria po vijon përpjekjet për shtimin e numrit të policëve, që të afrohemi me numrin e policisë për frymë të vendeve europiane”.

“Kryeministri ka dhënë miratimin e tij për shtimin e mbi 500 punonjësve të rinj policie. Me këtë shtojmë kapacitetet”, tha Lleshaj, ndërsa nxiti edhe përfshirjen në radhët e Policisë nga zonat minoritare./atsh

Lleshaj: Nuk do të lejojmë ndërtimet pa leje përgjatë vijës bregdetare Read More »

Dy hotele të reja në Vlorë dhe Sarandë/ Klosi: Energji e re që i shtohet industrisë turistike

Aktualitet, Turizem / /

Ministri i Turizimit dhe Mjedisit, Blendi Klosi, i cilësoi një energji e re që i shtohet industrisë turistike ndërtimin e dy hoteleve më të rinjë në qytetet bregdetare të Vlorës dhe Sarandës.

“Më një panoramë fantastike të Gjirit të Vlorës hotel Regina në Rradhimë ofron qetësi, pastërti, shërbim të kulturuar dhe guida turistike në zonë. Ky investim në hoteleri është një energji e re që i shtohet industrisë turistike”, – shprehet ministry Klosi, I cilia ka publikuar edhe disa fotografi nga përurimi I këtij hoteli.

Ministri Klosi bën të ditur gjithashtu se një tjetër hotel I është shtuar edhe qytetit bregdetar të Sarandës.,

“Hotel “Buzë”, në Sarandë, nga ku mund të shijosh panoramën e kaltër, lindjet dhe perëndimet relaksuese. Në ambientet Hotel Boutique Buzë gjenë qetësinë e dëshiruar”, – shprehet Klosi.

Për të stimuluar investimet në sektorin e turizmit, qeveria ka hartuar edhe një kuadër ligjor e fiskal favorizues. Ligji “Për Turizmin” ofron stimuj shumë konkurrues për investitorët e huaj.

Ligji ofron një varg ndryshimesh për sektorin e turizmit në Shqipëri, duke synuar ta shndërrojë atë në një nga sektorët më të rëndësishëm të ekonomisë në vitet e ardhshme./atsh

Dy hotele të reja në Vlorë dhe Sarandë/ Klosi: Energji e re që i shtohet industrisë turistike Read More »

29 vite më parë Shqipëria iu bashkua OSBE, sot e udhëheq

Aktualitet, Politike / /

Sot 29 vite më parë Shqipëria iu bashkua Organizatës për Siguri dhe Bashkëpunim në Europë (OSBE). Kryesia shqiptare e OSBE-së duke ndarë etapat më të rëndësishme të këtij rrugëtimi, shprehet krenare që tashmë Shqipëria e udhëheq organizatën.

“Është privilegj t’i kthehemi një Organizate që ka bërë kaq shumë për të na transformuar”, shprehet kryesia shqiptare e OSBE-së.

Ndërkaq, edhe zëvendësministrja e Brendshme, Romina Kuko duke ndarë këtë rrugëtim u shpreh se OSBE-ja ka qenë themelore gjatë rrugës së Shqipërisë drejt një demokracie funksionale.

“Krenar që kemi qenë me organizatën për gati një dekadë! Zbatimi i angazhimeve tona së bashku”, theksoi ajo. /atsh

29 vite më parë Shqipëria iu bashkua OSBE, sot e udhëheq Read More »

Nga dentisti tek autobuzi, këto janë veprimet dhe vendet ku mund të prekeni më lehtë nga COVID-19

Aktualitet / /

Disa epidemiologë dhe ekspertë të shëndetit publik në Universitetin e Michiganit vlerësuan 10 aktivitete të përditshme për rre zikun e inf ektimit nga koronavirusi.

Vlerësimi është nga 1 deri në 5, ku 1 është aktivitet me rre zik të ulët dhe 5 aktiviteti me rr ezik shumë të lartë.

“Aktivitetet me rre zik më të lartë janë ato që janë brenda, me ventilim të dobët dhe me shumë njerëz për periudha të gjata kohe”, tha studiuesi Ryan Malosh.

“Aktivitetet me rre zik më të ulët janë jashtë, me hapësirë të bollshme në distancë shoqërore dhe për periudha më të shkurtra kohore”, shtoi ai.

Ja cilat janë aktivitetet më të rrez ikshme dhe ato më pak të rr ezikshme:

-Vizita te mjeku – Rre ziku i ulët (Mesatarja: 2.1)

-Pikniku në natyrë -Rre ziku i ulët (Mesatarja: 2.3)

-Lojëra në natyrë -Rre ziku i ulët deri në i moderuar (Mesatarja: 2.4)

-Blerjet – Rr ezik i ulët deri në i moderuar (Mesatarja: 2.5)

-Vizita tek një i afërm i moshuar- Rre ziku i moderuar (Mesatarja: 3.2)

-Një prerje flokësh- Rr eziku i moderuar (Mesatarja: 3.4)

-Shkuarja në një restorant- Rre ziku i moderuar (Mesatarja: 3.4)

-Dërgimi i fëmijës tuaj në një kamp veror- Rre ziku i lartë (Mesatarja: 3.9)

– Vizita te dentisti – Rre ziku i lartë (Mesatarja 4.0)

-Transporti publik- Rre ziku i lartë (Mesatarja: 4.1)]

Nga dentisti tek autobuzi, këto janë veprimet dhe vendet ku mund të prekeni më lehtë nga COVID-19 Read More »

“Shqipëria bilanc pozitiv në luftën me krimin”/ Nuk është opinion, por fakt

Aktualitet / /

Kryeministri Edi Rama deklaroi sot se “nuk është opinion është fakt që Shqipëria sot ka një bilanc pozitiv në luftën me krimin”.

Në fjalën e tij në Kuvend, kryeministri Rama tha se “lufta me krimin nuk matet me përrallat dhe gjysmë të vërtetat që janë edhe gënjeshtrat më të mëdha, që ju tregohen shqiptarëve përditë e përditë, por matet me statistika, matet me fakte, me shifra”.

“Sigurisht ajo që thoni ju zerimi i vrasjeve, i vëllavrasjes siç e quani ju, është një përrallë pa mbret, sepse nuk ka asnjë vend demokratik që të ketë zeruar vrasjet, nuk ka, nuk ekziston. Nuk ka asnjë vend demokratike dhe vendet më të zhvilluara, më të sofistikuara që kanë e kthyer në akt luftën kundër krimit nuk i kanë zeruar as vrasjet, as trafiqet, as kriminelët as policët e korruptuar”, – theksoi Rama.

Sipas tij, jo shumë kohë më parë drejtoi i policisë në një prej vendeve qe rankohen më lart botërisht prej vitesh, Finlanda me kriminalitet të ulët dhe korrupsion thuajse zero doli se për vite e vite kishte bashkëpunuar me krimin.

“Besoj se fakti që gjatë qeverisjes sonë janë në numër të konsiderueshëm punonjësit e policisë që janë arrestuar apo janë çuar për hetime penale, apo përjashtuar nga policia apo pezulluar, nuk tregon bashkëpunim me krimin, nuk tregon një fakt si ai që përshkruani ju. Tregon të kundërtën , tregon vullnet e angazhim për të luftuar qoftë përballë qoftë edhe brenda vetes”, – tha Rama.

Kryeministri Rama iu drejtua deputetëve të opozitës se “ju, duhet ta lexoni raportin e progresit, Bashkimi Europian, Komisioni Europian janë monitorë të pa korruptueshëm dhe të pa diskutueshëm të gjithë proceseve në të gjitha fushat dhe nëse shihni se çfarë thonë raportet e progresit në ecurinë e tyre për luftën kundër krimit në Shqipëri do të shikoni ndryshimin e madh mes të sotmes e të djeshmes”./atsh

“Shqipëria bilanc pozitiv në luftën me krimin”/ Nuk është opinion, por fakt Read More »

Dita e Gastronomisë/ Rama: Kemi plot arsye për të dashur kuzhinën tonë dhe amvisat

Kulinari / /

Gastronomia shqiptare me identitetin e saj përbën një aspekt të rëndësishëm të kulinarisë, ku pothuajse çdo krahinë ofron specialitetet e saj të veçanta.

Kryeministri Edi Rama sot në ditën e Gastronomisë publikoi një video duke promovuar gatimet shqiptare, që kanë shumëllojshmëri shijesh dhe një menu mesdhetare ku nuk mungojnë bulmetrat, vaji i ullirit, mjalti, prodhimet e tokës dhe ato të detit.

“Mirëmëngjes në ditën e Gastronomisë kemi plot arsye për të dashur kuzhinën tonë dhe amvisat patjetër”, – shprehet Rama.

Kuzhina shqiptare është një përzierje e influencave të kuzhinës turke, asaj ballkanike dhe europiane. Ajo është e njohur për vlerat e larta ushqimore dhe shijen e saj mjaft të mirë

Gatimi i mishit të pjekur, sidomos qengjit dhe përgatitja e byrekëve të ndryshëm është e përhapur në të gjithë vendin. Veçanërisht në krahinat e jugut dhe Shqipërisë së mesme është i njohur përdorimi në shkallë të gjerë i perimeve dhe zarzavateve, vajit të ullirit, erëzave të ndryshme dhe limonit.

Pjatat e peshkut janë të njohura veçanërisht në qytetin e Shkodrës (tava e krapit), Pogradecit (korani me arra dhe lloje të tjera), zona bregdetare e Jonit dhe Adriatikut etj.

Në Shqipëri gatuhen ëmbëlsira të shumëllojshme, shumë prej të cilave janë të përbashkëta edhe për vendet e tjera ballkanike si (ballkavaja, kadaifi, sheqerparet, hashurja etj.

Si rezultat e klimës së përshtatshme mesdhetare Shqipëria është e njohur për kultivimin e rrushit dhe prodhimit e një varieteti verërash të kuqe dhe të bardha. Ndër më të përmendurat janë ato Merlot, Kabërnet, Pinot Nero, Kallmet, Shesh i Zi, San Gioveze, Riesling, Shesh i Bardhë etj.

Pija më tradicionale alkoolike është rakia (një lloj Brandy i prodhuar nga rrushi). Në disa zona të Shqipërisë prodhohet edhe rakia e kumbullës (Korçë, Dibër), ajo e manit (Boboshticë etj). Shqipëria është gjithashtu e njohur edhe për prodhimin e konjakut Skënderbej, i përmendur për shijen dhe aromën e tij. Konjaku shqiptar ka fituar gjithashtu edhe çmime ndërkombëtare.

Ndër pijet jo alkoolike është për tu përmendur boza (një pije freskuese me bazë misrin), e prodhuar në veri të vendit sidomos në krahinën e Kukësit si dhe rehania, e cila vjen nga lëngu i rrushit dhe është pije tipike e Skraparit.

Turistët e shumtë që vizitojnë vendin tonë, ushqimet tona tradicionale i pëlqejnë shumë dhe janë një ndër gjërat e para në listën e të preferuarave prej tyre nga Shqipëria përveç bukurive natyrore./atsh

Dita e Gastronomisë/ Rama: Kemi plot arsye për të dashur kuzhinën tonë dhe amvisat Read More »

Skema Kombëtare/ 60% e fermerëve kanë aplikuar për subvencione në blegtori

Aktualitet / /

Rreth 60% e fermerëve në 12 qarqet e vendit kanë aplikuar në Skemën Kombëtare 2020, për të përfituar subvencione në blegtori.

Agjencia e Zhvillimit Bujqësor dhe Rural, bën të ditur se, 4 mijë e 700 fermerë kanë aplikuar për të përfituar nga masa e mbështetjes për blegtorinë nga 7 434 që është numri total i aplikimeve që kanë kryer deri tani fermerët në shkallë vendi.

Fondi i programit për bujqësinë dhe zhvillimin rural, për vitin 2020 adreson mbështetje financiare të drejtpërdrejtë për blegtorët duke i subvencionuar ata për krerë bagëti.

Skema Kombëtare 2020 adreson mbi 65% të fondit të saj në financimin e fermerëve për fermat me jo më pak se 70 krerë dele dhe/ose dhi, në vlerën 1 200 lekë/krerë, por jo më shumë se 360 000 lekë për subjekt, ndërsa për fermat me jo më pak se 5 krerë lopë, në vlerën 10 000 lekë/krerë, por jo më shumë se 500 000 lekë për subjekt.

Gjatë vitit që lamë pas fermerët përfituan subvencion për çdo faturë të shitjes së qumështit te grumbulluesit. Në 2019, fermerët blegtorë përfituan në total 40 milionë lekë përmes skemës së qumështit me 10 lekë për litër.

Aplikimet në Skemën Kombëtare të mbështetje në Bujqësisë 2020 u çelën në 16 maj dhe mbyllen në 19 qershor. /atsh

Skema Kombëtare/ 60% e fermerëve kanë aplikuar për subvencione në blegtori Read More »