Administratori i një portali, gazetari Gjergj Zefi, është dhunuar sot në Tiranë me sende të forta nga persona të paidentifikuar. Blutë e Tiranës bëjnë me dije se gazetari aktualisht po merr ndihmën mjekësore në spital, ndërsa është ngritur grupi Hetimor dhe nën drejtimin e Prokurorisë vijon puna për sqarimin e rrethanave të ngjarjes, identifikimin dhe kapjen e autorëve.
Njoftimi i policisë: Tiranë/Informacion paraprak
Më datë 03.10.2023, nga një telefonatë në Sallën Operative është marrë njoftim se në rrugën “Bardhok Biba”, persona të paidentifikuar kanë goditur me sende të forta një shtetas.
Pas verifikimeve të kryera ka rezultuar se personi i dëmtuar është shtetasi Gj. Z., 52 vjeç (administrator i një portali), i cili aktualisht po merr ndihmën mjekësore.
Me marrjen e njoftimit, është ngritur grupi Hetimor dhe nën drejtimin e Prokurorisë vijon puna për sqarimin e rrethanave të ngjarjes, identifikimin dhe kapjen e autorëve.
Ish-drejtori Emergjencave Civile, Shemsi Prençi bëri një denoncim të fortë sa i takon flakëve që kanë përfshirë prej 8 ditësh masivin pyjor në Pishë-Poro dhe Darezëzë.
I ftuar në “Studio Live” ai u shpreh se zjarri u la qëllimisht aktiv prej 8 ditësh, pasi në atë zonë qeveria ka planifikuar ta zhvillojë.
Sipas tij, Pishë Poro do t’u jepet oligarkëve për të ndërtuar hotele dhe vila.
“E pamundur që zjarri të mos fikej për 8 ditë. Janë djegur 700 hektarë me pisha. Qeveria ka në plan tua japë oligarkëve për të ndërtuar hotele dhe vila”, tha Prençi.
Vazhdës së Vipave që reaguan pas ofendimit që aktori i humorit Albano Bogdo bëri ndaj këngëtares së njohur Beatriks Ramosaj iu shtua edhe aktori i humorit Elvis Pupa.
I cili nuk vonoi të reagojë pas “refuzimit” të Bogdos për një ndjesë publike ndaj këngëtares me arsyetimin se ajo që kishte bërë nuk ishte gjë tjetër veçse ushtrim i lirisë së fjalës.
Në reagimin e tij nëpërmjet një video të shpërndarë në rrjetin e tij social Instagram, Pupa ka thumbuar hapur aktorin. Duke u shprehur se: “Mënyra sesi një njeri e përdor lirinë e fjalës tregon shumë për karakterin e atij njeriu”.
Gazetarja Klodiana Lala zbuloi më shumë informacione mbi arsyet e marrjes në mbrojtje të prokurores së SPAK, Doloreza Musabelli.
Lala u shpreh se arsyeja pse shteti u “ngrit në këmbë”, ishin deklaratat e ushtarit të Laert Haxhiut, Marjus Tafani, se dikush afër prokurores po i jepte informacion grupit kriminal mbi jetën e saj.
Gazetarja deklaron se banda e Haxhiut kishte marrë informacion mbi vendbanimin e prokurores, madje ajo ishte ndjekur dhe ishte fotografuar në marketet ku kryente pazar, apo ku nxirrte fëmijët për argëtim.
“Çfarë tha i penduari Marjus Tafani që e ngriti kaq shumë në këmbë institucionet shqiptare. Ai tha se dikush pranë prokurores Doloreza Musabelliu po jepte informacion. Të dhënat ishin të natyrës se në çfarë shkolle i dërgonte fëmijët, ku ajo banonte, ku e kishte zonën bashkëshorti i saj avokat, cilat vende frekuentonte, ku nxirrte fëmijët për të pushuar apo lëvizur me biçikletë, cilat markete frekuentonte. Madje ka patur foto ku prokurorja Musabelliu është fotografuar duke bërë pazar në market.
Ju pyesni që a mund të hetojnë prokurorët kur janë nën presion. A e dini kur nisi revanshi ndaj krimit të organizuar në Itali, kur u vra Falcone dhe Borselino. Uroj të mos të ndodhë asgjë ndaj zyrtarëve të drejtësisë, por pika e vlimit është tani. Është momenti kur prokuroria e Posaçme po bën goditje ndaj peshqve të mëdhenj të politikës”, tha Lala në Euronews Albania.
Kujtojmë se KLP caktoi ditën e djeshme urdhër-mbrojtje për prokuroren Doloreza Musabelli dhe ish-prokuroren e Lushnjës Merita Selimi, dy shënjestrat e grupit të Laert Haxhiut.
Ka qenë i penduari i drejtësisë, Artan Tafani, pjesë e bandës së vrasësve me pagesë të Laert Haxhiut, ai i cili ka rrëfyer planet e grupit për eliminimin e 2 prokurorëve dhe një avokati.
Selimi është prokurorja e cila hetoi Laert Haxhiun, Orgest Bilbilin dhe Anterio Kaloshin për përfshirjen në masakrën e vitit 2017 në Lushnjë, ku mbeti i vrarë Zamir Latifi dhe Jurgen Hoxha, dhe u plagosën Bujar Turku dhe Marjus Xhepexhiu.
Pas dy viteve hetime, Selimi shpalli moskompetencën duke e çuar dosjen në SPAK, ku dy miqtë e ngushtë të Haxhiut, Anterio Kaloshi dhe Orges Bilbili u dënuan me burgim të përjetshëm.
Prokurorja e Lushnjës në muajin Korrik 2023 u shkarkua nga Komisioni i Pavarur i Kualifikimit. Më pas dosja i kaloi prokurores Doloreza Musabelli, çka u bë që ajo të ishte objektiv i Haxhiut.
Ndonëse “Big Brother” ka përfunduar, fama e ish-banorëve vijon akoma. Në rrjetet e tyre sociale, lëkundjet kanë qenë të zakonshme përgjatë kësaj kohe, duke rrëzuar nga froni shpesh më të klikuarin, apo duke ngritur në majë të tjerë personazh.
“Top Albania Radio” ka përmbledhur 10 personazhet me më shumë ndikim në “Instagram”-in e tyre, duke u fokusuar te shifrat konkrete.
Këngëtarja Nita Latifi ka pësuar humbje në numrin e ndjekësve të saj. Këtë herë ajo ka humbur 3 mijë ndjekës duke shkuar kështu në 139K.
Efi Dhedhes ka qenë padyshim një nga protagonistet e këtij edicioni të dytë të ‘Big Brother VIP 2’, që arriti të ketë një sukses të jashtëzakonshëm. E komentuar në rrjet për lojën e saj brenda shtëpisë, raportet me Luizin, e padyshim edhe për jetën e saj private. Efi ka humbur po ashtu 3 mijë ndjekës.
Një periudhë tepër e zënë dhe të ngarkuar këto kohë, Dea Mishel angazhohet dhe në një tjetër projekt kaq të madh e të rëndësishëm. Dea ka humbur 1 mijë ndjekës dhe ka shkuar në 301K.
Luizi ka humbur 1 mijë ndjekës. I njohur për zërin e tij dhe talentin në muzikë, Armaldo Kllogjerin tani do ta shikojmë edhe në arenën e kërcim it si konkurrent në spektaklin “Dancing with the Stars”. Megjithatë, që nga hera e kaluar ai nuk ka ndryshuar aspak në numrin e ndjekësve të tij.
Javën e kaluar, Ronaldo Sharka u rendit në vend të parë, por këtë herë ai nuk ka ndryshuar fare në numrin e ndjekësve, njësoj si Armaldo. Keisi Medini po ashtu nuk ka pësuar ndryshime në ndjekësit e saj në “Instagram”. Ajo numëron sërish 366K.
Jori Delli ka qenë pa diskutim një nga personazhet më të përfolur të ‘BBV 2’, edhe pse qëndrimi i saj si banore në shtëpinë më të famshme në Shqipëri zgjati shumë pak. Tashmë ajo po shijon romancën e saj me reperin italian Fred De Palma. Jori numëron sërish 533K pa asnjë ndryshim.
Luiz Ejlli dhe Kiara Tito janë dy ish-banorë të “Big Brother Vip 2”, ku Luizi u shpall dhe fituesi i edicionit të dytë. Ata gjatë qëndrimit në shtëpinë më të famshme në Shqipëri nisën një romancë, e cila vazhdon dhe jashtë.
Çifti duket mjaft i lumtur krah njëritjetrit, duke ndarë për ndjekësit e tyre momente shumë të lumtura nga jeta e tyre. Megjithatë, edhe Kiara nuk ka pësuar ndryshime në numrin e ndjekësve në “Instagram këtë javë”.
Dihet tashmë se Olta Gixhari do të jetë pjesë e filmit “Në kuadër të dashurisë” dhe madje në një nga rolet kryesore së bashku me Luiz Ejllin. Këtë javë ajo renditet në vend të parë me 1 mijë ndjekës të shtuar.
Zonja e Parë e Shqipërisë, Armanda Begaj, i bashkohet “Tetorit Rozë” , në ndihmë të grave dhe vajzave që vuajnë nga kanceri i gjirit si pjesë e përpjekjes mbarëbotërore të sensibilizimit për kujdesin shëndetësor. Në njw mesazh të posaçëm, Zonja Begaj e vlerëson këtë muaj, si moment për reflektim, ndërgjegjësim dhe solidaritet.
“Gjatë 31 ditëve të tetorit, secili nga ne të ketë një moment reflektimi për çfarë do të thotë të jetosh normalisht në çdonjërën nga 365 ditët e vitit pas diagnostikimit me kancerin e gjirit”, tha ajo.
Zonja e Parë e Shqipërisë inkurajon gjithkënd të ndajë informacionet, eksperiencat dhe përjetimet në përballimin e sfidës së vështirë.
“Eksperiencat janë unike për këdo, por të gjithë besojmë se për të përqafuar plotësisht jetën duhet gjetur dëshira për t’u informuar, kuraja për t’u diagnostikuar, forca për ta pranuar vetë e ndarë me të tjerë, optimizmi për ta kuruar kancerin e gjirit, por mbi të gjitha energjia për t’u përfshirë në aktivitete dhe marrëdhënie që sjellin gëzim e kënaqësi, që rrisin cilësinë e jetës”.
Ajo gjithashtu nxit shoqërinë të angazhohet për të ndihmuar në lehtësimin e vuajtjes dhe kapërcimin e kësaj sprove.
“Me gjithë vështirësitë për të kuptuar sfidat specifike me të cilat duhet të përballen, nënat, bashkëshortet, motrat, bijat e miket, të gjithë ne, familja e miqtë, të jemi mbështetësit më të mirë që ato të sfidojnë frikën, ankthin dhe madje edhe zemërimin pas dignostikimit me kancerin e gjirit apo të çdo lloji tjetër dhe të nisin një jetë normale të re”.
Zonja Begaj e mbyll mesazhin e saj me apelin: Të gjithë bashkë edhe në këtë sfidë të jetës!
Përgjatë “Tetorit Rozë”, Zonja e Parë e Shqipërisë, do të angazhohet në disa nisma ndërgjegjësimi për gratë dhe vajzat. Për të dytin vit ajo është pjesë e fushatës së sensibilizimit, për kontrollin mjekësor të gjirit.
Ngjarje tragjike në Itali. Jani Gjoni, 60-vjeçari me origjinë shqiptare në Borgosesia në Itali ka humbur jetën si pasojë e rrëzimit nga një lartësi prej 50 metrash nga një grumbull shkëmbor. Shqiptari që prej vitesh jetonte në Borgosesia kishte dal bashkë me një koleg të punës për të mbledhur kërpudha, sipas mediave italiane.
Gjatë grumbullimit 60-vjeçari kishte rrëshqitur nga një pikë prej 50 metrash dhe kishte humbur jetën. Kolegu i tij kishte njoftuar menjëherë ambulancën. Ekipet e shpëtimit kur arritën në vendngjarje konstatuan se plagët e marra ishin shumë të rënda dhe mjeku për pak minuta konfirmoi se Gjoni kishte vdekur. Viktima iu kthye familjes pas pak orësh për të kryer ritualet e vdekjes.
A keni provuar ndonjëherë byrek me turshi? Kjo recetë nga Zonja Vjollca duhet provuar me patjetër dhe pse jo këtë fundjavë që keni para.
INGREDIENTËT
1 filxhan çaji kos
1 filxhan çaji ujë
Kripë
2 lugë gjelle vaj ulliri
400 gram miell
1 lugë kafe sodë buke
Mbushja: 1 qepë
1 kg lakër turshi
kripë dhe piper i zi
1 lugë gjelle piper i kuq
Vaj ulliri
1 lugë gjelle gjalp
UDHËZIMET
Lakrën e shpëlajmë mirë dhe e presim shumë hollë.
2.Në një tas të madh hedhim kosin, ujin, kripën dhe vajin. I përziejmë të gjithë përbërësit.
3.Shtojmë sodën tek mielli dhe e trazojmë duke shtuar pak nga pak tek tasi me kos dhe ujë. Punojmë brumin duke shtuar miellin derisa masa të marrë trajtën e një brumi si për byrek.
4.Pasi e punojmë brumin mirë për 10 minuta e ndajmë në dy pjesë, e mbulojmë dhe e lëmë të pushojë për 30-40 minuta.
5.Ndërkohë gjatë kësaj kohe në një tigan kaurdisim qepën të prerë në kubikë të vegjël derisa të bëhet transparente dhe të zbutet mirë.
6.Shtojmë lakrën dhe i kaurdisim së bashku derisa lakra të ulë volumin. Shtojmë kripë nëse duhet, piper të zi, një lugë gjelle piper të kuq,
7.I përziejmë mirë duke shtuar ½ gote ujë dhe e lëmë të ziejë derisa uji të avullojë dhe të mos ketë më lëng në tigan.
8.E largojmë tiganin dhe e ftohim lakrën.
9.Lyejmë një tepsi me yndyrë dhe fillojmë të hapim një petë jo të hollë, por afërsisht sa një petë tarte. E vendosim në tepsi, duke lënë që peta të varet pak në anët e tepsisë.
10.Shtojmë mbushjen duke e shpëndarë në të gjithë sipërfaqen.
11.Hapim dhe petën e dytë dhe mbulojmë mbushjen duke rrudhur petën sipër.
12.Mbledhim anët e lakrorit, e lyejmë me pak vaj dhe shpërndajmë gjysmë luge me gjalpë në sipërfaqen e lakrorit.
13.Vendosim lakrorin për t;u pjekur në temperaturë 200 gradë Celsius, për 20 minuta.
14.E nxjerrim dhe e lyjemë përsëri me gjalpin e mbetur duke e vendosur përsëri në furrë dhe për pesë minuta. E shërbejmë të ngrohtë.
