Irina

Një ngjarje e rëndë është regjistruar ditën e diel në Rahovec në Gjakovë ku ka humbur jetën në burrë.

Mësohet se viktima ka humbur jetën pas rrokullisjes me traktor.

Policia njofton se ngjarja ka ndodhur në një arë. Punëtori nuk ka mundur t’u shpëtojë plagëve duke dhënë frymën e fundit.

“Është raportuar se viktima kosovar është rrokullisur me traktorin e tij në një fushë-arë dhe si pasojë ka ndërruar jetë. Lidhur me rastin vdekjen e viktimës e ka konstatuar mjeku kompetent, me urdhër të prokurorit trupi i pajetë është dërguar në IML për obduksion”, thuhet në njoftim.

Një i moshuar 70-vjeç ndërroi jetë mëngjesin e sotëm në Lushnje. Viktima Enver Deliu ishte duke udhëtuar me biçikletë kur u përplas me makinë nga një vajzë 26-vjeçe që ishte në timon.

Ngjarja ka ndodhur rreth orës 09:45 në aksin rrugor Lushnjë-Rrogozhinë në fshatin Golem. Goditja ishte fatale.

I moshuari vdiq në rrugë.

Vajza me inicialet A. Xh. është shoqëruar në Komisariat, me të cilën po kryhen veprimet hetimore.

Grupi hetimor po punon për zbardhjen e rrethanave të aksidentit.

Vajza e Elsonit dhe ish-bashkëshortes së tij, Ledianës, qëndron në banesën e gjyshit të saj nga nëna, Mehmetit dhe nuk takohet prej 5 vitesh me të atin. Eni Çobani shpjegon në “Shihemi në Gjyq” nga “E Diela Shqiptare” në Tv Klan se kujdestaria e 6-vjeçares i ka kaluar nënës, Ledianës pas divorcit por Elsoni dhe familja e tij nuk e takojnë

Eni Çobani: Nga momenti që vajza ka hyrë në atë banesë, nuk është takuar më as me Luftarin, as me hallat, por mbi të gjitha me babain, me babain zoti Mehmet!

Eni Çobani shton se ka bërë një bisedë private me Mehmetin dhe e ka pyetur për vendndodhjen e Ledianës, e cila mësohet se nuk jeton në shtëpinë e të atit.

Eni Çobani: Nuk është e mundur më në këtë vend që njëri gjysh të hapë luftë me gjyshin tjetër! Të nxjerrë nipin për të rrahur këtë ish-dhëndrin dhe atë vajzën ta çojë në shkollë dhe të dalë edhe drejtoresha e shkollës bashkë me Mehmetin dhe t’i thotë babait shko merr një vërtetim te përmbarimi të vish të takosh vajzën!

Sipas vendimit të gjykatës, Elsonit i lejohet të takojë vajzën dhe këtë nuk mund ta ndalojë gjyshi.

Eni Çobani: Kujdestaria thotë e mban nëna, por e shikon edhe babai se atë fëmijë Mehmet nuk e keni bërë ju, e ka bërë Elson Frisku me Lediana Friskun, me dashuri se na tha ky djali që janë marrë me dashuri dhe kjo vajza është edhe e Elsonit, edhe e Ledianës.

Një i ri nga Paskuqani është larguar nga banesa një ditë më parë, pa lënë asnjë zhurmë.
Familjarët kanë bërë denoncimin në polici për zhdukjen e djalit të tyre Servet Bokcia.

Gjithashtu familjarët kanë kërkuar dhe ndihmën e mediave, ndërsa i janë drejtuar dhe redaksisë së AlbEu.com, ku kërkojnë ndihmë për gjetjen e djalit të tyre.
Në emër të familjarëve çdo qytetar që e ka parë djalin në foto dhe ka informacion se ku mund të ndodhet ëhstë i lutur të njoftojë menjëherë në polici ose në numrin e celularit +355695826284.

Policia ka reaguar për shqiponjën e cila u gjend sot e plagosur dhe e lidhur në fshatin Buhal të Përmetit.
Sipas policisë, vijon puna për identifikimin e shtetasit që ka plagosur dhe ka lidhur shpendin, në një portë, me qëllim balsamosjen të gjallë.

Mësohet se shqiponja aktualisht po merr ndihmë të specializuar mjekësore nga veterineri, i cili ka asistuar shërbimet e policisë, gjatë veprimeve për lirimin e shpendit, nga porta ku ishte lidhur.
“Rasti, me një impakt të lartë publik në rrjetet sociale, u vlerësua me seriozitet dhe menjëherë nga shërbimet e Policisë, të cilat vijojnë veprimet hetimore dhe procedurale për të identifikuar dhe për të nxjerrë përpara përgjegjësisë penale, autorin e këtij krimi që parashikohet dhe ndëshkohet nga neni 207/c i Kodit Penal,” thuhet në njoftimin e policisë.