Irina

‘Shqiptarët do llahtarisen se deri ku arrin afera e…’/ Arben Ahmetaj bën paralajmërimin ‘bombë’

Debat, Intervista, Opinione, Politike / /

Gjatë intervistës ekskluzive në ‘Çim Peka LIVE’, ish-zv/kryeministri Arben Ahmetaj është shprehur se nëse SPAK do të hetojë siç duhet dhe do të ndjekë paratë, shqiptarët do të llahtarisen se deri ku shkon afera e inceneratorëve.
Pjesë nga intervista:

Çim Peka: Pse i shmangin procedurat sipas jush?

Arben Ahmetaj: Po qe se do bëhet, dhe i sfidoj. Po qe se do të bëhej një hetim i vërtetë për inceneratorin e Tiranës, shqiptarët nuk do të habiten, por do të llahtarisen se deri ku do të shkojë. Po sigurisht që SPAK nuk e bën këtë. Unë thashë, ‘ndiq paratë’. Unë isha i akuzuar nga opinioni publik pra, në populizmin penal shqiptar, unë po goditesha me gurë nga dritaret e Top Channel, apo nga të gjitha mediat e paguara nga inceneratorët. Mercenarë, vullnetarë, të paguar, të sponsorizuar, të gjithë. Unë habitem se si, kur del nëpër letra se je paguar nga inceneratorët dhe të dalësh të bësh sikur po lufton korrupsioni është çmenduri. Megjithatë ky është një diskutim dhe kapitull tjetër. Pra, po të hetohet Tirana, shqiptarët nuk do të habiten, por të llahtarisen. Do të shkojë shumë lart.

Arben Ahmetaj: Lart në maksimum. Cila është arsyeja po ua them tani.

Çim Peka: Lart në maksimum? Ju thoni se përveç kryetarit të bashkisë edhe kryeministrit …

Arben Ahmetaj: Do të vijmë tek të gjitha. Të gjithë ata që kanë inspiruar politikisht goditjen për kokë turku. Më pyete pse ka nisur përplasja. Goditja ndaj meje ka nisur herët. Unë kam pasur përplasjet e mia, siç kam pasur edhe ditët e mira me kryeministrin. Përplasje disa serioze, disa profesionale, disa politike, kuptohet aq sa e lejon të qenit i sjellshëm, rigoroz dhe të qenit besimplotë në atë bën dhe atë që thua.

Çim Peka: Perceptimi është se refuzimi juaj për inceneratorin e Tiranës ka të bëjë me faktin se aty u fut në lojë edhe nëpërmjet kryetarit Veliaj, Ben Blushi, në atë kohë drejtues i Top Channel dhe Arben Ahmetaj u la jashtë. Dhe perceptimi i këtyre dy qendrave të Tiranës, nëpër ambasada që thoni ju, por edhe nëpër media, është që Arben Ahmetaj kur u përjashtua nga Tirana sepse aty u fut Ben Blushi dhe Top Channel, Edi Rama dhe Erion Veliaj vetë, dosjen e inceneratorëve e dorëzoi te Ilir Meta. Kjo është arsyeja se dy qendrat e Tiranës, që unë e di për kë e keni fjalën dhe ju do i thoni vetë, shpërndajnë jo vetëm nëpër ambasada, por edhe media. Ju kishit interes edhe për shkak të miqësise te Elbasani dhe Fieri, dhe kur u latë jashtë te Tirana dhe u zëvendësuat me Ben Blushin, Top Channel dhe Erion Veliajn, ju dosjen e shkeljeve të procedurave e dorëzuat tek Ilir Meta.

Arben Ahmetaj: Teoria e konspiracioni që unë kam dorëzuar dosjen tek Ilir Meta dhe ambasada amerikane është furnizuar nga Erion Veliaj, Belinda Balluku dhe unë nuk e besoj se Edi Rama e ka besuar, sepse është më i zgjuar se kaq. Këtë histori e ka besuar Lefter Koka dhe Mirel Mërtiri. Dosja dihet publikisht ka qenë pjesë e hetimit të KLSH-së. Por kjo u përdor si justifikim për të gjetur kokën e turkut. Cila ishte koka e turkut? Ishte një njeri që e ka pranuar që ishte mik me Mirel Mërtirin. Po mirë, po ky s’ka marrë pjesë në procedura, por ky nuk ka firmosur. Po ca na duhet se s’ka firmosur. Ne do ta ndërtojmë goditjen e këtij njeriu dal e nga dal, në mënyrë që nxjerrja në pritë politike, të kthehet në vrasje juridike. Dhe cilat janë hapat. Filloi gjithë tymnaja, jo ka dhënë jo nuk ka dhënë dosjen. Unë nuk e mora seriozisht në momentin e parë që e dëgjova. Ish miq të mi mundoheshin në tryeza ta thonin kështu me keqardhje; po si ka mundësi që ky Ben Ahmetaj ja dha dosjen Ilir Metës dhe ambasadës së SHBA. Dmth sikur i vinte keq për mua, si të habitur. Një kultivim i një konspiracioni të gjatë, nuk e besoj se Ed Rama e ka besuar këtë, por Ed Rama e ka përdorur këtë kundër meje për të gjetur një njeri, që sipas tij ti vejë tapë çështjes së inceneratorëve.

Çim Peka: Po pse ti vendosjes tapë me ju që nuk ishit pjesë e procedurave të inceneratorëve, kur mund të ja vendosje tapë me Veliajn, Ballukun apo dikë tjetër, apo Damian Gjiknurin që kanë qenë pjesë e procedurave.

Arben Ahmetaj: Kjo është pyetje edhe për ju. Cila është arsyeja.

Çim Peka: Nuk e njoh unë Edi Ramën.

Arben Ahmetaj: Unë e njoh shumë mirë Edi Ramën.

Çim Peka: Sepse procedurat e përfshijnë dhe atë dhe ai nuk kishte interes të hetoheshin procedura.

Arben Ahmetaj: Procedurat i përfshijnë të gjithë. Çfarë dua të them. A ka vendime për bonuset? Ka vendime për bonuset. Unë nga personat që ti përmende jam i vetmi që nuk kam firmosur për procedure. Nuk kam bërë as prokurim, nuk kam qenë as autoritet kontraktor. Të gjithë në një moment apo në një tjetër …

Çim Peka: Ju po thoni se duke qenë se duhej bërë patjetër një kokë turku për inceneratorët, sepse zhurma, hetimi, abuzimi ishte i madh, Rama bëri sikur e besonte alibinë e Veliajt dhe Ballkukut, por nuk e besonte se është shumë më i zgjuar se kaq, por i duhej një kokë turku dhe ky kokë turku duhej të ishte dikush që është jashtë procedurës, që nuk ka lidhje me të, sepse po të jetë në procedurë shkon tek të gjithë?

Arben Ahmetaj: Po të ishte në një pjesë të procedurës, po të zbërthehet një nga nyjet e procedurës, praktikisht nuk ka më pazëll për inceneratorin e Tiranës, nuk ka më pazëll.

‘Shqiptarët do llahtarisen se deri ku arrin afera e…’/ Arben Ahmetaj bën paralajmërimin ‘bombë’ Read More »

E rëndë/ Në kushte të rënduara psikologjike, 35-vjeçari tenton t’i japë fund jetës

Lajmi i fundit / /

Një ngjarje e rëndë është shënuar mbrëmjen e sotme në fshatin Fatish të Peqinit, ku një 35-vjeçar ka tentuar t’i japë fund jetës.

Policia thotë se dyshohet që në kushte të rënduara psikologjike, 35-vjeçari është hedhur nga lartësia e banesës ku jetonte.

Ai është dërguar me urgjencë në spital, ku ndodhet nën kujdesin e mjekëve.

“Në fshatin Fatish, shtetasi U. M., 35 vjeç, dyshohet se në kushte të rënduara psikologjike, është vetëhedhur nga lartësia e banesës ku jetonte.
Shtetasi U. M. është në spital, për asistencë mjekësore”, bën me dije policia.

Grupi hetimor po kryen të gjitha veprimet me qëllim zbardhjen e rrethanave të rastit.

E rëndë/ Në kushte të rënduara psikologjike, 35-vjeçari tenton t’i japë fund jetës Read More »

‘Nuk jam në hetim nga SPAK për aferën e inceneratorëve’/ Çfarë po paralajmëron Arben Ahmetaj?

Intervista, Opinione, Politike / /

Gjatë intervistës ekskluzive në ‘Çim Peka LIVE’, ish-zv/kryeministri Arben Ahmetaj, tregon se nuk është nën hetim nga SPAK për aferën e inceneratorëve.

Ahmetaj tregon gjatë intervistës edhe marrëdhënien me Mirel Mërtirin dhe njohjen me të.

‘Unë do të kursehem ta quaj afera e inceneratorëve, për një sekondë dhe do të them se, çështja e inceneratorëve u fokusua fillimisht tek Elbasani dhe Fieri, tek procedurat. Unë e kam deklaruar përpara shqiptarëve. Është e faktuar me letra. Mbase para 9 muajsh nuk më besonin, për arsye të emocionit, arsye të goditjes mediatike të paguar nga inceneratorët, për arsye të zellit të kryeministrit për të bërë prokurorin dhe gjykatësin ndaj meje, apo për të më zhveshur nga të gjitha funksionet politike, nuk po them qeveritare, të merituara. Të gjitha këto mua më kishin bindur që unë po vihesha përballë një goditje të organizuar, të pritshme dhe kur të gjithë aktorët e angazhuar kundër goditjes time, që në shtator të vitit 2021, mësuan me burimet e tyre të shumta se në finale ne e dimë kush e bën vetingun, kush merr në telefon, ne e dimë se kush dërgon mesazhe, se kush bën koordinatorin mes x dhe y. Kur morën vesh që në dosjen e Elbasanit dhe Fierit, unë nuk isha pjesë për shkak se unë nuk ka asnjë firmë në procedurë. Unë nuk kam marrë pjesë as në vlerësim, as në prokurim, as në përzgjedhje, tek asnjë prej inceneratorët.
Çim Peka: Nuk keni pasur asnjë rol te inceneratori i Elbasanit dhe Fierit në procedurë …

Arben Ahmetaj: Zero, është detyrë me ligj, është detyrë e autoritetit kontraktor. Dhe po të marrë Elbasanin …

Çim Peka: Si u përfshitë nga SPAK në dosjen e Elbasanit dhe Fierit…

Arben Ahmetaj: Nuk jam përfshirë tek Elbasani dhe Fieri, në gjykimin e Elbasanit dhe Fieri. SPAK siç e dini sot ka një dosje me dyshime. Një dosje prej 320 faqesh, që z. Peka unë do t’i kthehem momentit të kërkesës së imunitetit.

Çim Peka: Ju po thoni se Arben Ahmetaj nuk po hetohet për inceneratorët.

Arben Ahmetaj: Më fal, Arben Ahmetajt po i hetohet e gjithë jeta, përveç inceneratorëve, gjithë jeta. Edhe marrëdhënia ime me partneren time, Eriolën, që kur ka nisur. Madje me kë kam pirë kafe, kam biseduar, kam ngrënë drekë dhe me kë kam udhëtuar. Por vetëm procedura e inceneratorëve jo, dhe inceneratorët. Pse? Sepse nuk jam pjesë e procedurës. Nuk jam pjesë. Të mos qenit pjesë e procedurës nuk e kam bërë as nga halli dhe as nga qejfi, por nuk kam pasur funksion të tillë, që të përfshihesha në procedurë, nuk kam qenë autoritet kontraktor. Madje, e kam thënë. Unë në funksionet e mia zyrtare nuk kam ndonjëherë mundësi, as të jap leje ndërtimi, as të bëj prokurim. A u bën 1.1 miliardë dollarë në rindërtim, gjithë prokurimet janë bërë nga palë të treta, autoritete nënkontratore të vendosura me ligj dhe vendime qeverie. Nuk po hetohem për inceneratorët, po hetohet jeta ime. Është interesante. Dyshimet në dosje janë e para për fshehje të ardhurash, e dyta korrupsion dhe e treta për pastrim parash.

Çim Peka: Ndalemi pak këtu. Nuk po hetoheni për inceneratorët, por inceneratorët është hetuar dhe po hetohet Mirel Mërtiri, për të cilin ju keni thënë se keni njohje dhe e keni mik. Tani pyetja ime është, se nuk paskeni firmë, nuk paskeni qenë pjesë e procedurave, duke qenë se ju nuk keni qenë pjesë e procedurave, nuk keni asnjë firmë për inceneratorin e Elbasanit dhe Tiranës si shpjegohet që në dosjen e Altin Dumanit figurojnë disa pagesa nga subjekti ITS në favor të ish-bashkëshortes në favor për rregullimin e disa apartamenteve. Pse duhet të paguanin për ju.

Arben Ahmetaj: Nuk është e vërtetë. Ju falënderoj që e bëtë pyetje. Bëhet fjalë për 2.7 milionë lekë të reja në total, për një pronë të familjes time të dikurshme për rikonstruksion që ka të bëjë për pllakat dhe tubat e ujit. Dhe ish-gruaja ime Albina ka kontraktuar, siç kontrakton rëndom si ti dhe çdo shqiptar, për të rregulluar dyshemenë, apo tubat një individ, i cili ka pasur marrëdhënie kontraktuale me ish-bashkëshorten time dhe ajo nuk ka asnjë lloj kontrate, asnjë lloj transaksioni me ITS. Nëse personi në fjalë ka punuar për shumë kompani dhe mund të ketë përdorur niptin gabimisht apo me qëllim të ndonjë kompanie, kjo nuk është puna e ish-bashkëshortes time. Ç’punë ka. Ka dhënë paratë për të paguar ndërrimin e tubave të ujit dhe kabllove elektrike. Jemi duke folur për 2.7 mln lekë të reja, në një pronë e cila është deklaruar që nga viti 2009, është gati një pronë prej 160 metrash. Po kthehemi, a e njihni Mirel Mërtirin? Po e kam njohur Mirel Mërtirin dhe dua të sqaroj se, kur unë e kam njohur Mirel Mërtirin, i kishte filluar punët dhe madje të verifikohet se kur e kishte filluar punën në Fier, ai apo grupi i tij, apo kompania e tij që nuk e di nga ana e ogjikës juridike se si mund ti ketë krijuar entitetet. Ka pas filluar punë. Sepse u hap se paskam pasur një mesazh kafeje me Baftjar Zeqon. Unë nuk kam pirë kafe me Baftjar Zeqon, për të ndihmuar kënd.

Çim Peka: Sipas hetimeve të Altin Dumanit, gjithmonë sipas pretendimeve të SPAK, janë zbardhur disa komunikime nga telefoni juaj BlackBerry, të sekuestruara, në ato komunikime ju orientoni që shtetasi Mirel Mërtiri të zhvillojë takime me kryebashkiakët e majtë. Pretendohet për tendera ujësjellësash, që në fakt ka marrë në të gjitha bashkitë me matësat e, që sot nuk funksionojnë, por ky nuk është problemi juaj, ka marrë diku tek 19 milionë euro tendera. A e keni ndërmjetësuar ju Mirel Mërtirin me kryebashkiakët e majtë të qeverisjes tuaj, për ta ndihmuar atë.

Arben Ahmetaj: Jo dhe jo. Ky është moment shumë i rëndësishëm. Praktikisht unë e ti këtu nuk jemi për të folur për Mirel Mërtirin, por meqë më pyete, thashë e kam njohur, po e them dhe tani.

‘Nuk jam në hetim nga SPAK për aferën e inceneratorëve’/ Çfarë po paralajmëron Arben Ahmetaj? Read More »

Afrikanët në Shqipëri, Gjykata Kushtetuese miraton marrëveshjen Rama-Meloni

Aktualitet, Lajmi i fundit / /

Gjykata Kushtetuese ka votuar në favor të marrëveshjes së Shqipëri-Itali për emigrantët, e cila është firmosur nga kryeministrat e të dyja vendeve, Edi Rama dhe Giorgia Meloni.

Vendimi pritet të bëhet publik në orën 15:30. Do të jetë kryetarja e Gjykatës Kushtetsues Olta Zaçaj ajo e cila pritet të mbajë një konferencë me gazetarët, ku dhe do të komunikoj dhe arsyet ligjore të kalimit të marrëveshjes.

Partia Demokratike, si ajo zyrtare e Lulzim Bashës dhe e dy grupimeve të tjera, Sali Berishës e Gazment Bardhit, e çuan marrëveshjen në këtë gjykatë, më datë 6 dhjetor.

Pak ditë më parë, parlamenti italian miratoi me 155 vota pro, 115 kundër dhe 2 abstenime projektligjin për ratifikimin e marrëveshjes Itali-Shqipëri për emigrantët.

Marrëveshja e firmosur në Romë në 6 nëntor të vitit të kaluar, mes kryeministrave të të dy vendeve, përfshin emigrantët që nisen nga Afrika e Veriut dhe kapen në det nga anijet italiane.

Ajo parashikon ngritjen e një pike në Shëngjin ku do të kryhen procedurat e verifikimit të emigrantëve dhe një qendre në Gjadër, ku ata do të mbahen të izoluar, deri në përfundim të procedurave për pranimin ose jo të azilit. Përgjegjësia mbi çdo veprimtari do të jetë e Italisë, së cilës i njihet dhe juridiksioni i plotë mbi qendrën e pritjes.

Afrikanët në Shqipëri, Gjykata Kushtetuese miraton marrëveshjen Rama-Meloni Read More »

Lajm i mirë/ Turqia do të njohë patentat shqiptare

Lajmi i fundit, Transport / /

Parlamenti turk ka miraturar marrëveshjen reciproke për njohjen e lejeve të drejtimit të automjeteve me Shqipërinë.

Lajmi u konfirmua sot nga ministri i Jashtëm turk, Hakan Fidan i cili u takua me homologun shqiptar në Tiranë, Igli Hasani.

Patentat e shqiptarëve do të njihen në Turqi në fillim të pranverës, po ashtu në Shqipëri do të njihen patentat e shtetasve turk që kanë marrë leje drejtimi në Turqi. Dy vendet po punojnë që ligji të hyjë në fuqi sa më shpejt.

“Ashtu siç e tha dhe kolegu im ne kemi zhvilluar marrëdhëniet në shumë fusha, sidomos në ekonomi, kulturë edukimi, turizmi, teknologjia, investimet. Do vazhdojmë të punojmë në mënyrë të pandërprerë. Sidomos marrëveshja për njohjen e patentave. Sigurisht marrëdhëniet mes dy vendeve janë të përqëndruara te besimi dhe përpiqemi si të ndikojmë për të rritur mirëqenien mes dy vendeve tona.

Në 2024 të zhvillojmë këshillin e parë të partneritetin strategjik. Kjo do jetë një platformë e rëndësishme për ne. Shpresojmë që edhe tregtia të arrijë deri në 2 miliardë dollarë dhe do bëjmë çështë e mundur për këtë.

Me bizneset diskutuam për investimet dhe me vërtet që sot i shpjegova dhe kolegut tim që bashkëpunimi që ne kemi aktualisht në të vërtetë nuk është sa kapaicteti që ne kemi. Kemi mundësi që të bashkëpunojmë edhe më shumë”, tha ministri i Jashtëm turk në konferencën e përbashkët me Igli Hasanin.

Lajm i mirë/ Turqia do të njohë patentat shqiptare Read More »

Artan Hoxha: Sa më shumë fut hundët Greqia, aq më tepër i prish punë Belerit!

Aktualitet, Opinione, Politike / /

Fredi Belerit iu rrëzua kërkesa në Gjykatën e Posaçme të Apelit, për të dalë nga qelia në mënyrë që të betohet si kryebashkiak i Himarës.

Artan Hoxha, i ftuar në emisionin “Të Paekspozuarit”, e konsideroi procesin Beleri një proces ligjor dhe jo politik, siç pretendon pala e Belerit, ndërkohë që tha se ndërhyrjet e Greqisë më shumë i kanë prishur punë Belerit sesa të ndreqin problemin e tij.

“Për herë të parë BE, të gjithë institucionet ku Greqia ka rol sepse është anëtare, hera e parë që Shqipëria po merr një vendim i cili është në favor të saj. Është hera e parë kjo gjë. Nuk mendoj se po i bëhet si favor Ramës.

Beleri nuk është thjesht një minoritar, por Greqia ka investuar shumë. Beleri u zgjodh kryetar me votat e demokratëve dhe votat e Metës. Prandaj të solla vendimin herën e kaluar. Të dy këta, e kanë akuzuar më parë. Beleri duhet të trajtohet si çështje e Shqipërisë. Duhet ta shohim si të drejtat e çdo qytetari shqiptar.

Beleri nga burgu ka bërë kallëzime dhe ato janë marrë parasysh, nuk është pak. Tjetra ishte ministre e jashtme dhe e mbrojtjes. Kallëzimi tjetër është kryetari i Bashkisë, zoti Jorgo Goro. Më ka çuar edhe mua. Zoti Beleri nëse do të sulmohej në këtë formë, nuk do ti jepej e drejta për të bërë kallëzime ndaj funksionarëve dhe shtetasve shqiptarë, duke qenë i paraburgosur. Në të gjitha këto raste SPAK ia ka marrë parasysh.

Sa më shumë fut hundët Greqia, aq më shumë prish punë”, tha Hoxha.

Artan Hoxha: Sa më shumë fut hundët Greqia, aq më tepër i prish punë Belerit! Read More »

Debati me sekretarin e OMONIA-s: Beleri u zgjodh me votat e opozitës shqiptare, Greqia nuk duhet të ndërhyjë

Aktualitet, Debat, Opinione, Politike / /

Analisti Neritan Sejamini deklaroi në emisionin ‘Të Paekspozuarit” se Fredi Beleri u zgjodh kryetar i bashkisë së Himarës me votat e opozitës shqiptare, PD dhe Partia e Lirisë, ndaj dhe çështja ndaj tij nuk mund të trajtohet si etnike. Ndërsa sekretari i organizatës OMONIA, Marin Suli tha se Beleri është shtetas shqiptar dhe ai ka edhe shtetësi greke dhe shteti grek thotë se një shtet që do të vijë në BE po shkel të drejtat e shtetasit të vet dhe të shtetasit tim.

Pjesë nga debati:

Neritan Sejamini: Këtu ka një pikë shumë të rëndësishme. Jam dakord për pasojat që mund të ketë për aktet korruptive që janë marrë nga kryetari në ikje i bashkisë, sepse, nëse z. Beleri do të ishte kryetar bashkie, do të hapte letrat, do të ketë shumë akte. Por unë kurrsesi kundër trajtimit të kësaj si çështje etnike.

Marin Suli: Unë nuk e trajtova si etnike fare.

Neritan Sejamini: Z. Beleri është zgjedhur me votat e opozitës shqiptare. Po të mos ishin votat e PD-së dhe të Partisë së Lirisë, z. Beleri as nuk do t’i ishte afruar pushtetit. Pra ai ka fituar si kandidat i tyre dhe ato janë më të rëndësishme se votat e Omonias. Dhe ky të trejtohet si kandidat i komunitetit grek dhe si përfaqësues i komunitetit grek, kjo nuk ka ku të rrijë. Vetë z, Jorgo Goro është grek etnik, kryetari i bashkisë së Zarës është etnik grek. Ne nuk kemi çështje etnike këtu, nuk është një çështje ku duhet të ndërhyjë Greqia, sepse është kryetari i zgjedhur me votat e opozitës shqiptare.

Marin Suli: Nuk ke pse të kesh merak. Z. Beleri pasi është shtetas shqiptar dhe ka kandiduar për një nga bashkitë e Shqipërisë, ai ka edhe shtetësi greke dhe shteti grek thotë se një shtet që do të vijë në BE po shkel të drejtat e shtetasit të vet dhe të shtetasit tim.

Neritan Sejamini: Nuk janë shkelur të drejtat etnike të shtetasit Beleri. I janë shkelur të drejtat si çdo shqiptari tjetër.

Marin Suli: Janë shkelur të drejtat e shtetasit shqiptar Beleri të 4 mijë shtetasve himarjotë që e kanë zgjedhur dhe i është shkelur e drejta edhe një shtetasi grek.

Neritan Sejamini: E drejta që i është shkelur atij është e drejta për t’u zgjedhur e Kushtetutës shqiptare dhe ai e merr si shqiptar.

Debati me sekretarin e OMONIA-s: Beleri u zgjodh me votat e opozitës shqiptare, Greqia nuk duhet të ndërhyjë Read More »

Ambasada e SHBA-së: Njoftim i rëndësishëm për qytetarët me vizë amerikane

Lajmi i fundit, Njoftime / /

Ambasada e SHBA në vendin tonë ka ndarë një lajm për të gjithë shqiptarët që kanë një vizë amerikane. Sipas ambasadës shqiptarët me një vizë të vlefshme për në SHBA mund të udhëtojnë drejt Shteteve të Bashkuara pa pasur nevojë të kenë një pasaportë të vlefshme për gjashtë muaj pas udhëtimit të tyre.

“Lajm i mirë! Falë lidhjeve të forta midis dy vendeve tona, Shqipëria është bërë zyrtarisht pjesë e Klubit Gjashtëmujor! Kjo do të thotë se mbajtësit e pasaportave shqiptare me një vizë të vlefshme për në SHBA mund të udhëtojnë drejt Shteteve të Bashkuara pa pasur nevojë të kenë një pasaportë të vlefshme për gjashtë muaj pas udhëtimit të tyre! Shihni videon për të mësuar se si funksionon! Urime Shqipëri! Mirëardhshi në SHBA”, shkruan ambasada.

Klikoni këtu:

https://fb.watch/pTxRK0CJJZ/

Ambasada e SHBA-së: Njoftim i rëndësishëm për qytetarët me vizë amerikane Read More »