Irina

Elvis Pupa ishte mëngjesin e sotëm i ftuar në emisionin “Wake Up”, i cili u largua nga shtëpia e “Big Brother VIP” vetëm disa ditë më parë. Ish-banori ka treguar si ishte e gjithë kjo eksperiencë për të dhe si i ka parë banorët e tjerë dhe lojën e tyre.

“Nga jashtë kam parë shumë pak, nuk e ndiqja 24 orë. Aty brenda ishte komplet ndryshe. Ditën e parë u zgjova i pari dhe isha vetëm dhe do bëja rutinën e mëngjesit. Thashë me vete si lahen dhëmbët në kamera. (qesh) E ke një lloj presioni, është përgjegjësi. Pastaj ia morëm dorën. Unë jashtë jam mësuar me jetë shumë të qetë. Të jetosh me 16 veta ishte pak si shumë rrëmujë. U mundova të përshtatesha. Doja që t’i njihja të gjithë që të krijoja marrëdhëniet e mia”, tha aktori i njohur.

I pyetu se si e ka parë Visi lojën e banorëve të tjerë aty brenda, ai u shpreh:

“Ata përfitonin tek pjesa e lojës, ‘në kuadër të lojës’. Shumica e situatave sa vinin e nuk ishin më reale. Meqë nuk pati më penalizime, secili vazhdoi me atë të vetën. Unë u futa për të qenë real. Ishte një lloj sfide që të dilje po i njëjti. Sa i përket impaktit do ta krahasoja me Portokallinë kur dola në fillim në vitin 2004. Çdo gjë në jetën time ia kam arritur pa bërtitur kot, pa bërë debate kot. Tematikat kryesore ishin nominimet dhe eliminimet. Që për mua ishte e panevojshme. Diskutuam tematike të ndryshme, patëm argumentime. Sa i përket nominimeve mu duk kot që ta diskutoja dhe nuk kisha pse të ndërhyrja, plus që ishte edhe kundër rregullave. Kur u bë fakt i kryer pastaj, nëse ti flisje për tematika të tjera nuk kishin interes dhe iknin. Më ka bërë përshtypje që disa njerëz aty me background-e të tjera nuk flisnin për eksperiencat e tyre, por vetëm për atë që po ndodhte aty”.

Sanije Myrto është gruaja e cila u bë virale në rrjet pas kërcimit që bëri me kryeministrin Edi Rama disa ditë më parë në Kamzë.

Ajo prej vitesh punon në pastrim gjelmbërimin në zonën e Kamzës dhe tregoi se atë ditë ndodheshin për të mbjellë disa pemë, mirëpo më pas qëndruan për të dëgjyar kryeministrin Edi Rama ku dhe më pas nuk mungoi dhe një kërcim mes saj dhe Ramës, kërcim të cilin ashtu si dhe vetë ajo e thotë “ia ndjeu shpirti”.

Gruaja u shpreh se tashmë të gjithë e njohin në zonën e Kamzës, e madje kanë përshëndetje shumë miqësore me të.

“Ndihem shumë mirë, ishte kënaqësi, u argëtuam, u bëmë. Ju po kërkoheni të takoheni me kryeministrin dhe se takoni dot, unë kërceva me të. Është kënaqësi për mua, asnjë gjë të keqe nuk ka. Ma ndjevi shpirti.

Ne po mbillnim pemë faktikisht, ndaluam dhe e pritëm kryeministrin, jam mbështetëse e Partisë Socialiste. Janë të pritur, janë të dashur, të gjitha të mirat i kanë, tani kemi shpresë të na rrisin çik pensionet, çik rrogat.

Tani si gjithë të tjerët jetojmë edhe neve, rrogat i kemi çik problem. Na vuri këtë Rakipin këtu, jemi ndjerë mirë, kemi bërë ca punime që na duheshin, në kohën e pandemisë na i kanë sjellë vetë ndihmat në shtëpi, na kanë bërë për vete.

Te Bashkia të gjitha ato gocat janë shumë të mira, unë jam punonjëse e pastrim gjelbërimit në Bashkinë e Kamzës. Te Bashkia jam shumë e kënaqur, marr një 400 mijë lekësh, dhe jam shumë e kënaqur”, u shpreh ajo.

Këngëtari Blero Muharremi ka dhënë një deklaratë të fortë për “Prive”, në lidhje me ndarjen nga gruaja e tij e dytë, Afrona Dika.

Këngëtari me origjinë nga Mitrovica tregoi versionin e tij të historisë, duke thënë se paratë u bënë shkak që martesa e tij e dytë të merrte fund.

“Realisht nga fillimi lidhjen e kam ndjerë si një lloj aktrimi. Gjithmonë ka qenë në fokus paraja, sa ka pasur gjithçka ka qenë e bukur ndërsa kur i kam kufizuar shpenzimet, jam parë si i keq. Dhe nuk është që s’jam mjaft inteligjent për t’i kuptuar këto gjëra, por kam heshtur vetëm për të parë deri kur po shkon. Dhe siç ka filluar, ka mbaruar”, ka thënë Blero.

Më tej ai tregoi se investoi paratë në një biznes të përbashkët që Afrona donte të hapte në Zvicër, por që sapo nisi si projekt, Afrona u zhduk.

“Kam dhënë para për t’u hapur biznesi jonë dhe si është arritur qëllim, ajo është zhdukur. Nuk ka reaguar në asnjë tentativë timen. Nuk ka mbetur asnjë opsion tjetër, përveçse të ecë me hapa ligjorë”, tha tutje Blero.

Më tej, ai pranon se ka nisur një lidhje të re dhe se tashmë është i lumtur me vajzën që ka në krah, e cila nuk e sheh vetëm si burim parash, por i vlerëson vlerat njerëzore të tij.