Irina

Finalistët e Big Brother darkuan mbremjen e djeshme me dyshen finaliste të sezonit të parë. Ilir Shaqiri dhe Donald Veshaj shoqëruan banorët në një darkë ndryshe ku nuk munguan bisedat e shumta.

Në një nga momentet, Luizi është shprehur se banorët janë mbajtur me gjithë të mirat, nuk kanë pasur as qira për të paguar e as kanë paguar për të ngrënë.

Po ashtu Donaldi i përmendi Luizit dhe opinionisten e vitit të kaluar, ku sipas këngëtarit ajo e kishte mbështetur Donaldin në çdo fjalë të tij.

“Tani kthehemi në jetë reale, stresi, halle, detyrime, llogari, këtu ishim mirë, të na lenë dhe 3 muaj,” tha Luizi.

Donaldi: Të të them diçka, rri i qetë vëlla. Të dëgjova atë që the me Balinën vjet, që më mbështeste mua. Por të them që Balinën e ke mbështetëse të fortë jashtë

Luizi shpesh herë ka habitur me deklaratat e tij dhe se sa e ka studiuar lojën e Big Brother.

Këtë e ka bërë duke ndjekur jo vetëm Big Brother-at e zhvilluar në Shqipëri, por edhe jashtë vendit.

Madje ai vuri në përdorim edhe strategjitë e fituesve, ku përmendim këtu atë të fituesit të Kanadasë, kur u fut në banjë me Armaldon dhe Kristin, për të dalë në nominim kokë më kokë me ta.

Por një tjetër gjë që e ka zbuluar sot është se ka ndjekur edhe Big Brother-in e Taxhikistanit.

“Kur banorët rrëfenin linjën e jetës, ai fituesi i Taxhikistanit mbyllte veshët dhe ulte kokën, se nuk donte t’i shihte që të ndihej keq,” tha Luizi.

Kristi: Kush e kishte bërë këtë?

Luizi: Banori i Big Brother-it në Taxhikistan

Ish-konkurrentja e “Për’puthen”, Ritvana Fetahu, ishte dje e ftuar në emisionin “Breaking” në Top News, ku komentoi lidhjen e Luiz Ejllit dhe Kiara Titos.

Gjatë intervistës, ajo u pyet në lidhje me takimin e Luizit që pati me mamanë e tij, si dhe të Kiarës me vjehrrën. Duket se ka dhënë bekimin lidhur me këtë martesë që pritet të realizohet më 6 maj ose më tutje. Si mendon ky bekim a do ta çojë përpara këtë marrëdhëni?
“Po besoj se do ta çojë shumë përpara, duke qenë se Luizi thotë kam një lidhje telepatike me nënën time. Nuk e di sa është e vërtetë kjo lidhje telepatike që ka Luizi me nënën, uroj ta ketë se sytë dhe fjalët e nënës flasin ndryshe. Besoj se i ndihmon se mos të harrojmë se kemi një Kiarë që doli jashtë, që donte të lexonte të gjitha komentet e publikut, që të kthehej e të thoshte ‘tani jam e sigurt’. Ty të duhen gjithë komentet e botës për të kuptuar sa e do personin që do kalosh gjithë jetën.

Mua më duket absurde, kur e do dikë e pranon ashtu siç është, është kushti kryesor që dashuria të funksionojë pak ndryshe. Kështu që mendoj që po për Luizin do të ndikojë, do të ndihmojë. Nuk mendoj se do të jetë pa kritika.

Mami e Luizit shumë e mirë, e dhembshur, por mendoj që do ketë kritika jashtë, kishte rezerva në kuadër të lojës”, tha Ritvana.

Gjatë një loje që është zhvilluar mbrëmjen e mbrëmëshme në shtëpi, banorët janë pyetur se si do të donin të vdisnin.

Teksa Dea ka treguar se dëshironte të vdiste e rrethuar nga njerëzit e saj të dashur e kompletuar nga jeta, Efi ka rrëfyer se donte të vdiste në gjum, ndërkohë që nuk kanë munguar dhe batutat e Luizit.

Ai ka ndërhyrë gjatë kohës që Kristi ishte duke iu përgjigjur pyetjes, duke thënë se dëshironte të vdiste në krevat duke bërë seks.

Kjo gjë ka shkarkuar të qeshura mes 4 finalistëve.

Dea: Unë do doja të vdisja e plakur e rrethuar me njerëzit që unë doja. Ose të vdisja në një aventurë, që po e shijoja shumë

Efi: Unë dua të vdes thjesht në gjum pa ndjerë dhimbje.

Edhe pse mbeten vetëm 3 ditë nga fundi, bisedat mes 4 finalistëve të mbetur vijojnë të jenë të shumta. Më së shumti ata kanë folur edhe për rrugëtimin e tyre disa mujor brenda mureve të shtëpisë më të famshme në Shqipëri.

Një ndër gjërat për të cilat biseduan ishte për pendesat që kanë pasur gjatë lojës. Luizi tha se ishte penduar që ishte sjellë me Enin në atë mënyrë. Kjo pasi e ka bërë të ndihet keq historia e jetës së tij.

“Ta dija historinë e Enit nuk do isha sjellë ashtu me të,” tha Luizi.

Kujtojmë se Eni preku zemrat e shqiptarëve pasi rrëfeu se babai i tij kishte abuzuar fizikisht me të ëmën e tij, e pavarësisht kësaj Eni e kishte falur dhe nuk i kishte humbur kontaktet me të.