Dje në emisionin “Ftesë në 5” me Bieta Sulon ishin të ftuar Alket dhe Xhonatan Islami, të cilët zbuluan më shumë nga marrëdhënia e tyre babë e bir.
Ish-banori i edicionit të dytë të “Big Brother VIP” e quajti Alketin një baba “cool” që e ka mbështetur dhe falë së cilit ka mundur të shijojë Shqipërinë nga ajri.
Më tej ata u vendosën në disa situata përballë njëri-tjetrit për të kuptuar sa mirë njiheshin.
Në pyetjen e parë drejtuar Alketit lidhur me tiparin që Xhoni sheh me prioritet tek një vajzë, Alketi vizatoi një zemër, ndërsa Xhoni veçoi karakterin.
Kjo ishte një përgjigje që u prit me të qeshura në momentin që u ballafaquan.
Gruaja e cila u shfaq në videoskandalin e kryebashkiakut të Kukësit, Safet Gjici u shpreh se ndihej e traumatizuar.
Nga ana tjetër, ajo tha se shqetësim të madh kishte djalin e saj 12 vjeç, i cili bullizohej nga njerëzit e tjerë dhe ai është një fëmijë që nuk di asgjë dhe nuk kupton, thjesht dhe vetëm vuan pasojat e atij video-skandali.
“Jam vërtetë e traumatizuar. Pasojat janë shumë të mëdha. Fëmija im po bullizohet, ndërsa unë vetë jam e pambrojtur, e rrezikuar dhe e braktisur totalisht nga shteti.
Kam folur para SPAK-ut, kam dhënë dëshminë time dhe tani është organi i akuzës që po bën verifikimet dhe procedurat e tij ligjore.
Unë nuk mund të flas dhe nuk mund të shprehem më shumë sesa kaq. Apeli im është një dhe i vetëm: jam e braktisur, e pambrojtur nga shteti, fëmija im po bullizohet dhe unë jam e rrezikuar”, tha ajo për CNA.
Ambasadorja Yuri Kim, në mbyllje të mandatit të saj si diplomate në Shqipëri, zgjodhi të organizojë një konferencë për shtyp me gazetarët në ambientet e ambasadës amerikane në Tiranë.
Pas Shqipërisë, Kim do të marrë një detyrë të re në Departamentin Amerikan të Shtetit ku do të ketë përgjegjësi për të gjithë Europën.
“Në pozicionin tim të ardhshëm do të kem përgjegjësi për gjithë Europën dhe kjo përfshin Shqipërinë. Ndoshta jo të gjithë janë të kënaqur për këtë, por unë jam e kënaqur për këtë. E vërteta është kjo. Sikurse e shpreha, vërtetë jam prekur dhe ndryshuar nga përvoja ime këtu. Nëse kthehem në Shqipëri ose jo, Shqipëria do të jetë gjithmonë me mua”, u shpreh ambasadorja Kim.
Por në fund, ambasadorja amerikane dha edhe një mesazh përse zgjodhi që të organizonte këtë konferencë për shtyp live me gazetarët.
“Në mbyllje, më lejoni të them se arsyeja përse dëshiroja që të kishim së bashku këtë konferencë për shtyp që ta bënim live ta kishim në mënyrë të drejtpërdrejt lidhjen që të mos kisha shqyrtuar pyetjet që ju do të bënit, është që t’ju kujtoj të gjithëve për rolin kritik thelbësor që një media e pavarur ka në një demokraci, në një vend. Portalet mediatike mund të jenë biznes por gazetarët kanë përgjegjësi. Puna juaj si gazetarë është që të bëni pyetje të vështira për vendin tuaj. Dhe puna ime dhe puna e çdo zyrtari të lartë është që t’ju përgjigjet pyetjeve me vërtetësi dhe plotësisht. Secili prej nesh përdor teknikat tona. E rëndësishme është që japim përgjigje. Arsyeja është sepse unë ju respektoj ju sepse ju përfaqësoni njerëzit, përfaqësoni popullin”, deklaroi ambasadorja e SHBA Yuri Kim. /tvklan.al
Personi që shihni në foton e mësipërm është 35-vjeçari Arbër Ferati, nga fshati Tragjas i Vlorës, i cili humbi jetën në mënyrë tragjike ditën e djeshme.
I riu ishte duke korrur grurin me autokombanjë, teksa mjeti ka rënë në kontakt me energjinë elektrike dhe për pasojë ka ndërruar jetë. Mjekët pretendojnë se ai ka ndërruar jetë në vend, teksa të kundërtën pretendojnë familjarët e tij, që sipas tyre e kanë transportuar me shenja jete me ambulancë në spital. Irritimi i tyre dhe ndërhyrja e bluzave të bardha dhe policisë për të qetësuar situatën ka sjellë përplasje fizike. Pas situatës së krijuar policia ka shoqëruar në komisariat një prej familjarëve të Feratit.
Miq, shokë dhe të afërm të Arbër Feratit kanë bërë dedikime prekëse për të në rrjetet sociale.
“E dij, Zoti merr më të mirët dhe më të mirë sesa Arbër Ferati nuk kishte😢
Arbri u nda nga jeta dje kur autokombanja u prek nga linja e tensionit në fshatin Tragjas, ishte në punën e tij, në rrugën e tij, në çdo të drejtë që ka secili nga ne për të punuar me dinjitet tokat e tij dhe të ndërtoj aty çdo ëndërr për të ardhmen… Arbrit, ju ndërpe kjo e drejtë” shkruan një familjare e tij.
“Një lajm tejet trishtues , dhe tepër i hidhur , dhe ndjemë një dëshpërim të thellë shpirtror , për ndarjen nga Jeta aksidentalisht , të birit të Tragjasit në moshën 35 vjeçare , Arbër Jazo Ferati. Një dhimbje e rëndë jo vetëm për familjen dhe të afërmit , por për gjithë banorët dhe komunitetin e Trsgjasit kudo që ndodhen.
Shpreh ngushëllimet e mia por edhe të kryesisë së shoqatës Atdhetare kulturore Tragjasin , familjes dhe gjithë të afërmëve për këtë humbje të rëndë e aksidentale. Qoftë i pa harruar në përjetësi kujtimi i Tij. U PREHT NE PAQE “ shkruhet në një postim tjetër.
Përplasje mes familjarëve të 35 vjeçarit Arbër Ferati që vdiq pasi e zuri korrenti dhe mjekëve në Orikum. Dy ditë më parë 35 vjeçarin e zuri korenti teksa gjendej brenda autokombanjës teksa po shkonte të punonte në toka. Tensioni i lartë i energjisë elektrike preku mjetin e për pasojë ai ra në kontakt me energjinë elektrike.
Bluzat e bardha thonë se 35 vjeçari ka ndërruar jetë në vend, e megjithatë i riu është transportuar me urgjencë drejt spitalit rajonal të Vlorës për një shans ndërhyrje dhe shpëtimin e jetës së tij. Transporti është kryer nga autoambulanca e Njësisë Shëndetësore Orikum, por kur kanë mbërritur, ambulancës i është bllokuar dera. Bluza të bardha dhe të afërm kanë tentuar të hapin derën e ambulancës por nuk ia kanë dalë deri në përdorimin e forcës. Tentativa për të hapur derën e autoambulancës ka zgjatur për disa minuta dhe kjo ka sjellë irritim tek të afërmit e 35 vjeçarit.
Irritimi i tyre dhe ndërhyrja e bluzave të bardha dhe policisë për të qetësuar situatën ka sjellë përplasje fizike. Disa persona kanë marrë lëndime të lehta, mes tyre një efektiv dhe të afërm të 35 vjeçarit. Pas situatës së krijuar policia ka shoqëruar në komisariat një prej familjarëve të Feratit.
Moderatori Ronaldo Sharka ka reaguar me një mesazh prekës në lidhje me humbjen e të atit, i cili ndërroi jetë nga një sëmundje e rëndë disa muaj më parë.
Përmes një postimi në ‘Instagram’, Ronaldo ka treguar eksperiencën e tij, pas humbjes së të atit ku ka theksuar se ai po përpiqet të jetojë me kujtimin e babait, dhe se po përpiqet ta përshtasë në këtë ‘luftë’ dhe nënën e tij.
“Shpirti i tyre është kudo me ne. Unë e ndjej. Mësohem te jetoj me ikjen ama te jetoj me kujtimet e bukura. Kjo është lufta ime e përditshme prei disa muajsh me të cilën mundohem te përshtat ne këtë lufte edhe mamin.
Kur dikush largohet, veç trupi i tij nuk është afër ama nëse i kërkon ato përgjigjen në mënyrën më të butë dhe të shenjtë të mundshme”, ka shkruar ai.
