Irina

Skandal seksual i Safet Gjicit ka kaluar kufijtë e Shqipërisë tashmë. Mediat greke i referohen skandalit duke theksuar se “një aferë rozë” i kushtoi mandatin dhe i rrezikon pasurinë ish-kryebashkiakut të Kukësit.

“Protothema” i referohet asaj që ndodhi me Gjicin duke theksuar se ai ka qenë edhe aksioner i skuadrës së Kukësit si dhe biznesmen duke patur miliona euro pasuri.

“Kryebashkiaku shqiptar dha dorëheqjen pas skandalit të videos rozë në zyrën e tij. 51-vjeçari është biznesmen dhe CEO i EuroGjici Security dhe Kevin Construction.

Ai është gjithashtu është president i klubit shqiptar të futbollit FK Kukësi të Superligës Shqiptare. U zgjodh në zgjedhjet e vitit 2019 dhe u rizgjodh në 2023” shkruan gazeta.

Safet Gjici u detyrua të jepte dorëheqjen të premten e kaluar teksa ishte filmuar gjatë kryerjes së marrëdhënieve seksuale në zyre në këmbim të një tenderi për kastrimin e qenve të rrugës ndaj Alma Kaçit. Tashmë SPAK është duke e hetuar çështjen si “shpërdorim detyre”

dhe “shkelje të barazisë në tendera” pavarësisht tentativës së Gjicit për ta cilësuar këtë marrëdhënie si thjesht një çështje intime mes dy personave të rritur. /albeu.com

Kanella është një erëz që u jep shije dhe aromë ëmbëlsirave, ushqimeve dhe kafesë.

Ka dy lloje kanelle, Ceylon dhe Cassia. Kanella Cassia, e njohur edhe si kanella “autentike”, është më e zakonshme, ndërsa kanella Ceylon e prodhuar në Sri Lanka është më e rrallë.

Kanella ka qenë e njohur për vetitë e saj medicinale që nga kohërat e lashta. Në të kaluarën është përdorur për të trajtuar një sërë kushtesh mjekësore që lidhen me sistemin e frymëmarrjes dhe të tretjes ose gjendjet gjinekologjike.
Në dekadat e fundit janë vërtetuar edhe vetitë e tij anti-inflamatore, të cilat përmirësojnë funksionin e trurit.

Disa kërkime kanë treguar se kanella ndikon në nivelet e glukozës tek njerëzit që kanë diabet të tipit 2. Efekti ishte i ndryshëm në varësi të llojit të kanellës së konsumuar. Kanella Cassia ka pasur rezultate më premtuese se kanella Ceylon e cila në përgjithësi nuk është studiuar aq shumë.

Një studim më i vogël i botuar në revistën Nutrition Research tregoi se kanella uli nivelet e glukozës tek pacientët që merrnin suplemente kanelle, krahasuar me ata që iu dha një ilaç placebo. Kanella gjithashtu duket se ul nivelin e kolesterolit te pacientët me diabet.

Kanella duket se zvogëlon efektet negative të ngrënies së ushqimeve me yndyrë të lartë, gjë që në përgjithësi ndihmon në menaxhimin e peshës. Efekti që ka në nivelet e glukozës mund të ndihmojë gjithashtu në humbjen e peshës.

Kanella është e njohur për vetitë e saj anti-inflamatore dhe antibakteriale, të cilat gjithashtu ndihmojnë ata që duan të humbin peshë.

Në këtë pikë është e rëndësishme të theksohet se kanella vetëm nuk dobëson, megjithatë, duket se është e dobishme në humbje peshe kur i shtohet një diete të ekuilibruar dhe të shëndetshme. Gjithashtu, 1 lugë çaji kanellë përmban 1.6 gram fibra, një sasi që do t’ju ndihmojë të arrini qëllimin tuaj të përditshëm, duke zgjatur gjithashtu ndjenjën e ngopjes midis vakteve.

Si kanella Ceylon ashtu edhe kanella Cassia përmbajnë kumarinë, e cila kur konsumohet në sasi të mëdha ka efekte negative shëndetësore. Kanella Ceilon ka më pak kumarinë se kanella kasia për këtë dhe shumë argumentojnë se është më e dobishme për trupin.

Rreth 70 gra, punonjëse në një fasoneri në Fier, janë detyruar të lënë punën dhe të dalin në protestë disa herë, pasi prej 2 muaj e gjysmë nuk kanë marrë pagën e tyre. Ato ankohen se prej gushtit të kaluar kanë pasur vonesa të vazhdueshme të pagave, por dy muajt e fundit nuk janë paguar fare nga pronari i kompanisë private të rrobaqepësisë.

Një nga punonjëset e fasonerisë Ornela Bruhamaj, në një intervistë për emisionin “Good Morning Albanians” në Euroneës Albania, ajo theksoi se punonin dhe me orë shtesë, por që nuk paguheshin për to.

Më tej ajo theksoi se pasi bën protestën i pushuan nga puna ndërkohë që nuk ua kanë dhënë rrogën për dy muajt e fundit.

“Dy muajt e fundit nuk jam paguar. Unë e kisha rrogën 380 mijë lekë të vjetra. Orari nuk ishte i zgjatur vetëm kur na detyronin që të punonim me orë shtesë. Nuk na paguanin për orarin shtesë. Tani nuk na kanë dhënë ndonjë arsye pse nuk na i ka dhënë pagat. Pas protestës na kanë pushuar nga puna”- tha ajo.

Ministri i Brendshëm, Bledi Çuçi deklaroi me bindje se vdekja të moshuarit brenda kampit në MEK nuk i ka ardhur nga veprimet e policisë së shtetit.

Ai tha se për këtë ka pamje jo vetëm të policisë, por edhe brenda kampit. Asnjë tha më tej ministri, nuk është prekur me dorë. Megjithatë po bëhet ekspertiza për të përcaktuar shkaqet e vdekjes.

“Dua të them edhe diçka për personin që ka vdekur sot në kamp. Ju garantoj që vdekja nuk është shkaktuar nga asnjë veprim i forcave të policisë. Ne po presim ekspertizën. Ka pamje edhe nga policia gjatë ushtrimit të kontrollit dhe anëtarët e MEK. Nuk është prekur, qoftë edhe një anëtar me dorë i kampit në Manzë.

Qoftë edhe një person. Do të presim ekspertizën. Ai është një burrë i moshuar. Në mos gaboj 76 apo 79 vjeç. Ka vdekje brenda kampit, ndodhin rëndomë, ai komunitet, po jeton aty, plaket aty, dhe natyrshëm vdesin. Por po presim ekspertizën, por unë jam i bindur” tha ai.

Një delfin rreth 500 kg është gjetur i ngordhur në breg të detit në afërsi të plazhit të Vjetër në Vlorë.

Delfini me gjatësi 2.8 m dhe me moshë 25-30 vjec i seksit mashkull dyshohet se ngordhja i ka ardhur si pasojë e helikave të

mjeteve lundruese, të cilat e kanë dëmtuar në pjesën e pasme të trupit, ku duket qartë dhe shenjat e goditjes nga helikat.

Ndërkohë që specialistët e zonave të mbrojtura kanë bërë matjet, pushues të shumtë janë kuriozë duke bërë dhe foto delfinit të ngordhur.

Alma Kaçi, pritet të meret në mbrojtje nga prokuroria e posaçme SPAK, dhe të kthehet në dëshmitaren kryesore të këtij procesi penal, që ka nisur ndaj ish-kryebashkiakut të Kukësit, Safet Gjici.

Tashmë SPAK, ka rregjistruar dosjen për dy vepra penale si ajo e “Shpërdorimit të detyrës” dhe “Korrupsionit pasiv i funksionarit publik” në këmbim të përfitimeve seksuale.

Sipas informacioneve mësohet se 40-vjeçares i është bllokuar pasaporta, duke vendosur një masë të përkoshme të daljes së saj jashtë shtetit.

Ndërsa njëherësh, grupi i hetimit që po ndjek rastin, ka bllokuar dhe aparatin e telefonit të Kaçit, me qëllim ekzaminimin e bisedave të 40-vjeçares, në rjetet sociale dhe aplikacione të ndryshme që mund të ketë zhvilluar me persona të tretë për këtë çështje.

Oficerët e Byrosë Kombëtare të Hetimit, kanë marë në pyetje disa punonjës të bashkisë Durrës, të cilët kanë konfirmuar prezencën e Alma Kaçit në ambjentet e bashkisë, pikërisht në datën 6 qershor 2023.

Njëherësh në pyetje rezulton të jetë marrë dhe nën/kryetari i bashkisë Kukës, Granit Gjana, i cili është personazhi i tretë i video-skandalit, dhe personi që mër kontakt me Alma Kaçin, duke administruar dokumentacionin e plan-projektit për sterilizimin e qenve të rrugës.

Në deklarimin e tij, Gjana ka pranuar se sipas udhëzimit që i dha kryetari i bashkisë, Safet Gjici, ka pranuar dokumentacionin e Alma Kaçit, për planin e ndërtimit të qëndrës së sterilizimit.
Sipas tij, plani ka mbetur vetëm në letër, pasi ende një shërbim i tillë nuk ishte diskutuar në këshillin bashkiak dhe as miratuar një projekt-buxhet.

Ndërkohë mes personave që është kërkuar të meret në pyetje është dhe Astrit Cengu, ky i fundit anëtar i Këshillit Bashkiak Kukës.

Ditën e betimit të Safet Gjicit në Këshillin Bashkiak, mes Cengut dhe kryetarit të sapobetuar, ka pasur një përplasje verbale në prezencë të gjithë anëtarëve të tjerë të këshishillit.
Të dy palët kanë kërcënuar publikisht njëri-tjetrin me prezencën e dosjeve kompromentuese, ku Safet Gjici, i ka kujtuar Astrit Cungun se i disponon një dosje voluminoze dhe që mund ta përdorte kundër tij në çdo rast.

Rreth orës 19:55, në një dyqan lulesh në pronësi të shtetasve D. Gj., dhe K. Gj., (vëllezër), ka ndodhur një konflikt me sende të forta mes këtyre shtetasve dhe shtetasve R. Rr., B. Rr., B. Rr., dhe A. Rr., (vëllezër), të cilët gjatë konfliktit dyshohet se kanë qëlluar në ajër me armë zjarri, e më pas janë larguar.

Si pasojë (nga përdorimi i sendeve të forta) janë dëmtuar shtetasit D. Gj., dhe K. Gj.

Shërbimet e Policisë po krehin zonën me qëllim kapjen e autorëve të dyshuar.

Grupi hetimor po punon për sqarimin e rrethanave të konfliktit.