Votime Sondazhe

Opozita parlamentare: Vazhdojmë betejën për listat e hapura

Politike, Votime Sondazhe / /

Opozita parlamentare do të vijojë betejën e saj për ndryshimin e sistemit zgjedhor, duke e kthyer atë me lista të hapura.

Në fund të takimit me Kryeministrin Edi Rama, të zhvilluar pasditen e së mërkurës, bashkëkryetarja e komisionit për Reformën Zgjedhore, Rudina Hajdari dhe kreu i grupit demokrat në parlament, Myslim Murrizi u shprehën se do ta vijojnë betejën për listat e hapura.

Bashkëkryetarja e komisionit për Reformën Zgjedhore, Rudina Hajdari është shprehur se do t’i qëndrojë besnike zotimit të saj për listat e hapura, pra ndryshimin e sistemit zgjedhor.

Gjatë fjalës së saj në përfundim të takimit mes Kryeministrit Edi Rama dhe opozitës parlamentare, Hajdari u shpreh se nuk ka patur konsensus për ndryshimin e sistemit, por se do ta vijojë këtë betejë.

“Nuk ka patur konsensus për ndryshimin e sistemit. Ne duam listat e hapura, nuk ka shqiptar që nuk e do ndryshimin e sistemit zgjedhor. Nuk besoj se ka shqiptar që do shkojë në ato votime dhe të japë votën për siglat e partisë”, – tha Hajdari.

“Dhe Rama e di këtë gjë, e di dhe marrëdhënien e ngushtë dhe të vjetër që Rama ka me Lulzim Bashën. Marrëveshja ishte një gjë tjetër. Riktheu PD në sistem dhe shumë mirë ka bërë, isha dakord me këtë pjesë, pasi PD e LSI duhet të rikthehen në sistem e të mos bojkotojnë zgjedhjet, pasi jemi drejt rrugës për në BE. Për 30 vite kemi bërë këtë gjë, kemi bojkotuar. Ne duam që mos të vijë më një Edi Ramë tjetër, ne duam që shqiptarët ta kuptojnë, që zgjedhjet e ardhshme duhet të shkojnë deri në fund për këtë betejë. Ka ardhur koha ta çojmë deri në fund këtë zotim tonin. Nuk mund t’i mbyllet dera opozitës parlamentare dhe zotohem që do luftoj deri në fund për këtë gjë”, – tha Hajdari.

Kreu i grupit demokrat në parlament, Myslim Murrizi në përfundim të mbledhjes me Kryeministrin Edi Rama tha se opozita e re nuk do të tërhiqet nga kërkesat e saj.

“Nuk zgjati aq shumë takimi, pasi ne nuk jemi deputetë apo pjesë në tavolinë që mund të gënjehemi, ta harrojë Rama që mund të kalohet një sistem zgjedhor me vota të trafikuara, nuk tërhiqemi nga kërkesat tona dhe do t’i institucionalizojmë”, – tha Murrizi.

“Trafikimi është bërë edhe aset i partive të tjera të Këshillit Politik që kanë interes që kjo Reformë të kalojë. Kanë gatuar gjellë qensh prej 30 vjetësh. Ne në Komision do vendosim kushte dhe sanksione në interes të shqiptarëve. Nuk ka fazë të dytë dhe as fazë të tretë”, – shtoi Murrizi.

“Javën tjetër që do të mblidhet komisioni ne do të kemi propozime konkrete për ndryshimin e sistemit. Keni merakun që luajmë për veten tonë, pyesni Ramën, Lulin dhe Monën. Ne nuk hamë me lugë të papastruar nga cilado gjellë”, – tha Murrizi.atsh

Opozita parlamentare: Vazhdojmë betejën për listat e hapura Read More »

“Nuk fitohen zgjedhjet me ligjin e reformës apo me sistem”/ Rama: I hapur për çdo gjë mbi bazën e rekomandimeve të OSBE-ODIHR

Opinione, Politike, Votime Sondazhe / /

Kryeministri Edi Rama tha sot se jam i hapur për gjithçka për të arritur përfundimin e Reformës Zgjedhore.

Në lidhje me Reformën Zgjedhore, Rama tha se “përsa i përket reformës unë i kamë thënë ato që kam pasur për të thënë. Është shumë e thjeshtë nga një sugjerim të kthyer në një kërkesë që nga Bundestagu është përfshirë në dokumentin e Këshillit për një reformë zgjedhore mbi bazën e rekomandimeve të OSBE/ODIHR që do votohet në parlament”.

“Kjo është korniza. Dhe mbi bazën e e rekomandimeve të OSBE/ODIHR ku ajo më e përsëritura shpesh është depolitizimi i administratës zgjedhore. Ne jemi të hapur deri në fund për çdo gjë, por duke qenë se në këtë proces për të ndihmuar janë përfshirë dhe partnerë miq të Shqipërisë, unë nuk dëshiroj të bëjë komente përpara sa të flasin dëshmitarët. Sigurisht unë kam diturinë e plotë dhe këndvështrimin tim mbi ecuritë e procesit dhe të ngjarjeve, por besoj ajo që na duhet është të bëjmë sa më pak polemika e lagu se lagu dhe të përpiqemi për produktin më të mirë. Nga ana jonë besoj se produkti është aty, i plotëson të gjitha kushtet mbi bazën e rekomandimeve të OSBE/ODIHR, sigurisht në një proces zgjedhorë të gjitha palët kërkojnë gjithçka. Ka palë mendojnë se me ligjin e reformës fitohen zgjedhjet, s’është e vërtetë. Zgjedhjet fitohen me zgjedhjet e popullit. Apo që mendojnë se një ky sistem apo ai sistem bëjnë ata që i mendojnë si mrekullira, s’është e vërtetë. Është thjeshtë respektimi standardesh dhe garantimi standardesh. Ne kjo na intereson, për këtë kemi punuar, për këtë kemi dhënë kontributin tonë dhe besoj se e kemi bërë detyrën tonë”, tha Rama.

Rama shtoi se “nuk dua të merremi me fjalë sepse e thashë, ka dëshmitarë. Më vjen keq që në Shqipërinë e 2020 të ketë ambasadorë që dalin në seli partish për të bërë një marrëveshje, apo një negociatë, apo një diskutim në interes të përbashkët siç është diskutimi për rregullat e lojës. Mendoj se do të duhet prej kohësh ta kishim bërë vetë këtë por meqenëse palët e tjera kanë nevojë për këtë element edhe për të pasur garanci, unë jam mirënjohës miqve që janë përpjekur të ndihmojmë. Të bëjmë më të mirën duke lehtësuar procesin e komunikimit, por s’dua të bëjë koment sot për këtë pasi ka akoma të tjerë që do të flasin”.

Kryeministri Rama i pyetur nga gazetarët gjatë konferencës për shtyp për tu ulur në një takim me kryetarin e PD-së, Lulzim Basha tha se, “jam gati të ulem me liderin e opozitës Lulzim Basha për Reformën Zgjedhore”.

Rama thekson se “unë kam qenë në opozitë vetë dhe disa herë i ka kërkuar kryeministrit të kohës që të uleshim për gjërat që duhet diskutuar, tani kanë ndërruar pozicionet. Kur isha në opozitë kërkoja të uleshim, tani unë jam kryeministër kërkojë të ulemi”.

Po ashtu, Rama tha se do ishte normale të uleshim për Reformën Zgjedhore. “Gjynah, humbasim kohë humbasim energji, lodhim njerëzit, i lëmë hapësirë gjithë gënjeshtrave, sajesave dhe fantazive të pushtojnë mediet përmes informacionesh të dhëna qëllimisht për dezinformuar dhe duket se çfarë po ndodh. Në fakt është më e thjesht se kaq, do ishte normale të uleshim. Këto janë gjëra që bëhen bashkë, megjithatë nuk jemi ende aty”, u shpreh Rama.

Në vijim, Rama tha se “mendoj se në Shqipërinë e vitit 2020 nuk është e hijshme për ne që për çështje të brendshme që lidhen me vendosjen e rregullave të lojës, siç është reforma zgjedhore ku palët janë dy skuadra a më shumë që zhvillojnë një ndeshje apo një finalë ulen dhe bien dakord, sa është fusha, sa është porta, çfarë quhet faull, penallti dhe të bëhet me ambasadorë që hynë nëpër dyer. Megjithatë është për të thënë faleminderit se përderisa nuk e bëjnë dot hapin për ta bërë vetë, duhet ndihmë”./atsh

“Nuk fitohen zgjedhjet me ligjin e reformës apo me sistem”/ Rama: I hapur për çdo gjë mbi bazën e rekomandimeve të OSBE-ODIHR Read More »

Opozita teatër absurd, gjen çdo rast dhe mundësi për të ikur nga tryeza e Reformës Zgjedhore

Aktualitet, Politike, Votime Sondazhe / /

Ministrja e Shtetit për Marrëdhënien me Parlamentin, Elisa Spiropali deklaroi sot se Lulzim Basha në krye të asaj partie dhe e gjithë opozita vetëm u ka ikur betejave elektorale.

“Më thoni ju, një parti opozitare në botë, e cila nuk do ta afrojë datën e zgjedhjeve, e cila nuk futet në zgjedhje me pasion për të fituar. Ikën në 2017, ikën në 2019. Tani ikën nga tryeza e reformës zgjedhore, pasi u prish Teatri Kombëtar”, tha Spiropali në fjalën e saj, në Kuvend.

Sipas Spiropalit, “nga një protestë me ndjeshmëri qytetarë të disave që janë në të drejtën e tyre për të qenë aty, ata e kanë kthyer atë në një skenë, ku Monika luan rolin e Penelopës, Luli të Odiseut që i ikën kësaj, dezhurnin nuk po dinë ta mbajnë, turnin nuk dinë ku e kanë “.

Spiropali theksoi se vendosin vija që nuk dinë ti mbajnë dhe më pas vendosin të braktisin një nga reformat më të rëndësishme për Shqipërinë e të ardhmen europiane.

Ata njerëz që janë aty, theksoi Spiropali, nuk kanë asnjë lidhje me artistët e mëdhenj që i kanë dhënë shpirtin atij teatri dhe janë për ndërtimin e një teatri dinjitoz kombëtar.

“Sepse është kombëtarizëm të duash këtë. Jo teatri ynë një furrik ndërsa teatri i Shkupit gjigand. Pse qenkeni ne të destinuar të mos kemi një teatër operash dinjitoz, një teatër kombëtar dinjitoz. Ato janë themele të shtetit, ato nuk kanë të bëjnë vetëm me artin, ato kanë të bëjnë me ardhmërinë tonë, me mënyrën se si fëmijët tanë shohin, e perceptojnë veten e tyre si shqiptar e qytetar“, deklaroi Spiropali.

Sipas Spiropalit, gjuha e përdorur nga disa deputetë të opozitës në Kuvend, është e ngjashme me gjuhën që vetëm me artin e qytetarinë nuk kanë të bëjnë.

“E pamë se si ju vërsulën me një egërsi të pashoqe aktorëve e regjisorëve që nuk mendojnë si këta por mendojnë se ne duhet të kemi një teatër tjetër kombëtar të ri, aty. Guxuan deri aty, këta të dashuruar me mendimin ndryshe, të sulmonin edhe Ismail Kadarenë, monumentin e gjallë të gjenialitetit, kombëtarizmit e europianizmit shqiptar, me gjuhë të fëlliqur e mendim të egër, duke i bërë gjyqe popullore. Protesta e tyre mund të quhet mirë edhe protesta makbethiane e kafshimit të veshit”, deklaroi Spiropali./atsh

Opozita teatër absurd, gjen çdo rast dhe mundësi për të ikur nga tryeza e Reformës Zgjedhore Read More »

“Maji, muaji deciziv për Reformën Zgjedhore”/Gjiknuri: Të zbatojmë një Kod Zgjedhor sipas standardeve të ODHIR

Aktualitet, Votime Sondazhe / /

Nëse do ketë revolucion sa i takon procesit zgjedhor është depolitizimi i procesit, pra partitë të heqin dorë nga menaxhimi i procesit.
Kështu u shpreh Damian Gjiknuri, bashkëkryetar në Komisionin e Reformës Zgjedhore gjatë një interviste televizive, ku ndër të tjera theksoi se, “maji është muaji deciziv që ne të arrijmë marrëveshjen por jo se nuk kemi bërë progres. Ka pasur edhe një ekspertizë të ODHIR. Ka pasur edhe çështje sa i takon kompozimit të administratës zgjedhore të cilat kanë mbetur pa kompromis”.
“Ky komision nuk ka mandat të trajtojë çështje të qeverisë teknike. Nëse është kërkesë teknike t’ja kërkojnë Edi Ramës se nuk e kam unë mandatin për këtë. Gjërat që nuk i merr dot në rrugë nuk i arrin dot me negociata. Axhenda e reformës zgjedhore nuk ka elementë të qeverisë teknike. Është një gjë jashtë mundësive të mia dhe mandatit tim”- tha ai.
Sipas tij, për çështjen e sistemit zgjedhor, PD nuk ka ndonjë propozim për këtë.
“Te vetmet propozime janë nga grupime të ndryshme deputetësh brenda opozitës parlamentare. Ne e kemi thënë që jemi gati të zbatojmë një Kod Zgjedhor në përputhje me standardet e ODHIR”- tha Gjiknuri. /atsh

“Maji, muaji deciziv për Reformën Zgjedhore”/Gjiknuri: Të zbatojmë një Kod Zgjedhor sipas standardeve të ODHIR Read More »

Sondazhi/ 70% e qytetarëve: Shqipëria e menaxhoi koronavirusin më mirë se vendet e tjera

Aktualitet, Votime Sondazhe / /

70% e shqiptarëve mendojnë se Shqipëria e menaxhoi koronavirusin më mirë se vendet e tjera.

Mbrëmjen e sotme në emisionin “Real Story” është diskutuar në lidhje me mënyrën se si u menaxhua situata e virusit në Shqipëri.

Sipas një sondazhi nga Eduard Zaloshnja, pyetjes se “Me aq sa keni parë dhe keni lexuar si po e lufton Shqipëria COVID19?”, 70% e qytetarëve janë shprehur më mirë se shumë vende të tjera, 9% më keq se shumë vende të tjera, 17% të qytetarëve njësoj dhe 4% nuk janë shprehur.

Ndërsa lidhur me shqetësimin më të madh prej pandemisë, 70% e qytetarëve janë përgjigjur se janë të shqetësuar për shëndetin e familjes, 29% për ekonominë e familjes dhe 1% nuk e di.

Ndërsa 87% e shqiptarëve vlerësojnë pozitivisht punën e kryeministrit Rama gjatë luftës ndaj koronavirusit.

Në sondazhin e Eduart Zaloshnjes në lidhje me punën e Kryeministrit Edi Rama dhe të qeverisë për përballimin e situatës kundër koronavirusit kanë votuar 61% e të pyeturve shumë pozitiv, 26% pozitiv, 6 % negativ, 5% shumë negative dhe 2% nuk e di.

Pjesë e sondazhit ishin 2350 veta dhe janë përzgjedhur kampionë nga të gjitha bashkitë dhe nga të gjithë moshat./atsh

Sondazhi/ 70% e qytetarëve: Shqipëria e menaxhoi koronavirusin më mirë se vendet e tjera Read More »

Sondazhi nëse zgjedhjet do bëheshin nesër/ PS do merrte 51-55% % e vetme, PD 32-36%, LSI bie komplet

Votime Sondazhe / /

Nëse nesër do të zhvilloheshin zgjedhjet parlamentare në Shqipëri, Partia Socialiste e vetme do të merrte 51-55% të votave, PD-ja 32-36%, LSI 2-4% dhe partitë e tjera 9-11%.

Në sondazhin e bërë në Shqipëri nga një kompani italiane publikuar mbrëmjen e së martës në Report Tv , vërehet se krahasuar me zgjedhjet e 2017 ku mori 48.3%, PS-ja ka një rritje të konsiderueshme duke kapërcyer në 51-55%.

Rritje ka edhe PD-ja, e cila nga 28.9% që mori në 2017, nëse zgjedhjet do të bëheshin nesër do të merrte 32-36%. LSI-ja, aleatja kryesore e PD-së shkon pikiatë, pasi nga 14.3% që mori në zgjedhjet e 2017, aktualisht gëzon vetëm 2-4% të elektoratit.

Përsa i përket partive të tjera, që në 2017 kishin mbështetjen e 8.8% të popullit, nëse zgjedhjet do të bëheshin nesër do të merrin 9-11%. Kujtojmë që Roberto Baldassari paralajmëroi me parashikimet e tij rezultatet e zgjedhjeve të 2013, 2015 dhe 2017./atsh

Sondazhi nëse zgjedhjet do bëheshin nesër/ PS do merrte 51-55% % e vetme, PD 32-36%, LSI bie komplet Read More »

Reforma Zgjedhore, Alibeaj: Ndarje e qartë midis shtetit dhe partive politike në proces

Aktualitet, Opinione, Politike, Votime Sondazhe / /

“Procesi elektoral do të duhet të ketë një ndarje të qartë midis shtetit dhe partive politike”, tha sot ish-deputeti i PD-së Enkelejd Alibeaj, duke e konsideruar këtë si një element shtesë dhe risi për Reformën Zgjedhore.

Alibeaj tha se “në tryezën e Këshillit Politik janë gjithsej 13 çështje, ku 9 prej tyre janë propozuar nga opozita. “Janë çështje të sistemit zgjedhor, votimi i emigrantëve, depolitizimi i administratës, çështje të prezantuara nga ne prej kohësh”

“Çështjet e artikuluara prej nesh janë ato që ne kemi artikuluar prej kohësh, por janë të miratuar në një seri të dokumenteve ndërkombëtare kryesisht ato të OSBE/ODIHR, madje dhe në dokumentet e Bundestagut, duke filluar nga dekriminalizimi i zgjedhjeve pra impuls i ri që duhet të luftojë krimin zgjedhor, presionin ndaj administratës zgjedhore, përdorimin e burimeve shtetërore, përdorimin e medias dhe financimin e partive politike dhe fushatave zgjedhore”, tha ai.

“Këto janë simptoma për veshin e shqiptarëve, për përtej këtyre simptomave që janë shndërruar në çështje, besoj se është një çështje që duhet trajtuar sot dhe që është risi, por është dhe nga kërkesat e 1990 që është një pasazh i shkëputur nga dokumenti i Kopehagenit e cila në mënyrë të qartë dhe të saktë thotë që në proceset elektorale do të duhet të ketë një ndarje të qartë midis shtetit dhe partive politike. Ndarja e qartë e shtetit, administratës shtetërore, burimeve shtetërore, përdorimit të buxhetit, gjithçka që përbën shtet të ndahet nga ajo që quhen parti politike në fushatë zgjedhore. Dhe kjo për një arsye të thjeshtë, që fushata zgjedhore nuk është gjë tjetër vetëm se një garë me partive politike. Pluralizmi në themelin e vet këtë nënkupton”, u shpreh Alibeaj.

Alibeaj shtoi se bespn që kjo nuk ka pse mos të ndodhë në Shqipëri siç ndodh në të gjithë Europën.

“Në europë sa herë që ka procese zgjedhore, gara është mes partive politike, sa herë ka procese, zgjedhjet nuk konsiderohen si atmosferë lufte, por kur demokracia shfaqet në mënyrë energjike, ku publiku duhet të zgjedhë mes ideve dhe programeve dhe kjo është tabloja që duhet të udhëhiqemi të bëjmë një fushatë zgjedhore. Por që të ndodhë kjo ka nevojë për dy gjëra. E para për perfeksionim të bazës ligjore që ajo parti politike që është në pushtet të mos përdorë mjete antidemokratike, të mos përdorë administratën, buxhetin e shtetit, median, krimin, mos i nxjerrë të dënuarit nga burgu. E dyta; çështja e vullnetit politik, pasi e vetmja gjë që bën një ndryshim ligjor, duhet vullnet politik”, tha ai. /atsh

Reforma Zgjedhore, Alibeaj: Ndarje e qartë midis shtetit dhe partive politike në proces Read More »

Reforma Zgjedhore/Rama: Përgëzoj rikthimin e arsyeshëm të opozitës në tryezën e dialogut

Aktualitet, Politike, Votime Sondazhe / /

Kryeministri Edi Rama përgëzoi sot rikthimin e arsyeshëm në tryezën e dialogut të opozitës jashtëparlamentare për shkallën e parë të Reformës Zgjedhore.

“Përtej më shumë se një viti të humbur në rrugën e konfliktit të çuar deri në ekstremin e mosarsyes, duhet përgëzuar ky rikthim i arsyeshëm në tryezën e dialogut për shkallën e parë të Reformës Zgjedhore, ku të gjitha rekomandimet e OSBE/ODHIR-it do integrohen në Ligjin Zgjedhor”, u shpreh Rama.

Bashkëkryetarët e komisionit të posaçëm parlamentar për reformën zgjedhore, Damian Gjiknuri (PS) dhe deputetja e opozitës parlamentare, Rudina Hajdari u ulën sot në një tryezë me dy përfaqësuesit e mandatuar të opozitës së bashkuar, ish-deputetët, Oerd Bylykbashi (PD) dhe Petrit Vasili (LSI).

Në përfundim të këtij takimi u përcaktua kuadri i bashkëpunimit për reformën zgjedhore, ndërsa palët u angazhuan që reforma të përfundojë jo më vonë se 15 marsi 2020./atsh

Reforma Zgjedhore/Rama: Përgëzoj rikthimin e arsyeshëm të opozitës në tryezën e dialogut Read More »