Votime Sondazhe

Ambasadori i delegacionit të BE në vendin tonë, Luigi Soreca ka qenë në Durrës ku ka parë nga afër procesin e votimit në një qendër votimi.

Soreca u bëri thirrje qytetarëve që nuk kanë votuar ende, që ta përmbushin këtë të drejtë të tyre, por njëkohësisht edhe detyrim kushtetues.
Ndër të tjera, ai kërkoi nga liderët politikë që të presin me qetësi rezultatin e zgjedhjeve pas mbylljes së procesit të votimit.
“Komentet që ne kemi marrë sot që Shqipëria po shpreh vullnetin e saj duke votuar. Votimi ka ecur mirë pa probleme pavarësisht disa gjërave të ndryshme të cilat do të hetohen.

Ka ende 3 orë kohë ndaj thirrja jonë është për qytetarët që nuk kanë votuar ende. E dimë që sot është ditë e bukur por duhet të vini të votoni. Pas votimit prisni me durim rezultatin dhe për udhëheqësit politik kini durim të shihni se cili do jetë ky rezultat”, u shpreh ambasadori i BE.

Materialet zgjedhore kanë nisur të shpërndahen në të gjithë vendin.

I vetmi problem duket të jetë mungesa e operatorëve që do të përdorin pajisjen e identifikimit elektronik vetëm në 100 qendra nga 5199 që janë në të gjithë vendin.

Komisioneri Shtetëror i zgjedhjeve shfrytëzoi ditën e heshtjes zgjedhore për të tërhequr edhe njëherë vëmendjen e votueseve për mënyrën sesi ato duhet të votojnë, që vota e tyre që jete e vlefshme.

“Me kryq kandidatin, subjektin ose te dy bashkë”, thuhet në njoftim.

Ai ju kujton të gjithë votueseve se telefonat celularë nuk do të lejohen gjatë momentit që ata do të votojnë.

Votuesit të njësia 10 në kryeqytet ku do të pilotohet për herë të parë votimi dhe numërimi elektronik i garanton se fshehtësia e votës është e garantuar.

“Është shumë e sigurt, madje dhe më e sigurt se vota me fletë”.

KQZ tërheq vëmendje për atë që parashikon Kodi Penal për shitblerjen e votës.

“Si ai qe e shet dhe ai qe e blen ka sanksione të rënda”, tha KQZ./NOA.al