Turizem

Turizmi është një nga shtyllat nxitëse të ekonomisë së një vendi. Në 2016-n për çdo 10 shqiptarë llogariteshin 14 turistë të huaj. Rekordin në rajon e mban Mali i Zi, kur për 10 malazeze numëroheshin 27 turistë.

Gjatë 2016-s numri i turistëve në Shqipëri llogaritej 4.1 milionë, sipas të dhënave të publikuara nga Banka Botërore. Në vlerë absolute, të dytët pas Shqipërisë renditet Mali i Zi, me 1.7 milionë turistë, pasuar nga Serbia me 1.3 milionë, Bosnja 800 mijë, dhe Maqedonia 500 mijë.

Deri më tani, Europa është destinacioni më popullor në turizmin ndërkombëtar: afërisht 590 milionë njerëz shpenzojnë një natë ose më shumë në vendet europiane në 2016 (me Rusinë dhe Turqinë që përllogarisin sa një e terë. Krahasuar me rreth 200 milionë vizitorë në Amerikë, 460 milionë i ka pjesa tjetër e botës të kombinuar se bashku (Afrika, Azia dhe Australia).

Harta më poshtë tregon numrin e turistëve (të cilët vijnë nga një shtet tjetër) të cilët kanë kaluar një natë në një shtet të dhënë, bazuar mbi të dhënat e Bankës Botërore ( të mbledhura më parë nga organizata botërore e turizmit)

Franca kryeson listën, me 82.6 milionë vizitorë në 2016-n, jo vetëm në Europë, por në mbarë botën (asnjë vend tjetër nuk ka arritur që të tërheqë më shumë vizitorë se Franca, as vende shumë më të mëdha se Amerika apo Kina).

Sigurisht, dikush mund të argumentojë që vendet e mëdha mund të tërheqin më shumë turistë, por ky nuk është rasti. Harta më poshtë tregon se numri i mbërritjeve të turistëve për frymë në 2016-n  (për shembull, numri 1.4 për Shqipërinë do të thotë se për çdo 10 shqiptarë, 14 individë kanë kaluar një natë në Shqipëri.

Me vetëm 77 mijë banorë, Andora është një ndër vendet që tërheq me miliona turistë. Vendet e tjera që  mund të quajnë vetëm magnet të turizmit janë Malta, Kroacia, Austria, Mali i Zi dhe Qipro, të ndjekur nga Estonia, Greqia dhe Irlanda.

Në përgjithësi, vendet europiane dominojnë listën e vendeve më të vizituara në botë.

#             Turistët  2016 (në milionë)

1              Franca                          82.6

2              Shtetet e Bashkuara  75.6

3              Spanje                          75.3

4              Kina                                59.3

5              Italia                              52.4

6              Mbretëri e Bashkuar 35.8

7              Gjermani                      35.6

8              Meksike                        35.1

9              Tajlande                       32.5

10           Turqi                            30.3 (monitor)

Inspektoriati Shtetëror Shëndetësor që në fillim të muajit qershor dhe deri tani ka kryer 1072 inspektime në të gjithë vendin për të mos toleruar asnjë biznes që nuk plotëson kushtet higjieno-sanitare.

Kështu deklaroi ministrja e Shëndetësisë dhe Mbrojtjes Sociale, Ogerta Manastirliu, në një intervistë për ERTV, mbi aksionin e kontrolleve për kushtet higjieno-sanitare në të gjitha njësitë e ofrimit të shërbimeve si baret, restorantet, pishinat apo njësitë e prodhimit ushqimor.

“Aksioni i ndërmarrë nga Inspektoriati Shtetëror Shëndetësor, nuk është aksion i ditëve të fundit. Ne kemi realizuar një plan së bashku me të gjitha ministritë e tjera, të cilat janë të angazhuara në planin e masave të sezonit turistik të sigurtë dhe për të garantuar shëndet të mirë për pushuesit, turistët dhe qytetarët duke ndërmarrë një seri inspektimesh në subjektet akomoduese, bare, restorante, pishina publike dhe private dhe duke inspektuar kushtet higjieno-sanitare dhe standardet e ofrimit të shërbimit”, thotë Manastirliu.

Ajo theksoi se para fillimit të sezonit turistik, janë kryer 2300 inspektime në këto subjekte.
Duke folur për sigurinë dhe kushtet higjieno-sanitare, Manastirliu theksoi se nga kontrollet dhe inspektimet e kryera nga Inspektoriati Shtetëror Shëndetësor rezulton se sot ka më shumë siguri sesa ka pasur vite më përpara përsa i përket sigurimit të standardeve higjieno-sanitare”.

“Para se të fillonte ky sezon, janë kryer inspektime dhe i janë lënë rekomandime subjekteve të ndryshme akomoduese, bareve, restoranteve apo të tjera subjekteve që tregtojnë dhe prodhojnë produkte ushqimore, në mënyrë që të garantohej që gjatë sezonit turistik asnjë qytetar të rrezikohej për shkak të kushteve të higjieno-sanitare”, nënvizoi Manastirliu duke shtuar se ka pasur shumë reflektim dhe sot jemi në kushte më të mira seç ishim, përsa i përket standardeve që subjektet ofrojnë për pushuesit gjatë zonave bregdetare.

Ministrja bëri të ditur se “inspektimet do të vazhdojnë në kombinim edhe me inspektoriatet e ministrive të tjera si të Ministrisë së Bujqësisë dhe asaj të Turizmit dhe Mjedisit, në mënyrë që t’i garantojmë pushuesve një sezon turistik të sigurtë e të shëndetshëm”.

E pyetur për masat ndaj atyre që shkelin ligjin, Manastriliu tha se tashmë nuk do të ketë më paralajmërim por vetëm masa si; mbyllja provizore e subjekteve, gjobë ose deri në mbyllje të biznesit.

Sipas saj, nuk do të ketë tolerancë për asnjë subjekt që nuk plotëson këto kushte.

Lidhur me procesin i dezinsektimit në zonat turistike, për të garantuar një sezon turistik të sigurtë për çdo pushues, ministrja u shpreh se “ky proces ka nisur në prill në ato zona që janë konsideruar si hot spote si në Shëngjin, Tale, Velipojë, Durrës, por edhe në zonat urbane, Divjakë. Ky proces po vijon të kryhet edhe në plazhet e Vlorës, Qeparoit, Borshit, Ksamilit, por edhe në Butrint”.

Ministrja sqaroi se “janë kryer 104 trajtime dhe do të vazhojnë të kryhen, kemi 40 trajtime në zona të cilat janë të identfikuara si hot spote. Në këtë mënyrë nuk do të kemi sëmundje infektive”.

Sa i përket ngritjes së qendrave të reja shëndetësore verore Manastirliu tha se “këto qendra janë 24 orë në shërbim të qytetarëve dhe turistëve. Vetëm përgjatë kësaj periudhe nga 1 qershori deri tani 8600 qytetarë kanë marrë shërbime në qendrat shëndetësore verore. 112 mjekë dhe infermierë janë të atashuar me kohë të plotë dhe ofrojnë shërbim shëndetësor. Po ashtu edhe autoambulancat në 17 pika  të bregdetit ofrojnë kujdes shëndetësor dhe referojnë në kohë shumë të shpejtë pushuesit apo raste që janë emergjencë për jetën, në spitalet më të afërta apo në qendrat shëndetësore verore”. //atsh

https://www.facebook.com/edirama.al/videos/10155947582281523/?t=0

Plazhi i Gjipesë apo siç njihet ndryshe Kanioni i Gjipesë është një ndër plazhet më të bukura të rivierës shqiptare.

Kanioni nis që nga rruga nacionale, mes fshatit Ilias dhe Jal dhe përfundon në bregdet, duke krijuar një oaz përrallor në bregun e jugut.

Disa thonë që e ka marrë emrin “Gjipe” nga përcaktimi si  “Gjiri i Perëndive”, por gojëdhënat gjithmonë kanë vend për diskutim.

Vërtet është një vend përrallor që të ofron mundësi gjatë ditës për t’u larë në ujin e kristaltë, për të ecur në kanionin e saj ku herë pas here formacione të ndryshme shkëmbore krijojnë pamje mahnitëse, por është edhe vendi ideal që gjatë natës të shohësh dallgët e detit nën yjet vezullues.

Duke qenë se është një vend i veçuar, ku nuk ka zona të ndriçuara pranë gjirit dhe falë ajrit të pastër, mund të dallosh të gjitha kostelacionet yjore që mund të shikohen nga pozicioni i vendit tonë.

Nëse kërkoni që fundjava juaj të jetë një aventurë e bukur dhe plot gjallëri me emocione të bukura, me histori e gojëdhëna, ky është destinacioni dhe vendi i duhur.

Çdo fundjavë grupe të ndryshme vizitorësh, nga Tirana apo qytete të tjera të Shqipërisë, turistë të huaj nisen drejt këtij vendi befasues kundrejt çmimeve konkuruese dhe një udhëtimi komod. Gjipea është njëri prej perlave detare të jugut./atsh

Gjiri i Vlorës përbën një ndër atraksionet më të mëdha turistike të jugut vendit, ndërsa së fundi në dispozicion të turistëve është vënë edhe një një anije  udhëtimesh për të eksploruar destinacionet që ofron ky bregdet.

Përmes një videoje në rrjetin social “Facebook”, Kryeministri Edi Rama postoi një video me pamje nga kjo anije, që tashmë do të përshkojë itinerarin e gjirit të Vlorës.

“Mirëmëngjes dhe me anijen e parë të udhëtimeve turistike në gjirin e Vlorës, ju uroj një ditë të bukur”, shkruan Kryeministri Rama./atsh

https://www.facebook.com/edirama.al/videos/10155946419201523/?t=0