Turizem

Gjiri i Hënës, me një det të pastër dhe i fshehur në ishullin e Zvërnecit, frekuentohet në verë nga pushues të veçantë që preferojnë qetësinë, familjaritetin dhe intimitetin.

Vetë ishulli dhe laguna e tij quhen nga vendasit si “Karaibet shqiptare”, një përcaktim tipik vlonjat, por që i shkon shumë përshtat këtij vendi të bukur. Gjendet pak kilometra larg qytetit të Vlorës, në pjesën veriperëndimore të saj.

Një urë druri rreth 100 metra e ndërtuar rishtas mespërmes kënetës të çon drejt manastirit të vjetër. Në anën tjetër të ishullit gjendet “Kisha e Shën Triadhës”, një objekt kulti bizantin.

I tërë peizazhi krijon një ansambël shumë të bukur natyror, me plot kontraste dhe ku gjenden në harmoni bukuria me qetësinë e këtij vendi. Përveç bukurisë natyrore, interes të veçantë paraqet për vizitorët Manastiri i Shën Mërisë, i cili ndodhet në ishullin e vogël ku çdo ditë ka vizitorë të shumtë. Manastiri është një ndërtim tipik bizantin i ndërtuar në shek. X pas Krishtit.

Murgu i fundit nga manastiri është larguar në vitin 1967, kur në Shqipëri u mbyllën objektet fetare. Për shumë kohë manastiri qëndroi i mbyllur, u plaçkit dhe u dëmtua. Gjatë kohës së komunizmit, ishulli i Zvërnecit shërbeu si vend internimi për kundërshtarët e sistemit dhe manastiri si strehëz e tyre. Pas vitit 1990, manastiri iu rikthye përsëri funksionit të tij fetar.

Sot, ai gjendet i rikonstruktuar dhe shumë interesant për t’u vizituar. Veçanërisht ditën e 15 gushtit, e cila përkon me ditëlindjen e Shën Mërisë. Manastiri dhe gjithë ishulli është i mbushur me vizitorë besimtarë dhe vizitorë turistë të natyrës dhe historisë.

Jo vetëm Zvërneci me ishullin dhe Manastirin e tij, por e gjithë zona me lagunën dhe detin, përbëjnë një ekosistem shumë interesant dhe tërheqës për turistët.

Me një sipërfaqe prej rreth 42 km², laguna e Nartës zë gjithë pjesën veriperëndimore të gjirit të Vlorës dhe ndahet nga deti Adriatik me një rrip të ngushtë toke, i cili përbëhet nga duna ranore dhe plazhe të vegjël.

Plazhet intime të Zvërnecit të kujtojnë ato të Karaibeve dhe janë tepër të frekuentuara. Tashmë jemi në periudhën e verës dhe vizitorët e shumtë preferojnë të shlodhen në brigjet e këtyre plazheve.

Zvërneci është listuar në projektin “100 fshatrat”, ndërsa në qarkun e Vlorës, prezanton një investim në një prej fshatrave më piktoreskë e më të vizitueshëm të kësaj zone/atsh

Mund të kurseni para duke këmbyer pushimet në buzë të detit në Greqi me bregdetin Shqiptar, shkruan e përditshmja britanike “The Sun”.

“Bregdeti jonian i Shqipërisë është shumë pranë atij të Korfuzit dhe mund të arrihet lehtësisht që nga ishulli grek dhe plazhet e saj janë njësoj të mrekullueshme. Nëse dëshiron të krijosh varietet përse të mos vizitosh Shqipërinë?”, thekson gazeta në një artikull që i dedikohet destinacioneve alternativë, ndaj atyre popullore, për të kaluar pushime të mrekullueshme.

“Një avantazh i madh është fakti se është shumë më e lirë se sa fqinji, shumë i pëlqyer por i mbytur me turistë”, thuhet në këtë artikull.

“Një kriko kushton vetë 0,58 paund në Shqipëri kundrejt 1,8 paund në Korfuz, nuk po bëjmë shaka!”, përfundon “The Sun”. /atsh

Gjiri i Hënës, me një det të pastër dhe i fshehur në ishullin e Zvërnecit, frekuentohet në verë nga pushues të veçantë që preferojnë qetësinë, familjaritetin dhe intimitetin.

Vetë ishulli dhe laguna e tij quhen nga vendasit si “Karaibet shqiptare”, një përcaktim tipik vlonjat, por që i shkon shumë përshtat këtij vendi të bukur. Gjendet pak kilometra larg qytetit të Vlorës, në pjesën veriperëndimore të saj.

Një urë druri rreth 100 metra e ndërtuar rishtas mespërmes kënetës të çon drejt manastirit të vjetër. Në anën tjetër të ishullit gjendet “Kisha e Shën Triadhës”, një objekt kulti bizantin.

I tërë peizazhi krijon një ansambël shumë të bukur natyror, me plot kontraste dhe ku gjenden në harmoni bukuria me qetësinë e këtij vendi. Përveç bukurisë natyrore, interes të veçantë paraqet për vizitorët Manastiri i Shën Mërisë, i cili ndodhet në ishullin e vogël ku çdo ditë ka vizitorë të shumtë. Manastiri është një ndërtim tipik bizantin i ndërtuar në shek. X-të pas Krishtit.

Murgu i fundit nga manastiri është larguar në vitin 1967, kur në Shqipëri u mbyllën objektet fetare. Për shumë kohë manastiri qëndroi i mbyllur, u plaçkit dhe u dëmtua. Gjatë kohës së komunizmit, ishulli i Zvërnecit shërbeu si vend internimi për kundërshtarët e sistemit dhe manastiri si strehëz e tyre. Pas vitit 1990, manastiri iu rikthye përsëri funksionit të tij fetar.

Sot, ai gjendet i rikonstruktuar dhe shumë interesant për t’u vizituar. Veçanërisht ditën e 15 gushtit, e cila përkon me ditëlindjen e Shën Mërisë.  Manastiri dhe gjithë ishulli është i mbushur me vizitorë besimtarë dhe vizitorë turistë të natyrës dhe historisë.

Jo vetëm Zvërneci me ishullin dhe Manastirin e tij, por e gjithë zona me lagunën dhe detin, përbëjnë një ekosistem shumë interesant dhe tërheqës për turistët.

Me një sipërfaqe prej rreth 42 km², laguna e Nartës zë gjithë pjesën veri-perëndimore të gjirit të Vlorës dhe ndahet nga deti Adriatik me një rrip të ngushtë toke, i cili përbëhet nga duna ranore dhe plazhe të vegjël.

Plazhet intime të Zvërnecit të kujtojnë ato të Karaibeve dhe janë tepër të frekuentuara. Tashmë jemi në periudhën e verës dhe vizitorët e shumtë preferojnë të shlodhen në brigjet e këtyre plazheve.

Zvërneci është listuar në projektin “100 fshatrat”, ndërsa në qarkun e Vlorës, prezanton një investim në një prej fshatrave më piktoreskë e më të vizitueshëm të kësaj zone./atsh

Prej gati 1 muaji një grup botanistësh shqiptarë dhe italianë në bashkëpunim me AdZM Vlorë dhe me mbështetjen e projektit Natural, po studjojnë florën e kompleksit natyror Karaburun -Llogora-Mali i Çikës.

Në qendër të studimit janë speciet e veçanta, sidomos ato endemike dhe subendemike. Gjithashtu, po bëhet një studim i plotë për bimësinë barishtore (lulet).

Ata kanë udhëtuar nga Italia dhe Franca për t’u njohur nga afër me pasuritë natyrorë të Shqipërisë, kryesisht të Karaburunit, Llogarasë e malit të Çikës.

Bashkë me botanistët shqiptarë, botanistët e huaj po identifikojnë si zona potenciale dhe me interes ndërkombëtar, për t’i bërë pjesë të rrjetit Natyra 2000.

“Qëllimi është ruajtja dhe identifikimi i këtyre resurseve që ofron kjo zonë”, shprehet Nexhip Hysolakoj, agjencia rajonale e zonave të mbrojtura Vlorë.

Natyra 2000 është një projekt i Bashkimit Europian, që përfshin mbrojtjen e hapësirave tokësore dhe ujore, me specie dhe habitate më të vyera dhe të rrezikuara.

Botanistët e huaj, të mrekulluar pas pasurive natyrore që ofron vendi ynë, kanë nisur kërkimet shkencore jo vetëm të bimësisë së rrallë, por edhe për speciet në zhdukje të kësaj zone./atsh

Në 3 vitet e fundit intensiteti i aktiviteteve argëtuese kulturore e sportive në Vlorë, ka shënuar një rritje të dukshme, duke u shumëfishuar krahasuar me periudha paraardhëse.

Iliana Paparizo, ose Anka sikundër e thërrasin në mjediset artistike në Vlorë, këshilltare për Turizmin dhe Kulturën në Bashki, nënvizon se, aktivitetet kanë impakt të drejtpërdrejtë në promovimin e vlerave turistike të bregdetit dhe të të gjithë territorit, ndërkohë që krijojnë atmosferë festive dhe tërheqëse për pushuesit dhe turistët e huaj.

“Ne po punojmë për të krijuar produktin turistik “Made in Vlora” dhe për ta shtrirë turizmin përgjatë gjithë vitit”, – thekson ajo në një intervistë për ATSH-në.

– Tri ditë më parë, u zhvillua “Opera në Jeans”, që mblodhi në një nga sheshet pranë Lungomares një numër të madh qytetarësh, artdashës vlonjatë dhe pushues. Ishte befasues për ju ky fakt, kjo pjesëmarrje kaq e madhe në një aktivitet disi specifik?

Në fakt, unë do të thosha që ky ishte koncerti i radhës, një nga ato aktivitete të shumta që janë zhvilluar këtë vit në Vlorë. Po e filloj me atë që u zhvillua në datën 14 mars, që ishte një koncert shumë i veçantë , për të vazhduar më pas me gjithë ditët e aktiviteteve që ne zhvilluam në çelje të sezonit turistik. Këtu kam parasysh çeljen zyrtare të sezonit turistik, sepse dua ta ritheksoj se, këtë vit, sezoni turistik real, ka nisur që në muajin prill. Por, ajo që ndodhi të dielën në mbrëmje, “Opera në Jeans”, në bashkëpunim me Teatrin e Operas dhe Baletit, ishte një nga aktivitetet më të mëdha që janë zhvilluar deri tani në qytetin e Vlorës. Kishte një pjesëmarrje mbi 2000 qytetarë artdashës, por edhe mjaft të tjerë që rrinin në këmbë, për shkak se aq ishte kapaciteti i vendeve të ulura që kishim parashikuar. Ishte një pjesëmarrje e pazakontë, në një atmosferë shumë të veçantë, ku ishte i pranishëm edhe kryeministri, Edi Rama, si edhe mjaft turistë vendas e të huaj, mjaft prej të cilëve shprehën vlerësime për këtë aktivitet. Duke shtuar edhe faktin se, vendi i zgjedhur për të, ishte pranë Lungomares, në Sheshin Marina, janë të mjaftueshme për të thënë se, kjo është sot Vlora, ose siç kam dëshirë ta perifrazoj “New Vlora” e turizmit, e aktiviteteve, e profilit festiv, Vlora ndryshe, Vlora e pushuesve nga zona të ndryshme të vendit, e turistëve nga e gjithë bota, e shqiptarëve nga të gjitha trevat.

– Prej tre vitesh ka një shumëfishim të aktiviteteve kulturore në Vlorë, veçanërisht gjatë muajve të sezonit turistik. A është kjo pjesë e strategjisë së Bashkisë për të krijuar atmosferën e përshtatshme për turistët e huaj dhe vendas, apo edhe një mundësi dhe mënyrë promovimi e përfshirjeje?

Në Vlorë mund të shijosh llojet e ndryshme të turizmit, veç atij bregdetar, ku përfshihen turizmi malor, ai i aventurës, turizmi kulturor etj etj. Të gjitha këto së bashku, marrin një vlerë tjetër, duke shtuar edhe aktivitetet që ne bëjmë.

Por, këtu ka edhe një fakt; ndryshimi dhe përmirësimi tërësor i infrastrukturës. Kjo është shoqëruar edhe me krijimin e hapësirave të reja, të vendeve të përshtatshme për të organizuar aktivitete të llojeve të ndryshme dhe që krijojnë mundësi të shumta promovimi. Mjafton ta nis me Lungomaren, për të vazhduar me Kinemanë Verore, sheshin më të ri, ish Marina, që ishte një hapësirë tërësisht e harruar deri pak ditë më parë dhe që u shndërrua në një amfiteatër të vërtetë të promovimit të vlerave me “Opera në Jeans”, për të vijuar me terrenet e reja sportive përgjatë bregdetit, me Ballkonin e Vlorës etj etj. Përmes aktiviteteve ne, sigurisht që promovojmë Vlorën. Por, nuk mjaftohemi vetëm me këto hapësira. Mjafton të përmend që, një nga aktivitetet e planifikuara në vijim do të zhvillohet në Kalanë e Kaninës, e cila ka vlera të shumta historike. Pjesë e kalendarit të aktiviteteve të zhvilluara deri tani ka qenë edhe Llogoraja, ku kemi zhvilluar panaire të ndryshme. Kjo pikë turistike malore, pjesë e territorit të bashkisë Vlorë, ofron mundësi të shumta për kategori të caktuara të turistëve të huaj e pushuesve vendas. Mjafton të përmend faktin se, aty mund të përjetosh edhe ditë shumë të freskëta, apo të përballesh me stinën e vjeshtës, në korrik e gusht, për të evidentuar atraksionin e kësaj zone malore, shumë pranë qytetit dhe detit.

– Pra, ju keni bërë atraktive edhe pjesë të tjera të territorit?

Qëllimi i vërtetë i gjithçkaje që bëjmë është promovimi i Vlorës në të gjitha dimensionet, në të gjithë hapësirën, në të gjithë territorin. Dhe Vlora nuk është vetëm në qytet, por edhe në ish-bashkitë, apo komunat e dikurshme edhe në skajin më të largët, aty ku njerëzit krijojnë.

Ne kemi punuar dhe po punojmë për të krijuar një markë të veçantë të turizmit shqiptar, “Made in Vlora”. Është kjo markë që tashmë përfaqëson Shqipërinë kudo në botë dhe që pasqyrohet e reflektohet tek ata mijëra turistë nga vende të ndryshme që zgjedhin të vijnë në Vlorën tonë, në bregdetin tonë, në Vlorën bregdetare dhe atë malore, në Vlorën e detit të kthjellët dhe në Vlorën e traditave kulturore e shpirtërore, në Vlorën e isopolifonisë e të vlerave të kulinarisë. Dhe kjo Vlorë është kudo. Është kjo Vlorë që ne po evidentojmë dhe po i japim vlerë çdo ditë e më shumë dhe që të huajt po e pëlqejnë gjithnjë e më tepër. Prandaj dhe Vlora sot është aq e gjallë, është aq plot, është aq festive, me turistë që shijojnë, që na shprehin vlerësime, që kënaqen në Vlorë, që kanë ardhur e do vijnë. Prandaj dhe ne, me aktivitetet tona jemi shtrirë në të gjithë territorin, në të gjitha llojet e aktiviteteve kulturore e sportive. Mjafton të përmendim se vitin e kaluar këtu u zhvillua Kampionati Botëror i Fluturimeve, me praninë e sportistëve nga 150 vende të ndryshme të botës, nën sloganin “Vlora është Bota”.

– Në këndvështrimin tuaj, cili është impakti që krijojnë aktivitetet në promovimin dhe zhvillimin e turizmit në Vlorë?
Për të ilustruar argumentin tim po ndalem vetëm në një aspekt; hapësirën dhe mundësitë që krijojnë në rrafshin promovues rrjetet sociale. Prania e turistëve të huaj në aktivitetet argëtuese, kulturore e sportive, i shndërron ato në modele pozitive, në shembuj të një Vlore të gjallë, argëtuese, me mundësi të shumta për të gjithë ata që zgjedhin të pushojnë këtu. Janë këta turistë që i transmetojnë përjetimet e tyre përmes rrjeteve sociale, duke u treguar bashkëkombësve e bashkatdhetarëve, profilin e vërtetë turistik të Vlorës tonë të bukur e mikpritëse, e cila mirëpret këdo që zgjedh ta vizitojë atë. Shtimi nga viti në vit i numrit të turistëve të huaj, ka në themel edhe këtë aspekt që përmenda, krahas edhe faktorëve të tjerë. Në fund të fundit, duhet ta ritheksojmë që, një hapësirë turistike ka nevojë për gjallëri, për atmosferë, për festë, për argëtim.Në të kundërt, bukuritë natyrore mbeten pa vlerë. Nisur nga kjo, ne i kemi mëshuar gjithmonë e më shumë aspektit argëtues e promovues kulturor e sportiv.

…Dhe gjithçka përfundon brenda sezonit?

Në fakt, unë dua të theksoj se, nga ana e Bashkisë po punohet fort me strategjinë e shtrirjes së sezonit, ose më saktë të plotësimit të synimit tonë për një turizëm gjithëvjetor. Vlora ka resurse të mjaftueshme për ta shtrirë turizmin në të gjithë vitin, në të gjitha stinët. Çdo periudhë ofron mundësi të caktuara, të cilat kanë një emërues të përbashkët: Vlorën me kapacitetet e saj, me atraksionet e saj të pakufizuara në kohë e në muaj. Sigurisht, në përputhje dhe në përshtatje me këtë strategji, aktivitetet në vjeshtë e në dimër zhvendosen gradualisht në mjedise të mbyllura, ku salla e Teatrit “Petro Marko”, shndërrohet në epiqendër të tyre. Gjithsesi, përvoja e këtyre viteve, ka treguar se Vlora po konsolidohet gradualisht drejt turizmit gjithëvjetor. Ky fakt na bën krenarë.

– Cilat janë disa nga aktivitetet në vijimësi?

Në datën 22 korrik do të jetë shfaqja e spektaklit të “Portokallisë”, të cilën qytetarët dhe pushuesit do të kenë mundësi ta ndjekin “live”. Ndërkohë, në datën 14 korrik, do të ketë një tjetër spektakël, por këtë radhë me motoçikleta. Do të jenë rreth 150 motoçiklistë nga vende të ndryshme, që do të bëhen pjesë e këtij spektakli në Lungomare, ku ne besojmë të krijojmë një atmosferë të veçantë sportive dhe ku të pasionuarit do të përjetojnë me siguri emocione.

Më tej, do të jetë Maratona e Këngës, si edhe një aktivitet domethënës në Kalanë e Kaninës, ashtu sikundër edhe shumë e shumë veprimtari të tjera. Siguroj të gjithë pushuesit se, si asnjëherë tjetër, Vlora gjatë këtyre javëve do të jetë e mbushur me aktivitete, ku gjithësecili do të mund të gjejë veten për t’u argëtuar.

Në 3 vitet e fundit, intensiteti i aktiviteteve argëtuese kulturore e sportive në Vlorë, ka shënuar një rritje të dukshme, duke u shumëfishuar krahasuar me periudha paraardhëse.

Iliana Paparizo, ose Anka sikundër e thërrasin në mjediset artistike në Vlorë, Këshilltare për Turizmin dhe Kulturën në Bashki, nënvizon se, aktivitetet kanë impakt të drejtpërdrejtë në promovimin e vlerave turistike të bregdetit dhe të të gjithë territorit, ndërkohë që krijojnë atmosferë festive dhe tërheqëse për pushuesit dhe turistët e huaj.

“Ne po punojmë për të krijuar produktin turistik “Made in Vlora” dhe për ta shtrirë turizmin përgjatë gjithë vitit”, thekson ajo në një intervistë për ATSH-në.

-Tre ditë më parë, u zhvillua “Opera në Jeans”, që mblodhi në një nga sheshet pranë Lungomares një numër të madh qytetarësh, artdashës vlonjatë dhe pushues. Ishte befasues për ju ky fakt, kjo pjesëmarrje kaq e madhe në një aktivitet disi specifik?

Në fakt, unë do të thosha që ky ishte koncerti i radhës, një nga ato aktivitete të shumta që janë zhvilluar këtë vit në Vlorë. Po e filloj me atë që u zhvillua në datën 14 mars, që ishte një koncert shumë i veçantë , për të vazhduar më pas me gjithë ditët e aktiviteteve që ne zhvilluam në çelje të sezonit turistik. Këtu kam parasysh çeljen zyrtare të sezonit turistik, sepse dua ta ritheksoj se, këtë vit, sezoni turistik real, ka nisur që në muajin prill. Por, ajo që ndodhi të dielën në mbrëmje, “Opera në Jeans”, në bashkëpunim me Teatrin e Operas dhe Baletit, ishte një nga aktivitetet më të mëdha që janë zhvilluar deri tani në qytetin e Vlorës. Kishte një pjesëmarrje mbi 2000 qytetarë artdashës, por edhe mjaft të tjerë që rrinin në këmbë, për shkak se aq ishte kapaciteti i vendeve të ulura që kishim parashikuar. Ishte një pjesëmarrje e pazakontë, në një atmosferë shumë të veçantë, ku ishte i pranishëm edhe kryeministri, Edi Rama, si edhe mjaft turistë vendas e të huaj, mjaft prej të cilëve shprehën vlerësime për këtë aktivitet. Duke shtuar edhe faktin se, vendi i zgjedhur për të, ishte pranë Lungomares, në Sheshin Marina, janë të mjaftueshme për të thënë se, kjo është sot Vlora, ose siç kam dëshirë ta perifrazoj “New Vlora” e turizmit, e aktiviteteve, e profilit festiv, Vlora ndryshe, Vlora e pushuesve nga zona të ndryshme të vendit, e turistëve nga e gjithë bota, e shqiptarëve nga të gjitha trevat.

-Prej tre vitesh ka një shumëfishim të aktiviteteve kulturore në Vlorë, veçanërisht gjatë muajve të sezonit turistik. Kjo është pjesë e strategjisë së Bashkisë për të krijuar amtosferën e përshtatshme për turistët e huaj dhe vendas, apo edhe një mundësi dhe mënyrë promovimi e përfshirjeje?

Në Vlorë mund të shijosh llojet e ndryshme të turizmit, veç atij bregdetar, ku përfshihen turizmi malor, ai i aventurës, turizmi kulturor etj etj. Të gjitha këto së bashku, marrin një vlerë tjetër, duke shtuar edhe aktivitetet që ne bëjmë.

Por, këtu ka edhe një fakt; ndryshimi dhe përmirësimi tërësor i infrastructures. Kjo  është shoqëruar edhe me krijimin e hapësirave të reja, të vendeve të përshtatshme për të organizuar aktivitete të llojeve të ndryshme dhe që krijojnë mundësi të shumta promovimi. Mjafton ta nis me Lungomaren, për të vazhduar me Kinemanë Verore, sheshin më të ri, ish Marina, që ishte një hapësirë tërësisht e harruar deri pak ditë më parë dhe që u shndërrua në një amfiteatër të vërtetë të promovimit të vlerave me “Opera në Jeans”, për të vijuar me terrenet e reja sportive përgjatë bregdetit, me Ballkonin e Vlorës etj etj. Përmes aktiviteteve ne, sigurisht që promovojmë Vlorën. Por, nuk mjaftohemi vetëm me këto hapësira. Mjafton të përmend që, një nga aktivitetet e planifikuara në vijim do të zhvillohet në Kalanë e Kaninës, e cila ka vlera të shumta historike. Pjesë e kalendarit të aktiviteteve të zhvilluara deri tani ka qenë edhe Llogoraja, ku kemi zhvilluar panaire të ndryshme. Kjo pikë turistike malore, pjesë e territorit të Bashkisë Vlorë, ofron mundësi të shumta për kategori të caktuara të turistëve të huaj e pushuesve vendas. Mjafton të përmend faktin se, aty mund të përjetosh edhe ditë shumë të freskëta, apo të përballesh me stinën e vjeshtës, në korrik e gusht, për të evidentuar atraksionin e kësaj zone malore, shumë pranë qytetit dhe detit.

-Pra, ju keni bërë atraktive edhe pjesë të tjera të territorit?

Qëllimi i vërtetë i gjithçkaje që bëjmë është promovimi i Vlorës në të gjitha dimensionet, në të gjithë hapësirën, në të gjithë territorin. Dhe Vlora nuk është vetëm në qytet, por edhe në ish bashkitë, apo komunat e dikurshme edhe në skajin më të largët, aty ku njerëzit krijojnë.

Ne kemi punuar dhe po punojmë për të krijuar një markë të veçantë të turizmit shqiptar, “Made in Vlora”. Është kjo markë që tashmë përfaqëson Shqipërinë kudo në botë dhe që pasqyrohet e reflektohet tek ata mijëra turistë nga vende të ndryshme që zgjedhin të vijnë në Vlorën tonë, në bregdetin tonë, në Vlorën bregdetare dhe atë malore, në Vlorën e detit të kthjellët dhe në Vlorën e traditave kulturore e shpirtërore, në Vlorën e isopolifonisë e të vlerave të kulinarisë. Dhe kjo Vlorë është kudo. Është kjo Vlorë që ne po evidentojmë dhe po i japim vlerë çdo ditë e më shumë dhe që të huajt po e pëlqejnë gjithnjë e më tepër. Prandaj dhe Vlora sot është aq e gjallë, është aq plot, është aq festive, me turistë që shijojnë, që na shprehin vlerësime, që kënaqen në Vlorë, që kanë ardhur e do vijnë. Prandaj dhe ne, me aktivitetet tona jemi shtrirë në të gjithë territorin, në të gjitha llojet e aktiviteteve kulturore e sportive. Mjafton të përmendim se, vitin e kaluar këtu u zhvillua Kampionati Botëror i Fluturimeve me praninë e sportistëve nga 150 vende të ndryshme të botës, nën sloganin “Vlora është Bota”.

-Në këndvështrimin tuaj, cili është impakti që krijojnë aktivitetet në promovimin dhe zhvillimin e turizmit në Vlorë?

Për të ilustruar argumentin tim po ndalem vetëm në një aspekt; hapësirën dhe mundësitë që krijojnë në rrafshin promovues  rrjetet sociale. Prania e turistëve të huaj në aktivitetet argëtuese, kulturore e sportive, i shndërron ato në modele pozitive, në shembuj të një Vlore të gjallë, argëtuese, me mundësi të shumta për të gjithë ata që zgjedhin të pushojnë këtu. Janë këta turistë që i transmetojnë përjetimet e tyre përmes rrjeteve sociale, duke u treguar bashkëkombësve e bashkatdhetarëve, profilin e vërtetë turistik të Vlorës tonë të bukur e mikpritëse, e cila mirëpret këdo që zgjedh ta vizitojë atë. Shtimi nga viti në vit i numrit të turistëve të huaj, ka në themel edhe këtë aspekt që përmenda, krahas edhe faktorëve të tjerë. Në fund të fundit, duhet ta ritheksojmë që, një hapësirë turistike ka nevojë për gjallëri, për atmosferë, për festë, për argëtim.Në të kundërt, bukuritë natyrore mbeten pa vlerë. Nisur nga kjo, ne i kemi mëshuar gjithmonë e më shumë aspektit argëtues e promovues kulturor e sportiv.

…Dhe gjithçka përfundon brenda sezonit?

Në fakt, unë dua të theksoj se, nga ana e Bashkisë po punohet fort me strategjinë e shtrirjes së sezonit, ose më saktë të plotësimit të synimit tonë për një turizëm gjithëvjetor. Vlora ka resurse të mjaftueshme për ta shtrirë turizmin në të gjithë vitin, në të gjitha stinët. Çdo periudhë ofron mundësi të caktuara, të cilat kanë një emërues të përbashkët: Vlorën me kapacitetet e saj, me atraksionet e saj të pakufizuara në kohë e në muaj. Sigurisht, në përputhje dhe në përshtatje me këtë strategji, aktivitetet në vjeshtë e në dimër zhvendosen gradualisht në mjedise të mbyllura, ku salla e Teatrit “Petro Marko”, shndërrohet në epiqendër të tyre. Gjithsesi, përvoja e këtyre viteve, ka treguar se Vlora po konsolidohet gradualisht drejt turizmit gjithëvjetor. Ky fakt na bën krenarë.

-Cilat janë disa nga aktivitetet në vijimësi?

Në datën 22 korrik do të jetë shfaqja e spektaklit të Portokallisë, të cilën qytetarët dhe pushuesit do të kenë mundësi ta ndjekin “live”. Ndërkohë, në datën 14 korrik, do të ketë një tjetër spektakël, por këtë radhë me motoçikleta. Do të jenë rreth 150 motoçiklistë nga vende të ndryshme, që do të bëhen pjesë e këtij spektakli në Lungomare, ku ne besojmë të krijojmë një atmosferë të veçantë sportive dhe ku të pasionuarit do të përjetojnë me siguri emocione.

Më tej, do të jetë Maratona e Këngës, si edhe një aktivitet domethënës në Kalanë e Kaninës, ashtu sikundër edhe shumë e shumë veprimtari të tjera. Siguroj të gjithë pushuesit se, si asnjëherë tjetër, Vlora gjatë këtyre javëve do të jetë e mbushur me aktivitete, ku gjithë secili do të mund të gjejë veten për t’u argëtuar./atsh

Shqipëria është një vend plot surpriza duke mahnitur edhe turistin më skeptik. E gjendur mes maleve dhe detit është një vend ku mund të befasohesh nga kultura dhe nga panoramat e saj natyrore.

Peizazhe shumëngjyrëshe, liqene, male të larta, lumenj, lugina, dete, kjo është panorama që ofron Shqipëria për çdo turist të huaj që dëshiron të eksplorojë një vend të panjohur më parë.

Bukuritë e rralla natyrore vijnë të gërshetuara me trashëgiminë kulturore dhe atë historike të trashëguara brez pas brezi.  Të gjitha këto shoqërohen nga tradita mikpritëse e shqiptarëve, një vlerë kjo e njohur  tashmë edhe nga bujtësit e huaj.

Për  turistët e huaj, por edhe për ata vendas, janë disa zona turistike në Shqipëri, që nuk duhen lënë pa u vizituar.

E tillë është edhe Gryka e Valbonës, që gjendet në veri të vendit, në Tropojë.

Rruga deri në Valbonë është një mrekulli më vete me peisazhe pyjore e ujore, male e lugina mbresëlënëse.

Lundrimi me tragetin Koman-Fierzë paraqet një atraksion të vërtetë turistik për këdo që viziton Tropojën në të katër stinët.

Pastaj të pret një luginë e bukur që shtrihet mes bjeshkeve të namuna (të bekuara) duke i ndarë malet shkëmborë për të krijuar këtë panoramë kaq të bukur të natyrës shqiptare.

Edhe emri i saj, Valbonë e thot këtë – Luginë e Bukur… Këtu mund të përjetosh veç bukurive natyrore edhe jehonën e Kreshnikëve, Mujit  dhe Halilit… Sipas eposit, Bjeshkët e Namuna kanë qenë një ndër vendbanimet e tyre, mrizet e zanave.. e plot legjenda të tjera që i dëgjon mes banorëve vendas.

Por, udhetimi për në Valbonë, në liqenin e Komanit është një ndër udhëtimet më të bukura që mund të bëhet, malet e larta përgjatë bregut, plot gjelbërim e shkrepa të thepisur, mes grykash, një udhëtim si në përralla. Më pas mund të akomodohesh në hanet zonës, shtëpitë e banorëve të vëna në shërbim të turistëve, duke ruajtur traditën dhe duke u shërbyer atyre në mënyrë tradicionale.

Zgjohesh dhe nën rrezet e diellit të mëngjesit të shfaqet përball maja e hekurave, grykët e hapura, Maja e Rodit, Mali i Thatë, të gjithë duken sikur prekin qiellin…

Edhe kthimi është një guidë turistike më vete duke kaluar përmes Gjakovës e Prizrenit, duke vizituar qytetet historike të lidhjes së Prizrenit, pazarin, kalanë etj…dhe në mbrëmje je në Tiranë… Këtë verë kushtoja ca ditë Valbonës së bukur…/atsh