Disa turistë janë mahnitur nga bukuria e krijesave në gjirin e Vlorës, teksa ishin duke u kthyer me varkë nga një vizitë në ishullin e Sazanit.
Delfinët, karakteristik për këtë stinë në detin e Vlorës, kanë dhuruar spektakël përpara tyre.
Një familje delfinesh e cila po lundronte njëkohësisht me varkën në fjalë, ka kërcyer pak metra larg tyre Pasagjerët në varkë mes tyre dhe të huaj janë surprizuar nga kërcimet e tyre
teksa dëgjohen në videot edhe fjalët që ata shprehin duke u ndjerë te mahnitur nga bukuria e krijesave të detit.
Çmimet konkurruese që ofron Shqipëria krahasuar me ato te rajonit për pushimet me kamper vijojnë dhe këtë vit të tërheqin turistë të ndryshëm nga vende të Europës , si Irlanda, Gjermania. Italia e Polonia. Vlora dhe jugu i Shqipërisë tërheq jo vetëm pushuesit të cilët e kanë vizituar më parë Shqipërinë por dhe pushues të rinj.
Arsyet janë çmimet e arsyeshme dhe bukuritë natyrore. Mes pushuesve me kampera gjejmë pushues të cilët prej vitesh vijnë në Shqipëri, por dhe pushues të cilët pavarësisht komenteve negative kanë guxuar ta eksplorojnë dhe shijojnë Shqipërinë me syrin e tyre.
“Unë jam Markes dhe hoqa dorë nga puna për të shijuar jugun e Evropes, dhe ndodhem me familjen time në Shqipëri dhe është një nga ndalesat që kishim planifikuar. Na pëlqen natyra dhe të eksploroj gjëra të reja”.
“Emri im është Xherald vi nga jugu i Irlandes. Pas covid dhe dy vitesh i mbyllur në shtëpi vendosa të provoj këto lloj pushimesh. Miqtë e mi më penguan të vija, pasi sipas tyre Shqipëria nuk është vend i sigurt, por unë vendosa ta shikoj këtë me syrin tim dhe ja ku jam. Prej dy javësh ndodhem këtu dhe më pëlqen shumë. Çmime të lira krahasuar me Kroacinë. Jemi bërë si një familje dhe shijojmë çdo mbrëmje ushqim, pije dhe krijomë kontakte të reja”.
Qyteti i Vlorës dhe shtrirja gjeografike e saj ofron shume mundësi për çdo lloj pushimesh në çdo sezon. Top Channel
Vlora qyteti bregdetar në jugperëndim të Shqipërisë, konsiderohet si një nga qytetet më të bukura të Shqipërisë!
Bregdeti i Vlorës, jo vetëm se është destinacioni turistik i rëndësishëm për verën, por ky vend njihet edhe si nga plazhet e virgjëra spektakolare dhe me detin blu, ku bashkohet Adriatiku me Jonin.
Qyteti i Vlorës është një nga qytetet më të vjetra në Shqipëri si një nga perlat e Jugut.
Plazhe me rërë, gjire të izoluara, ujë kristalor, shkëmbinjë dhe deti që ngjan me Karaibet, Vlora ofron edhe një paketë të plotë turistike nga turizmi historik.
Në Vlorë mund të zgjedhësh të shijosh kafenetë e bukura me pamje nga deti, të ecësh në rrugën e dikurshme të kafeneve, të zejtarëve, artizanëve, qëndistares Marigo, firmëtarëve të pavarësisë. Qendra historike e Vlorës është një diamant në zemër të qytetit që zbulon historinë.
Mund të vizitoni po ashtu Manastirin e Hyjëlindëses në Zvërnec, aty ku mrekullisht takohen cicërimat e zogjve dhe psherëtima e dallgëve, duke krijuar simfoninë unike atë të tingujve mes tokës dhe detit.
Një tjetër atraksion për turistët gjendet në majë të kodrës, e gdhendur nga ujërat e detit dhe me pamje nga qyteti. Është vendi fetar i Kuzum Baba. Kuzum Baba është një tarracë natyrore e gdhendur nga deti, e vendosur në një kodër mbi qytetin e Vlorës. Ajo e merr emrin e tij nga Sejjid Ali Sulltan, i njohur si At Kuzum (Kuzum Baba), një udhëheqës shpirtëror bektashian, i cili sipas traditës lokale, është varrosur këtu. Duke qenë pika më e lartë e qytetit, diku në 30 m mbi nivelit të detit, Kuzum Baba u ofron vizitorëve mundësinë për të shijuar ajrin e pastër dhe për të admiruar peizazhe të bukura të qytetit.
Duhet theksuar se Vlora ka një klimë të ndërthurur malore dhe detare. Vera është e freskët me shumë diell, dhe dimri i ftohtë dhe i lagësht.
Dritan hila
Vijne ne Vlore dhe duan sherbim me pese yje por duan te paguajne si ne supermarket; duan peshk deti por ta paguajne me cmim rezervati; duan Vloren por nuk duan vlonjatet se e kane dialektin e rende; kerkojne sherbim me kulture por kamarierit i flasin harbutshe; shajne vendasit per pastertine dhe per plehrat ne Sazan por harrojne qe i hedhin vete; ju mbetet hatri per investimet qe ka qyteti por nuk kujtohen se qarrin nuk e kane marre vlonjatet por Fusha e Gega e te tjere dhe nuk i zbaton asnje ndertues vlonjat; ankohen per cmimet e resorteve por harrojne qe resortet i kane Samir Mane e Gon Papuli qe akoma nuk kane mesuar notin.
Ej, po me avash kur i jepni gojes a….
Qeparoi është një fshat magjik që ofron kombinime spektakolare ngjyrash: bluja e detit, jeshilja e kodrave dhe e bardha e formacioneve shkëmbore gëlqerore që dalin nga shpatet dramatike të maleve përreth”.
Kështu nis shkrimi i gazetës prestigjioze britanike “The Gardian” në një renditje të 40 plazheve më të bukura të Evropës.
Mes plazheve ikonë të Greqisë, Italisë, Spanjës, por edhe Kroacisë dhe Malit të Zi nuk mungon as Shqipëria.
Gazeta britanike megjithatë veçon më së shumti plazhin e Porto Palermos.
Sipas saj, në këtë zonë ka shumë plazhe të fshehura, por edhe ai kryesori, i quajtur Porto Palermo, është i bukur, i pazhvilluar dhe i përsosur për t’u çlodhur në guralecë ose për të eksploruar gadishullin shkëmbor që në krye ka një kështjellë 200-vjeçare.
Gazeta Britanike sugjeron edhe një shëtitje të shkurtër përgjatë bregdetit ndërsa veçon se hotelet kanë një çmim deri në 70 euro nata në një dhomë me pamje nga deti Jon./klan
Pamje nga Parku i Shtëpisë së Pavarësisë në Vlorë, një hapësirë krejt ndryshe jo vetëm për banorët e këtij qyteti, por edhe për vizitorët dhe turistët në qytetin bregdetar
Edhe në Vlorë “LA BELLE DE L:ÄDRIATIQUE (ÖNEN)”, ardhur nga porti i Sarandës me 7️⃣3️⃣ turistë për të qëndruar sot këtu 😊 e për ta lajmëruar 🗯 edhe prej Portit të Vlorës afrimin e sezonit turistik 🌊🏖, më të pastër💚 e më të bukur.
#VloraQëDuam❤️🙏🏻
#VisitAlbania🇦🇱🌞
Rikthehen pas një mungese rreth dy vjecare krocierat në Vlore. La belle de l’Adriatique ka ankoruar mëngjesin e kësaj të enjte në portin e Vlorës me rreth 73 turistë kryesisht francezë por edhe nga vende të ndryshme të europës. Kjo është krociera e parë për këtë vit duke konfirmuar se tashmë Vlora ka nisur të presë edhe turistët e parë për këtë sezon turistik.
Krociera ka mbërritur nga greqia fillimisht me pas sarandë dhe tashmë ankorohet në portin e Vlorës. Pas një periudhe rreth dy vjecare ku krocierat kanë munguar edhe për shkak të situatës nga pandemia ,Vlora mirëpret kështu rikthimin e turistëve të huaj mes krocierave. Turistët kanë mbërritur me krociere do të vizitojnë Vlorën por edhe Berat e Apolloni ndërsa gjatë këtij viti janë parashikuar të tjera udhëtime nga krocierat në portin e Vlorës.
Po afron sezoni turistik dhe hotelet janë në kërkim të fuqisë punëtore. Në Shqipëri mungojnë përgjithësisht shërbimet dhe sektori i turizmit prej disa vitesh po vuan pasojat.
Hotelet në Golem, që janë struktura me kapacitet të madh akomodues, kanë parë të arsyeshme marrjen e punëtorëve nga vende të tjera, diçka që ka nisur të zbatohet në praktikë në sektorë të ndryshëm.
Turizmi ka qenë në presion të vazhdueshëm dhe shumica e strukturave të mëdha pohojnë se u është dashur të rrisin pagat me 20 për qind për të mbajtur në punë stafin apo për të marrë punonjës të rinj për nevojat që kanë në pozicione specifike.
Nga ana tjetër lulëzimi i punësimit të të huajve ka nisur prej disa kohësh përmes agjencive të dedikuara. Një rast i ngjashëm i punësimit të të huajve në Shqipëri është ai i 30 grave nga Nepali në bujqësi.
Raste sporadike të punësimit të të huajve në sektorë të ndryshëm si fasoneri dhe ndërtim u lakuan sidomos gjatë vitit të shkuar. Një deklaratë e Kryeministrit në atë kohë që këshillonte bizneset të merrnin punonjës nga Bangladeshi u bë virale. Qeveria nga ana tjetër miratoi një ligj të dedikuar për të huajt i cili synonte lehtësimin e procedurave dhe leje qëndrimin në Shqipëri ku përfshihej edhe aspekti i punësimit. Kështu Shqipëria tashmë vuan për gjetjen e fuqisë punëtore e cila ka emigruar në vite.
