Ka pushtuar mediat e huaja skandali që ndodhi sot në natën finale të Eurovisionit ku teksa këngëtarja britanike Surie po këndonte, dikush hyri në skenë.
Personi i mori mikrofonin këngëtares dhe tha diçka para se rojat e sigurisë ta kapnin.
Pak më vonë mediat e huaja kanë shkruar se personi është shprehur: “Nazistë të mediave britanike, duam liri”.
Këngëtares Surie iu ofrua të performojë sërish, por ajo dhe skuadra nuk pranuan duke u shprehur se janë krenarë me performancën e saj.
Vitin e kaluar ka qenë një nga temat më të komentuara të showbizit ndarja e Jonida Maliqit nga bashkëshorti i saj pas 17 vitesh martesë.
Së fundmi Jonida është rikthyer në muzikë duke publikuar këngën më të re “N’errësirë” që u komentua si rrëfim i këngëtares mbi ndarjen.
E pyetur lidhur me këtë sot në “Thumb”, Jonida u shpreh: “Jam munduar të jem e sinqertë, sigurisht që me pjekurinë artistike dhe atë të moshës arrin në një stad ku nuk e sheh më këngën si një ekzekutim teknik apo profesional. Kur arrin në këtë gjendje ti do të fusësh diçka nga jeta jote, nga personalja. Mbaj mend kur këndoja këngën “Do jetoj pa ty” e cila bënte fjalë për një çift që ishin ndarë, të them të drejtën nuk ma ndjente fare. Por kur arrij ta dëgjoj sot do doja shumë ta rikëndoja me këtë gjendjen.
“Jeta vazhdon përpos situatave të ndryshme, por të shkuarën nuk e hedhim dot poshtë. Ruaj kujtime shumë të bukura nga ajo marrëdhënie. Jam shumë e lumtur që kemi arritur në një raport shumë njerëzor sepse kemi një fëmijë në mes dhe ky është civilizim”, u shpreh Jonida.
“Mos fola më shumë se ç’duhet”, shtoi këngëtarja duke qeshur.
Mbrëmjen e sotme është dhe finalja e madhe e Eurovizion, ku si asnjëherë më pare në të do të performojnë tre këngëtarë me orgjinë shqiptare. Eugent Bushpepa, Eleni Foureira dhe Ermal Meta janë diskutuar ditët e fundit në shumë media për shkak të performancave mahnitëse që ngritën në këmbë sallën e Eurovizion, por edhe për origjinën e tyre.
Madje një foto ku Eugenti dhe Eleni bënin shqiponjën me duart e tyre u komentua shumë gjatë nga mediat greke, të cilat shpërthyen kundër këngëtares që përfaqëson Qipron duke e quajtur atë një provokim, e madje debati shkoi deri atje sa që kërkuan që ti hiqej nënshtetësia greke.
Por duket se së fundmi mediat greke kanë ndryshuar mendim për Elenin. Pas performancës së saj elektrizuese në gjysmë finalen e parë, Eleni është komentuar gjatë në të gjitha mediat botërore dhe përflitet se ajo do të jetë fituesja e këtij edicioni.
Kjo gjë ka ndikuar që greket të pendohen për fjalët e tyre dhe së fundmi në mediat e ndryshme është hapur debati dhe shumë gazetar kanë shprehur hapur pakënaqësinë e tyre ndaj kanalit shtetëror ERT, të cilët kanë refuzuar që Eleni të përfaqësonte Greqinë.
Ata shprehën hapur mbështetjen e tyre për Qipron dhe për Elenin dhe janë të sigurt që ajo do kthehet me një triumf në vendin e tyre.
Njëri ndër gazetarëve të njohur vendas, Dhimos Verikios ka deklaruar publikisht për televizionin ‘Alpha’ se këngëtarja shqiptare Eleni është një mrekulli në skenë dhe se talente si ajo duhet të mbështetën shumë.
Askush nuk kishte asnjë dyshim për performancën unike të Eugent Bushpepës, e kjo shihet mjaft qartë edhe nga postimet që po bëhen në rrjetet sociale.
Performanca e Eugent Bushpepës ishte thjeshtë magji, duke na dhënë emocione, që vetëm ai ti fal.
Me zërin e tij potent, Genti pushtoi skenën madhështore në Lisbonë, ku ka rrëmbyer duartrokitjet e mijëra të pranishmëve, por ka lumturuar miliona shqiptarë kudo nëpër botë.
Si asnjëherë tjetër, Shqipëria ka marrë vetëm vlerësime pozitive.
Këngëtari me origjinë shqiptare Ermal Meta ka publikuar në rrjete sociale një foto ku shfaqet sëbashku me këngëtarin Eugent Bushpepa.
Menjëherë kanë nisur komentet në këtë foto ku ndjekëset e Ermalit shpreheshin se meshkujt shqiptar janë të bukur dhe nëse të gjithë do të ishin kështu atëherë nga vlen të jetohet në Shqipëri.
