ShowBiz

Blerimi i ishte drejtuar programit “Dua të të bëj të lumtur” për të falenderuar nënën që e kishte rritur dhe për t’i premtuar që do t’i qëndronte pranë gjithmonë. Por ai i kishte kërkuar programit edhe që t’i gjenin nënën e tij biologjike.

Programi “Dua të të bëj të lumtur” e kishte gjetur nënën biologjike të Blerimit, e cila kishte pranuar ftesën për të ardhur në studio. Gjatë bisedës që u zhvillua midis Arbana Osmanit dhe Terezës u kuptua që Tereza kur kishte qenë e re kishte lindur një fëmijë. Por ajo nuk e dinte nëse fëmija kishte jetuar.

Arbana zbuloi që në anën tjetër të ekranit ishte pikërisht djali i saj, Blerimi, i cili e kishte kërkuar prej vitesh. Në momentet e para Tereza e kishte shumë të vështirë këtë situatë dhe nuk pranoi që të fliste me të, madje u largua pa e parë. Dëshira për të takuar mamanë me djalin pas 33 vitesh bëri që Arbana të ndiqte Terezën në prapaskenë duke këmbëngulur që ajo të takonte djalin e saj.

Në praninë e kamerave dhe pse pa audio, pas bashkëbisedimit që Tereza bëri me Arbanën u arrit që Blerimi të shkonte në prapaskenë dhe të takonte për herë të parë nënën e tij biologjike.

Blerimi takoi Terezën dhe i tha që: “Më ke falur jetën dhe të falenderoj për këtë gjë. Çdo gjë që ke kaluar në jetë e paçsh hallall. Unë kam 33 vite që të kërkoj, por për gjithçka ta kam bërë hallall”.

Më pas Tereza takoi familjen e Blerimit, bashkëshorten dhe vajzat e tij.

Tereza e emocionuar dhe e gëzuar në të njëjtën kohë u shpreh se: “Unë nuk kam ditur asgjë, por ti qenke me të vërtetë një fëmijë i mrekullueshëm!”.

Kopshti Zoologjik i kryeqytetit pret çdo ditë vizitorë në mjediset e tij çlodhëse dhe të hapura për çdo aktivitet në natyrë.

Por këtë herë ZooPark ka pasur një vizitor edhe më të veçantë, Ambasadorin e Shteteve të Bashkuara të Amerikës në Shqipëri, Donald Lu dhe bashkëshorten e tij.

Çifti amerikan së bashku me një grup nxënësish të huaj që banojnë në Tiranë, kanë vizituar ambientet e ndryshme të Kopshtit Zoologjik.

Me fletëpalosjet në duar ku jepen dhe informacione të shumta për ZooPark ambasadori Lu, bashkëshortja e tij dhe grupi i të rinjve kanë vizituar kafshët që janë në Kopshtin Zoologjik por dhe mjedise të tjera të hapësirës tërësisht të gjelbëruar të Kopshtit Zoologjik.

Ambasadori amerikan ka ndjekur me kureshtje edhe lojërat apo eksperimentet në natyrë të të rinjve.

“ZooPark çdo javë pret vizita, orë mësimi, praktika e aktivitete. Së bashku me GreenLineAlbania i japim hapësirë edhe takimeve me nxënës të huaj me banim në Tiranë, shpjegojmë kuriozitete, dëgjojmë e bashkëbisedojmë për projektet”, sqaron Agjencia e Parqeve dhe Rekreacionit e cila kujdeset për t’i dhënë ZooPark një pamje  dhe një mjedis mikpritës për çdo vizitor.

Ndërkohë që në këtë park ka nisur puna për përforcimin e murit rrethues si pjesë e projektit për rikualifikimin e Kopshtit Zoologjik.

Alketa Vejsiu është gjithëmonë hermetike për jetën e saj private. Mirëpo gazetarja Rudina Dembacaj, ka arritur të zbulojë pak më shumë për partnerin e Alketës, gjatë intervistës në makinë në emisionin “Mos fol shoferit”. Alketa tregoi se ishin sytë blu të partnerit të saj, e bënë që të binte menjëherë në dashuri me të.

“ Sytë e tij. Aty filloi gjithcka se i ka sytë blu dhe jam shumë e lumtur që ia ka trashëguar dhe djali. Them që kam marrë një nga cunat më king të Vlorës. Është një lidhje që ka kompatibilitet, mirëkuptim, respekt. Mbi dashurinë është respekti. Për mua është respekti pastaj dashuria dhe pasioni. Nëse ka dashuri dhe s’ka respekt, atëherë është e destinuar të shpërbëhet. Këto funksionojnë të gjitha dhe na japin mundësi që ti japim fëmijëve një model të mirë.”- tregon moderatorja e emisionit “Në kurthin e Piter Pan”.

E pyetur nëse bashkëshorti e mbështet në karrierën e saj, Alketa i përgjigjet: “ Shumë. Për cdo gjë. Ai mendon absolutisht që je një nënë më e realizuar dhe një partnere më e lumtur kur përmbush ashtu siç duhet interesat dhe pasionet e tua në jetë. Të dy jemi një skuadër e mire”.

Ditën e sotme e gjithë vëmendja është e përqëndruar në dasmën mbretërore në Angli mes Princit Harry dhe aktores amerikane Meghan Markle.

Shumë nga vipat shqiptarë e kanë komenuar këtë event hap pas hapi. Një prej tyre ka qenë edhe blogerja e njohur Armina Mevlani.

Përveç komenteve mbi paraqitjes së nuses ajo ka publikuar një story në rrjete sociale, e cila duket si një mesazh për partnerin e saj, djalin e ish-kryeministrit Berisha, Shkëlzen Berisha.

“Nëse bashkëshorti nuk qan kur të më shohë mua siç bëri Princ Harry, atëherë nuk do të martohem me të,”-shkruan në postimin e Arminës. Epo mesa duket ky ishte një mesazh mjaft i qartë për Xenin.

Aurela Gaçe është në nga këngëtaret më të dashura për publikun shqiptar. Ajo ka qenë ditën e sotme e ftuar në emisionin ‘Një kat më lart’ me Ermal Peçin ku ka treguar më shumë për jetën e saj private, por edhe për këngën më të re që ka publikuar, që titullohet ‘Të Dua’.

Ndërkohë gjatë intervistës moderatori i ka thënë Aurelës se i ka sjell diçka në studio, në këtë moment Aurela e trembur është ngritur dhe ka shkuar i ka gjuajtur Ermalit, pasi mendoi se ai do ti sillte një qenë në studio.

“Ore të mbyta, të mbyta po të them”ka thënë ajo teksa e ka gjuajtur.
Më pas në studio plasën të qeshurat dhe Aurela rrëfeu se përse reagon kështu kur bie fjala tek qentë.
“Po le nam të gjithë thonë se bën kot, le nam” i ka thënë Ermali.

“Problemi madh për të bërë kot për një qenë, nuk e dua. Shiko nuk është se nuk i dua kafshët i dua po të rrinë në vendin e vetë. Nuk kam gjë me kafshët se kanë shpirt, janë besnik, njerëzit dashurohen me ta, por unë e kam tmerr”, ka treguar Aurela duke sqaruar kështu dhe frikën që ka ndaj tyre.

Këngëtarja simpatike nga Korça, Anxhela Peristeri ishte e ftuara speciale e kësaj të premteje në emisionin BOOM në Ora News.

E nxitur nga pyetjet e dy moderatoreve në lidhje me korçarët, të cilët njihen se i duan gratë të virgjëra, Anxhela Peristeri, mes humorit tha se ajo do të jetë ndoshta e vetmja që do të shkojë në altar e virgjër.

Rozana Radi: Kemi dëgjuar që korçarët vdesin t’i marrin gratë e virgjëra, është e vërtetë kjo?

Anxhela Peristeri: Jo, nuk është e vërtetë fare. Nuk besoj që akoma dhe tani do vdesin dhe ti marrin gratë e virgjëra

Rozana Radi: Ti do shkosh në altar e virgjër …

Anxhela Peristeri: Unë për veten time mund të jem e vetmja që do shkoj në altar e virgjër.

Fiori Dardha: Paske piketuar ndonjë korçar, po të marrim parasysh atë që tha Rozi?

Anxhela Peristeri: Tashi nuk e di këtë, ngelet për tu parë.

Rozana Radi: Ai i dashuri jot korçar është nga Korça brenda?

Anxhela Peristeri: Nuk është korçar.