ShowBiz

Ata janë tre. Olta, Andi dhe Aura. Janë një familje e vogël, mjaft e bukur, që së shpejti do të bëhen katër, sepse Olta është në pritje të ëmbël. Gjithçka që ajo ka krijuar sot, lindi nga udhëtimet. Vende magjepëse, foto interesante, publikime në rrjetet sociale…, ndërthurur me njëra-tjetrën bënë që Olta pa kuptuar të niste një punë, në Instagram. Sot ajo fiton para vetëm duke publikuar foto në këtë rrjet social mjaft të pëlqyer kryesisht nga të rinjtë.

Andi, bashkëshorti i saj është i fokusuar në punën e tij si instruktor palestre. Ai ndjek trajnime e seminare jashtë vendit, për të perfeksionuar programet dhe për t’i personalizuar ato. Me ndihmën e Oltës, ai sot e konsideron edhe instagramin punë. Ky rrjet social i do njerëzit që duan të bukurën, perfekten, dhe i shpërblen. Dhe nëse për Oltën koha e impenjimit është e gjatë, Andi e ka fare të lehtë, sepse është ambasador vetëm i produkteve dhe markave që lidhen me palestrën.

Firma të njohura të huaja e kanë emëruar ambasadore. Ajo lidh kontrata me këto marka, merr e para linjën e produkteve, dhe për të gjithë ndjekësit e saj ofron një kod që mund ta përdorin për të përfituar ulje.

Duket sikur nga Instagrami mund të fitohen shumë para dhe shpejt, por nuk është kaq e lehtë. Olta tregon se kjo punë është më impenjative se një punë 8 orarëshe. Jo vetëm fiton, por edhe shpenzon, duhen gjetur lokacione, dhe sfonde që asaj i përshtaten për temën e saj të Instagrmit, sepse Instagrami ka rregulla që duhen respektuar, nëse dëshiron të afrosh markat e njohura te profili yt.

Nëse keni shumë ndjekës në Instagram, shumë pëlqime dhe komente, atëherë jeni njerëzit e duhur që reklamuesit kërkojnë. Dhe Nëse i kushtoni pak kohë, atëherë markat e njohura do të zgjedhin profilin tuaj të Instagramit për të reklamuar produktet e tyre.

Përshëndetje, unë jam bytha dhe prej disa kohësh kam filluar të ndihem shumë e persekutuar prej jush! Nuk e kuptoj dot përse njerëzit më stigmatizojnë, më gjykojnë e më shajnë kaq shumë! Më besoni, jam përpjekur të kuptoj, të analizoj, të gjej arsye që i çojnë njerëzit të kenë një “urrejtje” kaq të madhe ndaj meje, por deri më tani nuk kam dalë dot në asnjë përfundim të vlefshëm, aq më shumë kur bëj një krahasim me “kushërirat” e mia. Cilat janë ato? Po ja, për shembull “gjoksi”, edhe pse mund të dalë i bollshëm mbi bluzë, nën bluzë, anash bluzës, njerëzit rrallë here thonë “le nam, mbete duke nxjerrë gjoksin”.

Madje, unë e kam parë shumë mirë që edhe kur janë në plazh dhe kushërirat e mia të bollshme, pra “gjokset” pozojnë krenare para aparatit, nuk i thotë askush “futi brenda”, apo “fshehi”. Ndërsa mua të shkretën edhe kur kam xhinse sipër, njerëzit nuk reshtin së më përmenduri dhe e quajnë herezi shfaqjen time. Ndonjëherë mendoj që do të donin të më zhduknin fare, të mos ekzistoja dhe mbase në këtë mënyrë njerëzit do të ishin shumë të lumtur.

Po mirë që nuk më duan e përpiqen gjatë gjithë kohës të më kompleksojnë, të më bëjnë të ndihem në faj, por njerëzit përpiqen me çdo mënyrë të manipulojnë dhe bashkëjetesën time me “kushërinjtë” e tjerë. Ja për shembull, unë dua të kem një marrëdhënie të mirë e bashkëpunuese me “kushëririn” tim, trurin, po kush të lë thuaj? Njerëzit vënë ultimatum: “o ti, o ai! S’mund të funksiononi siç duhet bashkë. Padyshim që njëri do të eklipsojë tjetrin!”

Por kjo nuk është e vërtetë, ju betohem për kokë të squats-ave që aq shumë i dua. Unë dhe truri nuk jemi në luftë me njëri-tjetrin dhe as nuk përjashtojmë njëri-tjetrin. Nuk e kuptoj përse njerëzit duan të na fusin me doemos në sherr, duke ngritur disa teori të pabaza se po më pate “mua” (pra bythen) dhe po investove tek unë në mënyrë automatike, nuk mund të kesh tru dhe e anasjellta, nëse ke “tru”, mua s’ke ç’më do. Ju lutem! A mund të na lini të qetë të jetojmë të dy së bashku, unë e lumtur me gjimnastikën time të përditshme (palestrën) dhe truri me gjimnastikën e tij (librat)?

Për të mos folur për paragjykimet raciale që më bëjnë. Nëse më shohin mua të ekspozuar diku, në ndonjë foto në Instagram më vërsulen të gjithë me të shara, ofendime, e mallkime të tmerrshme. Ama nëse shohin ndonjë binjaken time nga jashtë shtetit, mahniten prej saj, fillojnë e komplimentojnë, I thurin lavde, poezi… A nuk mendoni se e gjitha kjo është një padrejtësi?

Mbase ju mund t’ju vijë për të qeshur nga gjithëçfarë thashë më sipër, por më besoni që unë jam shumë e shqetësuar dhe e mërzitur. Mbaj shumë presion mbi vete dhe ndonjëherë do të doja të mos ekzistoja fare, por dyshoj që njerëzit do t’ja dilnin dot pa mua.

Nejse, se më duket se u zgjata pak, por e di që ju nuk jeni mërzitur, ose më saktë, mbase edhe mund të jeni mërzitur, por e sigurtë që jeni aty duke më parë, lexuar, shkruar e folur për mua.

Ah, meqë m’u kujtua dhe diçka e fundit: Pavarësisht gjithçkaje që shkrova më sipër, një gjë më bën përshtypje krahasuar me gjithë kushurinjtë e kushurirat e mia, pavarësisht inatit, urrejtjes, mllefit që keni ndaj meje, nuk ndaloni kurrë së foluri, kërkuari, pari për mua, edhe atëherë kur unë mund të mos kem asnjë lidhje.

Unë kaq kisha! Po e mbyll këtu këtë letër publike, me shpresën që do të dini ta lexoni siç duhet!

Me shumë respekt e dashuri,

Bytha!

Kjo video do t’jua ndreq ditën.
Videoja e publikuar në Facebook, shfaq një foshnje duke vallëzuar me këngë tallava.

E incizuar brenda veturës, në video foshnja shihet duke u kënaqur me këngën tallava, transmeton Gazeta Express.

Shikojeni:

https://www.facebook.com/ThealbanianLondon/videos/982257915279112/?t=21

Emisioni i njohur  ‘Top Show Magazine’ i moderuar nga Alban Dudushi prej më shumë se një dekade, do të hiqet përfundimisht nga ekrani.

Varianti i ‘Top Show’ i cili vinte një herë në javë me personazhe publikë, nuk do të transmetohet më në ekran.

Në vijim Alban Dudushi do të shfaqet vetëm të martave në orën 22:00.

Ende nuk dihet ç’do të bëhet me opinionistët e emisionit Albana Osmani dhe Ervin Kurti, i cili deklaroi largimin e tij një javëmë parë.

Aktori i njohur Behar Mera ka prezantuar një pjesëtar shumë të shtrenjtë e të dashur të familjes së tij, nipin.Gjysh dhe nip shfaqen dorë për dore në këtë foto ku krahas saj Mera shkruan:“Më tha nipi hidhe një foto me mua, se do marësh shumë Like”,-përfundon aktori i njohur.

E veshur si nuse me fustan të bardhë dhe vello. Në fotografinë që ka publikuar në rrjetet sociale, këngëtarja është përkrahë dy artistëve të tjerë, Kastro Ziso dhe Robert Berisha.

Nga sa kanë lënë të kuptohet behej fjalë për një bashkëpunim midis tre këngëtarëve.Pritjes po i vjen fundi. Projekti i tyre i ri muzikor është drejt përfundimit dhe treshja e suksesshme do të vijnë përpara audiencës shqiptare me hitin e tyre të ri.

Një bashkëpunim i shumëpritur ky që pritet të rezultojë i suksesshëm për sa kohë që protagonist të tij janë tre emra të njohur të artit shqiptar.

Rreth dy vite më parë Albano Bogdo dhe Julian Deda debatuan me njëri-tjetrin në një prej lokaleve të Tiranës, madje u tha se zënka degradoi edhe në dhunë fizike. Por pas kësaj ngjarjeje, Juli reagoi në Facebook duke sqaruar se bëhej fjalë për një debat profesional dhe se kur punon gjithë ditën me dikë është normale që të kesh mosmarrëveshje.

Kjo ngjarje është sjellë sërish në vëmendje ditën e djeshme në një intervistë që Albano ka dhënë për Tv Klan. “Ne jemi shokë të ngushtë dhe Juli është një nga njerëzit që më ka ndihmuar më shumë për çdo hall. I pari që vjen është Juli, Turi ose Visjani. Nuk jemi njerëz që dalim vetëm në skenë. Qajmë hallet, ndajmë gëzime”, -është shprehur aktori.

Po ashtu, Albano ka shtuar se karrierën ia ka borxh Turjan Hyskës dhe Julian Dedës, pasi të mos ishte për ata nuk do të ishte bërë askush.

Ajo është një nga këngëtaret më ekstravagante dhe ekspresive, e cila tashmë karrierën e saj e ka ndërtuar në SHBA.

Duket se këngëtarja Bleona Qereti do të sjellë së shpejti një produksion të ri muzikor, të cilin e ka paralajmëruar me një foto tejet provokuese në rrjete sociale.

E veshur me një body të zi dhe sipër një makine luksoze ajo duket shumë seksi dhe në formë. Kënga e saj më e re do të titullohet “Monster” dhe pritet të publikohet së shpejti.