ShowBiz

Pas deklarimit se të ardhurat e kompanisë do t’i jepte për të prekurit nga tërmeti, Dua Lipa ka bërë një gjest tjetër human për vendin e saj.

Ajo tashmë është fokusuar në krijimin e disa bluzave të personalizuara, të ardhurat nga shitja e të cilave do të shkojnë në ndihmë të të prekurve nga tërmeti.

Tek bluzat shkruhet “Pray for Albania”, “Dua Lipa” dhe do të kushtojë 45 dollarë.

Përmes postimit të saj në rrjetet sociale ajo u ka bërë thirrje gjithë qytetarëve që duhet ndihmë e madhe për Shqipërinë në këto momente , të marrin bluzat, pasi të ardhurat do të shkojnë për familjet e prekura nga tërmeti i datën 26 nëntor për të ndërtuar një shtëpi apo ndihmuar. /atsh

Artistë të shumtë janë solidarizuar për të ndihmuar të prekurit nga tërmeti i 26 nëntorit.

Çifti i artistëve Alban Skënderaj dhe Miriam Cani janë një ndër artistët e shumtë të cilët kanë dhënë kontributin e tyre për këtë situatë të vështirë.

Përmes një postimi në rrjetet sociale Miriam Cani është shprehur se bashkë me Albanin kanë ndihmuar më shumë se 200 persona, por për dallim nga të tjerët, këtë e kanë bërë në heshtje.

“Jam e lumtur që kemi arritur t’ju vijmë sado pak në ndihme rreth 200 personave të prekur nga tërmeti të cilët janë strehuar në kompleksin e kishës ortodokse “Shën Vlashi” në Durrës.

Në këto ditë të vështira si shumë të tjerë, ata kanë nevoje për çdo lloj mbështetje materiale apo financiare.

Çdokush që dëshiron të kontribuojë në vazhdim për ato familje mund t’i drejtohet direkt Kishës apo këtij numër kontakti: +355 67 201 4591”, shprehet këngëtarja Cani.

Ajo shprehet se përveç ndihmave bazike dhe jetësore duhet të ndihmohet edhe shpirtërisht.

“Ashtu siç ushqehet dhe ngrohet trupi, ashtu dhe shpirti ka nevojë për ushqim e ngrohtësi. Ndoshta prej natyrës unë dhe Albani jemi pak më diskretë e të rezervuar, por në heshtje dhe me dashuri e zemër jemi munduar të ndihmojmë ku kemi mundur”, tha Cani.

“Faleminderit të gjithë bashkatdhetarëve tanë në Shqipëri, Kosovë, Maqedoni e Diasporë që edhe njëherë dëshmuan që kur bashkohemi në emër të dashurisë mund të marrim në dorë fatet e kombit e të bëjmë diferencën. Është dëshmia se ende ka shpresë. Paqe e dashuri për të gjithë ju”, ka shkruar në këtë postim këngëtarja. /atsh

Pas Rita Orës, një tjetër këngëtar shqiptar me famë botërore është sensibilizuar me familjet e prekura nga tërmeti i 26 nëntorit. Këngëtari Ermal Meta i është përgjigjur thirrjes së kryetarit të Bashkisë së Tiranës, Erion Veliaj dhe ashtu si Rita Ora ka vendosur që me financat e tija të ndërtojë një tjetër shtëpi të shkatërruar nga tërmeti.

Lajmin e ka bërë të ditur vet Ermal meta nëpërmjet një mesazhi në rrjetet sociale teksa i bën thirrje edhe figurave të tjera por edhe fansave të tij që të kontribuojnë për ti ardhur në ndihmë Shqipërisë në këto moment të vështira.

“Kam ndjekur me shqetësim këto ditë ngjarjet në Shqipëri dhe bashkohem me dhimbjen e atyre që humbën njerëzit e tyre të dashur. Vendosa t’i bashkohem apelit të Erion Veliaj duke dhënë kontributin tim për të ndihmuar në ringritjen e shtëpisë së familjes Alla, që Brisilda, Erseda, Erildi dhe familja e tyre të mos e kalojnë dimrin mes rrënojave e të ftohtit. Por ashtu si familja Alla, ka ende shumë të tjera që kanë nevojë për ndihmën tonë dhe unë do t’ju lutesha të jepnit të gjithë një kontribut, sado i vogël qoftë nëpërmjet portalit https://e-albania.al”, – shkruan Ermal Meta në rrjetin social instagram.

Ndërkohë që po ashtu ai ka publikuar që më parë në faqet e tija në rrjetet sociale edhe thirrjen për të ndihmuar financiarisht Shqipërinë për të përballuar pasojat e tërmetit të datës 26 nëntor. “Edhe pak bën ndryshim. Nëse mundeni shpërndajeni ju lutem”, shkruan Meta ndërsa ka publikuar mesazhin sensibilizues për të kontribuar në përballimin e kësaj situate. /atsh