Moderatori nga Kosova, Labinot Gashi ishte një nga të ftuarit e Luana Vjollcës në “Shiko Kush LUAN” në Top Channel, këtë të shtunë në puntatën e 3-të të sezonit të katërt. Gjithmonë detajist edhe këtë herë Labi nuk mund të mos tregohej xhentil gjatë emisionit.
Moderatori surprizoi autoren e programit Luana Vjollcën duke i dhuruar një buqetë të madhe me trëndafila të kuq. Por nuk harroi edhe të surprizonte edhe këngëtaren e spektaklit, Fifin.
Labi u shpreh se data e sotme daton me fillimin e karrierës së tij 20 vjeçare në televizion dhe nuk mund të vinte duarbosh në “Shiko Kush LUAN”, kështu që surprizoi edhe vajzat e ftuara në program; Eneda Tarifën; Arta Elezajn dhe Trejsi Sejdinin.
Aktorja kosovare, Adriana Matoshi përveç karrierës së saj, ka treguar edhe momentin më të vështirë që ka kaluar në jetë.
Në vitin 2012 ajo tha se ka kaluar një ngjarje shumë të rëndë.
Aktores i është dashur të operohej menjëherë pasi u ekzaminua me tumor në kokë.
Gjëja më e frikshme, – rrëfen ajo, – ishte nëse do dilte gjallë nga ai operacion apo jo.
Adriana ka qenë e ftuar në emisionin “Rudina” në Tv Klan, teksa ka rrëfyer për publikun përjetimet e saj trishtuese dhe plot frikë.
Ajo ka treguar gjithashtu se nepër gjumë vajza e kishte pyetur nëse do të vdiste.
“Momenti më i vështirë ka qenë kur unë e kam patur vajzën në gji ditën, kur jam nisur në Tiranë nuk më lëshoheshe prej gjirit dhe nisi të qante”.
“Asaj ja ndjente zemra. Kaona ishte në gjumin më të mirë dhe më pyeti “mami a do vdesësh” nëpër gjumë. Këto gjëra më kanë mërzitur dhe më kanë tronditur. Por mjeku ma bëri më të lehtë. Kur vajta në dhomën e operimit ishte e vështirë sepse nuk e dija a do shpëtoja a jo”, – tha aktorja.
Adriana Matoshi ishte edhe një person tjetër që do operoheshe njësoj si unë.
I thashë nëse hyjmë të dy në këtë operacion ose do çohemi bashkë në këtë botë ose do çohemi bashkë në botën tjetër mos më lër vetëm.
“Pasi u zgjova e falenderova Zotin, pata dhimbje të tmerrshme por nuk ma ka ndjerë sepse e kam ditur që do i shikoja fëmijët e mi”.
“Gjatë shtatzënisë më ka humbur shikimi në njërin sy për shkak të sëmundjes. Unë nuk ja mbaja mend fytyrën vajzës së vogël dhe ajo ishte arsyeja e vetme që të merrja veten dhe të shkoja në shtëpi që t’ja shihja fytyrën”, – u shpreh aktorja Adriana Matoshi, në rrëfimin e saj prekës.
Këngëtarja e njohur Miriam Cani duket se po shijon periudhën më të mirë në jetë, në praninë e dy fëmijëve të saj, Ameli dhe Duam si dhe bashkëshortit Alban Skënderaj.
Këtë vjeshtë, Miriami ka realizuar një set fotografish me të birin, ndër më të adhurueshmit që mund të dëshiroj një nënë.
Deri më tani fotografitë dhe momentet e publikuara kanë në fokus vetëm Miriamin dhe Duamin, teksa askund nuk shihet Ameli apo Albani.
Një kujtim nënë e bir vetëm për ata dy, i cili po qarkullon këto ditë në rrjetet sociale.
Në fotogaleri iu sjellim disa nga momentet e ndara nga këngëtarja.
Alban Skënderaj dhe Miriam Cani, janë prindër të vajzës 5-vjeçare Ameli dhe të djalit të vogël Duam, i ardhur në jetë në muajin janar. /noa.al
Jurgen Pecnikaj, 25-vjeçari me origjinë nga Tropoja është një djalë shumë i talentuar në muzikë. Jurgeni jeton në Gjermani dhe puna që bën nuk ka lidhje me muzikën, megjithatë ai e sheh këtë si një mundësi për t’u integruar dhe për t’i krijuar vetes rrugë të reja në muzikë.
“Për momentin kam bërë dokumentet me një firmë pastrime, ajo më ndihmoi për të bërë dokumentet gjermane, atje do të rri për ca kohë dhe do shoh ku ka më mirë, është një vend që të jep shumë mundësi për çdo gjë”, shprehet Jurgeni përmes skype-it në emisionin “Rrugëtim me Anilën”.
Edhe pse ka studiuar 10 vite në liceun artistik për violinë dhe piano ajo që e bëri të njohur ishte çiftelia.
“Kam studiuar në lice 10 vite violinë dhe piano ishte vendimi im që jam shkëputur nga shkolla e muzikës, nuk jam penduar edhe këtu i shikoj mundësitë për tu marrë me muzikë në 10 tetor kam një show me çifteli këtu afër qytetit të Këlnit në Gjermani, mundësitë janë tepër të mëdha jo vetëm këtu por edhe në Zvicër, Itali Francë kudo që ka shqiptar mund të bësh show”, shprehet Jurgeni.
Prej vitesh ai risjell në versionet origjinale të hitet shqiptare dhe botërore. Ai i ripërpunon këngët me ritme shqiptare. Ishte Bebe Rexha e cila e nisi ditën duke luajtur “Say my name” të Jurgenit.
“Të vlerësohesh nga këngëtarët të bën të ndihesh mirë dhe më bën të vazhdoj akoma më shumë , sidomos kur të mbështet Bebe Rexha një artiste aq e madhe më bën që t’i kushtoj më shumë rëndësi instrumentit tonë çiftelisë”,-shprehet Jurgeni.
Të shumtë janë artistët shqiptarë që kanë shpërndarë versionet me çifteli të 25 vjeçarit, si Capital T, Ylli Limani, Ardian Bujupi dhe rreth një vit më parë ishte Daddy Yankke ai që postoi në instagramin e tij hitin me çifteli “Con Calma”.
Emrat e njohur dhe hite muzikore është kjo strategjia e Jurgenit për të fituar popullaritet në kohërat virtuale që po jetojmë.
“Fillimisht nuk kam synim të jem vetë i famshëm, ideja është që ta promovoj çiftelinë sa më shumë ta dëgjojnë të rinjtë sa më shumë pasi rinia sot nuk po dëgjon më muzikë me instrumente folklorikë m’u desh të mendoja çfarë të bëja për rininë thashë do bëj remikse do i sjell me këngë rrep deep house lloj lloj rrymash.
Po mendoj t’i futem seriozisht jo vetëm remikseve por edhe dua të krijoj muzikën time. Kushtet nuk i kam këtu në Berlin. Falenderoj shumë News 24 për këtë ftesë”,-përfundon Jurgen Pecnikaj intervistën për “Rrugëtim me Anilën”.
Disa ditë më parë shkaktoi jo pak reagim deklarata e ministrit Blendi Klosi.
Ai tha në një studio televizive se muzika nuk lejohet aktualisht në bare e restorante pasi valët e saj përçojnë COVID-19. Këtë deklaratë këngëtarja Xheisara e cilësoi si pa sens dhe absurde. Ajo tha në “Ftesë në 5” se është në prag falimenti, ndërsa shtoi se do ta pyeste ministrin se, “ku e merr mallin”.
“Ne jemi të falimentuar sepse po bëjmë tetë muaj. Unë do e pyesja pak ministrin, këto koncertet e tjera që zhvillohen lart e poshtë nuk ka tinguj atje. Nuk ka sens fare, më duket absurde. Nuk ia kam idenë për atë që thotë ministri. Do të thosha diçka por jam live dhe s’po e them. Do e pyesja ku e merr…”, tha këngëtarja.
Olti Curri ka befasuar me mendimet e tij për Rozana Radin dhe Ilda Bejlerin. Sidoemos për Rozana Radin, qëndrimin ndaj së cilës e ka zbutur, duke ia atribuar “sëmundjen mendore” edhe vetes.
Nga emisioni “Maskat” ku iu dha një dënim për të treguar dy anët pozitive dhe negative të këngëtares dhe moderatores, blogeri e konsideroi Rozana Radin “një të sëmurë mendore si vetë ai”, ndërsa për moderatoren Ilda Bejleri u shpreh se “është nevrike dhe se bashkë zihen për persona të tretë”.
Fillimisht ai dha mendimin e për Ilda Bejlerin.
“Ka shumë humor dhe është shumë e bukur live. Duke punuar në shoëbizz kemi zhgënjimin se nuk duken si në ekran. Por Ilda është shumë e këndshme. Është shumë nevrike dhe sa herë kemi pasur debate bashkë i kemi pasur për persona të tretë dhe jo për njëri-tjetrin, jemi pajtuar dje,”– tha Olti Curri.
Për Rozana Radin u shpreh: “Është njëlloj si unë e sëmurë nga mendtë. Është e nxituar, shpeshherë është e nxituar edhe kur bën mirë, edhe kur bën keq, këtë e ka të keqe për mendimin tim. Merr shumë zjarr. E mira e saj është që nuk i harron miqtë kurrë, ka një super ndjeshmëri. Edhe nëse takohesh vonë me Rozin raporti fillon aty ku e ke lënë dhe e dyta është që i do shumë kafshët. I vlerësoj shumë njerëzit që i duan kafshët dhe i mbajnë”, – tha Olti Curri.
As Ilda Bejleri dhe as Rozana Radi nuk kanë reaguar deri tani lidhur me mendimin e tij, për ta.
Ditën e sotme, vëllai i aktorit Julian Deda, muzikanti Mario Deda, feston ditëlindjen.
Në këtë ditë të shënuar për vëllanë e tij, Juli i ka bërë një urim të gjetur, teksa ndan një fotografi nga një video-telefonatë e tyre.
Ai e quan të vëllanë artist, punëtor, ndërsa i bën edhe një kritikë, duke i kujtuar që ti shkurtojë telefonatat e gjata.
“Vëlla, me që ke ditëlindjen sot, po të them diçka. Të du fort, je artist, je punëtor, je i thjesht, je familjar por ke një problem të vogël, çdo telefonatë e jotja zgjat mbi 53 minuta, është shumë o vlla. Fillo shkurtoji pak se u rrite tashti. U bëfsh 100 vjeç Maestro Deda, bashkë me familjen tënde të mrekullueshme. Love you Bro…!”, shkruan Juli. /noa.al
