ShowBiz

Elton Ilirjani është një ndër personazhet publik më të komentuar, pasi ka pranuar hapur prirjet e tij seksuale.
Në një lidhje me Skype nga SHBA për emisionin “Abc-ja e mëngjesit”, biznesmeni reagoi ndaj akuzave dhe komenteve negative të qytetarëve lidhur me disa foto provokative. që ka publikuar në rrjete sociale.
“Ngacmimin e bëra qëllimisht se ka një përqindje shumë të lartë të komunistëve të heshtur dhe që flasin”, – tha ai. – “E bëra me qëllimin se Shqipëria nuk reagoi si Rumania, dhe e veja e diktatorit vdiq si një zonjë në mes të Tiranës”.
“Reagimi im erdhi për t’i thënë shoqërisë shqiptare të shkëputet nga njeriu i ndërtuar në komunizëm”.
Biznesmeni “gay” tha se sot politikanët janë të gjithë pasardhës të tyre, “ose janë fëmijë të Bllokut, ose kushërinjtë të Bllokut dhe njerëz të ardhur nga Partia e Punës, një vazhdim i komunizmit i tmerrshëm dhe ti nuk guxon të thuash një fjalë dhe aq më tepër të hedhësh një foto”.

“Shqiptarët nuk kanë mirëqenie dhe kur vjen puna kur iu shajnë liderët bëhen keq”, – u shpreh ai.

“Shqiptarët e duan Enverin. Po të shikosh komentet që bëjnë, vetëm 1 përqind sjellin besimin fetar si problem, ndërkohë të gjithë thonë “Çohu Enver”. Po të ishte gjallë Enveri do të vinte të bënte dashuri me mua, kështu që shqiptarët të qetësohen se nuk janë gjërat ashtu siç duken “, – tha Ilirjani, duke provokuar kësisoj si nostalgjikët e komunizmit, ashtu edhe anti-komunistët.

/NOA.al

Para dy ditësh, moderatorja e dashur për publikun Arbana Osmani solli në jetë djalin e saj të dytë të quajtur Diell.

Lajmin e bëri publik, partneri i saj Eduard Grishaj, i cili publikoi një foto në rrjete sociale ku shfaqej me vogëlushin e sapoardhur në jetë.
Pas këtij lajmi, shumë urime vërshuan në llogarinë e Arbanës, por nuk munguan as dhuratat.

Pak më parë Arbana ka postuar një foto në Instagram, ku tregon një byzylyk me diell, të cilin siç duket ia ka bërë dhuratë mikesha e saj e ngushtë Xhemi Shehu.

21 tetori është një ditë e veçantë për këngëtarin e muzikës popullore Bujar Qamilin, pasi është ditëlindja e tij.

Ai sot feston 57-vjetorin e lindjes.

Muzika e kënduar nga “bilbili” shkodran është një nga më të preferuarat për publikun dhe daljet e tij në skenë priten tërë kërshëri.

Ndërkohë këngëtari është pjesë integrale e dasmave të të rinjve shqiptar, të cilët gjithnjë e më shumë zgjedhin atë në ditën e tyre të veçantë. Gjithashtu kujtojmë që projekti i fundit i sjellë nga këngëtari është “Goca gjithë lezet”.

Pak ditë më parë qarkulloi një lajm se krisja e marrëdhënieve me Luana Vjollcën detyroi aktorin Rezart Veleshnja të largohet nga programi “Shiko kush luan”.

Por aktori ka reaguar vetë duke sqaruar se përse vendosi që të braktisë spektaklin.

Ai tregon se arsyeja që u largua ishte koha, sepse ishte shumë i zënë.

Në një postim tjetër, Rezi ka publikuar një portret të Luanës duke treguar se mes tyre gjërat shkojnë shumë mirë. /noa.al/

Moderatorja e njohur Arbana Osmani sot u bë nënë për herë të dytë.

Ajo dhe bashkëshorti i saj Eduarti janë bekuar me një djalë të cilin e pagëzuan me emrin Diell.

Ishte Eduarti ai që publikoi sot një foto të ëmbël me djalin në duar, teksa dha dhe lajmin e gëzueshëm. “Lindi Dielli”, shkruajti ai, ndërsa Arbana në foton e doçkave të vogla shkruan: Një Diell i vogël na shndriti sot. Faleminderit për të gjitha bekimet tuaja, Ju dua!

Urimet për çiftin kanë qenë të shumta në komente dhe mesazhe private.