ShowBiz

Kejvina Kthella u bë pjesë e “Big Brother” për t’u rikthyer në ekranet shqiptare. Modelja, kishte treguar dëshirën për të qenë imazh televiziv, duke provuar këtë eksperiencë si portën e parë.

Por, jo gjithçka shkoi si duhej. Shkak për këtë u bë sherri fizik me Luizin që e penalizoi modelen, e cila u përjashtua nga loja. Që atëherë, modelja nuk është shfaqur në dalje televizive, duke u shkëputur kështu nga bota e televizionit dhe ekranit. Madje, menjëherë pas eliminimit ajo u zhduk edhe nga rrjetet sociale, për t’u rikthyer përsëri me një paqe virtuale me Luizin.

E pas kësaj eksperience aspak të lehtë që modelja kaloi, ajo ka njoftuar vendimin e papritur. Në një njoftim në “InstaStory”, ajo tregon se ka hequr dorë nga mediat shqiptare, pasi synimi i saj tashmë janë të huajat. Madje, ajo tregon se publiku do ta shikojë me projekte të reja nga një tjetër cep i botës, por s’dimë nga ku.

“Përshëndetje, miq! Duke falënderuar të gjithë gazetarët, autorët dhe moderatorët, dua t’ju njoftoj publikisht, siç edhe ua kam komunikuar privatisht: Kam hequr dorë nga mediat shqiptare. Kjo për zgjedhje profesionale dhe personale. Faleminderit çdo personi që punon në media dhe në çdo dalje timen më ka trajtuar me dashuri. Ndërsa me ju publik bashkë do shihemi por nga një cep tjetër i botës”, shkroi Kejvina.

E duket se modelja do të shijojë pushimet e më pas do të provojë famën në SHBA, ku edhe më herët ka qenë. Në rrjetet e saj sociale është zhdukur totalisht eksperienca e “Big Brother”, duke u fokusuar vetëm te setet fotografike profesionale.

Por para ikjes, Kejvina i ka dhënë fund raportit me Luizin. Kjo është vënë re se Kejvina e ka hequr nga lista e ndjekësve këngëtarin ndërsa ky i fundit e ka ende “follow” Kejvinën. Këtë herë, konflikti mes tyre është zhvilluar pa shumë bujë, duke sjellë në një shkëputje tjetër të miqësisë.

Nga miqtë e dyshes, bëhet me dije se dy ish-konkurrentët, këtë herë i kanë dhënë fund miqësisë njëherë e mirë dhe shkak është bërë pikërisht Kiara. Qëkur ishte brenda në shtëpi, Kejvina nuk i kurseu deklaratat për Kiarën, çfarë ka bërë që jashtë Luizi të ndikohet nga bashkëshortja e tij dhe të distancohet njëherë e mirë nga Kejvina.

Kjo ka bërë që ti vijë fundi raportit që sapo kishte rivendosur me Kejvinën. Kujtojmë se disa javë më parë fituesi i “BBVIP” foli për Kejvinën në një intervistë ku u shpreh se çfarë ka ndodhur në shtëpinë e famshme ka mbetur aty dhe tashmë njerëzit duhet ta duan për atë që është jashtë.

“Që kur kam dalë prej ‘Big Brother’ nuk kam folur me asnjërin prej tyre. Më ka shkruar edhe Kejvina. Unë e kam thënë, në momentin që unë fik dritat dhe mbyll derën e asaj shtëpie, kam lanë çdo gjë aty. Nëse doni të më vlerësoni për Luizin që jam jashtë, ja ku më keni”, u shpreh asokohe këngëtari.

Modelja seksi u kthye në fansen më të zjarrtë të Luizit, madje shpeshherë duke sulmuar edhe Kiarën. Kejvina Kthella ka analizuar sherrin mes Efit dhe Kiarës e Luiz, të cilët nga miq duket se po kthehen në kundërshtarë të fortë. Ish-velina, e cila u përjashtua nga BBV pasi gjuajti me shpullë Luizin, tha se Kiara ka xhelozi ndaj Efit, sepse doli lojtare më e zgjuar. Ndërsa theksoi se fama po shkatërron Kiarën, ndërsa kjo e fundit të dashurin e saj.

Megjithatë, e gjitha kjo histori i përket të shkuarës, ndaj tashmë modelen seksi do ta shikojmë edhe më rrallë në vendin tonë, pasi hoqi dorë nga dëshira për të qenë pjesë e ekranit.

Këngëtarja e njohur shqiptare, Beatrix Ramosaj, festoi dje ditëlindjen e saj të 29-ë.

Trixa i ka bërë një urim të veçantë vetes në Instagram. Këngëtarja ka publikuar një foto të bukur, e veshur me fustan të kuq dhe tortën e ditëlidnjes në dorë. Krahas fotos ajo shkruan: Vetja ime je njeriu me QR që njoh! Të dua”

Gjithashtu këngëtraja ka marrë unjë dedikim të ëmbël edhe nga vëllai i saj, Albana Ramosaj.

“Është ditëlindja e ëngjëllit të familjes sonë. Edhe pse je në gjumë se flen me pulat dhe spo sheh asnjë postim. Të dua shumë. Nesër do kemi një super ditë bashkë”, ka shkruar vëllai i saj në rrjete sociale.

Dedikimi i nënës së këngëtares në këtë 29-vjetor.

“Sot jam absolutisht e lumtur, sepse shoh që kam rritur një vajzë të mrekullueshme. Ditëlindja jote është një rast i mrekullueshëm për t’ju thënë te gjitheve se jam krenare për ty shumeee. Ndonjëherë madje ju lejoj të mburreni para të njohurve tuaj për arritjet dhe sukseset tuaja.

Më falni këtë dobësi të pafajshme të nënës. Shpresoj që suksesi jot në profesion dhe në jetën tende personale të mos jetë shkak për zilinë e njerëzve, por të bëhet vetëm një shembull për t’u ndjekur. Falenderoj Zotin qe te kam ty.Te uroj nga shpirti Gezuar Ditelindjen drita ime.”/albeu.com/

Sfidë e fortë për Kiarën. Sezoni veror pritet të jetë përvëlues në ekranet shqiptare. Ashtu si tashmë është bërë me dije, Luana Vjollca do të moderojë “Love Island” një format “reality” që ka brenda pasion dhe shumë flirte.

Faqja zyrtare e programit ka publikuar rregullat kryesore, që duket se do ta nxehin situatën që në fillim! Çiftet flenë në të njëjtin krevat që në natën e parë. Konsumimi i alkoolit është i limituar.

“Ishullorët” nuk lejohet ta dinë se sa është ora. Janë 24 orë nën monitorimin e kamerave. Dhe mbi të gjitha pritet të ndodhi shumë puthje.

Siç është bërë me dije më herët, konkurrentët do të izolohen në një prej vilave në jug të Shqipërisë.

Nga ana tjetër, Kiara Tito do të moderojë “Kepi i Tundimeve”, ku këtë vit do të zhvillohet në Turqi dhe ka shumë personazhe të njohur të “showbizz”-it.

Këtë verë do të ketë pjesëmarrës personazhe të njohur si Jori Delli, Ronaldo Sharka, Mevlan Shaba, Keisi Medini, e shumë të tjerë do të jenë përballë njëri-tjetrit, në sfidë për t’i rezistuar tundimit, në këmbim të një shpërblimi të majmë.

Natyrisht që nëse keni parasysh format e tilla ndërkombëtare, me gjasa skenat erotike do të jenë ato çfarë do të shohim përgjatë këtij sezoni, që këtë herë premton shumë.

I gjithë interesi do të jetë për personazhet VIP që pritet të jenë në këto formate, për ti parë ato në flirte, apo pse jo në shtrat.

Luiz Ejlli, fituesi i Big Brother Vip 2 pas përfundimit të spektaklit vendosi që të ndjekë karrierën e tij si këngëtar.

Pas 2 projekteve të publikuara menjëherë sapo dol inga shtëpia, Luizi u nis drejt Amerikës ku mbajti dhe koncertin e tij të parë.

Dsiç duket nga videot e publikuara nga vetë këngëtari, mijëra shqiptarë që jetojnë në Amerikë janë mbledhur për ta ndjekur nga afër.

“Faleminderit për këtë super natë Amerikë”, shkruan Luizi krahas videos së postuar në instagramin e tij.

Aktori i humorit Agron Llakaj ka ndarë ditën e djeshme lajmin e trishtë për humbjen e babait të tij.

Goni humbi të atin në ditëlindjen e tij të 88-të. Publiku i tij është mësuar t’i dhurojë gjithmonë të qeshura, por ditën e djeshme postimi i aktori i ka prekur të gjithë.
“U pamë sot në mëngjes dhe nuk mendova se po të puthja e përqafoja për herë të fundit”, shkruajti ndër të tjera aktori.

Agron Llakaj ka folur edhe më herët për babain e tij dhe madje ka treguar se roli i tij shumë i pëlqyer ndër vite, xha Tema është pikërisht frymëzim nga i ati.

“Personazhi i xha Temës është në fakt gjyshi im. Ndërsa mënyra e të folurës dhe narrative që përdor te ai rol ja kam marrë babait tim. Babi im është artist në thelb, nuk mërzit kurr asnjeri, do vetëm të dhurojë të qeshur”, u shpreh Llakaj.

Jori Delli, e njohur për publikun shqiptar u bë gjatë eksperiencës së saj në “Big Brother Albania”, pasi eksperiencën si modele ajo e kishte zhvilluar në Itali vendin edhe ku u rrit. Gjatë qëndrimit në shtëpinë më të famshme në Shqipëri, Jori bëri për vete shqiptarët si një vajzë e çiltër, simpatike dhe me forma seksi.

Së fundmi, ajo ndodhet në një resort në Bodrum të Turqisë ku po xhirohet dhe programi “Kepi i VIP-ave” ku Jori do të jetë pjesë.

E nga vendi i bregdetit, nuk mund të na mungonin disa foto të Jorit me bikini, të cilat i ka publikuar në profilin në Instagram. Ajo ka pozuar me një palë bikini ngjyrë leopardi, ku në pah vihet gjoksi i saj.

Krahas fotove, Jori ka vendosur vetëm një emoji engjëlli, teksa për më shumë ka lënë vetë fotot të flasin, të cilat kanë mijëra pëlqime dhe komente pozitive.

Fituesi i edicionit të dytë të “Big Brother VIP”, Luiz Ejlli, do marrë pjesë si opinionist në puntatën e sotme të “Për’puthen” në Top Channel.

Në një video të publikuar, këngëtari i dashur për publikun shihet duke biseduar me grimieren dhe shprehet se sot do bëhet nami në emision.

“Unë erdha të pi kafen, të fusin opinionist në “Për’puthen”. Ja futem unë direkt. Këta nuk e dinë se çfarë i kanë bërë vetes! Kur të thotë Bora Luiz ti ke patur një përshtypje shumë të keqe për “Për’puthen”.

E kam pasur dhe e kam. E kam pasur, ç’është kjo e kam pasur?! Aa çdo bëhet sot në “Për’puthen” nami! Ishte Olsa aty jashtë, i thashë a të vij në “Për’puthen”, kot duke qeshur. Ç’pata unë isha mirë!”, u shpreh Luizi.

Sot pritet që të jetë një puntatë mjaft interesante në programin e dashurisë “Për’puthen”, ku të gjithë janë kuriozë se çfarë do thotë Luizi para konkurrentëve.

Dihet se brenda shtëpisë së “Big Brother”, gjatë një debati me Efi Dhedhes, Luizi e ka kritikuar këtë emision, ku u shpreh se nuk do lejonte që motra e tij të futej në një emision të tillë.

Pas daljes së tij nga “Big Brother”, ai ka shpjeguar deklaratën e tij dhe është shprehur se e ka thënë në kuadër të lojës dhe se është penduar më pas.

“Social Top 5”, një rubrikë e emisionit “Live From Tirana” që sjell vëmendjen te personazhet e famshëm, qofshin ata shqiptarë apo të huaj.

Teksa të gjithë jemi gjithë sy e veshë se çfarë postojnë yjet në rrjete sociale, kjo ndikon dhe tek numri i tyre i ndjekësve në “Instagram”.
Por cilët janë ish-banorët e shtëpisë së “Big Brother VIP” që kanë spikatur në “Instagram” këtë javë? Me disa ndryshime të vogla nga java e kaluar, këta janë personat që kanë fituar më shumë ndjekës gjatë kësaj jave:

10. Kristi Aliajn e kemi parë këto kohë të angazhuar në televizion, duke qenë si pjesë e jurisë në “She’s on top”. Ai këtë javë ka humbur 2 mijë ndjekës.
9. Po ashtu me humbje ka rezultuar dhe Armaldo Kllogjeri, duke rënë me 1 mijë ndjekës. Nga 125 mijë, tani ai ka 124 mijë ndjekës.

8. Olta Gixhari ka qenë një nga personazhet më të komentuara komentuara në BBV. Së fundmi po përflitet dhe për një film që do bëjë së bashku me Luiz Ejllin. Këtë javë ajo ka shtuar 1 mijë fansa në “Instagram”.

7. Nga ana tjetër, Keisi Medini ka qenë e ftuar në “Live From Tirana” ku ka folur më shumë mbi marrëdhënien e saj me Kristin, Lorencin, këngën e re, por dhe shumë të tjera. Ajo ka shtuar 2 mijë ndjekës në “Instagram”.

6. Në vend të gjashtë renditet Dea Mishel, të cilën e shohim çdo të diel krah Kristit në jurinë e “She’s on top”. Po ashtu si Keisi edhe ajo ka shtuar 2 mijë ndjekës në “Instagram”.

5. Jori Delli është një nga konkurrentet e “Kepit të Tundimeve” që ka nisur tashmë xhirimet. Këtë javë ajo ka shtuar 3 mijë ndjekës.

4. Elvis Pupa gjithashtu si Jori ka shtuar 3 mijë ndjekës, nga 243 mijë ka shkuar në 246 mijë fansa në “Instagram”.

3. Me po 3 mijë ndjekës të shtuar është dhe Kiara Tito. Së fundmi ajo ka udhëtuar drejt Turqisë për xhirimet e emisionit “Kepi i Tundimeve”, ku dhe është publikuar një video nga Bodrumi, ku Kiara ka thënë se po vjen diçka shumë e madhe që publikut do i pëlqejë shumë.

2. Po ashtu si javën e kaluar, në vend të dytë renditet Luiz Ejlli me 4 mijë ndjekës më shumë nga java e kaluar. Ai ka publikuar projektin e tij më të ri që titullohet “Përjetësisht” dhe u kthye menjëherë në një sukses të padiskutueshëm.

1. Vendin e parë për këtë javë e rrëmben Ronaldo Sharka me 5 mijë ndjekës më shumë për këtë javë. Gjithashtu dhe ai si Jori Delli është në Turqi ku po xhirohet “Kepi i Tundimeve”.