Shendetesi

Mjeku Kalo: Hapja e domosdoshme, zbatimi i këshillave të mjekëve kyç për fitoren ndaj COVID-19

Opinione, Shendetesi / /

Mjeku infeksionist, Tritan Kalo kërkon që qytetarët të zbatojnë këshillat e mjekëve, pasi vetëm kështu do fitohet beteja ndaj COVID-19.

Duke përshkuar ditën e 100 të përballjes së mjekëve në vijën e parë të frontit me koronavirusin, Kalo thekson se rihapja e jetës është shumë e rëndësishme, por shton rrezikun e kontaktit me personat e infektuar.

“Dita e 100-të e Punës në vijimësi, fillimisht asaj përgatitore dhe pas 8 Marsit 2020, ditës së konfirmimit zyrtar të 3 rasteve të para, në përballjen direkte me të sëmurët e hospitalizuar me Sars-Cov2/Covid-19….100 ditë të pashkëputura nga njëra tjetra prej pauzave fundjavore…..Pas kontaktit që herët në mëngjes me të sëmurët vijon dita me një bisedë në sheshin para Urgjencës së Shërbimit Infektiv/ Covid-1 me kolegët, kuptohet duke respektuar distancimin fizik…Puna në grup është kyçi i artë i suksesit në situata të tilla dhe jo vetëm…..Punonjësit e Rendit janë aty 24 orë rresht, që nga dita e parë dhe ata kurdoherë përkujdesen, për ruajtjen e rregullave të karantinimit të këtij objekti”,- u shpreh Kalo

Sipas tij, kënaqësinë ditës ia shtoi dalja e Besnikut dhe rikthimi i tij në Shkodrën-loce.

“Pacient shembullor në durimin dhe forcën e tij në përballjen jo pak sfiduese me këtë sëmundje, si dhe mjaft fisnik në mirënjohjen e shprehur ndaj përkujdesit tonë”, u shpreh mjeku.

Apeli i tij shkon për qytetarët.

“Hapja e domosdoshme dhe graduale e vendit, rigjallëron si mendjet edhe energjitë tuaja fizike, i jep oksigjenim ekonomisë, ul papunësinë si dhe përmirëson gjendjen financiare të gjithkujt, por kjo hapje shton edhe rrezikun e kontaktit me personat ende të infektuar asimptomatik me Sars-Cov2/Covid-19….Kujdes dhe vetëm Kujdes…Vijoni të respektoni veten dhe ata që gjallërojnë rreth jush….”,- vijoi ai.

“Zbatoni pa asnjë hezitim këshillat tona….Jeta do vijojë por në kushtet kur jo gjithçka mundet të jetë si më parë…..Ju lutem….Mos u shqetsoni apo brengosuni aspak për faktin se vëreni në TV, shtypin e shkruar apo në rrjetet shoqërore dukurinë se: MirëË që Covid-19 po “ngordh” pak-nga pak, por ç’dreqin kanë këta gjithollogët analistë, që nuk po na lënë rehat. Me mirëkuptim dhe me mirëbesim reciprok, ne me siguri do ia dalim të fitojmë ndaj sfidës COVID-19!!!”,- përfundoi Kalo. /atsh

Mjeku Kalo: Hapja e domosdoshme, zbatimi i këshillave të mjekëve kyç për fitoren ndaj COVID-19 Read More »

Ministria e Shëndetësisë: 12 raste të reja me COVID-19, 75% e të prekurve janë shëruar

Lajmi i fundit, Shendetesi / /

Ministria e Shëndetësisë dhe Mbrojtjes Sociale ka informuar se brenda 24 orëve të fundit janë identifikuar 12 raste të reja me COVID-19.

Gentiana Qirjako, eksperte pranë Institutit të Shëndetit Publik u shpreh se “situata epidemiologjike në vend paraqitet e qëndrueshme mbështetur në identifikimin e rasteve të deritanishme dhe gjurmimin epidemiologjik në mënyrë aktive”.

“Në 24 orët të fundit janë testuar 170 qytetarë të dyshuar si të prekur me COVID-19 dhe kanë rezultuar pozitivë 12 qytetarë, kontakte të rasteve të mëparshme.
Shpërndarja e të prekurve me COVID-19 është si vijon: 8 raste në Tiranë, 2 në Kamëz, 1 në Krujë dhe 1 në Fier. Të shëruar janë 23 qytetarë”, tha ajo.

Gjatë ditëve të fundit kemi një përmirësim të situatës edhe në spitale. Aktualisht në dy spitalet COVID, në spitalin infektiv dhe spitalin “Shefqet Ndroqi”, janë të shtruar 29 pacientë dhe vetëm 4 prej tyre janë në terapi intensive, dhe prej më shumë se 10 ditësh nuk kemi asnjë humbje jete.

Që nga fillimi i epidemisë deri më sot janë konfirmuar pozitivë me COVID-19 në të gjithë vendin 868 qytetarë. Prej tyre 650 qytetarë ose rreth 75% janë shëruar. Në të gjithë vendin aktualisht janë 187 persona aktivë me COVID-19, kryesisht ne Tiranë, Krujë, Shkodër, Kamëz.

Me pak se 15% e te prekurve aktivë po marrin trajtim në spitalet Covid, pjesa tjetër ndiqet nga mjeku i familjes.

Ministria e Shëndetësisë ka sqaruar se “siç jeni në dijeni nga dita e hënë, 11 maj do të ketë një tjetër lehtësim masash. Nga nesër shtohen si zona të gjelbra bashkitë: Lushnjë, Patos, Roskovec, Korçë, Has, Kukës, Lezhë, Mirditë, Fushë-Arrëz, Malësi e Madhe, Pukë, Vau Dejës, Kavajë dhe Vorë, me të njëjtat rregulla.

Në këto zona lejohet qarkullimi ndërqytetas brenda zonave të gjelbra me automjet privat, duke lejuar udhëtimin e më shumë se dy personave të së njëjtës familje, deri në orën 21:00.

Po kështu, lejohen të ushtrojnë veprimtarinë sipas protokolleve strikte të sigurisë, klinikat dentare, parukeritë, berber dhe dyqanet në qendrat tregtare”.

Me tej, duke filluar nga data 11 maj të gjithë të riatdhesuarit do të vetëkarantinohen në banesë.

Pavarësisht lehtësimit të masave, Ministria e Shëndetësisë dhe Mbrojtjes Sociale i fton qytetarët të respektojnë rregullat, të ruajnë distancimin fizik dhe higjienën personale; bizneset të zbatojnë protokollet e sigurisë për të ruajtur shëndetin e qytetarëve.

Qytetarët duhet të jenë të kujdesshëm të mos neglizhojnë shenjat e sëmundjes COVID-19, ndaj ju lutemi telefoni në numrin unik të Urgjencës Kombëtare, 127.

Për informacion në lidhje me COVID-19, për këshillim psikologjik në rast të shfaqjes së shenjave të ankthit apo shqetësime të tjera, ju lutemi, telefononi në linjën e gjelbër 0800 40-40.

COVID-19 – Statistika (10 Maj 2020)
Teste të kryera 10438
Raste pozitive 868
Raste të shëruara 650
Raste Aktive 187
Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:
Tiranë 87
Krujë 58
Shkodër 16
Kamëz 11
Fier 5
Kurbin 3
Elbasan 3
Mirditë 1
Berat 1
Durrës 1
Korçë 1/atsh

Ministria e Shëndetësisë: 12 raste të reja me COVID-19, 75% e të prekurve janë shëruar Read More »

Grupi i dytë me 60 infermierë shqiptarë përfundon me sukses misionin në Itali

Aktualitet, Lajmi i fundit, Shendetesi / /

Ka përfunduar me sukses misioni i grupit të dytë të 60 infermierëve që shërbyen në ndihmë të popullit mik italian.

Ministrja e Shëndetësisë dhe Mbrojtjes Sociale, Ogerta Manastirliu u shpreh sot krenare për misionin e infermierëve shqiptarë në Itali.

“Infermierët tanë janë kthyer shëndosh e mirë në Shqipëri, pas misionit humanitar në spitalet COVID në zonën e Marche në Itali”, tha ajo.

Ky ishte grupi i dytë, pas 30 mjekëve dhe infermierëve që u rikthyen pak ditë më parë pas një muaji në vendin fqinj. Grupi i dytë që u rikthye sot u pritën në aeroportin e Rinasit nga zv. ministrja e Shëndetësisë, Mira Rakacolli. /atsh

Grupi i dytë me 60 infermierë shqiptarë përfundon me sukses misionin në Itali Read More »

Rastet e para me COVID-19 në Shqipëri/ Mjeku Kalo: Mijëra të prekur nga gripi që nga mesi i dhjetorit, grafitë asnjë lidhje me koronavirusin

Aktualitet, Opinione, Shendetesi / /

Mjeku i njohur infeksionist Tritan Kalo, i cili trajton pacientët e prekur nga COVID-19, u shpreh sot se ka pasur mijëra e mijëra raste të gripit A (H1N1) në Shqipëri, gjatë periudhës së mesit të dhjetorit 2019 dhe në fund të shkurtit 2020, por grafitë e këtyre rasteve nuk kanë lidhje me ato të pacientëve të prekur nga koronavirusi. Ai hedh poshtë zërat që koronavirusi ka qarkulluar në Shqipëri përpara identifikimit të pacientit zero më 9 mars.

“Imazhet e mëposhtme të GG nuk kanë asnjë lidhje me Sars-Cov2 / Cov2 / Cov2, por ato duken të njëjta dhe i përkasin disa prej sëmundjeve vijuese, kryesisht gripi A (H1N1): Karcinoma bronko-alveolare, Limfoma intravaskulare e qelizës B të gjerë pulmonare, Edemë pulmonare, Hemorragji difuze alveolare, Fibrozë pulmonare, Pneumonia organizative kriptogjene, Sarkoidoza, Granulomatoza limfomatike”, shprehet Kalo, duke sjellë foto të grafive.

“Kemi pasur mijëra e mijëra raste të gripit A (H1N1) në Shqipëri, gjatë periudhës së mesit të dhjetorit 2019 dhe në fund të shkurtit 2020 . Dikush ka studiuar ndryshimet të diagnozës të secilës prej sëmundjeve të përmendura më lart, përfshirë edhe gripin A (H1N1), përpara se në Shtetet e Bashkuara të administronin një përgjigje pozitive për Sars-Cov2 / Cov2 / Cov2, edhe para se të dini rezultatet e PCR ???”, pyet Kalo duke vijuar se ka nevojë për një përgjigje shumë të thjeshtë, po ose jo.

“Ne jemi mjekë dhe shëndeti i popullit shqiptar duhet të na udhëzojë në çdo kohë. Ne nuk duhet të mendojmë dhe të veprojmë për asnjë arsye, si një vegël në duart e ndonjë prej partive politike shqiptare!”, shprehet Kalo./atsh

Rastet e para me COVID-19 në Shqipëri/ Mjeku Kalo: Mijëra të prekur nga gripi që nga mesi i dhjetorit, grafitë asnjë lidhje me koronavirusin Read More »

Ministria e Shëndetësisë: Në 24 orët e fundit 6 raste të reja, 7 të shëruar

Aktualitet, Lajmi i fundit, Shendetesi / /

Ministria e Shëndetësisë dhe Mbrojtjes Sociale ka informuar se brenda 24 orëve të fundit janë identifikuar 6 raste të reja.

Marjeta Dervishi, eksperte pranë Institutit të Shëndetit Publik u shpreh se “situata epidemiologjike në vend paraqitet e qëndrueshme mbështetur në identifikimin e rasteve të deritanishme dhe gjurmimin epidemiologjik në mënyrë aktive.

Në 24 orët të fundit janë testuar 224 qytetarë të dyshuar si të prekur me COVID-19.

Sot është përqindja më e ulët e pozitivitetit ndaj totalit të testimeve, me vetëm 2.67 %. Në 24 orët e fundit kanë rezultuar pozitivë 6 qytetarë, përkatësisht nga 3 raste në Tiranë dhe Krujë, ndërsa të shëruar janë 7 qytetarë”.

Gjatë ditëve të fundit kemi një përmirësim të situatës edhe në spitale. Aktualisht në dy spitalet COVID, në spitalin infektiv dhe spitalin “Shefqet Ndroqi”, janë të shtruar 29 pacientë dhe vetëm 4 prej tyre janë në terapi intensive, dhe prej më shumë se 10 ditësh nuk kemi asnjë humbje jete.

Që nga fillimi i epidemisë deri më sot janë konfirmuar pozitivë me COVID-19 në të gjithë vendin 856 qytetarë. Prej tyre 627 qytetarë, pra mbi 70% tashmë janë shëruar. Në të gjithë vendin aktualisht janë 198 persona aktivë me COVID-19, kryesisht ne Tiranë, Krujë, Shkodër, Fier, Kamëz.

Me pak se 15% e te prekurve aktivë po marrin trajtim në spitalet Covid, pjesa tjetër ndiqet nga mjeku i familjes.

Siç jeni në dijeni edhe kjo fundjavë si fundjava e shkuar do të ketë të njëjtat rregulla.
Do të lejohen të moshuarit sipas orarit të përcaktuar, si dhe familjet dhe fëmijët deri në 14 vjeç.

Gjatë ditës së shtunë do të ushtrojnë aktivitetin marketet dhe farmacitë deri në orën 17:30 ndërsa të dielën do të jetë të mbyllura.

Ndërsa nga dita e hënë do të ketë një tjetër lehtësim masash. Për këtë arsye Ministria e Shëndetësisë dhe Mbrojtjes Sociale i fton qytetarët të respektojnë rregullat, të ruajnë distancimin fizik dhe higjienën personale. Bizneset të zbatojnë me shumë rigorozitet protokollet e sigurisë për të ruajtur shëndetin e qytetarëve.

Qytetarët duhet të jenë të kujdesshëm të mos neglizhojnë shenjat e sëmundjes COVID-19, ndaj ju lutemi telefoni në numrin unik të Urgjencës Kombëtare, 127.

Për informacion në lidhje me COVID-19, për këshillim psikologjik në rast të shfaqjes së shenjave të ankthit apo shqetësime të tjera, ju lutemi, telefononi në linjën e gjelbër 0800 40-40.

COVID-19 – Statistika (9 Maj 2020)
Teste të kryera 10268
Raste pozitive 856
Raste të shëruara 627
Raste Aktive 198
Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:
Tiranë 95
Krujë 63
Shkodër 17
Kamëz 9
Fier 4
Kurbin 3
Elbasan 3
Mirditë 1
Berat 1
Durrës 1
Korçë 1

Ministria e Shëndetësisë: Në 24 orët e fundit 6 raste të reja, 7 të shëruar Read More »

Margariti: Hapja e institucioneve të artit dhe kulturës, kemi hartuar protokollin si do t’i përshtatemi situatës

Aktualitet, Shendetesi / /

Ministrja e Kulturës, Elva Margarita u shpreh se, në kushtet e masave kundër COVID-19, patjetër që institucioneve të artit dhe kulturës i mungon kontakti me publikun, por po merren masat që shumë shpejt të fillojë aktiviteti në zbatim të plotë të protokolleve të përcaktuara nga Ministria e Shëndetësisë për hapjen graduale.

Gjatë një interviste televizive, Margariti tha se, sot njerëzit po takohen gjithnjë e më shumë virtualisht dhe patjetër dhe kjo po ndodh edhe në fushën e artit dhe të kulturës.

“Të gjitha aktivitetet e institucioneve tona janë munduar të riaktivizohen që nga ato administrative por edhe ato artistike në hapësirën virtuale. Ashtu si aktivitetet artistike kemi pasur opera me pizhama apo teatrin online, kemi pasur ture virtuale të muzeve tona dhe atyre në botë, që janë ndjekur me shumë interes nga publiku”- tha ajo.

Në kushtet e hapjes graduale, shpjegoi ajo, kuptohet që muzetë dhe parqet e kanë më të thjeshtë në krahasim me teatrot, ku njerët duhet të qëndrojë afër me njëri-tjetrin. “Por, në datën 18 maj, që është parashikuar dhe hapja më e gjerë, ditë në të cilën ne kujtojmë Ditën Ndërkombëtare të Muzeve (dhe gjithmonë kemi ftuar vizitorët me hyrjen gratis në muze), për ne është simbolik që duam ta respektojmë edhe në këtë ditë dhe po punojmë për respektimin e të gjitha masave të dezifektimit dhe protokollet e rinj që po hartohen hap pas hapi”, tha Margariti.

Ajo tha se dëmi i shkaktuar nga COVID-19 paraprakisht llogaritet në 29 milionë lekë, ndërsa u shpreh optimiste se sektori i artit dhe kulturës do të ketë një rimëkëmbje me rifillimin e aktiviteteve. “Por do të fokusohemi të çojmë përpara atë që është primare për momentin që është mirëmbajtja e tyre”- tha ajo.

“Jemi në nisje të sezonit turistik, jemi përballë një të panjohure që ështe psikologjike më së shumti kjo edhe për turistët a do të ndihen të lirë për të aksesuar objektet që lidhen me artin dhe kulturën. Për pjesën që lidhen me teatrin, kemi menduar që një pjesë e tyre të zhvillojmë në ambjente të hapura por gjithmonë me masat e reja. Ne kemi hartuar tashmë protokollin tonë si do t’i përshtatemi situatës dhe mendojmë se mund të kemi një ulje të vogël të vizitorëve por mendoj se njerëzit e kanë shumë të nevojshme të rilidhen me artin dhe kulturën pasi kanë treguar interes gjatë kësaj periudhe për aktivitetet virtuale që kemi shfaqur në rrjetet socale. Nëpërmjet rregullave të reja njerëzit do ta rigjejnë hapësirën e kulturës”- tha ajo. /atsh

Margariti: Hapja e institucioneve të artit dhe kulturës, kemi hartuar protokollin si do t’i përshtatemi situatës Read More »

Ministria e Shëndetësisë: Mbi 10 mijë testime, 8 raste të reja, shkon në 850 numri i të prekurve

Lajmi i fundit, Shendetesi / /

Shefja e Epidemiologjisë në ISHP, Eugena Tomini deklaroi sot se situata epidemiologjike në vend paraqitet e qëndrueshme mbështetur në identifikimin e rasteve të deritanishme dhe gjurmimin e thelluar epidemiologjik.

Tomini tha se “në 24 orët të fundit janë testuar 238 qytetarë të dyshuar si të prekur me Covid-19, nga të cilët kanë rezultuar pozitivë 8 qytetarë, të shpërndarë, në Tiranë 3 raste, Krujë 2 raste, Shkodër 1 rast, Fier 1 rast dhe Kamëz 1 rast”.

Gjithashtu, tha ajo, janë kryer 18 testime në personel mjekësor dhe pacientë tek shërbimi i Neurokirurgjisë në QSUT dhe të gjithë të testuarit kanë rezultuar negativë për COVID19.

“Gjatë këtij muaji është trefishuar numri i testimeve. Aktualisht kemi një indikator pozitiviteti nën 5 %, një indikacion shumë i mirë lidhur me kontrollin e virusit”, deklaroi Tomini.

“Që nga fillimi i epidemisë deri më sot janë kryer mbi 10 mijë testime dhe janë konfirmuar pozitivë me COVID-19 në të gjithë vendin 850 qytetarë. 620 qytetarë tashmë janë shëruar. Në të gjithë vendin aktualisht janë 199 persona aktivë me COVID-19”, vijoi ajo.

Momentalisht në dy spitalet COVID, në spitalin infektiv dhe spitalin “Shefqet Ndroqi”, aktualisht janë të shtruar 30 pacientë dhe vetëm 5 prej tyre janë në terapi intensive.

Nga data 27 Prill, ka filluar zbatimi i strategjisë së ri-hapjes dhe lehtësimit të masave për qytetarët dhe bizneset miratuar nga Komiteti Teknik i Ekspertëve, bazuar në tregues të matshëm.

Tomini tha se “lehtësimi i masave do të vijojë nëse do të kemi këtë situatë të qëndrueshme ku përllogaritet mesatarja e rasteve të reja, të shtruarit në spitale dhe pacientët në terapi intensive” .

“Pavarësisht situatës inkurajuese, funksionimi i strategjisë së ri-hapjes dhe e lehtësimit të masave do të varet nga ju. Nëse ju do të tregoheni të përgjegjshëm duke respektuar distancimin fizik, të kombinuar me masat e higjienës respiratore dhe personale, të mos kryeni vizita tek të afërmit për çdo lloj arsye, bizneset të zbatojnë protokollet strikte, ne do të vazhdojmë me lehtësimin gradual të masave sipas strategjisë së miratuar. Nëse keni shenja të sëmundjes COVID-19, ju lutem telefoni në numrin unik të Urgjencës Kombëtare, 127. Për pyetje në lidhje me COVID-19, për këshillim psikologjik në rast të shfaqjes së shenjave të ankthit apo shqetësime të tjera, ju lutemi, telefononi në linjën e gjelbër 0800 40-40”, tha Tomini.

COVID-19 – Statistika (8 Maj 2020)

Teste të kryera 10044

Raste pozitive 850

Raste të shëruara 620

Raste Aktive 199

Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë 93

Krujë 62

Shkodër 17

Kamëz 9

Kurbin 4

Fier 4

Elbasan 3

Mirditë 2

Bera 2

Durrës 1

Korçë 1

Lezhë 1/atsh

Ministria e Shëndetësisë: Mbi 10 mijë testime, 8 raste të reja, shkon në 850 numri i të prekurve Read More »

Hapja e klinikave dentare pas 11 majit, publikohet protokolli i kuq i masave higjieno sanitare COVID-19

Lajmi i fundit, Shendetesi / /

Në kuadër të lehtësimit gradual të masave pas datës 11 maj do të hapen edhe klinikat dentare.

Në platformën “e-Albania” është publikuar protokolli i masave higjieno-sanitare si dhe rekomandimet përkatëse që duhet të përmbushin dhe zbatojnë klinikat dentare.

ISHP rekomandon që subjektet dentare të shtyjnë procedurat jo urgjente, operacionet dhe vizitat dentare rutinë. Shërbimet dentare duhet të kufizohen në vizita urgjente vetëm gjatë kësaj periudhe të pandemisë. Menaxhimi i kësaj situate do të ndihmojë stafin dhe pacientët të qëndrojnë të sigurt, të minimizojnë transmetimin e infeksionit SARS – COV 2, të menaxhojnë mjetet mbrojtëse personale dhe elementët dentare për kujdesin ndaj pacientëve dhe të ruajnë kapacitetet e sistemit shëndetësor.

Punonjësit e klinikave dentare janë në mënyrë të veçantë të rrezikuar, për shkak të mundësisë së aerosoleve të prodhuara nga spërklat e pështymës gjatë manipulimit me pacientët. Këto spërkla mund të përthithen, të vijnë në kontakt me lëkurën ose mukozën, dhe/ose të vendosen në sipërfaqet e ambienteve apo objekteve të klinikës dentare ose materialeve të tjera të përdorura gjatë aktivitetit apo manipulimeve dentare e për rrjedhojë do të kemi kontaminim të tyre.

Për këtë arsye, administratori i klinikës dentare është përgjegjës për implementimin e masave sipas këtij protokolli dhe është i detyruar ta zbatojë këtë protokoll, ai duhet të kryejë çdo ditë vlerësimin për prezencën e simptomave të COVID-19 në personat e punësuar dhe pacienteve në ambientet e klinikës duke matur temperaturën pasi asnjë person me temperature 37.5 nuk lejohet të hyjë në klinikë. Nëse personi shfaq simptoma ndërkohë që është duke punuar apo pas punës, ky person duhet të komunikojë direkt me mjekun e familjes.

Klinika dentare lejohet të veprojë vetëm në orarin e caktuar nga dispozitat ligjore dhe duhet të sigurojë vazhdimisht mjetet e tij në çdo moment doreza mbrojtëse, maska dhe higjenizues duarsh me mbi 60% alkool dhe sipas pozicionit dhe kategorisë së punës, punonjësi duhet të mbajnë në çdo moment maskën mbrojtëse duke mbuluar hundën dhe gojën.

Subjektet klinikë dentare duhet të respektojnë masat e kontrollit në praktikat e punës duke shmangur përdorimin e shiringës me ujë-ajër, duhet të respektojnë masat e kontrollit në praktikat e punës duke kryer procedura jo invazive/atraumatike duke përdorur vetëm instrumentet minimal të dorës.

Subjekti klinikë dentare duhet të kryejë dezinfektim të ambientit dhe larje para hapjes dhe pas mbylljes, rekomandohet me shume se 2 herë në ditë. Sipërfaqet e papastra lahen fillimisht me ujë dhe sapun e më pas dezinfektohen me produktet e tjera.

Për t’u njohur me protokollin e kuq dhe masat higjieno-sanitare që duhet të ndjekë çdo klinikë dentare klikoni në linkun e mëposhtëm.

PROTOKOLL_I_KUQ_I_KLINIKAVE_DENTARE/atsh

Hapja e klinikave dentare pas 11 majit, publikohet protokolli i kuq i masave higjieno sanitare COVID-19 Read More »