Shendetesi

Ish-deputeti socialist, Fatmir Toçi, i cili doli pozitiv me koronavirus pak kohë më parë, tregon se deri tani po e përballon me sukses betejën me virusin e rëndë.

Përmes një mesazhi në ‘Facebook’, ish-deputeti falënderon të gjithë ata që e kanë mbështetur në këto ditë të vështira, si dhe mjekët i spitalit Covid-2 “Shefqet Ndroqi”, duke thënë se ja kanë bërë më të lehtë përballimin e kësaj situate.

Mesazhi i ish-deputetit:

MIRËNJOHJE E FALËNDERIME

Interesimi i të afërmve, miqve, të njohurve dhe dashamirësve të shumtë për gjendjen time shëndetësore, pas prekjes nga Covid-19 ma ka bërë më të lehtë përballimin e kësaj situate, si pjesë e rëndësishme e trajtimit shëndetësor që po përdoret, me sa duket deri tani, me sukses.

Në pamundësi për t’iu përgjigjur mijëra mesazheve dhe interesimeve të vazhdueshme në forma të tjera nga e gjithë bota, informoj se gjendja duket e stabilizuar, edhe pse beteja me Covidin-19 vazhdon dhe, me sa duket, do të zgjasë akoma.

Nuk di si t’ju falënderoj për forcën dhe kurajën që me keni dhënë në këto çaste të vështira për mua dhe familjen time, duke demonstruar vlerat e një shoqërie humane e të qytetëruar, siç ka qenë dhe është shoqëria shqiptare.

Mirënjohje dhe dashuri të pafund për personelin e Spitalit Universitar “Shefqet Ndroqi”, mjekë, specialistë e infermierë, profesionalizmi, kujdesi dhe humanizmi i të cilëve janë shfaqja më dinjitoze e misionit që kanë marrë përsipër dhe i kanë kushtuar jetën e tyre.

Çfarë të them për Prof. Perlat Kapisyzin, drejtorin e institucionit?! Disa njerëz janë lindur e formuar për të qenë misionarë me punën e tyre, me ndikim dhe kontribute te jashtëzakonshme në shoqëri, dhe do të thoja pa hezitim, ky është një nga rastet më të spikatur.

Zoti i ruajttë dhe u dhëntë forcë! 🙏🙏🙏.

Shoqëria ka nevojë jetike për ata sot më shumë se kurrë, ashtu sikurse edhe ata kanë nevojë që të gjithë ne të jemi më të ndërgjegjshëm e më të përgjegjshëm përsa po ndodh realisht në të gjithë botën.🙏🙏🙏

Një ekip ndërkombëtar i studiuesve ka zhvilluar një test jo-invaziv të gjakut që mund të zbulojë nëse një individ ka një nga pesë llojet e zakonshme të kancereve, katër vjet para se gjendja mund të diagnostikohet me metodat aktuale.

Testi i quajtur PanSeer zbulon kancerin e stomakut, ezofagut, kolorektalit, mushkërive dhe mëlçisë.

“Qëllimi përfundimtar do të ishte kryerja e testeve të gjakut si kjo në mënyrë rutinore gjatë kontrolleve vjetore të shëndetit.

Por më kryesorja tani është testimi i njerëzve në rrezik më të lartë, bazuar në historinë familjare, moshën ose faktorët e tjerë”, tha Kun Zhang, një nga autorët kryesore të këtij studimi.

Ky zbulim është i rëndësishëm sepse mbijetesa e pacientëve me kancer rritet ndjeshëm kur sëmundja identifikohet në fazat e hershme. Tumori mund të hiqet në mënyrë kirurgjikale ose të mjekohet me ilaçe të përshtatshme.

Studiuesit theksojnë se analiza PanSeer ka shumë të ngjarë të identifikojë pacientët që tashmë kanë rritje kanceroze, por mbeten asimptomatike për metodat aktuale të zbulimit. Ekipi arriti në përfundimin se studime të mëtejshme në shkallë të gjerë janë të nevojshme për të konfirmuar potencialin e testit, për zbulimin e hershëm të kancerit në individët asimptomatikë.

Shume persona jane ne dileme nese jane prekur nga koronavirusi, kjo edhe per shkak te ndonje simptome te ngjashme.

Por ndonese eshte e veshtire per ta identifikuar nese e keni kaluar ose jo, te dhenat e meposhte do t;ju ndihmojne sadopak per te mesuar nese keni qene ose jo te infektuar.

Nëse keni qenë shumë sëmurë në shkurt!

Adam Spivak, një doktor i sëmundjeve infektive në Universitetin e Utah në Salt Lake City, thotë se nëse keni qenë shumë sëmurë, midis periudhës janar-shkurtit, ka gjasë ta keni kaluar koronavirusin.

Nëse keni pasur ethe dhe kollë!

Nëse për disa ditë, në këtë periudhë, keni pasur ethe, kollë dhe lodhje të tepërt, ka shumë gjasa që ju ta keni kaluar virusin.

Papritur keni humbur nuhatjen dhe shijen e ushqimit!
Humbja e nuhatjes dhe e shijes, është një nga shenjat që dallon koronavirusin e ri. Rreth 66% e atyre që janë bartës me koronavirus, kanë këtë simptomë. Nëse krejt e papritur, edhe ju për një kohë keni humbur nuhatjen dhe shijen, mund të keni pasur Covid-19.

Nëse e gjithë familja u sëmur njëkohësit!
Nëse të gjithë familjarët, dikush më shumë dhe sikush më pak, ka përjetuar grip, informon dritare.net, por në të njëjtën periudhë kohë, ka gjasa që e gjithë familja të ketë qenë infektuar.

Nëse keni pasur shenja në lëkurë që ju shkaktonin kruajtje!
Është një nga simptomat që është zbuluar së fundmi, por e rëndësishme për të kuptuar nëse një person është infektuar me virus.

Këto janë disa shenja, por jo domosdoshmërish dikush që ka pasur njërën prej tyre, ka qenë i infektuar. Vetëm testi serologjik, mund të japë një përgjigje të saktë.

Sipas një studimi të kryer së fundmi rezulton se mos larja e dhëmbëve rrit rrezikun e kancerit deri në 52 përqind.

Sipas ekspertëve amerikanë njerëzit që kanë një historik të sëmundjes së mishrave të dhëmbëve janë më të rrezikuar që të preken nga tumoret në stomak dhe ezofag.

Rreziku është edhe më i madh për ata që kanë humbur më parë dy ose më shumë dhëmbë.

“Këto të dhëna mbështesin rëndësinë e mikrobiomës orale në kancerin e ezofagut dhe stomakut”, shprehen studiuesit. Studime të mëtejshme që vlerësojnë direkt mikrobin oral duhet të realizohen për të identifikuar bakteret specifike orale përgjegjëse. Ekspertët më tej shtojnë se gjetjet shtesë mund të të ndihmojnë në identifikimin e individëve në rrezik të lartë për shfaqjen e kancerit.

Një rast i ri me koronavirus është identifikuar në Sarandë ditën e sotme.

Mësohet se e infektuar ka rezultuar një vajzë 25-vjeç nga fshati Mursi.

25-vjeçarja ishte kthyer nga Tirana ku dhe dyshohet të jetë infektuar.

Epidemiologët kanë nisur hetimin për gjurmimin e këtij rasti dhe ndërprerjen e zinxhirit të infeksionit.