Shendetesi

Shqipëria vijon të përballet me një situatë të rëndë shëndetësore nga Covid-19, duke shkaktuar rritje të numrit të viktimave dhe rasteve të reja.

Për epidemiologen e ISHP Eugena Tomini, kjo tendencë në rritje është reflektuar jo vetëm me rastet pozitive të konfirmuara, por edhe me pacientët e shtruar në spital.

Eugena Tomini: ”Kjo tendencë në rritje është reflektuar jo vetëm me rastet pozitive të konfirmuara por dhe me hospitalizime. Zbatimi i një distance fizike, por njëkohësisht edhe mbajtja e maskës në ambientet e mbyllura, do të na mundësojë që ta ulim këtë trend, përkundrejt zbatimit të këtyre masave. Duhet të kthehet në një rutinë, mjeti i higjienës personale dhe mbajtja e maskave, në të gjitha ambientet e mbyllura.”

Në një lidhje përmes Skype për ”Ora News”, Tomini tha se protokolli i sigurisë është i njëjtë për të gjithë, dhe se Covid-19 nuk përzgjedh nëse je deputet, kryetar bashkie apo popullatë e thjeshtë.

Ajo thekson domosdoshmërinë për të mbajtur maskën në ambiente të mbyllura, dhe për të respektuar distancën fizike.

Eugena Tomini: ‘‘Protokolli i sigurisë është unik për të gjithë popullatën, protokolli është i barabartë për të gjithë, Covid-19 nuk përzgjedh nëse je deputet, kryetar bashkie apo popullatë e thjeshtë. Zbatimi i protokollit të sigurisë është për të gjithë njësoj. Rekomandimet kanë qenë specifikisht për të gjithë popullatën, por në veçanti edhe për grupet të cilat kanë qenë vulnerabël. Mbajtja e maskës është një detyrim i të gjithëve, në të gjitha mabientet e mbyllura, takimet duhet të mbahen në distancë 1.5-2 metra. Janë disa kritere, ku të gjithë ne jemi të përgjegjshëm, përkundrejt detyrimit të shëndetit personal por edhe shëndetit të të afërmve.”

Sipas Tomnit, nuk ka patur mungesë testesh, qoftë ato serologjike apo dhe të atyre konfirmues.

Eugena Tomini: ”Nuk është diskutuar nga ana e bluzave të bardha për mungesë logjistike apo për mungesë të personelit shëndetësor, qoftë për sa i përket linjës së parë në spitalet covid, por edhe në gjurmimin dhe ndjekjen e kontakteve. Laboratori i Virologjisë në ISHP dhe i Mirkobiologjisë në Qendrën Spitalore Universitare, sigurisht që nuk është ndjerë mungesa e testit, qoftë serologjik, apo testi konfirmues.

Tomini u shpreh se fasha e të prekurve me Covid-19 është rritur, dhe mosha mesatare është 44-45,2 vjeç.

Eugena Tomini: ‘‘Mosha mesatare e të prekurve me Covid-19 është 44-45,2 vjeç. Kemi një zgjerim të fashës së prekur. Jo vetëm të rasteve të cilët janë shtruar në spital, por edhe të rasteve që janë në izolim me simptoma më të moderuara në krahasim me personat që kanë kërkuar hospitalizim. Realisht kemi pasur vdekje në moshat e reja, në të cilat Covid ka shfaqur agrisivitet. Është kjo grupmoshë, ku pas vendimit të qeverisë pas një vlerësimi në lokalet e natës, dhe beach baret nga ISHSH, ekspertët arritën në vlerësimin e situatës, sepse vera ka ardhur në pikun e saj, e grupet e reja shoqërore bëhen burim i rëndësisshëm i Covid-19. Të gjitha grupmoshat janë të rrezikuara, por kjo grupmoshë që është aktive, grupe të rinjsh, bëhen transmetues.”

Ministrja e Shëndetësisë dhe Mbrojtjes Sociale, Ogerta Manastirliu, në kuadër të fushatës së Ministrisë së Shëndetësisë për vendosjen e maskës me detyrim ka publikuar apelin e mjekut të njohur Andis Qendro.

“Vendosja e maskës është një sakrificë minimale që kërkohet nga ju në këtë kohë të vështirë por, që do të mbrojë të afërmit dhe të dashurit tuaj nga virusi”, shprehet ai.

“Për arsye të profesionit, ne e mbajmë veshur shumë orë çdo ditë, gjatë gjithë jetës tonë profesionale; juve u kërkohet t’a mbani përkohësisht”, thekson mjeku Qendro.

“Ju lutem mbani maskën dhe shpëtoni jetë”, thuhet në mesazhin e mjekut drejtuar qytetarëve.

Kreu i Urgjencës Kombëtare, Skënder Brataj, i ka bërë apel të gjithë qytetarëve që të zbatojnë masat anti-civid, teksa shprehet i sigurtë se nëse kjo ndodh, atëherë fitorja me këtë virus do të jetë me e shpejtë.

Me një shënim të gjatë në facebook, Brataj u bën thirrje personave të prekur nga koronavirusi, apo atyre që kanë shenja të sëmundjes, të mos dalin nga shtëpia, pasi janë burim infeksioni dhe të telefonojnë 127.

Sipas Brataj, është momenti që shqiptarët të ndërgjegjësohen dhe se së bashku me bluzat e bardha do e fitojmë këtë betejë.

Postimi i plotë:

Të jesh apo të mos jesh!! To be or not to be!!

Sot më shumë se kurrë duhet bashkëpunimi juaj!!

Të zgjedhësh me dëshirë të jetosh!

Të zgjedhësh me dëshirë të dënosh të tjerët me vdekje!

Të zgjedhësh të fitosh jetën!

Parandalimi është çelsi i fitimit të betejës me këtë virus!

Sa më shpejt të kuptojmë se duhet të respektojmë rregullat aq më shpejt do ta fitojmë këtë betejë.

Ti që je me tampon pozitiv dhe shikon që shenjat dhe simptomat janë duke u përkeqësuar telefono 127 për një vlerësim për shtrim në spital dhe MOS DIL se je burim i transmetimit të infeksionit.

Ti që ke shenja të lehta të cilat po i trajton në banesë dhe ke përmirësim të simptomatologjisë, vepro në bashkëpunim të përditshëm me mjekun e familjes dhe 127 dhe MOS DIL se je burim i transmetimit të infeksionit.

Ti që ke shenja të lehta dhe mendon se është virozë e stinës, kërko ndihmë te mjeku i familjes ose te 127 për të përjashtuar dyshimin e Covid-19 dhe MOS DIL deri në përjashtimin e saj, se je burim i transmetimit të infeksionit!

Ti që ke bërë tamponin dhe ke dal pozitiv, por nuk ke shenja dhe simptoma, MOS DIL se je burim i transmetimit të infeksionit!

Ti që kërkon ndihmë mjeksore sepse ke shenja dhe simptoma, ti që nuk kërkon tampon sepse nuk do të identifikohesh, MOS DIL se je burim i transmetimit të infeksionit!

Ti që nuk je në asnjë nga situacionet e mësipërme DIL, por mbrohu nga gjithë të sipërpërmendurit, sepse ka nga ata që nuk do ti respektojnë rregullat!

Në këtë moment personat me shenja dhe simptoma si temperatur, kollë, dhimbje fyti, dhimbje koke, dhimbje muskujsh, të vjella, diarre, humbje të shijes, vështirësi në frymëmarrje, të këshillohen me mjekun e familjes dhe mjekun e 127, sepse çdo shenjë e sipërpërmendur mund të jetë nga Covid-19!

Qytetarë shqipëtar ndërgjegjësohu, respekto rregullat:

Mbaj maskën në ambientet e mbyllura.

Ruaj distën 1.5 metra

Zbato rregullat e higjenës

Mos lejo të shkelen këto rregulla!

Pa ty nuk do ja dalim!

Së bashku do ja dalim!