Shendetesi

Shumë nga ju mund të kenë provuar dieta nga më të ndryshmet për tu dobësuar, por pa asnjë rezultat.

Të mbash dietë nuk do të thotë të anashkalosh ushqimet dhe të hash sa më pak për tu dobësuar.

Një dietë e balancuar furnizon me lëndët ushqyese që i duhen trupit tuaj që të funksionojë në mënyrë sa më të efektshme.

Pa këto lëndë , trupi juaj është më i prirur për sëmundje, infeksione, lodhje dhe performancë të ulët.

Sa më në gjendje të jetë trupi juaj të punojë në mënyrë efikase , aq më i zhvilluar do të jetë metabolizmi juaj , i cili ndihmon në tretjen sa më të shpejtë dhe një trup më të shëndetshëm.

Një dietë e shëndetshme dhe e balancuar duhet të përfshijë:

vitamina, minerale, dhe antioksidantë

karbohidrate, përfshirë niseshte dhe fibra

proteina

yndyrna të shëndetshme(bimore, që përfshihen tek yndyrnat e mira,)

Sa kalori ju duhet të merrni brenda një dite…

Dieta ditore duhet të përmbajë 1200 kalori:

Pasi zgjohesh:

Një filxhan çaji ujë të nxehtë + një gjys kokërr limoni

Në mëngjes duhet:

Një filxhan drithëra + një banane + një tas salsë kosi greke + 5 bajame + 1 filxhan çaj bimor

Në drekë :

Kraharor/gjoks pule i gatuar + një pjatë sallatë me perime + gjys pjate oriz kafe + 1 filxhan çaj bimor

Në darkë:

Salmon i pjekur në zgarë + sallatë me spinaq, perime të ziera dhe limon + 1 filxhan çaj bimor

Mos harroni se pas çdo vakti duhet të konsumoni sa më shumë fruta dhe të pini shumë ujë.

/NOA.al

Krahas shijes së tyre të athët, të ëmbël, thanat janë ndër frutat më të veçantë medicinalë me përdorim të gjerë në mjekësinë popullore.

Falë vlerave të tyre fantastike për shëndetin, thanat përdoren në shumë kura të ndryshme për shërimin dhe trajtimin e disa sëmundjeve, prej të cilave edhe problemet me diabetin.

Thana gjithashtu shërben si një produkt bazë për të mbajtur të stabilizuar nivelin e sheqerit në mënyrë natyrale. Ju sjellim më poshtë dy mënyra efektive të përdorimit të thanave për të parandaluar problemet me diabetin.

Kura me 15 kokrra të freskëta thana

Thanat kanë sezon të shkurtër ndaj përfitoni sa më shumë prej tyre. Për një periudhë 30 ditore apo edhe më shumë rekomandohet konsumimi i të paktën 15 kokrra thanave pas vaktit të mëngjesit.

Kura me Lëngun e Thanave

Për këtë kurë do t’ju duhet 1 kg thana dhe 2.5 litra ujë. (Sasia e përbërësve rritet bazuar në sasinë e lëngut që dëshironi të përgatisni) Lajini thanat dhe vendosini në një tenxhere bashkë me ujin. Udhëzohet t’i lini të ziejnë përreth 1 orë. Më pas fikni sobën, përmes një luge druri shtypni frutat e thanës dhe lërini me kapak të mbyllur derisa të ftohen. Më pas, kulloni lëngun e thanave, vendoseni në shishe apo kavanoz qelqi të pastruar mirë, dhe ruajeni në frigorifer. Konsumoni nga një filxhan kafeje me lëng thane herët në mëngjes çdo ditë për një periudhë 30-ditore.

Përdorime të tjera mjekësore të thanës

Fruti i thanës është përdorur për të ulur temperaturën dhe për të luftuar disa çrregullime të zorrëve. Thartësia karakteristike e këtij fruti e bën atë mjaft të dobishëm në luftën kundër sëmundjeve kardiovaskulare. Thanat janë përdorur edhe për t’u kuruar nga diarrea. Thanat mund t’i ruani në frigorifer për disa ditë, për sa kohë i paketoni në një qese të izoluar mirë. Ato jetojnë më gjatë në formën e tyre të thatë./AgroWeb

Tani më shumë se çdo gjë tjetër, është e rëndësishme për sistemin imunitar të jetë në formën më të mirë gjatë pandemisë COVID-19.

Një nga mënyrat për të qenë të shëndetshëm është mbajtja e një ‘diete ushqyese’.

Universiteti Uc Davis Health – “Good Food is Good Medicine” na paraqet dietikën Tiana Carey , e cila na mëson se cilat janë ushqimet që duhet të konsumojmë gjatë kësaj periudhe të vështirë.

Vitamina A

Kjo vitaminë ju ndihmon në rregullimin e sistemit të frymëmarrjes dhe përmirësimin e tretjes.

Ushqimet më të pasura me vitaminë A janë : karota,patatja e ëmbël, brokoli,spinaqi dhe speci.

Vitamina C

Vitamina C ndihmon në stimulimin dhe formimin e antitrupave. Agrumet , luleshtrydhet, speci i kuq dhe kivi janë të gjitha të pasura me vitaminë C.

Vitamina E

Kjo lëndë ushqyese nxit neutralizimin e radikaleve te lira duke punuar si një antioksidant. Ushqimet me plot vitaminë E përfshijnë vajrat bimorë, fruta të thata, fara bimore dhe avokado.

Zinku

Në trupin tonë ne kemi shumë enzima që varen nga zinku dhe mungesa e zinkut çon në mosfumksionimin e sistemit imunitar. Ushqimet e pasura me zink janë: bishtajoret, farat bimorë, mishi ( sidomos ai i shpendëve) dhe frutat e detit.

Proteinat

Aminoacidet specifike që janë gjetur në proteinë janë thelbësore për funksionimin e qelizave, të cilat janë të domosdoshme kundër patogjeneve në trupin tonë. Mishi, shpendët, frutat e detit dhe frutat e thata janë të mbushura me proteinë.

Këto lëndë ushqyese e ndihmojnë sistemin tuaj imunitar të punojë në mënyrë më efektive.

Duhet t’i konsumoni në mënyrë sa më të kontrolluar dhe jo ta teproni.

Si gjithmonë për të parandaluar më shumë përhapjen e sëmundjes lani rregullisht duart.

/NOA.al

Ftohja dhe gripi pothuajse gjithmonë shoqërohen me temperaturë të lartë, e cila na bën të rraskapitur dhe na vështirëson madje edhe ngritjen nga krevati

Temperatura e lartë apo ethet janë gjendje kur temperatura ngrihet mbi nivelin e zakonshëm, ndërkaq në disa situata ulja e temperaturës me ilaçe nuk rekomandohet.

Infeksionet dhe inflamacioni të shkaktuara nga viruset dhe bakteret jo rrallë i shoqëron edhe temperatura si reaksion i shëndetshëm dhe natyral i organizmit ndaj infeksioneve dhe inflamacioneve.

Ulet me ilaçe vetëm atëherë kur e kalon shkallën 38,5 – shkruan në revistën mjekësore gjermane “Apotheken Umschau”.

Shkalla e etheve nuk tregon domosdo seriozitetin e situatës, sepse ndonjëherë sëmundja e vogël mund të shkaktojë temperaturë të lartë, ndërkaq disa më serioze nuk shkaktojnë temperaturë të lartë.

Pasoja e ngritjes së lehtë të temperaturës pikërisht është shenjë e përshpejtimit të metabolizmit, gjë që ndihmon në luftën kundër infeksioneve dhe inflamacioneve.

Temperatura e lartë dallohet varësisht nga personi. Në temperaturën prej 39 gradësh mikrobet nuk mund të shumëzohen, ndërkaq aftësia që organizmi të prodhojë temperaturë të lartë është shenjë që organizmi është i fuqishëm dhe vital.

Te temperaturat e larta ndodh përshpejtimi i procesit të metabolizmit për pesë deri në tetë herë, shtohet prodhimi i interferoneve, të cilat pengojnë zhvillimin e viruseve, sasia e hekurit në gjak ulet dhe kjo është e rëndësishme për pengimin e rritjes së numrit të baktereve.

Rriten lëvizshmëria dhe veprimi i rruazave të bardha të gjakut të cilat i shkatërrojnë mikrobet.

Te temperatura e cila nuk është më e lartë se 37,8 gradë mjekët nuk e rekomandojnë uljen me ilaçe, sepse në atë mënyrë sëmundja zgjatet.

Viruset të cilat shkaktojnë probleme në frymëmarrje shumëzohen në temperaturë dhome, prandaj me rritjen e temperaturës trupi lufton kundër tyre.

Për ulje të temperaturës më së shpeshti përdoren paracetamoli, brufeni, ibuprofeni dhe analgjetikët e ngjashëm dhe antiseptikët.

Ndihmojnë gjithashtu edhe kompresat e vakëta dhe dushi me ujë të vakët.

Ndihmë mjekësore patjetër kërkoni nëse temperatura kalon 40 gradë dhe nuk ulet pa ilaçe as pas tri ditësh.

Dietat e njohura sot përqëndrohen në gjithçka, nga fibrat e deri tek yndyrat, por ekziston edhe një dietë e cila përqëndrohet te balancimi i aciditetit në trup. Dhimbjet e shpeshta të stomakut, djegia e urinës, problemet me veshkat mund të vijnë nga lëkundjet e pH në trupin tuaj. Ndoshta është koha për një regjim ushqimor! Mund të ketë kaluar shumë kohë nga momenti kur merrnit mësime kimie ose biologjie, rreth ushqimeve të cilat mund të ndryshojnë aciditetin në trup. Dieta alkaline mund t’ju drejtojë se si t’i përdorni këto ushqime për të marrë disa përfitime shëndetësore. Përfitimet e dietës alkaline thuhet se përfshijnë nivele më të larta energjie, humbje dhjami, rritje të përqëndrimit dhe lëkurë më të pastër, prandaj VIP-at si Victoria Beckham, Gwyneth Paltrow, Alicia Silverstone, Jennifer Aniston, Kirsten Dunst dhe Jared Leto, e preferojnë aq shumë shkruan Class.

Çfarë është saktësisht dieta alkaline?

Kjo dietë bazohet në konceptin që ushqimi pasi të konsumohet dhe metabolizohet të prodhojë acide neutrale ose alkaline. Ushqimet ndahen në alkalin-formuese nëse kanë një ngarkesë negative të acidit, ose acid-formuese nëse kanë një ngarkesë pozitive të acidit. Pra e thënë më thjeshtë, pasi ushqimet treten në trupin tuaj, ato duhet të formojnë alkalinë dhe jo acid.

Cilat janë përfitimet?

Dieta alkaline është në thelb një dietë me bazë bimore. Përfitimet vijnë nga ngrënia e një shumëllojshmërie frutash dhe perimesh dhe pakësimi i pijeve me gaz, kripës dhe alkoolit. Frutat dhe perimet janë të pasura me vitamina, minerale, fibra dhe ngrënia e rregullt e tyre mund të ulë inflamacionin, të përmirësojë shëndetin e zemrës dhe të zvogëlojë rreziqet e diabetit, osteoporozës dhe kancerit. Gjithashtu ju do të ndiheni më energjikë dhe do të keni një tretje më të mirë.

A mund ta rregullojë kjo dietë pH në trup?

Sipas mjekëve, pH ndryshon në varësi të zonave të ndryshme të trupit. Shumë sëmundje si kanceri apo sëmundjet e veshkave tregojnë nivele të larta të aciditetit në trup. Kështu që, një trup i shëndetshëm është i aftë të ruajë ekuilibrin e acidit.

Cilat janë ushqimet që duhet të bëhen pjesë e përditshmërisë suaj sipas kësaj diete?

Duhet të jetë nje dietë e pasur me fruta dhe perime. Duhet të shmangen ushqimet e paketuara ose të konservuara, pijet me gaz, kafeina e tepërt dhe alkooli. Gjithashtu mbështetësit e kësaj diete besojnë se mishi dhe qumështi duhen shmangur për shkak të ‘hirit’ acid që lënë pas. Pra me 80% duhet të kryesojnë frutat dhe perimet dhe 20% mishi, peshku, veza, yndyrnat e shëndetshme. Në këtë mënyrë trupi juaj merr të gjitha lëndët ushyese që ka nevojë dhe gjithashtu do të çliroheni nga tmerri i ‘kufizimit ushqimor’ që mund të ketë një dietë.

Me dimrin që po afron, vendet po hyjnë në sezonin tradicional të të ftohtit dhe gripit, me komplikime shtesë këtë vit pasi simptomat e të dyja sëmundjeve mund të jenë të ngjashme me ato që përjetohen nga njerëzit e prekur nga koronavirusi dhe mund të rrezikojnë ta shpërndajnë atë.

Në Britaninë e Madhe, shërbimi kombëtar i kujdesit shëndetësor, NHS, ka prezantuar një guidë për të ndihmuar njerëzit të bëjnë dallimin mes tre sëmundjeve. Ekspertët e shëndetësisë thonë se shpresojnë që ajo të qartësojë njerëzit nëse duhet të sillen njësoj si në vitet e mëparshme, apo të vetëizolohen dhe të kërkojnë një test koronav irusi.
Simptoma më e zakonshme e koronavirusit, është temperatura, 37.8, një kollë e thatë e vazhdueshme dhe humbje e ndjesisë së shijes apo nuhatjes. Pacientët mund të ndjejnë ndonjëherë lodhje, dhimbje, fyt të thatë, dhimbje koke dhe vështirësi në frymëmarrje. Diarrea dhe hundët që rrjedhin janë të rralla.

Tek e ftohura, simptoma më e zakontë është teshtima, dhimbjet, hundët që kullojnë dhe fyti i irrituar. Mund të ketë edhe kollë, ndonjëherë këputje dhe është e rrallë të kesh temperaturë dhe dhimbje koke. E ftohura nuk shkakton diarre. Ndërsa gripi konsiston kryesisht në temperaturë, këputje, kollë dhe dhimbje, përfshirë atë të kokës.

Pacientët mund të kenë hundë që rrjedhin ose të zëna dhe fyt të irrituar. Diarrea ndeshet ndonjëherë tek fëmijët. Nuk ka teshtima apo vështirësi frymëmarrje me gripin.