Shendetesi

Prindërit tani do të kenë një arsye më tepër t’u rezistojnë lutjeve të fëmijëve për embëlsira. Të martën qeveria amerikane nxori udhëzimet e para për dietën e foshnjeve dhe fëmijëve të moshës parashkollore, ku rekomandon ushqimin me gji për gjashtë muajt e parë të jetës, pa shtuar ushqime të tjera dhe shmangien e sheqerit në ushqimet për fëmijët nën dy vjeç.

“Nuk është kurrë herët për të filluar së mbari. Duhet që çdo kafshatë të ketë vlerë,” thotë Barbara Schneeman, dietologe në Universitetin e Kalifornisë në Dejvis.

Udhëzimet nuk përfshijnë një rekomandim të bërë nga shkencëtarët, të cilët thanë në korrik se të gjithë, të vegjël e të rritur, duhet të kufizojnë sheqerin në 6% të kalorive totale që konsumon njeriu dhe se meshkujt duhet të kufizojnë konsumin e alkoolit në një pije alkoolike në ditë.

Këto rekomandime nuk përfshihen në udhëzimet e qeverisë për dietën. Mbeten në fuqi rekomandimet e mëparshme për të kufizuar konsumin e sheqerit në më pak se 10% të kalorive të konsumuara në ditë pas moshës 2 vjeç. Rekomandohet gjithashtu që burrat të mos i kalojnë dy pije në ditë, një sasi dy herë më e lartë se ajo që rekomandohet për gratë.

“Nuk mendoj se kemi mbaruar punë me alkoolin. Duhet të mësojmë më shumë,” thotë zonja Schneeman, e cila kryesoi komisionin që ofroi këshilla për qeverinë.

Udhëzimet për dietën nxirren çdo pesë vjet nga Departamenti i Bujqësisë dhe Departamenti i Shëndetësisë. Qeveria i përdor këto udhëzime për të përcaktuar standardet për ushqimin në mencat e shkollave dhe programe të tjera.

Foshnjet, të vegjlit dhe nënat

Foshnjet duhet të ushqehen vetëm me gji deri kur mbushin gjashtë muaj, sipas udhëzimeve. Nëse nëna nuk ka qumësht të mjaftueshëm, foshnja duhet të ushqehet me formulë që përmban hekur shtesë. Foshnjet duhet të marrin sasi shtesë vitamine D pak kohë pas lindjes.

Pasi mbushin 6 muaj foshnjeve u shtohet ushqim tjetër, përfshirë ushqim që mund të shkaktojë alergji.

“Duke u dhënë foshnjeve ushqime që përmbajnë pak kikirik gjatë vitit të parë të jetës ulet rreziku që fëmija të krijojë alergji nga kikiriku më vonë në jetë,” thuhet në udhëzime.

Krahasuar me udhëzimet e mëparshme këtë radhë ofrohen hollësi shtesë për gratë shtatzëna dhe nënat që ushqejnë fëmijët me gji. Për të ndihmuar zhvillimin e trurit tek foshnja, nënat duhet të hanë 200-350g peshk në javë, ndër të cilët merluc, salmon, sardele apo tilapia që kanë nivele më të ulëta mërkuri, i cili mund të shkaktojë dëme tek sistemi nervor i foshnjes.

Gratë shtatzëna nuk duhet të pinë alkool, ndërsa nënat që e kanë foshnjen në gji duhet të tregohen të kujdesshme, sipas udhëzimeve. Kafeina në sasi të vogla nuk duket se paraqet problem.

Rreziku i alkoolit për meshkujt

Në korrik, shkencëtarët që këshilluan qeverinë rekomanduan që burrat të kufizohen në një pije alkoolike në ditë, si për shembull një kanaçe birre, një gotë verë ose një putir pije me ngjyrë. Por në udhëzimet e nxjerra të martën, qeveria nuk i merr në konsideratë këto rekomandime, por sugjeron që konsumi i alkoolit të mos kalojë dy pije në ditë.

Dr. Westley Clark i Universitetit Santa Clara thotë se është e qartë që pija e tepruar është e dëmshme, por nuk është e qartë se kur konsumi i moderuar i alkoolit fillon të bëhet i rrezikshëm.

Udhëzime që rekomandojnë konsum më të ulët alkooli për burrat mund të jenë të papranueshme në aspektin social, fetar dhe kulturor për shumë veta, thotë Dr. Clark, i cili shqetësohet se kjo mund të ketë ndikim negativ mbi udhëzimet në përgjithësi.

“Udhëzimet duhet të jenë të pranueshme, përndryshe do të flaken përnjëherësh dhe atëherë do të shkaktojmë problem më të madh. Nëse nuk ke mbështetjen e publikut, udhëzimet nuk kanë asnjë vlerë”.

Duhet bërë më shumë punë studimore për të parë se në çfarë mase konsumi i moderuar i alkoolit fillon të bëhet i rrezikshëm, thotë ai.

Si ta mbushësh pjatën

Pjesa më e madhe e amerikanëve nuk ndjekin këshillat për dietën, gjë që ka çuar në ritme të larta obeziteti, probleme kardiake dhe diabet. Ekspertët këshillojnë që ta mbushim pjatën me zarzavate dhe të reduktojmë sa më shumë ëmbëlsirat apo ushqimet me yndyrë shtazore ose kripë.

Ekspertët inkurajojnë ndryshime të vogla, por të vlefshme, si për shembull ujë të gazuar në vend të një kanaçeje me pije freskuese.

Lexo Etiketën!

Sheqeri gjendet me shumicë në embëlsira, pije freskuese, karamele, kafe apo çaj që kanë në vetvete fare pak ose aspak vlera ushqyese. Ekspertët rekomandojnë që konsumatori të lexojë me kujdes etiketën e paketave ushqimore për të zgjedhur produktet me më shumë vlera ushqyese dhe sa më pak yndyrë, sheqer apo kripë.

Me përhapjen e virusit Sars/cov2 në Shqipëri, kur e gjithë vëmendja është e përqendruar aty, familja Bërdufi mësoi një lajm tr onditës për vajzën e vogël të shtëpisë, Elonën. Që prej marsit 14-vjeçarja nuk shkon më në shkollë prej një tjetër sëmundjeje.

“Në karantinë siç rrinim të gjithë familjarët, aty e kuptova që Elena kishte diçka qe nuk shkonte, kishte marrje fryme , këputje … çfarë nuk na shkonte në mendje se ishim të traumatizuar prej virusit. Helmim nuk kishte, as virus, por kishte diçka që as unë s’e besoj, kur mjeku tha duhet ta çojmë me urgjencë. Më shpjegonin, por prapë s’e pranoja që fëmija ime vuante nga zemra”, – thotë nëna e saj, Enida Bërdufi.

E diagnostikuar me kardiomiopati e dilatuar, një formë e rëndë, 14-vjeçarja duhet të kryejë ndërhyrje në zemër, por ky operacion i ndërlikuar nuk mundësohet në spitalet shqiptare.

“Ilaçet janë sa me qenë Elena në këmbë. Doktoresha ka thënë se vetëm jashtë shtetit mund të bëhet në Turqi ose Itali, shkon 200 mijë euro. Ku t’i gjesh ato të ardhura? Do mendosh për pjesën e lekut dhe dhembshuria e fëmijës, dhimbje e dyfishtë. Kush nga 50, kush nga 100 që na kanë ndihmuar deri tani, imagjino të shkosh jashtë shtetit”, shton Enida.

Koha për Elonën është më e çmuar se kurrë tani. Ajo pas përmirësimit del nga spitali, por gjendja e saj përkeqësohet në banesë, ndaj ndërhyrja duhet të kryhet sa më shpejt.

“Thjesht na ka thënë mjekja, nëse sheh diçka të çuditshme kur vj ell, do e sjellësh me shpejtësi. Nga Kavaja të çosh me urgjencë një fëmijë me zemër? Nga momenti në moment ça s’mund të ndodhë!! Ça mund t’i bëj unë fëmijës në shtëpi vetë? Serumin s’ia bëj dot”, thotë ajo.

Netëve pagjumë, me frikën nga koha që kalon dhe vu ajtjet e të bijës që shtohen, Enidën e shoqërojnë lutjet. “Nuk dua asgjë, vetëm të shpëtoj fëmijën, ta kuroj e të jetë si gjithë shoqet“, – thotë e ëma.

“Ju lutem, të shërohem sa më shpejt”, shprehet Elona nga ana e saj. / Top Channel/

Foto dhe video: TCH

Pjesa më e madhe e trupit të njeriut është e përbërë nga uji, kështu që është e domosdoshme që të konsumoni mjaftueshëm ujë.

Por jo në çdo moment të ditës këshillohet që të pini ujë.

Në momentin kur sapo zgjoheni është mirë që të pini ujë që trupi të vihet në lëvizje.

Edhe mes vakteve po ashtu këshillohet të pihet ujë. Thjesht pini një gotë ujë çdo tre orë.

Pas darke mos rrini asnjëherë pa konsumuar pak ujë pasi iu ndihmon edhe të flini. /noa.al/

Shumë njerëz e kanë të lidhur në mendjet e tyre kosin me periudhën e dietës ose si një zgjedhje ideale për diçka të lehtë gjatë natës. Sidoqoftë, këto nuk janë të vetmet dy.

Përveç kalciumit dhe proteinave, një pjesë e kosit gjithashtu përmban të ashtuquajturat baktere “të mira” të cilat mbështesin funksionimin e duhur të zorrëve dhe sistemit imunitar, përmirësojnë tretjen dhe mbrojnë nga depresioni.
Në fakt, sipas hulumtimeve përkatëse, ka disa arsye për të ngrënë kos. Shihni më poshtë tre prej tyre:

Sipas disa studimeve, konsumi i rregullt i kosit dhe produkteve të qumështit me pak yndyrë mbron nga rre ziku i zhvillimit të diabetit të tipit 2.

Studimet kanë treguar se konsumimi i kosit për katër javë përfiton nga truri.
Probiotikët e kosit zvogëlojnë rre zikun e sulmit në zemër dhe goditjes në tru tek njerëzit që hanë vetëm dy racione në javë.

Flokët e dje gur dhe majat dyshe janë ndër problemet me të shpeshta me të cilat përballen femrat.

Zakonisht priremi të mendojmë që ky problem shfaqet vetëm në verë si pasojë e ekspozimit në diell dhe ujit të kripur të detit, por jo gjithmonë ndodh kështu.
Më poshtë do t’ju njohim me 3 metoda natyrale mjaft efektive që trajtojnë flokët e dj egur dhe majat dyshe.

Maskë me Aloe vera dhe vaj ulliri ekstra i virgjër :

Aloe Vera ushqen dhe rigjeneron flokët, parandalon rënien e tyre dhe nxit rritjen. Vaji i ullirit i bën flokët më të butë dhe luan një rol mbrojtës ndaj dëmtimit.
Përzieni 5 lugë çaji xhel Aloe Vera me 5 lugë çaji vaj ulliri. Njomni flokët paraprakisht me vaj ulliri dhe aplikoni maskën e krijuar nga rrënja deri tek majat, shkruan Living.

Lëreni maskën të veprojë për 1 deri në 2 orë dhe më pas shpëlajeni kokën me ujë të vakët. Në ujin që do të përdorni duhet të hidhni paraprakisht disa pika vaj esencial të pemës së çajit.

Maskë me majonezë dhe vaj ulliri :

Në një tas hidhni 3 lugë çaji majonezë, 3 lugë çaji vaj ulliri dhe 3 kapsula vitaminë E. Aplikojeni maskën nga mesi i flokëve deri tek majat.

Lëreni të veprojë për 1 orë dhe më pas shpëlajeni kokën me ujë të vakët dhe shampo bimore. Përsëriteni këtë procedurë 1 herë në javë dhe do të vini re përmirësim të dukshëm.

Maskë me mjaltë dhe vezë :

Ky kombinim është i mrekullueshëm për flokët e dëmtuar. Maska me mjaltë dhe vezë trajton majat e dyfishta dhe forcon flokët.

Përzieni dy kokrra vezë dhe dy lugë çaji mjaltë derisa të krijohet një masë homogjene. Aplikojeni maskën në të gjithë flokët nga maja deri tek rrënja dhe mbështilleni kokën me një qese plastike.

Lëreni maskën të veprojë për 5 orë dhe më pas shpëlajeni kokën me ujë të vakët.

Shqipëria është e pasur me bimë mjekësore të cilat nuk gjenden në çdo vend të botës.

Janë nga ato bimë që kanë vlera të mëdha për shëndetin e njeriut. Por sot poi u tregojmë ato që kontribuojnë në pastrimin e gjakut dhe rritjen e imunitetit.

Rradhiqja

Gjethet e kësaj bime kanë përmbajtje të antioksidantëve dhe largojnë toksinat në gjak. Mund të përdoret në sallatë, ose si çaj.

Majdanozi

Një mrekulli më vete për trupin e njeriut, pastron gjakun menjëherë si dhe rrit imunitetin.

Mund të përdoret edhe në supë, pasi ka veti mbrojtëse edhe për mëlçinë.

Hithra

I mbani mend byrekët me hithra të gjysheve? Hithra qendron në majën e piramidës së barishteve që ndihmojnë për pastrimin e gjakut.

Gjembgomari

Është përdorur të paktën prej 2 mijë vitesh për qëllime mjekësore.

Gjembgomari konsumohet në formën e çajit, ku për një filxhan çaji me ujë vendosen për të zierë dy lugë çaji me gjembgomari të thatë.

Laboti

Gjethet e labotit të egër kanë veti pastruese për organizmin. Lëngu i përftuar prej tyre është i rëndësishëm për pastrimin e gjakut. /noa.al/

Në organizmin e gjithsecilit jetojnë me miliona baktere të cilat ndahen në dy grupe të mëdha.

Ato të mirat dhe të këqijat, për të cilat me siguri keni dëgjuar të flitet shpesh.

Këto baktere luajnë një rol kyç dhe shumë të rëndësishëm në sistemin tretës.

Quhen flora e stomakut dhe ndihmojnë metabolizmin të tresë ushqimin në mënyrën e duhur, gjithashtu mbrojnë sistemin tretës.

Ushqimi njihet si një nga ndikuesit më të mëdhenj të organizmit, e po këtë rol e ka edhe në shëndetin e të gjithë sistemit tretës.

Disa ushqime mund të ndikojnë shumë ngeativisht tek shëndeti i stomakut dhe disa të tjera mirë.

Si ndikon ushqimi

Siç thamë edhe më lart, ushqimi është një nga faktorët kryesorë që ndikojnë organizmin.

Në studimin më të fundit nga UEG merret në shqyrtim pikërisht lidhja mes ushqimit dhe metabolizmit.

Në studimin ku morën pjesë rreth 1400 persona, u gjet një mënyrë e caktuar të ngrëni e cila favorizon shëndetin e stomakut.

Ekspertët rekomandojnë dietën Mesdhetare si një nga mënyrat më të mira për ta bërë këtë.

Me këtë dietë do të arrini të ndihmoni sistemin tretës të funksionojë mirë, por edhe të gjithë organizmin.

Çfarë është dieta Mesdhetare

Dieta Mesdhetare është një mënyrë të jetuari përveçse një mënyrë të ngrëni.

Quhet kështu pasi është karkateristikë e vendeve të Mesdheut dhe përmban ushqime të cilat prodhohen më së miri në këto vende.

Baza e kësaj diete janë frutat, perimet, bishtajorët, arrorët, peshku dhe bulmeti.

Ekspertët këshillojnë të vendosni të parin konsumimin e shumë perimeve dhe frutave të stinës.

Gjithashtu drithrat, arrorët ndihmojnë në formimin e baktereve të mira e inflamatore për organizmin.

Regjimi ushqimor i bazuar në këtë dietë ndihmon organizmin të qëndrojë i pasur në vitamina e minerale të nevojshme.
/NOA.al