Shendetesi

Gjinekologia Enriketa Kroi, ka qenë e ftuar në emisionin e mëngjesit “Wake Up”, ku ka komentuar një zakon që femrat e bëjnë shumë shpesh kur janë me ciklin menstrual, përdorimin e tamponit.

Ajo tregon se tamponi nuk është aspak i shëndetshëm, pasi në fund të ditës është thjesht një trup i huaj në trupin tonë dhe se shumë vajza harrojnë ta heqin, gjë e cila më vonë shkakton probleme të shumta me shëndetin. Sipas saj këto raste janë të shumta në ditët e sotme.

“Unë e kuptoj që kollajlliku na bën ne femrave që për hatër të një veshje delikate, të bukura që na bën të ndihemi mirë, gjatë ciklit menstrual të përdorim disa elementë të cilat na japin komoditet në jetën e përditshme. Problemi është që shpesh herë, këto tamponë harrohen brenda, ndodh rëndomë, shpesh herë nuk kuptohet, ikën ai filli i tamponit, pacientja kur shkon në tualet mendon që e ka nxjerrë dhe vetëm pas disa ditësh ndjen një erë shumë të rëndë nga poshtë sepse është gjak i ndenjur. Drejtohet tek mjeku për të bërë një vizitë, nuk mendon se ka një tampon atje.

Të gjitha gocat dhe femrat e dinë që ai tampon mbi 8 orë ose 12 orë nuk mund të mbahet sepse jep diskomfort në rrugët vaginale. Problemi është se shpesh herë shumë prej tyre nuk e kuptojnë që tamponi ka ngelur brenda sepse ka ikur fija dhe kur ikën fija, tamponi ngelet brenda dhe ajo nuk e kupton.

Problemi qëndron se këto janë trupa të huaj dhe dashur padashur ti ke vendosur një trup të huaj brenda trupit tënd. Po kur harrohen garza gjatë procedurës rutinë të gjinekologut? Harrohen brenda në vaginë, gjatë lindjeve vaginale shpesh herë ne tamponojmë kur kemi lindje të vështirë dhe harrohen këto garza.

Në të gjitha këto raste vagina pëson trauma të vogla dhe nëse at ka baktere të vaginës që janë rëndomë në vaginë, për shembull stafilokoku është banor normal i vaginës, puna është që nëse nga vagina, kalon në gjak, në disa rrugë që nuk janë të tij, ai patjetër që fillon çliron toksina që goditin gjithë organet e trupit, e para është zemra, është mëlçia, veshkat”, tregon gjinekologia Enriketa Kroi

Gjethet e dafinës janë një përbërës shumë i njohur në kuzhinë, falë mënyrave të shumta që mund të përdoren.

Në këtë artikull, ne do të shqyrtojmë rolin e tyre në përgatitjet e kuzhinës dhe do të zbulojmë një sekret që lidhet me përdorimin e gjetheve të dafinës, i cili mund të jetë i dobishëm.

Përfitimet e shumta të gjetheve të dafinës: Një aleat për shëndetin e trupit tonë

Gjethet e dafinës përmbajnë përfitime të shumta për trupin tonë. Një shembull praktik i asaj që nënkuptojmë janë vetitë e tyre diuretike dhe stimuluese të oreksit, të cilat gjenden brenda gjetheve.

Gjethet e dafinës janë bërë përbërësit kryesorë për infuzionet dhe pijet tretëse, pasi ato janë në gjendje të lehtësojnë simptomat që lidhen me ulçerën e stomakut dhe të lehtësojnë dhimbjet. Këto infuzione luajnë gjithashtu një rol kyç në lehtësimin e dhimbjeve të dhimbjeve të barkut dhe reduktimin e fryrjes.

Janë një ilaç tradicional që mund të përdoret për të nxitur mirëqenien e tretjes dhe lehtësimin e sëmundjeve të ndryshme që lidhen me sistemin tretës.

Një mjet organik kundër insekteve

Gjethet e dafinës mund të përdoren si një repelent biologjik kundër një sërë insektesh, informacion që pakkush e di. Era e gjetheve të dafinës është e bezdisshme për mizat, marimangat, mushkonjat, buburrecat dhe afidet, duke i bërë ato një përbërës natyral perfekt pa pasur nevojë për kimikate të shtrenjta.

Gjethet e dafinës si përbërës natyrale

Nëse dëshironi të bëni një ilaç kundër insekteve, mund të zieni 15 gjethe dafine së bashku me 10 karafil në 1 litër ujë. Pasi të jetë ftohur, hidheni lëngun në një avullues dhe spërkateni në zonat e shtëpisë ku keni vënë re praninë e mushkonjave.

Një mënyrë tjetër praktike dhe e shpejtë është djegia e disa gjetheve të dafinës së bashku me nenexhikun në një tigan. Era e prodhuar nga ky kombinim do të jetë e bezdisshme për insektet dhe do t’i mbajë ata larg shtëpisë tuaj.

Specialisti i bimëve mjekësore Ylli Merja foli për qumështin e bletës, “ilaçin e mrekullive” për shumë sëmundje. Sa duhet të jetë doza e duhur për fëmijët dhe të rriturit si dhe mënyrat e përdorimit.

“Gjithçka që prodhon bleta është bekim për njeriun. Qumështi i bletës një nga sekretet e ruajtura të natyrës” e nis kështu bisedën specialisti i bimëve mjekësore Ylli Merja.

Qumështi i bletës prodhohet nga gjëndrat e bletëve punëtore, ka ngjyrë të bardhë në të verdhë, është si krem, ka shije të thartë dhe pak aromë. Një qumësht cilësor duhet të jetë si lëng veshtullor dhe kur e prekim me majat e gishtave nuk duhet të na kokrrizohet në dorë, shprehet Merja. I cilësuar si superushqim për superfuqi, qumështi i bletës rrit imunitetin dhe trajton një sërë sëmundjesh në organizëm.

Qumështi i bletës përmban:

· Mbi 150 përbërës aktiv biologjik

· Ujë 66 – 69 %

· Aminoacide esenciale 17-19 %

· Yndyrna 3-5 %

· Minerale 2-2.5 % (kalium, kalcium, natrium, zink, hekur, bakër)

· Vitamina 2 % (A, B, B2, B5, B6, B8)

· Hormone, substanca stimuluese

· Enzima

Vlerësohet si nektari i perëndive për nga vlerat e jashtëzakonshme që i dhuron organizmit. I pasur me ushqyes të cilët dhurojnë vetëm shëndet, prej vitesh tashmë është kura natyrale më e mirë e kujdo që kërkon të forcojë trupin dhe mendjen.

Vetitë e qumështit të bletës:

· Rivitalizon trupin dhe e rigjeneron atë

· Frenon plakjen e organizmit

· Ushqen sistemin nervor, lufton parkinsonin

· Përmirëson koncentrimin, kujtesën, largohet frika

· Ndihmon organizmin të luftojë sëmundjet virale dhe bakteriale

· Rrit performancën hormonale

· Rrit nivelin e kolagjenit, forcon kockat

· Forcon imunitetin e organizmit kundër kancerit

· Ndihmon diabetikët në uljen e nivelit të glukozës

· Lufton aneminë dhe infeksionet bakteriale

· Ndihmon në trajtimin e plagëve dhe puçrave

· Aleat në dermatologji, lufton rrudhat

Përdorimi i qumështit të bletës, në dozat e duhura është shumë i rëndësishëm sipas specialistit Merja:

· 5 mgr për çdo kg peshë trupore, vendoset poshtë gjuhës

· Për fëmijët në 0,5 kg mjaltë shtohet 5 gr qumësht blete. Përziejeni mirë dhe fëmija mund të konsumojë esëll 10-15 gr.

· Për të rriturit në 0,5 kg mjaltë shtoni 10cc qumësht blete. Përziejeni mirë dhe konsumohet 25 gr mjaltë me qumësht blete esëll në mëngjes.

Gjithashtu një rëndësi të veçantë i duhet kushtuar dhe ruajtjes së tij për të mos humbur vlerat. Në momentin që merret deri në konsumim të ruhet në frigorifer në temperaturë minus 20 gradë Celsius, këshillon Merja. Ndërsa, në momentin që nis konsumimi, ruhet në frigorifer në temperaturën 4 gradë Celsius.

Specialisti i mjekësisë popullore Ylli Merja ndau dhe disa receta për përdorime të qumështit të bletës në sëmundje të ndryshme dhe në dermatologji.

Për kujtesën, alzheimer, parkinson:

· Në mëngjes vendoset 0,5 gr qumësht blete poshtë gjuhës

· Pini çaj harmonia 3 gota në ditë para buke

· Pini 2 x 4 pika në ditë pas buke vaj harmonia

· Përdorni 20 fije shafran në ditë, në kos ose gjellë

· Vendos poshtë gjuhës në mëngjes esëll qumësht blete (për fëmijët sipas peshës trupore 100 mrg, 200 mgr, 300 mgr / për të rriturit 500 mgr)

· Përdorni rrënjë sanze, hidhni në 1 lugë gjelle kos 1 lugë kafeje rrënjë sanze

· Pini çaj anemie 3 x 1 gotë në ditë para buke

· Pini alkania ngjyruese 1 gotë çaji çdo pasdite

Në dermatologji, për trajtim plagësh, puçrash, akne, rrudha, seborea:

· Në 50 gr krem shtoni 2-3 gr qumësht blete, përziejeni dhe mbajeni në frigorifer. Kremi mund të jetë sipas funksionit të lëkurës dhe problematikës.

Të ngrënit vezë në mëngjes sjellë një mal me përfitime shëndetësore, falë proteinave dhe yndyrnave të shëndetshme që posedon.

5 arsyet përse duhet të hani vezë të ziera në mëngjes

Vezët iu mbajnë të ngopur më shumë sesa tosti ose drithërat

Proteina dhe yndyrnat në vezë sigurojnë nivele të larta energjie, duke iu mbajtur juve të ngopur deri në vaktin ushqimor të drekës.

Vezët ndihmojnë në humbjen e peshës

Studimet kanë treguar se njerëzit që hanë vezë në mëngjes kanë më të ngjarë të humbin peshë sesa të tjerët që hanë ushqime të tjera në vaktin e parë ditor.

Vezët janë një burim i madh i proteinës

Vezët përmbajnë sasi të mjaftueshme të plotësimit të nevojave ditore si të aminoacideve, ashtu edhe të proteinave.

Vezët ndihmojnë në zhvillimin e trurit

Kolina, ushqyesi esencial në vezë, stimulon trurin dhe funksionin e tij.

Vezët përmirësojnë shikimin

Të dy antioksidantët që kanë në posedim vezët, lutini dhe zeaksantini, mbrojnë sytë nga dëmtimi i rrezeve ultravjollcë. Gjithashtu, ushqimi në fjalë mbron sytë.

Kafenetë shërbejnë ujë me kafe të zezë për të pastruar qiellzën. Uji largon çdo papastërti nga pasta e dhëmbëve, çamçakëz apo çdo gjë tjetër e ngrënë në orën e fundit. Disa klientë pëlqejnë të rezervojnë pak nga uji pasi të pinë kafenë për të zbutur aromën e pasur dhe intensive që mbetet pas. Megjithatë, “ekspertët” e kafesë besojnë se nëse kokrrat e kafesë janë cilësore, nuk do të dëshironi të hiqni shijen në fund.

Disa frekuentues të kafeneve preferojnë të thithin atmosferën për më shumë se vetëm një pije. Nëse kafeneja shërben alkool, atëherë një verë mund të jetë pija tjetër e porositur. Për këta klientë, uji është edhe një herë i dobishëm për pastrimin e qiellzës përpara se të kalojnë në vino.
Në disa pjesë të botës, si Lindja e Mesme, ekziston një arsye tjetër e rëndësishme për të shërbyer kafe dhe ujë së bashku. Klimat e nxehta mund të shkaktojnë lehtësisht dehidrim, kështu që uji ndihmon në kompensimin e efekteve dehidratuese të kafeinës.

Nëse ju pëlqen të porosisni një ekspres (i gjatë i zi në disa pjesë të botës) do të kuptoni se ai shërbehet në temperaturë afër lavës. Disa adhurues të kafesë kënaqen duke derdhur pak ujë në pije për të përshpejtuar ftohjen. Ndërsa baristët mund të mos e mbështesin këtë praktikë, pa dyshim që është tërheqëse për disa klientë.

Por përveç kësaj ka edhe një “teori” tjetër lidhur me këtë që daton që në shekullin e XIX-të.

Ajo që është interesante është se gota e ujit që vjen me kafenë nuk ishte menduar për t’u pirë. Në atë kohë, shumë njerëz ankoheshin se kishin vështirësi me lugën e përdorur për përzierjen e sheqerit dhe kafesë. Nuk u pëlqente fakti që pasi të kishin përzier kafenë ta vendosnin në cep të pjatës së filxhanit.

Në atë kohë, shumë e konsideruan këtë lëvizje si të pakëndshme dhe aspak elegante, kështu që prezantuan një gotë me ujë që vjen me kafe. Qëllimi i saj ishte që njerëzit nëpër kafene të mund të lanin lugën e ndotur dhe vetëm më pas ta vendosnin në pjatën e filxhanit.

Megjithatë, ky ritual ka ndryshuar kuptimin që nga viti 1873, kur u prezantuan sistemet e para të ujit të qytetit, nga burimet malore. Më pas pronarët e kafeneve donin të tregonin se pijet e tyre i përgatisin me ujë të burimit. Sot, të marrësh një gotë ujë me kafen konsiderohet sjellje e mirë.

Nishanet janë disa shenja në lëkurë ose të dala mbi lëkurë, që shpesh rrezikojnë të kthehen në sëmundje kancerogjene të rrezikshme.

Dermatologët këshillojnë, se nëse vërejmë ndryshime në formën, madhësinë, ngjyrën e nishanit duhet t’i drejtohemi menjëherë mjekut për një konsultë të specializuar.
Nishanet mund të bëhen të rrezikshëm për shëndetin atëherë kur afër tij zhvillohet melanoma, kanceri i lëkurës. Ndër shkaktarët kryesorë të shfaqjes së melanomës është ekspozimi i shumtë në rrezet ultraviolet të diellit.

Habit i dashuri i Loredanës ,feston në kampin e Borussia Dortmund me shqiponjën dykrenare

Prandaj gjatë ditëve me diell dhe temperatura të larta, duhet treguar kujdes i madh për mbrojtjen e lëkurës në mënyrë që ajo të mbetet e shëndetshme.

Këshilla nga dermatologët

Përdorni kremra me faktor mbrojtës nga 30-50 SPF në të gjithë lëkurën që ekspozohet në diell, rivendosen kremin mbrojtës çdo 2 orë nëse jeni në plazh, pas notit dhe nëse djersiteni shumë. Vishni veshje mbrojtëse, mbani size me xhama të errët dhe kapele me strehë të madhe. Mbroni fëmijët nga ekspozimi në diell duke i lënë të luajnë në hije duke përdorur rroba mbrojtëse dhe duke aplikuar kremra mbrojtës.

Tregohuni të kujdesshëm afër rërës, ujit, madje dhe borës në dimër sepse ato reflektojnë rrezatimin diellor dhe rrisin shanset e djegies së lëkurës. Merrni vitaminën D duke përdorur një dietë të shëndetshme, mjaftojnë 10-15 minuta në ditë rrezatim që trupin juaj të plotësojë nevojat për Vitaminën D. Shmangni sa më shumë solarin artificial, pasi është tepër I dëmshëm për shkak të rrezeve që përdor.