Shendetesi

NGA ILIR XHAFAJ

Disa ditë më parë newsbomb.al bëri publik rastin e 20 vjeçarit nga Tropoja Fatlind Buçaj, i cili vuan nga një sëmundje e rëndë.

Menjëherë pas publikimit të lajmit qytetarët që u sensibilizuan me rastin ishin të shumtë, shqiptarët nga kudo ndodheshin e dhanë ndihmën, i dhanë Lindit mundësinë të luftojë me sëmundjen e rëndë e shpresën që operacioni të dalë me sukses dhe ai të ngrihet në këmbë.

Nëpërmjet një falenderimi për të gjithë shqiptarët që dhanë kontributin e tyre dhe padyshim qytetarëve të Tropojës, Sara, motra e 20 vjeçarit ka treguar se shuma që nevojitej (50 mijë euro) është arritur.

“Atëherë, gjej rastin tju falenderoj nga zemra për kontributin e dhenë në lidhje me vëllan tim Fatlindin! Këto ditë kuptova që humanizmi i gjithë Shqiptarëve kudo që ndodhen , në veçanti i Tropojanëve ishte ne piedestal! Zoti ua shpërbleftë të gjithëve që nuk u kursyet në asnjë sekondë! Më mbushet zemrën plot duke treguar përkushtimin dhe dashurinë e madhe për Lindin Tim! Shuma e kërkuar prej 50.000 eurosh u arrit! Tani presim rikthimin e Fatlindit ,që besoj do jetë më i fortë se kurrë! Shumë dashuri për ju.
Shpresoj me shpirt që statusi im i ardhshëm të jetë Lajmi që Fatlindi është jashtë rrezikut për jetën”, ka shkruar Sara.

Tani “detyrën” më të vështirë e ka Lindi, është ai që duhet të bëhet i fortë, t’ i bëjë ballë sëmundjes e të çohet në këmbë për familjen e të gjithë ne që besojmë tek ai.

Fatlindi prej 1 muaj e gjysmë ndodhet i shtruar në Qendrën Spitalore “Nënë Tereza” në reanimacionin e Neurokirurgjisë, me tumor në kokë, i cili për shkak të gjendjes së avancuar nuk i jep mundësinë e lëvizjes në një spital të specializuar jashtë vendit.

“Zoti ua shpërbleftë të gjithëve që nuk u kursyet në asnjë sekondë”

Një lindje e veçantë është regjistruar në spitalin Rajonal të Beratit, në repartin e Gjinekologjisë.

Një nënë 25-vjeçare ka sjellë në jetë 3 fëmijë. Libonika Dodoveci, nga fshati Drizë, njësia Administrative Kozarë, Kuçovë, ka sjell në jetë dy vajza dhe një djalë.

Kjo është lindja e parë e gruas së re. Djali ka lindur me peshë 3 kg, ndërsa vajzat 2.7 kg njëra dhe 2.6 kg tjetra.

Fëmijët gëzojnë shëndet të plotë dhe janë nën kujdesin e mjekëve. Sipas bluzave të bardha lindja e trinjakëve konsiderohet si lindje e rrallë e munguar prej vitesh në këtë spital.

Antioksidantët janë substanca themelore për mirëqenien tonë. Në fakt, ata ndihmojnë për të luftuar veprimin e radikalëve të lirë, parandalimin e plakjes dhe mbajtjen e trupit të shëndetshëm. Për të marrë ato ju duhet të konsumoni disa ushqime, zbuloni se cilët janë.

Domatet janë të pasura me likopen, një substancë e çmuar antioxidante që mbron trupin nga iktusi. Ngrënia e këtyre perimeve gjithashtu ndihmon për të parandaluar sëmundjet kardiovaskulare dhe për të kontrolluar kolesterolin e lartë.

Çokollata është një burim i shkëlqyer i antioksidantëve. Në fakt, kakao është e pasur me flavonoide, të cilat përmirësojnë gjendjen shpirtërore, rregullojnë presionin e gjakut dhe neutralizojnë rritjen e kolesterolit. Zgjidhni çokollatë ekstra-të zezë dhe të hidhur, të ulët në sheqerna të rafinuara.

Frutat e kuqe dhe manaferrat janë një koncentrat antioksidantësh. Këto ushqime parandalojnë sëmundjet kardiovaskulare dhe metabolike, duke na mbrojtur nga kanceri. Për të qëndruar të rinj më gjatë dhe për të marrë substanca të dobishme shijoni manaferra, boronica, por edhe luleshtrydhe e qershi.

Shega është e pasur me antioksidantë, veçanërisht lëngu i saj përmban flavonoide, substanca me cilësi të mëdha gastroprotektive dhe anti-inflamatore, të cilat janë të dobishme për të mbrojtur zemrën dhe arteriet. Jo vetëm: në sajë të acidit ellagik ky frut gjithashtu lejon për të luftuar veprimin e radikalëve të lirë.

Çaji jeshil është një koncentrat natyral i antioksidantëve. Kjo pije përmban kryesisht taninet, polifenolet dhe bioflavonoidet, të cilat sjellin shumë përfitime për trupin. Gjithashtu forcon sistemin imunitar, zvogëlon absorbimin e sheqerit dhe përmirëson tretjen. /bota.al

Plakja është një proces natyral të cilin njeriu nuk e eviton dot.

Megjithatë, njeriu dhe zgjedhjet e tij mund të ndikojnë në mënyrën e plakjes.

Ushqyerja e keqe, duhanpirja, ekspozimi në diell dhe aktiviteti fizik luajnë një rol të fortë në jetëgjatësinë e njeriut, shkëlqimin e fytyrës së tij, plakjen e shëndetshme dhe funksionet e trurit.

Janë pikërisht zgjedhjet që bëjmë çdo ditë që mund të çojnë në degradimin e trurit.

Sipas studimeve të cilave i referohet AgroWeb.org konfirmohet se të qenit mbipeshë ose obezë mund ta plakë trurin me të paktën 10 vjet.

Ndaj nëse dëshironi të jetoni gjatë e të plakeni shëndetshëm kini kujdes nga këto gabime që mund të jeni duke bërë aktualisht.
Ngrënia E Mishit
Studimet kanë zbuluar një lidhje të fortë mes ngrënies së mishit dhe vdekjes së parakohshme.

Ndërkohë, njerëzit që hanë më shumë fruta dhe perime kanë 15 përqind më pak gjasa të vdesin para kohe.

Njerëzit që hanë mish janë më pak të prirur të hanë fruta dhe perime.

Rrjedhimisht ata marrin më pak antioksidantë dhe ushqyes të vlefshëm.
Jeta Pasive
Të qëndruarit ulur për disa orë është shumë e rrezikshme.

Të ulurit për të paktën 8 orë në ditë rrit rrezikun e vdekjes së parakohshme me 60 përqind.

Ecja me një shpejtësi mesatare për të paktën një orë ul rrezikun e vdekjes së parakohshme me 40 përqind.
Ëmbëlsirat Dhe Të Gazuarat
Sipas të dhënave të AgroWeb.org, pijet e gazuara dhe ëmbëlsirat shkatërrojnë proteina të rëndësishme që janë përgjegjëse për paraqitjen rinore të lëkurës.

Sheqernat nxisin inflamacionin që është vatra e shumë sëmundjeve të rrezikshme.
Çaji Jeshil
Çaji jeshil është i dobishëm në shkrirjen e yndyrnave të akumuluara dhe në përmirësimin e funksionit të mëlçisë.

Pirja e rregullt e këtij çaji ndihmon në shmangien e vdekjes së parakohshme, ishemisë dhe sklerozës.
Drithërat E Bardha
Të gjithë drithërat me ngjyrë të bardhë nuk janë të pasur me fibër dhe ushqyes dhe në thelb janë një version ndryshe i sheqerit.

Orizi i bardhë, buka e bardhë, makaronat, picat e të tjerë prishin ekuilibrat e baktereve në stomak.

Për një jetë më të gjatë duhet të zgjidhni drithëra me ngjyrën dhe përmbajtjen e tyre të plotë e natyrale.
Gjumi
Gjumi është një përbërës kritik i të gjithë rimëkëmbjes së organizmit.

Mungesa e tij shkakton mbipeshë, depresion, diabet të tipit 2, tension të lartë të gjakut dhe sëmundje të zemrës.
Shumë Pak Peshk
Peshqit janë ushqim i domosdoshëm për jetëgjatësinë.

Ato janë të pasur me acide yndyrore omega-3 që luftojnë inflamacionin dhe mbrojnë trurin.

Gabimi i mos të ngrënit peshk rregullisht 2 herë në javë, u kushton disa vite jetë.
Stresi, Alkoli Dhe Kafja
Sipas të dhënave të AgroWeb.org stresi rrit nivelet e kortizolit që ngadalëson metabolizmin dhe nxit rritjen në peshë.

Kafja nga ana tjetër ndërhyn jo vetëm në cilësinë e gjumit por edhe në kohëzgjatjen e tij.

Pirja e tepërt e alkolit dhe e pijeve të tjerë të gazuar dëmton qelizat dhe zhbën punën e antioksidantëve.
Yndyrnat Dhe Të Skuqurat
Yndyrnat trans që gjenden tek margarina dhe produktet e skuqura e dehidratojnë lëkurën duke nxitur shfaqjen e rrudhave.

Inflamacioni që shkaktojnë këto yndyrna nxit shfaqjen e sëmundjeve koronare dhe diabetit.

Të skuqurat nga ana tjetër nxisin praninë e radikaleve të lira në organizën.

Këto organizma janë fajtorë për plakjen jo të shëndetshme.
Ekspozimi Në Diell
Ekspozimi i lartë dhe i pambrojtur në diell nxit jo vetëm rrudhat por shkakton dëme të konsiderueshme në lëkurë dhe në paraqitjen tuaj.

AgroWeb.orgju këshillon të konsumoni sa më shumë fruta dhe perime të stinës për të përfituar maksimalsisht nga vlerat e tyre ushqyese dhe për të qëndruar të shëndetshëm gjithashtu./AgroWeb.org

Drejtoria Rajonale Shëndetësore Vlorë krahas shërbimeve në familje për pacientët të cilët nuk kanë mundësi që të paraqiten në qendrat shëndetësore, kësaj here ka zgjedhur të informojë qytetarët vlonjate për rreziqet që shfaq sëmundja e “Alzhaimerit”.

DRSH Vlorë ka ndërmarrë një aktivitet ndërgjegjësues në Kuadër të Ditës Botërore të Alzhaimerit, duke shpërndarë informacione rreth kësaj sëmundje te personat e moshës së tretë.

Sipas Organizatës Botërore të Shëndetësisë (OBSH) në çdo 3 sekonda diagnostikohet një rast i ri i Alzhaimerit (Demencës), i cili cilësohet si “tmerri i shekullit 21” dhe kriza më e rëndësishme shëndetësore globale dhe sociale.

“Alzhaimer vërehet 2-4% tek grupmosha mbi 65 vjeç dhe 20% në grupmoshën mbi 85 vjeç, kjo është arsyeja pse ne zgjodhëm Shtëpinë Komunitare të Qendrës së të Moshuarve Vlorë”, shkruan DRSH Vlorë. /atsh

Për shkak të mungesës së parave, unë ju ofroj një nga veshkat e mia. Kurrë në jetë nuk kam pirë duhan, nuk kam pirë alkool, jam ushqyer shëndetshëm dhe kam ushtruar sport. Për pyetje apo paqartësi, unë jam i gatshëm t`ju ndihmoj”. Ky është përshkrimi i produktit për një ofertë jo të përditshme në Ricardo.ch.nga një shitës i dyshuar shqiptar.

Oferta minimale për një veshkë fillon me 50.000 franga, për një çmim blerje prej 100.000 frangash, që mund të shitet menjëherë. Shitësi të hollat ia ka dashur të gatshme. Por, ai premton një veshkë të shëndetshme, e cila mund të dorëzohet menjëherë. Mbetet e paqartë se si do të zhvillohej transplantimi saktësisht dhe se si do të testohej funksionimi i veshkës. Detajet rreth dorëzimit do të duhej të diskutoheshin.

Oferta është dashur të zgjasë deri më 29 shtator. Deri të enjten në mëngjes, ajo ka qenë ende e disponueshme. Në ndërkohë, ju nuk mund ta bleni veshkën më. Pasi Ricardo.ch ka hequr menjëherë ofertën. Në vend të kësaj, shfaqet një mesazh ku thuhet: “Kjo ofertë nuk përputhej me termet dhe kushtet e Ricardo.ch, prandaj është ndërprerë para kohe”.

Ricardo i përket Tamedia-s, njësoj sikurse edhe “20 minuta”, transmeton Albinfo.ch. Sipas zëdhënësit Simon Marquard, veshka ishte në internet gjatë natës së mërkurë menjëherë pas mesnatës. “Menjëherë pas kësaj, nga një përdorues i shërbimit është raportuar tek Ricardo. Oferta u mbyll në mëngjes, dhe kjo iu komunikua edhe shitësit”. Sipas Marquard, Ricardo ka disa mekanizma kontrolli të automatizuara dhe manuale që kontrollojnë ofertat. Përveç kësaj, Ricardo kontrollon njoftimet e ndryshme, të cilat raportohen drejtpërdrejt nga anëtarët.

Marquard vë në dukje: “Nuk është kurrë e qartë nëse një ofertë e tillë vërtetë është serioze. Sidoqoftë, është e ndaluar që të ofrohen organe dhe pjesë të tjera të trupit njerëzor përmes Ricardo-s. Kjo është gjithashtu e përmendur në mënyrë eksplicite në listën tonë të ndalimeve”.

Deri më tani nuk dihet ndonjë rast i mëtejshëm i ofertimit të veshkës.

“Natyrisht, kuriozitetet vazhdojnë të shfaqen në Ricardo, gjë që në rastin më të mirë tregon gjithashtu edhe humor. Psh, për një person i cili donte të shiste motrën e tij, sepse ajo këndonte me zë të lartë etj. Gjithashtu edhe kjo ofertë është hequr. Këtu dikush ka dashur të zbulojë nëse tek Ricardo mund të shitet gjithçka dhe asgjë”./korrieri

Drejtoria Rajonale Shëndetësore Vlorë, vijon aktivitetet e panumërta për “Shërbimin shëndetësor në familje”.

Sot ata ishin pranë pacientëve invalidë të Qendrës Shëndetësore Shushicë, për t’iu dhënë sadopak forcë e vullnet për të përballuar sfidat e jetës, si dhe për t’u kujdesur për shëndetin dhe mirëqenien e mbi të gjitha për të mos hequr dorë nga jeta.

DRSH ofroi një sërë shërbimesh për këtë kategori me mjaft përkushtim. /atsh