Shendetesi

Dihet se marrja e një doze të vogël aspirine çdo ditë i ndihmon ata që kanë patur goditje në zemër. Një studim i ri tregon se nga përdorimi i aspirinës rreziqet janë më të pakta se sa përfitimet
Ndërsa shumë njerëz përdorin aspirinën kur kanë dhimbje koke apo të muskujve, mjekët prej kohësh rekomandojnë marrjen ditore të një doze të vogël aspirine për parandalimin goditjeve në zemër, tru apo problemeve në zemër për ata që janë prekur nga këto sëmundje. Mjekja Holly Anderson është me qendrën mjekësore Weill Cornell në spitalin Presbyterian të Nju Jorkut.

“Është e qartë se njerëzit që kanë patur goditje në zemër, apo e goditje në tru, përfitojnë nga marrja e përditshme e një doze të vogël aspirine. Është shumë e rendësishme sepse redukton rrezikun nga një tjetër goditje në zemër apo tru dhe mund të zgjat jetën.”

Një hulumtim i ri madhor ka testuar nëse aspirina mund të ndikojë në parandalimin e problemeve të para në zemër. Rezultatet e tre studimeve të veçanta japin një përgjigje negative.

Dhimbjet në fyt, acarimi i tij dhe ngacmimet e kollës janë simptomat më të shpeshta që prekin shëndetin.
Është koha kur virozat, gripi dhe i ftohti kërcënon hapur organizmin tonë.

Problemet nisin me problemet në kapërcimin e ushqimit dhe sidomos kollën dhe teshtimat e njëpasnjëshme që shkaktohen pa pushim për shkak të acarimit të fytit.

Por nëse mendoni se mënyra më e shpejtë për të përballuar acarimet e fytit dhe dhimbjet e shkaktuara prej tij është një vizitë në farmaci, zgjidhja është edhe më e shpejtë brenda në shtëpinë tuaj.

AgroWeb.org  u sugjeron një listë me kura natyrale, përbërësit e të cilave gjenden lehtë në kuzhinën e secilit prej nesh.

Mjaftojnë pak minuta në përgatitjen e secilës prej tyre dhe problemet me fytin do të largohen.

Është vet natyra që ofron zgjidhje të shumëfishta për çdo problem shëndetësor përfshirë këtu edhe problemet dhe komplikacionet që vijnë nga i ftohti.
Katër kura natyrale nga AgroWeb.org për lehtësimin e fytit të acaruar
Limoni
Përdorni një çaj të ngrohtë limoni me mjaltë.

Kombinoni lëngun e dy kokrra limoni dhe një lugë gjelle mjaltë në një filxhan çaji me ujë të ngrohtë.

Përzjeheni dhe pijeni ngadalë. Përsëriteni këtë 2 deri në 3 herë në ditë.
Uthulla e Mollës
Në një filxhan çaji, hidhni një lugë gjelle me uthull molle,  një lugë gjelle lëng limoni dhe një lugë gjelle mjaltë.

Shtoni ujë të ngrohtë përzjeheni dhe pijeni ngadalë.

Përsëriteni këtë çaj dhe konsumojeni deri tre herë në ditë.

Shumë shpejt do të ndjeni lehtësimin e dhimbjeve nga fyti dhe inflamacioni.
Kanella
Në një gotë me ujë të ngrohtë shtoni një lugë gjelle kanellë pluhur dhe një lugë gjelle piper të zi pluhur.

Përzjeni solucionin dhe bëni me të gargare.

Përdoreni këtë kurë një herë në ditë, për një javë rresht dhe do të jeni tërësisht të shëruar.
Hudhrat
Konsumoni një thelpi hudhër çdo ditë në mënyrë që hudhra të çlirojë në trup përbërësin e fuqishëm të njohur me emrin acilinë.

Ajo do të vrasë bakteret që shkaktojnë dhimbjen e fytit.

Përdoreni këtë kurë çdo ditë për një javë.

Jo vetëm që fyti do të shërohet por organizmi do të përfitojë edhe shumë vlera të tjera shëndetësore./AgroWeb.org

A jeni gati te permiresoni jeten tuaj seksuale? E nëse jeni një nga ata që kur teshtin e merr vesh gjithë qyteti, do të thotë se dini t’i shijoni të gjitha. Të gjitha! Neurologu Alan Hirtch shpjegon se teshtima është tregues i karakterit që kemi në seks.

Nëse e lëshojmë teshtimën me forcë, do të thotë se e lëshojmë veten edhe në shtrat, dhe e shijojmë në maksimum marrëdhënien intime. Nëse përpiqemi ta frenojmë teshtimën, do të thotë se frustrojmë dëshirat seksuale.

Doktor Hirtch thotë:

Teshtima është pothuajse orgazëm. Nëse e lëshon, përjeton ndjesi të mira, si një orgazëm hundore. Nëse dikush është i frustruar seksualisht, përpiqet ta mbajë teshtimën. Por nëse dikush është i prirur drejt kënaqësive fizike, zakonisht teshtin fort dhe me zhurmë”

Duket se shpjegon shumë, apo jo? Duhet të jeni krenarë për teshtimën tuaj tronditëse!

Selinoja është një perime shumë e popullarizuar për përgatitjen e pjatave të ndryshme në kuzhinë dhe, në fakt, që nga kohërat e lashta është e njohur për vetitë e saj medicinale, shkruan ShkodraNews. Konsistenca e veçantë e bën atë të shijshme në shije, aq shumë sa që shumë e hanë atë për të thyer urinë gjatë ditës.

Më poshtë mund të gjeni 8 arsye pse është mirë ta prezentoni atë sa më shpejt që të jetë e mundur në dietën ditore:

1 # Ndihmon për të humbur peshë: selinoja është e pasur me ujë dhe fibra, kështu që edhe në sasi të vogla ajo mund të japë një ndjenjë të ngopjes, gjithashtu përmban shumë pak kalori.

2 # Ndihmon në tretje: selinoja përmban fibra të tretshme dhe të pazgjidhshme, të dyja janë të shkëlqyera për të ndihmuar sistemin tonë të tretjes të funksionojë më mirë.

# 3 Kjo ndihmon për të ulur nivelet e kolesterolit: Një studim i publikuar në “The New York Times” zbuloi se të hahet katër pjesë të selinosë në ditë mund të zvogëlojë kolesterolin e keq me 7%.

4 # Efektet anti-inflamatore: selinoja, në çdo pjesë të vogël, përmban shumë antioksidantë. Kjo është arsyeja pse ajo është ideale për ata që vuajnë nga dhimbje të muskujve dhe inflamacion të nyjeve.

5 # Rikthimi i elektroliteve: në vend të pirjes së një pije energjie, përpiquni të përdorni natyrën dhe të përtypni pak selino. Ajo përmban nivele të larta të natriumit dhe kaliumit, të cilat janë të nevojshme për trupin të rimëkëmbet pas ushtrimit.

6 # Parandalon disa lloje të kancerit: siç e kemi parë, selinoja ka shumë veti të dobishme për mirëqenien dhe shëndetin tonë, shkruan ShkodraNews. Një nga këto është sigurisht një përbërje kimike e quajtur apigenin, sepse është provuar se është në gjendje të pengojë disa lloje të enzimeve të përfshira në përhapjen e tumoreve të caktuara.

7 # Përmirëson shëndetin e syve: selinoja është e pasur me vitaminë A që është vitamina që i jep më shumë përfitime syrit.

8 # Zbut lëkurën: Vlerat anti-inflamatore të selinosë janë shumë të mira në shërimin e puçrrave të fytyrës, gjithashtu stimulon prodhimin e kolagjenit.

A i dinit të gjitha cilësitë e kësaj perime? Lini një koment. /Përshtati: ShkodraNews

Problemet me peshën janë gjithmonë shqetësuese për të gjithë ne. Pas periudhës së pushimeve ne mund të kemi marrë dhe disa kilogramë më shumë dhe fillimi i vjeshtës është mënyra më e mirë që do të na ndihmojë për të eleminuar sa më shumë këto kile të tepërta.

Dieta është njëlloj si pushimet, duhet që çdo gjë të planifikohet më parë. Përshembull nëse bëhet fjalë për ushqimin e fëmijëve, duhet ta planifikoni që në darkë të njëjtën gjë duhet të bëni dhe me ushqimin tuaj.Gjithashtu është e rëndësishme që çdo vakt duhet të ketë karbohidrate, proteina dhe yndyrna.

Një supë drithërash me perime të freskëta, peshk apo mish i bardhë janë të shijshme dhe me vlera. Për të shuar disi ndjesinë e ngopjes para se të ulemi në tavolinë pimë dy gota ujë, shkruan Living.Ndërkohë me uljen e temperaturave supërat janë mjaft të mira, por një aleat i mirë dhe për rënien në peshë. Tundimi ekziston për çdo ushqim, dhe për të shmangur sheqernat e tepërta mjafton vetëm ta shijoni, apo siç themi ne të hani sa për neps.

Frutat gjithmonë janë cilësuar si ushqimi më i shëndetshëm që kanë një sërë vetish të mira shëndetësore për organizmin tonë.Një ndër to është dhe shega, një frut që ka veti antioksiduese dhe anti-tumorale. Gjithashtu është një frut vjeshtor për shëndetin dhe mirëqenien.

Kokrrat e shegës përmbajnë potas si dhe elemente që ngadalësojnë plakjen.Shega është e përbërë në masën prej 80% nga uji si dhe përmban vitaminë C dhe vitamina të grupit B, fibra, proteina, fosfor, magnez dhe hekur. Pikërisht në sajë të këtyre vetive këshillohet të përdoret në kuzhinë si për ëmbëlsira edhe për gatime dhe sallata të ndryshme.

Aksioni kundër kancerit luhet në bazë të një acidi, i cili lufton qelizat kancerogjene, kryesisht në gji. Konsumi i rregullt i shegës ngadalëson plakjen dhe shfaqjen e rrudhave dhe kjo është një nga arsyet se pse është njëri nga përbërësit kryesorë për produketet në kozmetikë, shkruan Living.

Që prej disa vitesh shkencëtarët kanë dhënë alarmin për ekspozimin e grave shtatzana nda ndotjes urbane. Konkretisht ndaj dioksidit të nitrogjenit (NO2) që del nga tubat e skapamentove dhe që prek rritjen e fetuseve si në madhësi fizike ashtu edhe në në atë mendore dhe në funksionin respirator. Një ekip nga universiteti i “Queen Mary” në Londër ka shkuar më tej dhe ka gjetur grimca kontaminuese në plaçentën e grave shtatzana që vijnë nga mushkritë e saj.

Shkencëtarët ekzaminuan plaçentat e jo duhanpirëseve që lindën fëmijë të shëndetshëm përmes cezaresë duke izoluar makrofagët, qelizat e sistemit mbrojtës të njeriut që gëlltisin dhe shkatërrojnë bakteriet patogene, mbetjet biologjike dhe përbërës të jashtëm të dëmshëm. Analiza e parë në mikroskop zbuloi 72 grimca të errëta që ishin të ngjashme me ato grimca të zeza të gjetura tek makrofagët e mushkrive tek personat të ekspozuar ndaj tymit të qyteteve. Shkencëtarët pohojnë se duhen kryer më shumë analiza për të parë nëse këto grimca të reja shkojnë tek fetusi që ashtu siç është shprehur doktoreshë Norrice Liu për “The Guardian” nuk është e nevojshme që të kenë një impakt negativ, mjaftojnë që janë prezente në plaçentë.

Zbulimi supozon një pohim që ekspertët dyshonin indirekt për efektet e zhvillimit dhe tek shëndeti i fetuseve të nënave që jetojnë në zona urbane shumë të kontaminuara. Sipas analizave laboratorike grimcat toksike të thithura nga mushkritë mbërrijnë në plaçentë përmes rrjedhës së gjakut. Zbulimi është një alarm për aftësinë e penetrimit të përbërësve kimikë që thithim përmes mushkrive. Në shtator të 2016 shkencëtarët britanikë gjetën grimca të vogla metali, nanosfera të magnetit në indin cerebral tek banorët e Mánchester-it dhe tek banorët e qyteti të Meksikos, ndoshta nga ndotja atmosferike që penetrojnë përmes nervit olfaktor. Prezenca e këtyre grimcave rrit rrezikun e të zhvilluarit të Alzhaimerit dhe të sëmundjeve të tjera neurodegjenerative.

Një grup shkencëtarësh nga universiteti i teknologjisë në jug të Kinës i kryesuar nga Yiyun Cheng zbuloi një përdorim befasues për EGCG; infiltron ARN-në terapeutike në qeliza.

Konsumimi i çajit jeshil është i lidhur me shëndetin që shkon nga parandalimi i sëmundjeve kardiovaskulare deri tek rënia në peshë. Edhe pse ka ende për t’u verifikuar në prova klinike më të gjera çaji jeshil i quajtur galato epigalocatequina, EGCG duket se ka shumë efekte pozitive mbi qelizat.

ARN-të e vogla interferente, ARNip kanë një potencial terapeutik sepse zvogëlojnë shprehjen e geneve të lidhur me sëmundjen. Infiltrimi i ARNip në qeliza nga ku mund të punojnë ka qenë një sfidë. Meqë janë shumë të mëdha dhe me ngarkesë negative, ARNip nuk mund të kalojnë lehtësisht membranën qelizore dhe nuk janë të ndjeshme nga shpërbërja nga enzimat që vrasin ARN-në. Për të tejkaluar këto probleme disa shkencëtarë u përpoqën të veshin ARNip me polimere të ndryshme; pjesa më e madhe e tyre nuk mund të transferojnë ARNip në qeliza, ndërsa polimerët e mëdhenj mund të jenë efikasë, por janë toksikë. Ekipi i Cheng-ut hamendësoi nëse mund të përdornin EGCG që dihet se lidhet lehtësisht me ARN-në në një kombinim me një polimer të vogël për të formuar nanogrimcat që dorëzojnë në mënyrë të sigurt ARN-në tek qeliza.

Zgjidhja e tyre ishte prodhimi i nanogrimcave duke kombinuar EGCG me ARNip që u mblodh në një bërthamë me ngarkesë negative. Më pas e mbuluan këtë bërthamë me një shtresë polimeri me ngarkesë pozitive. Këto nanogrimca eliminuan në mënyrë efikase shprehjen e disa geneve në qelizat e kultivuara duke treguar se grimcat e kishin kaluar membranën qelizore. Në vazhdim ekipi i Cheng-ut provoi nanogrimcat në një model të lezionit intestinal tek minjtë duke përdorur një ARNip që synoi një enzimë proinflamatore. Këto nanogrimca përmirësuan simptomat si humbja e peshës, inflamacionin intestinal. Përveç efekteve të heshtura të geneve të ARNip, EGCG mund të kontribuojë në efektshmërinë e nanogrimcave përmes cilësive antioksidante dhe antiinflamatore.