Shendetesi

Patatet janë të pasura me shumë vitamina dhe minerale.

Ato përmbajnë fosfor, hekur, kalçium, fibër, kalium dhe vitaminat A, B dhe C.

Të gjitha këto vitamina dhe minerale janë të dobishme për rritjen dhe fortësinë e flokut.

Lëkurat e patateve nga ana tjetër janë të shkëlqyera jo vetëm për flokë të shëndetshëm por edhe për zhdukjen e thinjave.

Kura me lëkurën e patates kundër thinjave, të cilën AgroWeb.org e sjell më poshtë tingëllon pak e pazakontë, por përfitimet janë të mëdha.

Kjo është një mënyrë krejt efikase për të larguar thinjat dhe për të ruajtur ngjyrën natyrale të flokëve pa patur nevojë për ngjyrues artificialë.
Përfitimet E Kurës Me Lëkurë Patateje Për Flokët
Patatet përdoren për heqjen e rrathëve të zinj të syve por edhe për rritjen e flokëve dhe eliminimin e thinjave.

Kjo nuk është një zgjidhje e përhershme, por një maskim i përkohshëm dhe mjaft efikas.

Niseshteja tek ky zhardhok shërben si një ngjyryes natyral dhe prej shekujsh është përdorur për ngjyrosjen e tekstileve të ndryshme.
Përbërësit E Kurës
Lëkurat e gjashtë patateve,

Një tenxhere me ujë,

Kullesë

AgroWeb.org ju udhëzon që të ziejini lëkurat e patates në tenxhere për të paktën 20 minuta.

Hiqeni tenxheren nga zjarri dhe lëreni lëngun të ftohet për 15 minuta të tjera.

Më pas përdorni një kullesë ose napë të pastër dhe kullojeni lëngun në një tas të pastër.
Përdorimi I Lëngut Të Lëkurave Të Patateve
Lajeni kokën si zakonisht me shampo dhe zbutës.

Më pas krihini flokët dhe ndajini në 4-6 grupime në varësi të trashësisë dhe gjatësisë.

Hidhni lëngun e lëkurave të patateve me bollëk mbi secilin grupim.

AgroWeb.org ju këshillon se lëngu duhet hedhur edhe në pjesën e skalpit të kokës dhe duhet masazhuar.

Ju mund t’i shpëlani flokët me ujë të vakët ose ta mbani kurën në flokë duke e lënë të thahet natyralisht.

Procesi i shpëlarjes me lëngun e lëkurave të patateve duhet përsëritur disa herë në varësi të thinjave dhe intensitetit të ngjyrës që kërkoni/AgroWeb.org

Era e keqe e gojës është një shqetësim që prek shumë njerëz, dhe kjo vjen për disa arsye. Shkaku kryesor janë infeksione të dhëmbëve, higjiena e dobët dentare, pirja e cigares, mund të vijë si shkak i sëmundjeve që vijnë nga trakti gastrointestinal. Apo veshkave, etj, shkruan ShkodraNews.

Por ka disa mënyra të thjeshta dhe natyrale të cilat ju vijnë në ndihmë nëse keni këtë shqetësim:

1) Karafili- Kjo barishte ka shumë potencial në luftën kundër halitosis. Përtypeni atë pas çdo vakti dhe ju do të keni frymë të freskët.

2) Fërkoni butësisht gjuhën, me furçën e dhëmbëve, për të eliminuar mbetjet e ushqimit- Duke bërë këtë, ne kemi minimizuar mundësitë e rritjes së baktereve në gojën tonë. Soda bikarbonat është gjithashtu një nga përbërësit, që ju mund të shfrytëzoni për të shmangur halitosis. Duhet vetëm të shtoni sodën në ujë dhe bëni gargarë me të.

3) Majdanozi- Majdanozi ka një substancë të quajtur klorofil. Kjo substancë është e njohur si deodorant i frymës. Ai eliminon çdo aromë të keqe nga goja juaj. Mund ta përdorni si një lëng ose ta përtypni. Gjithashtu, mund të hani gjethe a po vaj m ente. Ajo është ilaç shumë i mirë për të shmangur aromën e keqe.

4) Përfshini fruta të ndryshme dhe perime në dietën tuaj normale- Kjo do t’ju ndihmojë në shmangien e këtij problemi. Shumë thelbësore është të rrisni konsumin e ushqimit të pasur me vitaminë C dhe E. Këto vitamina janë efektive në shërimin e halitosis.

5) Zgjidhni një shpëlarës goje që përfshin eukaliptol-  Kjo është e dobishme për të reduktuar frymën e keqe. 6) Gjithashtu mund të përzieni vaj rigoni në ujë dhe ta pini./ShkodraNews

Vetitë kuruese të kamomilit janë të njohura në të gjithë botën, e po ashtu edhe ato të vajit të ullirit. Kamomili është një bimë e cila që në lashtësi është përdorur për të kuruar sëmundje nga më të ndryshmet.

Vetitë janë të shumta, duke nisur nga problemet me lëkurën e deri tek pastrimi i enëve të gjakut. Vetitë kuruese të kamomilit janë të njohura në të gjithë botën, e po ashtu edhe ato të vajit të ullirit.

Diçka e tillë ndihmon në parandalimin dhe lehtësimin e komplikimeve që sjell sëmundja e diabetit. Lulet e kamomilit janë përdorur për çajra qetësues, dhe për të luftuar ankthin e stresin.

Vaji me lule kamomili, ndihmon të gjithë sistemin kardiovaskular.Ai le htëson qarkullimin e gjakut, e pastron atë nga ngurtësimet e qelizave të gjakut (tromboza) dhe përshpejton procesin e oksigjenimit të tij.

Si të përgatisim vajin me lule kamomili

Për këtë kurë mund të përdorni lule kamomili të thara. Mund t’i blini në farmacitë bimore, ose të përdorni kamomilit të freskët.

Nëse përdorni kamomil të freskët, duhet të këpusni lulet nga pjesa tjetër e bimës.

Në një kavanoz qelqi, hedhim tre gota me vaj ulliri, më pas shtojmë rreth 3-4 lugë gjelle me lule kamomili.

Me ndihmën e një luge të përzieni përbërjen, në mënyrë që lulet të jenë të zhytura plotësisht në vaj.

Më pas e mbyllim kavanozin me kapak, dhe duhet ta vendosim në një vend me dritë.

Përbërjen do ta lini kështu për dy javë, në këtë mënyrë lulet e kamomilit do të kenë lëshuar të gjitha enzimat e tyre tek vaji i ullirit.
Si të ruani dhe ta konsumoni vajin me lule kamomili
Pasi të kenë kaluar dy javë, kullojmë lulet e kamomilit, dhe vajin e hedhim në një tjetër enë qelqi.

Këtë përbërje ruajeni në një vend të freskët, ose në derën e frigoriferit.

Këshillohet që të konsumohet një lugë gjelle esëll në mëngjes, të vazhdohet kështu derisa të ketë mbaruar përbërja.

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore./Agroweb/

Shtimi në peshë është një problem që vështirë të menaxhohet, dhe shpesh duket se lufta me peshën, humbet.

Por nesh keni kurajë dhe jeni këmbëngulës mund t’ia dilni që të eliminoni kilogramët e tepërt dhe ta ktheni trupin tuaj në më të shëndetshëm dhe më të bukur, shkruan ShkodraNews.

Një nga mënyrat për ta arritur këtë, është kjo recetë me hudhra.

Çfarë ju duhet:

12 thelpinj të mëdhenj hudhre, Dy kokrra limoni, 1 ½ l ujë.

Si ta Përgatisni

Qëroni thelpinjtë e hudhrës me kujdes dhe më pas shtypni secilin prej thelpinjve përmes një çekiçi kuzhine. Pastroni limonat me ujë të rrjedhshëm dhe prijini në copëza të vogla me gjithë lëkurë. Vendosni ujin në një tenxhere. Shtoni hudhrat e shtypura bashkë me copat e limonit dhe vendosini në zjarr të ziejnë për 15 minuta.

Më pas, kullojeni lëngun dhe pijeni, ndërsa masën e përfituar mund ta ruani në frigorifer.

Lëngun e përftuar mund ta ndani në tre doza për çdo ditë. Rekomandohet që të pini nga një filxhan çaji me këtë lëng para secilit nga tre vaktet e ngrënies. Kura përdoret për tre ditë rresht. Ajo ndihmon organizmin për një pastrim rrënjësor të tij duke ndikuar në shkrirjen e yndyrës së tepërt në zonën e barkut. Efektet e kurës ndihen pas një jave.  /ShkodraNews.

Burrat të cilët vuajnë nga ankthi i përgjithësuar kanë më shumë se dy herë gjasa të vdesin para kohe nga kanceri. Megjithatë, stresi nuk duket të jetë i lidhur me rritjen e vdekjeve nga kanceri tek gratë, sipas një hulumtimi të madh britanik shkencor, shkruan ShkodraNews.

Studiuesit, të udhëhequr nga Olivia Remes i Universitetit të Kembrixhit në Mbretërinë e Bashkuar, e bëri njoftimin në Konferencën e Kolegjit Evropian, duke u shprehur se pas analizimit të të dhënave të pothuajse 16.000 njerëz të moshës mbi 40 vjeç, duke vënë në korrelacion çdo nivel të stresit, kohën dhe mënyrën e vdekjes në 15 vjet.

Pjesëmarrësit, 126 burra (nga 7139, dmth 1.8%) dhe 215 femra (nga 8,800, përkatësisht 2.4%) ishin diagnostikuar me çrregullim ankthi të përgjithshëm. Në 15 vjet, 796 burra dhe 648 gra vdiqën nga kanceri.

Analiza tregoi se meshkujt me stres kishin më shumë se dyfishin e mundësisë për të vdekur nga kanceri, krahasuar me ata që nuk kishin ankth të tillë. Por diçka e ngjashme nuk u gjet në rastin e grave. Hulumtimi i ardhshëm do të hetojë se cilat lloje të veçanta të kancerit janë më në rrezik për meshkujt me stres. /Shkodranews

Të gjithë se duhanpirja është një ndër shkaktarët kryesorë për dëmtimin e mushkërive. Ndoshta disa sëmundje të mushkërive nuk i kemi në dorë, por t’i pastrojmë ato nga nikotina, këtë mund ta bëjmë edhe vetë, me receta natyrale të përgatitura në shtëpi, shkruan ShkodraNews.

Kjo recetë që do t’ju tregojmë këtë herë, ka katër përbërës:

Xhinxherin, i cili ka aftësinë për të hequr mukozën shtesë në mushkëri.

Qepën, e cila mund të ndihmojë në shmangien e problemeve të ndryshme të frymëmarrjes dhe madje mund të ndihmojë në luftimin e kancerit.

Shafranin që konsiderohet një nga erëzat më të shëndetshme, që përmban acide yndyrore omega-3, vitamina dhe minerale dhe lufton bakteret, viruset dhe kancerin.

Mjaltin, i njohur për vetitë shëruese dhe përfitimet shëndetësore duke filluar nga sistemi i frymëmarrjes e deri tek dhimbjet e ndryshme.

Si ta përgatisni dhe ta përdorni:

Një kilogram qepë

Një rrënjë e vogël xhenxhefili, e mbuluar

Një litër ujë

400 gram mjaltë

Në një litër ujë, shtoni mjaltin dhe vlojeni ngadalë. Kur të ketë valuar, shtoni qepën dhe rrënjën e xhinxherit, të cilën do ta keni prerë në pjesë të vogla. Më pas shtoni shafranin dhe ulni pak ngrohjen. Lëreni përzierjen derisa të masa e saj të përgjysmohet dhe më pas masën e përfituar vendoseni në një vazo dhe mbani lëngun dhe ruajeni në frigorifer.
Konsumoheni çdo mëngjes esëll, nga dy lugë kafeje dhe në darkë sërish dy lugë kur të bini për të fjetur, por duhet të mos keni ngrënë rreth atij orari. /ShkodraNews

Nuk është për t’u ngrënë e gjithë ajo që rritet në natyrë, ndërsa për shumë nga këto gjëra keni menduar që janë të shëndetshme.

T’i hash perimet nga rrënja deri në majë të fletëve është mënyrë e shkëlqyeshme që të merren materiet më të mira ushqyese dhe sa më shumë vitamina, mirëpo duhet të dini që disa artikuj nuk bën t’i hani në atë mënyrë, sepse përmbajnë pjesë helmuese, transmeton Telegrafi.

1. Filizat e patateve

Patatja rrjedh nga e njëjta familje si edhe helmarinat, andaj nuk është për t’u habitur që disa pjesë të kësaj bime nuk janë të ngrënshme.

Materia toksike, solanina, më së shumti gjendet në filizat dhe në kërcellin e patateve, prandaj ato pjesë gjithmonë duhet t’i eliminoni para se të filloni t’i fërgoni apo t’i piqni patatet. Solanina ka në pataten e gjelbër, andaj mos i hani frutat të cilat nën lëvore kanë nuancë ngjyrë të gjelbër.

2. Fletët e domates

Evropianët janë frikësuar nga domatet me mijëra vjet dhe kanë filluar ta hanë këtë artikull vetëm në shekullin e 18-të. Njëri ndër shkaktarët fshihet në fletë, të cilat përmbajnë materien toksike solaninë dhe tomatinë. Solanina dhe tomatina, nëse konsumohen, mund të shkaktojnë probleme me lukthin.

Në sasi të mëdha fletët e domates mund të kenë pasoja fatale.

3. Farat e mollës

Farat e mollës përmbajnë sasi të vogël amigdaline, substancë e cila në kontakt me enzimat tretëse shndërrohet në cianid. Mbështjellësja e fortë e këtyre farave pengon që helmi të lirohet në organizëm, mirëpo është me rëndësi që të mos kafshohen farat e mollës.

Nga farat e një molle nuk do t’ju ndodhë asgjë, vështirësi shkaktojnë sasitë e mëdha, mirëpo nëse keni dyshime, gjithmonë është mirë që të mos i hani.

4. Fletët e ravenit

Kërcelli i ravenit në kombinim me dredhëzat e ëmbla bëjnë kombinim të shkëlqyeshëm për desert veror. Fletët e ravenit përmbajnë thartirën oksale dhe glukozën antrahinonike, të cilat kanë veprim të helmueshëm në organizmin e njeriut kur treten.

Simptomat varen nga sasia e fletëve të tretura, ndërkaq mund të oscilojnë nga dhembja e lukthit dhe të vjellat deri te sulmet serioze.

5. Fletët dhe lulet e patëllxhanit

Patëllxhani është edhe një lloj i perimeve nga të cilat duhet të kujdesemi kur i konsumojmë.

Fletët dhe lulet e kësaj frute të shijshme përmbajnë solaninë, e cila është e helmueshme, andaj duhet shmangur kënaqjen me ato pjesë të patëllxhanit.