Shendetesi

Tumori i gjirit është një tumor i shërueshëm nëse kapet në fazë të hershme, por ka disa gra të cilat kanë probabilitet më të lartë për të qenë të rrezikuara ndaj këtij tumori, ndaj rekomandohet kontrolli që në moshën 25-vjeçare.

Mjekja Onko-Radioterapeute pranë Spitalit Onkologjik në Tiranë, Bianka Shima ka shpjeguar për Agjencinë Telegrafike Shqiptare se tumoret e gjirit janë të shërueshme nëse kapen që në fazë të hershme dhe kjo bëhet e mundur falë terapive multi-modale.
“Tumori i gjirit është një tumor i shërueshëm nëse kapet në fazë të hershme. Është i shërueshëm edhe falë terapive multimodale që bëhen, falë kirurgjisë që po bëhet gjithmonë e më shumë konservative, falë radio-terapisë dhe kimioterapisë”, -u shpreh Mjekja.

Më tej, ajo ka theksuar se gratë dhe vajzat duhet të paraqiten tek mjeku për të kryer vizita dhe ekzaminime për të kapur në kohë sëmundjen.

Sipas Shimës, ka disa kategori grash që janë më të rrezikuara nga kanceri i gjirit.

“Ne i ftojmë të gjitha femrat që të paraqiten pranë mjekut për të kryer vizita klinike, grafi apo ekografi sipas rekomandimit të mjekut. Rekomandojmë që çdo femër mbi moshën 20 vjeçare të ketë mundësi që të bëjë një altopampim dhe të vetëkontrollohet. Çdo femër që është mbi 25-vjeç të shkojë tek mjeku për një vizitë klinike dhe një ekografi të paktën një herë në vit. Femrat që janë mbi 45 vjeç të paraqiten për të bërë një mamografi të paktën, një herë në dy vjet. Të gjitha femrat që kanë në familje mamanë apo një të afërm të gradës së parë kanë më shumë probabilitet në krahasim me të gjithë popullatën për tu sëmurur nga tumori i gjirit, ndaj këtyre pacienteve ne i këshillojmë fillimin e kontrolleve në një moshë shumë të re, duke filluar nga mosha 25 vjeçare”, -tha për ATSH, Mjekja Onko-Radioterapeute.

Kleopatra, Mbretëresha E Egjiptit, besohet të ketë pasur një bukuri të pashoqe.

Për mirëmbajtjen e saj, thuhet që Kleopatra ishte fanatike e qumështit me të cilin bënte rregullisht banjë.

Qumështi është një burim i pasur i kalçiumit dhe proteinës dhe renditet në ushqimet më të shëndetshme për njeriun.

Qumështi jo i pasterizuar dhe i paskremuar i vjen në ndihmë lëkurës në mënyra nga më të ndryshmet, të cilat AgroWeb.org i sjell mue poshtë.
Kundër Rrudhave
Me kalimin e moshës, lëkura e fytyrës hollohet dhe humbet elasticitetin.

Rrudhat shfaqen më shpejt ndërsa lëkura vuan pasojat e ekspozimit në diell.

Qumështi përmban acid laktik që përmirëson shëndetin e lëkurës dhe zbut rrudhat.

Falë qumështit, lëkura bëhet më e lëmuar dhe më e plotë.
Qumështi Për Heqjen E Qelizave Të Vdekura
Heqja e qelizave të vdekura të lëkurës është e domosdoshme.

Acidi laktik ndihmon në heqjen e tyre pa e dëmtuar më tej lëkurën siç ndodh me eksfoliantët e tjerë me bazë kimike.

Qumështin mund ta vendosni direkt në lëkurë.

Nëse ajo është e yndyrshme, kura me qumësht duhet përdorur 3-4 herë në javë.

Lëkurat e ndjeshme duhet të fërkojnë lëkurën me qumësht një ose dy herë në javë.
Kundër Dëmtimeve Nga Dielli
Ekspozimi në diell shkakton dëme të shumëta në lëkurë.

Një gjë e tillë e hollon lëkurën dhe zbeh elasticitetin e saj.

Acidi laktik zhbën dëmin e shkaktuar nga djelli dhe trash shtresën e jashtme të saj.

Për më tepër, ky acid nxit prodhimin e kolagjenit, një proteinë që i jep lëkurës paraqitje të shëndetshme.

Sipas të dhënave të AgroWeb.org, antioksidantët tek qumështi janë shumë të mirë edhe për të lehtësuar dhimbjet nga të djegurat prej diellit dhe inflamacionin.
Qumështi Kundër Njollave
Pigmentimi i lartë i lëkurës, njollat dhe çrregullimet e tjera në paraqitjen e saj vijnë si pasojë e melaninës, një pigment që prish njëtrajtshmërinë e lëkurës.

Sipas të dhënave të AgroWeb.org, qumështi dhe acidi laktik ulin sasinë e depozitave të melaninës në lëkurë duke e zbardhur atë dhe ofruar një paraqitje më të rregullt të saj.
Qumështi Ushqen Lëkurën
Acidi laktik e ushqen lëkurën për aq sa ajo ka nevojë.

Yndyrnat tek qumështi krijojnë një shtresë mbrojtëse për lëkurën dhe e zbusin atë.

Qumështin mund ta vendosni çdo ditë në lëkurë për një ushqyerje të mirë e të plotë të saj.

Ekspertët thonë se përtej përfshirjes së qumështit në përkujdesjen ndaj lëkurës, njeriu duhet ta pijë atë rregullisht.

Qumështi i skremuar ndihmon kundër akneve dhe konsumi për mbi 3 muaj i tij përmirëson dukshëm paraqitjen e lëkurës./AgroWeb.org

A e dini se mbajtja e një floku të bukur kërkon kohë dhe përpjekje. Përveç kësaj shumë prej nesh kanë probleme me lëkurën e kokës, shpesh ne duhet të luftojmë zbokthin dhe yndyrën e tepërt, për të mos përmendur rënien e flokëve që na shqetëson shumë.

Në treg ka shumë produkte që premtojnë t’i zgjidhin këto probleme, por që shpesh na zhgënjejnë me rezultatin që marrim prej tyre.

Përveç kësaj, shumë nga këto produkte gjithashtu kanë efekte anësore. Kjo është arsyeja pse ne vendosëm t’ju tregojmë për një “ilaç të gjyshes” që shumë gra kanë testuar në flokët e tyre me rezultate të shkëlqyera.

Ka të bëjë me përzierjen e kripës brenda shampos që ne zakonisht përdorim për të larë flokët. Të duket një çmenduri? Përkundrazi, metoda ka një shpjegim shkencor.

Kripa është e përkryer për të bërë një pastrim të shpejtë dhe shpesh përdoret për njerëzit me probleme të frymëmarrjes.

Edhe për flokët, kripa ka provuar të jetë një ilaç efektiv. Duke e përzier me shampon, ajo eliminon zbokthin, zvogëlon sebumin e tepërt dhe stimulon qarkullimin e gjakut. Kjo do të sigurojë që flokët tuaj të rriten të shëndetshëm dhe të fortë.

Kripa më e mirë për t’u përdorur në këto raste është ajo e detit, për shkak të vlerave të saj minerale. Çfarë po prisni për ta provuar?

E dimë se e njihni mirë trupin tuaj, por a jeni i sigurt që me të vërtetë dini gjithçka për muskujt tuaj? A e dini se keni 752 muskuj? Epo, ka pak njerëz që e dinë të gjithë këtë, prandaj vendosëm të flasim me ju në lidhje me një muskul në veçanti…

Emri i tij shkencor është “musculus psoas major”, por është i njohur gjithashtu me emrin “muskuli i shpirtit”. Le të shohim së bashku se çfarë është ky muskul, pse quhet lështu kjo dhe mbi të gjitha se si mund të kujdesemi për të.

Ajo është i vendosur në zonën e mesit dhe, megjithëse mund të duket më pak i rëndësishëm se të tjerët, duhet të dini se kjo zonë është thelbësore për balancën e trupit tuaj … Pra ky muskul ka një rol shumë të rëndësishëm në sjelljen tonë.

Por pse e quajnë atë “muskuli i shpirtit”? E thjeshtë… sepse stresi, ankthet dhe tensionet që grumbullojmë çdo ditë ndikojnë në dhimbjen gjeneruese të muskujve. Por ka më shumë: Muskuli i shpirtit na jep dëshirën për të shpëtuar në rast rreziku të afërt, vepron si një lajmëtar që komunikon me sistemin nervor qendror dhe ndikon frymëmarrjen dhe tretjen.

Ky muskul na dhemb kur ne bëjmë një jetë shumë sedentare. Prandaj ne duhet të jemi të kujdesshëm dhe të kujdesemi për të në mënyrën e duhur. Joga është mënyra më e mirë për të lehtësuar tensionin në pjesën e mesit.

Më poshtë do t’ju tregojmë një stërvitje që ndihmon shumë këtë muskul dhe që lehtë mund të bëni në shtëpi. Duhet të qëndrosh në shpinë, duke e sjellë gjurin në gjoks. Pastaj ju duhet të rrotulloni mesin duke lëvizur në gjunjë në të majtë dhe të djathtë.

Tani që e dini se çfarë është dhe cili është “muskuli i shpirtit”, çfarë po prisni të kujdeseni për të?

Ju ka ndodhur që pasi të keni bërë një vizitë në një spital shtetëror të jeni kontaktuar nga një spital privat që ju bën oferta për ekzaminimin e shëndetit tuaj?

Nëse jo, mos u habisni po të ndodhë. Kjo pasi mjekët shqiptarë nuk e ruajnë privatësinë e pacientëve të tyre si diagnoza apo nr. i telefonit.

Ndonëse ruajtja e të dhënave personale është një e drejtë themelore e pacientit në Shqipëri nuk funksionon kështu.

Komisioneri i Ruajtjes së të Dhënave Personale, Besnik Dervishi ka treguar për TCH:

“Kemi zhvilluar në dy vitet e fundit 300 hetime administrative, 40 prej të cilave janë të përqendruara në sektorin e shëndetësisë. Ka pasur shkelje të karakterit: Dosje shëndetësore të pacientit, të dhënat që gjendet në institucionin publik gjendjen papritur në një spital privat. Na vijnë nga të gjitha llojet e ankesave, që nga mos ruajtja e të dhënave personale deri tek filmimet dhe keqpërdorimi i tyre.”
Me institucionet shëndetësore private dhe jo vetëm në kompjuterin ku ruajnë dosjet e pacienteve kanë akses disa persona dhe kjo konsiderohet shkelje ku shumë klinika shëndetësore private dhe publike janë ndëshkuar me gjobë.

Në bashkëpunim me Rrethin Lakanian Shqiptar, Drejtoria Rajonale e Shërbimit Social Shtetëror, zhvilloi një takim të përbashkët me stafin psiko-social të Spitalit Psikiatrik “Ali Mihali” Vlorë.

Ky staf i përbërë nga psikologë klinik, punonjës social dhe terapistë okupacional ofron shërbime për probleme të shëndetit mendor dhe probleme sociale për pacientë, banorë të komunitetit dhe banorë të Shtëpive të Mbrojtura.

Në mbështetje të misionit tonë për të ofruar shërbime shoqërore për kategori të veçanta ndamë së bashku sfidat dhe vështirësitë në trajtimin e rasteve në institucione rezidenciale, ditore apo komunitare.

Kolegët europianë theksuan nevojshmërinë e diskutimeve të rasteve në grup dhe nevojës për supervizim.

Prej shumë vitesh njerëzit e kanë përdorur kurën natyrale me vaj ulliri dhe limon në të mirë të shëndetit dhe trupit.

Kjo kurë që konsumohet esëll në mëngjes është një alternativë shumë e mirë për të pasur një shëndet optimal.

Mjafton të shtrydhni një limon dhe ta përzieni me një lugë gjelle me vaj ulliri e ta pini rregullisht.
Përfitimet E Kurës Me Vaj Ulliri Dhe Limon Për Shëndetin
Detoksifikimi I Trupit
Përzierja mes vajit të ullirit dhe limonit është ideale për të pastruar të gjithë trupin.

Ky lëng duhet konsumuar përpara ngrënies mëngjesit që të funksionojë në mënyrë perfekte.
Mbrojtje Për Zemrën
Sipas informacioneve të AgroWeb, vaji i ullirit është i pasur me acide yndyrore që riaktivizojnë qarkullimin e brendshëm, duke eliminuar kolesterolin e keq.

Vaji i ullirit largon inflamacionin dhe e pajis trupin me vitamina.
Kundër Kolesterolit
Vaji I ullirit me limon është një kurë natyrale për të ulur nivelet e larta të kolesterolit në gjak.
Problemet Me Reumatizmën
Sekreti i suksesit të kësaj kure kundër reumatizmës qëndron tek vlerat kundër inflamacionit.

Nëse e pini këtë kurë rregullisht me stomak bosh do të përjetoni më pak dhimbje të kyçeve.

Jo më kot kjo kurë njihet si lëngu i artë.
Kundër Konstipacionit
Vaji i ullirit ka efekt laskativ sidomos kur konsumohet me stomak bosh.

Kjo kurë natyrale zgjidh problemin e konstipacionit.
Për Shëndetin E Mëlçisë
Kur organizmi mbushet me toksina falë ushqyerjes së keqe, në ndihmë vjen vaji i ullirit me lëngun e limonit.

Intoksikimi i organizmit ndikon ndjeshëm në shëndetin dhe funksionin e mëlçisë, sipas të dhënave të AgroWeb.org.

Duke e konsumuar lëngun e limonit dhe vajin e ullirit në mënyrë të rregullt do të përmirësoni shëndetin e mëlçisë.
Problemet Me Tretjen
Lëngu i limonit me vaj ulliri rekomandohet për problemet me tretjen, aciditetin në stomak e të tjerë.

Ky lëng ka efekt qetësues për problemet me stomakun sidomos kur konsumohet esëll.
Lëkura, Flokët Dhe Thonjtë
Vaji i ullirit me lëngun e limonit është një kurë ideale për njerëzit që kanë thonj të brishtë, akne dhe çrregullime të pehashit të lëkurës.

Ky lëng është i pasur me antioksidantë që luftojnë shenjat e moshës, rrudhat dhe njollat në lëkurë.

Vaji i ullirit dhe lëngu i limonit gjithashtu rekomandohen për të trajtuar zbokthin në flokë, duke e masazhuar përpara larjes./AgroWeb.org