Shendetesi

Ekspertë rekomandojnë kujdes me konsumimin e alkoolit

Ekspertë të Institutit të Shëndetit Publik rekomandojnë për të qenë të kujdesshëm me konsumin e alkoolit.

Sipas Organizatës Botërore të Shëndetësisë, konsumimi i alkoolit është shkaktar i 18% të vetvrasjeve, 13% i epilepsisë, 18% i dhunës ndërpersonale, 27% i dhunës në trafik.

Instituti i Shëndetit Publik thotë se konsumi i tepërt i alkoolit rrit rrezikun për lëndime, kancer, dëmtim të mëlçisë, sëmundje të zemrës, ç’rregullime mendore etj.

Të dhëna të tjera nga konsumimi i alkoolit:

48% e cirozës hepatike,

26% e kancerit të gojës dhe të fytit

26% e pankreatitit

20% turbekulozi

11% i kancerit kolonorektal

5% i kancerit të gjirit

7% i sëmundjeve hipertensive të zemrës/atsh

Ekspertë rekomandojnë kujdes me konsumimin e alkoolit Read More »

Ekspertët rekomandojnë pesë veprime për të parandaluar Hepatitin A dhe E

Hepatiti A dhe E janë infamacione të mëlçisë ndaj edhe ekspertët e Institutit të Shëndetit Publik rekomandojnë pesë veprime kryesore për të parandaluar sëmundjet.

Hepatiti A shkaktohet nga një infeksion me virusin e hepatitit A. Ky lloj hepatiti transmetohet më së shpeshti nga konsumimi i ushqimit ose i ujit të kontaminuar nga feçet e një personi të infektuar me hepatitin A.

Ndërsa Hepatiti E është një sëmundje që vjen nga uji i ndotur. Hepatiti E gjendet kryesisht në zonat me higjienë publike të ulët dhe zakonisht rezulton nga ndotja e ujit të pijshëm nga fekale të infektuara. Kjo sëmundje është e pazakontë në Shqipëri. Megjithatë, rastet e hepatitit E janë raportuar në Lindjen e Mesme, Azi, Amerikë Qendrore dhe Afrikë.

Pesë veprimet e rekomanduara nga ISHP:

“Lani duart gjithmonë para se të ushqeheni. Përdorni tualetinLani gjithmonë duart pasi shkoni në tualet. Pini ujë të sigurt. Mos shkëmbeni sende personale me të tjerët.Nëse jeni në rrezik, vaksionohu për hepatitin A”, -këshillojnë ekspertët./atsh

Ekspertët rekomandojnë pesë veprime për të parandaluar Hepatitin A dhe E Read More »

Mjekët këshillojnë: Kujdes fëmijët nga rrezet e diellit

Rrezet e diellit, aq të domosdoshme për rritjen e tyre mund të sjellin edhe pasoja të rrezikshme për fëmijët në raste të ekspozimit të tepërt.

Mjekët këshillojnë prindërit që të ruajnë fëmijët pasi një djegie gjatë fëmijërisë mund të bëhet shkak për shfaqjen e melanomave dhe kancerit të lëkurës gjatë rritjes.

Tjetër kujdes duhet të tregohet edhe me nishanet, dhe alergjitë. Mjekët bëjnë apel dhe për personat që vuajnë nga sëmundja e lëkurës skeroderma pigmentoza. Specialistët thonë po ashtu se, çdo 30 minuta para ekspozimit në diell duhet përsëritur aplikimi i kremit të diellit.atsh

Mjekët këshillojnë: Kujdes fëmijët nga rrezet e diellit Read More »

Noti një nga sportet më të dobishme për shëndetin

Noti është një nga sportet më të dobishme. Konsiderohet i tillë sepse është i vetmi sport që vë në funksion të gjithë muskujt e trupit, edhe muskujt të cilët rrallë herë janë aktivë gjatë jetës së përditshme.

Noti bën të mundur tendosjen e muskujve, duke rritur fleksibilitetin dhe zgjatjen e muskujve të ndryshëm në trup. Ai ndihmon në çlirimin e energjisë negative, apo edhe çlirimin e toksinave trupore që pengojnë tendosjen muskulore.

Noti gjithashtu është i këshillueshëm sepse ndihmon dhe forcon zemrën, pasi përbën një ndër sportet më të pasura me lëvizje dhe teknikë. Ushtrimet apo aktivitetet e tjera fizike janë më specifike siç është vrapi ose çiklizmi, ndërsa noti është gjithëpërfshirës, duke bërë të mundur vënien në lëvizje të të gjithë trupit.

Nëse bëni ushtrime fizike ose vrap, pas saj këshillohet gjithmonë të bëni pak not. Kështu pas tij do të ndiheni më aktiv dhe energjik. Noti përpunon siluetën tuaj, së pari, angazhon të gjithë muskujt tuaj dhe i zgjat ato; së dyti, shpenzon shumë energji dhe së treti mobilizon rezervat yndyrore pas rreth 40 min. Një palestër e vërtetë për t’u dobësuar!

Noti rrit cilësinë e jetës, prandaj ushtroni notin tre herë në javë, me një kohëzgjatje 30 – 45 minuta. /atsh

Noti një nga sportet më të dobishme për shëndetin Read More »

Kujdesi ndaj lëkurës në temperaturat e larta

Fëmijëve ashtu si të rriturve, dielli u sjell përfitime të rëndësishme për humorin, sistemin imunitar, kockat dhe lëkurën.

Por, ekspozimi i pakujdesshëm dhe i papërgjegjshëm mund të ketë pasoja negative të tilla si djegie nga dielli, dhe në një afat kohor më të gjatë fillimin e tumoreve, përfshirë melanomat.

Ekspertët e Institutit të Shëndetit Publik rekomandojnë që asnjëherë të mos neglizhoni të kujdeseni për lëkurën tuaj.

“Qendroni në ambiente të freskëta gjatë intervalit kohor 10:00-17:00. Përdorni syze dielli. Përdorni kapele. 

Përdorni kremin me SPF 50. Përdorni kremin mbrojtës për lëkurën e fytyrës. Konsumoni sa më shumë ujë. Vishni veshje të lehta. Qendroni në hije”, -rekomandojnë ekspertët.

Kujdesi ndaj lëkurës në temperaturat e larta Read More »

Pse gratë janë më të rrezikuara nga Alzheimeri?

Zbulohen arsyet pse femrat janë më në rrezik për t’u prekur nga sëmundja e Alzheimerit.

”Arsyeja qëndron në lidhjen më të madhe të disa zonave të trurit të tyre, ku formohet proteina tau, përgjegjëse për grumbullimin e të ashtuquajtura ”pllaka” si edhe në disa gjene të veçanta”, sipas dy studime të ndryshme të paraqitura në Konferencën Ndërkombëtare të shoqatës ”Alzheimer” në Los Anxheles.

”Deri tani është menduar gjithmonë se shkaku i prirjes më të madhe femërore për t’u sëmurur me Alzheimer ishte në jetëgjatësinë e tyre më të madhe. Por, këto studime të reja duket se tregojnë se ky nuk është rasti’’, theksuan studiuesit.

Studiuesit kanë analizuar qindra rezonanca magnetike të burrave dhe grave dhe shpërndarjen e proteinës tau që së bashku me proteinat amiloide mund të formojnë përzierje toksike, që shkaktojnë vdekjen e qelizave të trurit duke shkaktuar probleme në memorie.

Studiuesit kanë zbuluar se ka dallime mes meshkujve dhe femrave në mënyrën se si proteina tau përhapet në tru.

Në fakt, gratë kanë lidhje më të mirë në mes të zonave të trurit ku formohet proteina tau, gjë që i bën ato më të rrezikuara për një përhapje më të shpejtë të proteinës dhe, për rrjedhojë, të prekjes nga kjo sëmundje.//atsh

Pse gratë janë më të rrezikuara nga Alzheimeri? Read More »

Oraret kur duhet të shmangni ekspozimin ndaj rrezeve

Ekspozimi i tepruar ndaj rrezeve ultravjollcë të diellit jep dëmtime të menjëhershme në lëkurë si djegie, skuqje, dhe dëmtime të mëvonshme siç është zhvillimi i kancerit të lëkurës në moshë të rritur.

Ekspertët e Institutit të Shëndetit Publik rekomandojnë të qendroni në hije gjatë një orari të caktuar, në mënyrë që të mund të shmangen probleme të ndryshme shëndetësore.

“Qendroni në hije, shmangni ekspozimin e drejtpërdrejtë ndaj rrezeve të diellit gjatë orëve 10:00-17:00. Gjatë këtij intervali qendroni në vende të freskëta”, -thonë ekspertët e ISHP-së. Siguria nga dielli mbron lëkurën nga kanceri.

Ndërkaq, temperaturat më të larta të kësaj javë të korrikut do të kulmojë ditën e mërkurë, më 24 korrik./atsh

Oraret kur duhet të shmangni ekspozimin ndaj rrezeve Read More »

Vlorë, mbi 5 mijë vizita shëndetësore deri më 18 korrik

Në qarkun e Vlorës deri në 18 korrik janë kryer më shumë se 5 mijë vizita në 11 qendrat shëndetësore verore.

Shifrat u bënë publike nga ministrja e Shëndetësisë dhe Mbrojtjes Sociale, Ogerta Manastirliu gjatë mbledhjes së komitetit të zhvillimit të qëndrueshëm të turizmit në Vlorë.

Ministrja vuri në dukje se plani i masave ka siguruar shërbim 24 orë në shtatë ditë për pushuesit.

“Prej datës 1 qershor, sipas planit të masave të ndërmarra që është bërë traditë në këto vite, kemi hapur qendrat shëndetësore verore me shërbim 24 orë në shtatë ditë, qendra që garantojnë kujdes shëndetësor të organizuar me Qendrën Kombëtare të Urgjencës. Për rajonin qarkun e Vlorës janë 11 qendra shëndetësore verore deri ne 18 korrik janë më shumë 5 mijë vizita shëndetësore të kryera. Janë gjithashtu 11 poastacione fiks të autoambulancave. Këtë vit kemi një përmirësim në nivelin e pajisjeve të ambulancave me mjetet jetëshpëtuese”, -sqaroi ajo.

Sipas Manastirliut, të gjithë spitalet që preken nga turizmi janë përforcuar me mjekë dhe infermierë për të përballuar flukset që vijnë nga sezoni turistik.

Barnat dhe materialet shëndetësore nuk mungojnë në asnjë qendër shëndetësore verore. /atsh

Vlorë, mbi 5 mijë vizita shëndetësore deri më 18 korrik Read More »