Shendetesi

Gjatë periudhës janar-korrik 30% e personave që kanë bërë analizën biokimike të gjakut kanë rezultuar me kolesterol të lartë në gjak, ku femrat janë më të prekura.

Fondi i Sigurimit të Detyrueshëm të Kujdesit Shëndetësor thotë se me numrin më të lartë të kolesterolit në gjak kanë rezultuar vajzat e gratë me 65% dhe 35% janë meshkuj.

“Kontrolli Mjekësor Bazë. 30% e personave që kanë bërë analizën biokimike të gjakut, gjatë periudhës Janar-Korrik 2019, rezultojnë me LDL Cholesterol të lartë (mbi 160 mg/dl)
Nga këta, 35% janë meshkuj dhe 65% femra”, -thonë specialistët e FSDKSH.

Ndërkaq, grupmosha më e rrezikuar rezulton të jetë 51-60 vjeç me rreth 40% e ndjekur nga grupmosha 61-70 vjeç me 34%.

Dieta e pashëndetshme, mbipesha, mosha dhe trashëgimia janë faktorë rreziku për nivelin e lartë të kolesterolit në gjak.

“Kontrollo shëndetin pa pagesë. Parandalimi është më mirë se kurimi​”, -bën apel Fondi i Sigurimit të Detyrueshëm të Kujdesit Shëndetësor. /atsh

Kujdesi ndaj temperaturave të larta në verë është një këshillë që vlen për të gjithë, por në rastin e diabetikëve kujdesi duhet të jetë i shtuar, sepse në rast të kundërt mund të përballen me disa probleme.

Kujdesi i parë që duhet të tregojnë diabetikët gjatë kësaj stine është të përshtaten me temperaturat e larta, domethënë ta menaxhojnë mirë këtë stinë me të mirat dhe të këqijat e saj.

Ja disa këshilla sesi ta mbajmë diabetin nën kontroll gjatë stinës së verës:

1.Të sëmurët diabetikë nuk duhet të ekspozohen gjatë në diell, kryesisht duhet të mënjanojnë daljen në diell nga ora 10:00 paradite deri në orën 16:00 pasdite.

2. Në orët e para të mëngjesit dhe në orët e vona të darkës, u sugjerohet të bëjnë lëvizje në natyrë, duhet të jenë të veshur hollë, kryesisht veshje të pambukta që të thithin djersën dhe të sigurojnë ajrosje të mirë të lëkurës.

3. Të sëmurët gjatë kësaj periudhe duhet të veshin këpucë apo sandale të hapura, me gome jo të forta, mundësisht pa çorape në mënyrë që të kenë një ajrosje të mirë të këmbëve dhe të mbrohen nga dëmtimet e jashtme si plagë, kallo etj.

4. Kujdes të veçantë duhet të bëjnë kur ecin mbi rërën e detit sidomos gjatë pikut të nxehtësisë sepse mund të digjen pa e kuptuar, për shkak të dëmtimeve të nervave që shpesh diabetikët manifestojnë dëmtime të ndjeshmërisë.

5. Për t’u përshtatur me temperaturat e larta, diabetikët duhet të qëndrojnë në ambiente
të ajrosura mirë, të freskëta dhe duhet të kryejnë një aktivitet fizik relativisht të moderuar që nënkupton një ulje të intensitetit të ushtrimeve fizike dhe programimin e këtij aktiviteti fizik në orare të përshtatshme kryesisht jo gjatë mesditës. /aatsh

Që në lashtësi farat e pjeprit janë përdorur si një nga kurat më të mira për shëndetin e veshkave dhe trajtimin e sëmundjeve të tyre.

Vitamina E tek farat e pjeprit mbron veshkat nga radikalet e lira. Këto fara rekomandohen të aplikohen për të mbrojtur shëndetin e veshkave ndaj dhe në mjekësinë popullore kanë një përdorim të gjerë. Këto fara konsiderohen të pasura me antioksidantë që pastrojnë organizmin nga radikalet e lira. Përmbajtja e lartë e proteinës tek farat i bën ato të rekomandueshme për flokë dhe thonj të shëndetshëm.

Burim vitaminash dhe mineralesh: Farat e pjeprit përmbajnë sasi të konsiderueshme të vitaminës A dhe E. Këto vitamina që treten në yndyrë shërbejnë si antioksidantë dhe mbrojnë sytë e parandalojnë kancerin.

Shëndeti i sistemit tretës: Farat e pjeprit ndihmojnë në largimin e parazitëve nga zorrët.Me përmbajtjen e lartë të fibrës, këto fara besohet të përmirësojnë tretjen e ushqimeve.

Studimet kanë konfirmuar se antioksidantët dhe acidet yndyrore tek farat e pjeprit e mbrojnë zemrën nga stresi oksidues dhe çrregullime të tjera. Mineralet ndihmojnë në uljen e tensionit të gjakut.

Mbipesha: Farat e thata të pjeprit mund të shërbejnë si një ushqim i shëndetshëm për ata që duan të bien në peshë. Këto fara ndihmojnë në eliminimin e lëngjeve të akumuluara në trup dhe rregullimin e tensionit të gjakut./atsh

Një nga problemet shqetësuese që hasim në stinën e verës është rreziku për dehidratim në lëkurë dhe në flokë.

Nuk janë të pakta rastet kur ndiejmë se i kemi flokët si kashtë apo lëkurën tepër të thatë. Mos kujtoni se i gjithë faji është i diellit, jo!

Ka një sërë faktorësh verorë të cilët ndikojnë, madje mund edhe të na e përkeqësojnë shkallën e hidratimit në lëkurë e flokë.

Ja nga se duhet të tregoni kujdes:

Ajri i kondicionuar

Ajri që prodhon kondicioneri është veçanërisht i thatë dhe mund të shkaktojë një dehidratim të shtresës sipërfaqësore të epidermës dhe flokëve. Shmangeni sa herë që të keni mundësi.

Era

Ditët me erë nuk janë edhe aq të rralla në verë. Ky faktor atmosferik ndikon ndjeshëm mbi flokët tona duke shkaktuar thatësirë si dhe duke krijuar ndarje tek majat.

Ekspozimi në diell

Rrezet diellore ndikojnë në nxirjen e lëkurës dhe hapjen e ngjyrës së flokëve, por sa keq që janë edhe faktor kryesor i thatësirës dhe dehidratimit të tyre. Shmangni ekspozimin për një kohë të gjatë në diell, sidomos gjatë orëve të mesditës.

Kripërat

Ka disa persona të cilëve u pëlqen ndjesia e kripës në flokë. Megjithatë, kripa që përmban uji i detit i dëmton së tepërmi flokët, i than dhe shkakton plasaritje në skalp.

Klori

Tregoni kujdes edhe në pishinë. Veprimi i klorit në kontakt me flokët tuaj i dobëson ato, madje është edhe faktor acarrimi për lëkurat e ndjeshme.

Bojërat

Nëse i lyeni flokët rregullisht, sidomos me ngjyra të hapura, ju duhet ta dini mirë se rrezikoheni prej flokut të thatë në maja e në skalp, pranë rrënjës. Në verë, ky problem ka tendencën të zgjerohet prandaj ju këshillojmë të përdorni ngjyra më të ëmbla e delikate, të buta, por që ta realizojnë mbulimin e thinjave.

Djersitja

Temperaturat e larta e detyrojnë trupin të djersitet. Kur kjo ndodh, na duhet të kompensojmë organizmin duke pirë sa më shumë ujë e lëngje për të shmangur tharjen e lëkurës dhe flokëve. Duhet të tregojmë kujdes edhe pas përfundimit të plazhit, në muajin shtator. /atsh

Për të matur presionin e gjakut, do të vijë dita kur do të bëni thjesht një selfie ose më mirë një video të shpejtë të fytyrës tuaj me celular, pasi një instrument optik do të lexojë ndryshimet në rrjedhën e gjakut në enët e fytyrës dhe, bazuar në to, do të llogarisë presionin e gjakut me një saktësi e krahasueshme me atë të matësve të presionit normal, është ideja e zhvilluar dhe e testuar në Universitetin e Torontos, botuar në revistën ”Circulation: Cardiovascular Imaging”.

Ekspertët fillimisht testuan ”selfie-video” për të matur presionin te mbi 1 300 individë. Me një smartfon të thjeshtë, prodhohet një video dyminutëshe e fytyrës.

Ndërkohë, një softuer i ngulitur në celular, do të ”lexojë” në video ndryshimet në rrjedhën e gjakut në enët e gjakut të fytyrës dhe do të përkthejë informacionin optik në të dhënat e presionit të gjakut të individit.

Saktësia do të jetë 95-96%./atsh