Shendetesi

SHËNDETËSI – Rrezet X zbulojnë gënjeshtrat e kremrave të lëkurës

Ne menduam se i njihnim, por nuk është rasti: kremrat dhe locionet që përhapim çdo ditë në lëkurë kanë një strukturë molekulare që është shumë e ndryshme nga ajo e hipotezuar deri më tani. Natyra e tyre e vërtetë demaskohet nga rrezet X dhe rrezet neutron nga studiuesit në King’s College London dhe Universiteti i Manchester.

Rezultatet, të paraqitura në konferencën e Shoqatës Amerikane të Kimisë (Acs), do t’i ndihmojnë prodhuesit të zhvillojnë formulime gjithnjë e më efektive dhe më të sigurta.

Grupi studiues u përpoq të bënte një hetim të drejtpërdrejtë, duke rrezatuar mostra të produktit me rreze X dhe rreze neutroni për të kuptuar se si shpërndaheshin përbërësit e etiketuar siç duhet. Për të lehtësuar studimin, u përdor një krem ​​shumë i thjeshtë, i përgatitur me vetëm pesë përbërës.

Çuditërisht, rezultatet e analizave treguan se përbërësit e njohur si ‘surfactants’ (të cilët kanë një veprim thithës dhe tretës) nuk grumbullohen ashtu siç pritej tek ‘bashkëpraktorët’ për të formuar lamela të mbivendosura.

“Stabiliteti afatgjatë dhe vetitë terapeutike të një kremi përcaktohen nga struktura themelore e tij,” shpjegon studiuesi Delaram Ahmadi.

“Nëse do të mund të kuptonim mikrostrukturën kimike të kremës duke e lidhur atë me strukturën e lëkurës, atëherë do të mund të rregullojmë më mirë pengesën e kompromentuar të lëkurës’’, përfundoi ai. /atsh

SHËNDETËSI – Rrezet X zbulojnë gënjeshtrat e kremrave të lëkurës Read More »

4 ilaçe në 1, terapia zvogëlon sulmet në zemër me 33%

Një pilulë e vetme nga katër ilaçe për zemrën të marra çdo ditë mund të parandalojë një të tretën e goditjeve dhe sulmeve në zemër, sipas një studim i publikuar nga revista Lancet e Universitetit të Birmingham, sipas të cilit kjo terapi, e përbërë nga parime aktive për patentë të skaduar, do të kushtonte disa cent në ditë.

Terapia përfshin një dozë aspirine, një statinë dhe dy ilaçe për të ulur presionin e gjakut, dhe u testua në rreth 6.800 njerëz mbi 50 vjeç në Iran.

Në grupin që mori pilulën pati 202 ngjarje serioze kardiovaskulare, ndërsa në tjetrin që nuk e mori ishin 301 ngjarje.

“Ne u përpoqëm në një vend me të ardhura të mesme -se kjo është një strategji që vlen të merret në konsideratë”, shpjegon një nga autorët për BBC Tom Marshall.

“Në vendet e përparuara, avantazhi do të ishte shumë më i ulët, sepse pacientët kanë një zgjedhje shumë më të gjerë të barnave për trajtim. Përfitimet do të ishin më margjinale dhe do të ishte e nevojshme një test klinik për të parë nëse mund të ishte i dobishëm”, theksuan autorët. /atsh

4 ilaçe në 1, terapia zvogëlon sulmet në zemër me 33% Read More »

Poliklinika e re e Vlorës, 44 mijë qytetarë morën shërbimin laboratorik

“Standardi i ri i vendosur me investimin në poliklinikën e re të Vlorës, i ka shërbyer më së miri mbi 44 mijë qytetarëve”, deklaroi sot ministrja e Shëndetësisë dhe Mbrojtjes Sociale, Ogerta Manastirliu.

Sipas saj, “tashmë qytetarët kanë marrë shërbimin laboratorik pranë kësaj poliklinike, pa patur nevojë të shkojnë në spital”.

Poliklinika e re e Vlorës, e pozicionuar në qendër të qytetit, është transformuar nga themelet.

Investimi i buxhetit të shtetit me vlerë prej 111 milionë lekësh ka shndërruar ngrehinën e vjetër në një qendër moderne mjekësore, e cila ofron për qytetarët vlonjatë dhe jo vetëm shërbime të specializuara të standardeve europiane, si dhe kushte moderne pune për 70 mjekë dhe infermierë.

Poliklinika ofron 17 shërbime të specializuara, duke filluar nga shërbimi i urgjencës, laboratorit, neurologjisë, kardiologjisë, onkologjisë, nefrologjisë, etj. tashmë të pajisura me aparatura të teknologjisë së lartë./atsh

Poliklinika e re e Vlorës, 44 mijë qytetarë morën shërbimin laboratorik Read More »

Ndotja lidhet me depresionin dhe problemet mendore

Ndotja atmosferike mund të influencojë trurin tonë dhe të lidhet me kushtet e shëndetësisë mendore, si depresioni dhe çrregullimet bipolare. Të dhëna të reja mbi këtë çështje ka sjellë një studim i ri i publikuar në Plos Biology, që analizon të dhënat e 151 milionë personave në SHBA dhe 1,4 milionë në Danimarkë.

Në këtë studim të ri, të koordinuar nga Andrey Rzhetsky, studiuesi i gjeneve në universitetin e Çikagos, doli që ekziston një lidhje e fortë, ndonëse ende nuk është e mundur të provohet një lidhje direkte shkak pasojë, mes ndotjes dhe niveleve të larta të skizofrenisë, çrregullime të personaliteti dhe depresione.

Por në mënyrë ndotja mund të influencojë trurin tonë?

Një faktor i dukshëm është zhurma e trafikut, që dihet që rrit stresin dhe dëmton cilësinë e gjumit. Nga ana tjetër, disa mikrogrimca ndotëse mund të kalojnë barrierat e hundës, duke arritur deri në tru.

Një tjetër mundësi është që rritja e inflamacionit në turp, e shkaktuar nga ndotja, shkakton reagimin ndaj stresit nga truri. Një hipotezë e tretë është se smogu shkakton ndryshime epigjenetike, që influencojnë ADN-në, duke ndryshuar ekuilibrin e substancave kimike cerebrale. /atsh

Ndotja lidhet me depresionin dhe problemet mendore Read More »

Standarde të reja në maternitet/ Binjakët fitojnë betejën e jetës

Pas 22 ditësh trajtim të specializuar në reanimacion në maternitetin “Mbretëresha Geraldinë”, kanë fituar betejën e jetës.

Lajmi është bërë i ditur nga ministrja e Shëndetësisë dhe Mbrojtjes Sociale, Ogerta Manastirliu.

“Pas 22 ditësh në reanimacion, Leoni dhe Learti kanë fituar fituar betejën e jetës, falë punës së palodhur të stafit të maternitetit “Mbretëresha Geraldinë””, theksoi Manastirliu.

Vetëm gjatë vitit 2018, u investua për 18 inkubatorë stacionarë, 11 inkubatorë transporti dhe 8 ekografi obstetrike-gjinekologjike në maternitetet e gjithë vendit./atsh

Standarde të reja në maternitet/ Binjakët fitojnë betejën e jetës Read More »

U transferua në Stamboll për kurim, 15-vjeçarja merr trajtimin e duhur mjekësor

Elona, 15-vjeçarja e prekur nga një sëmundje shumë e rrallë dhe e rëndë është duke marrë trajtimın e duhur mjekësor dhe nën kujdesin maksimal të profesorëve të klinikës së hematologjisë pediatrike.

Konsullata e Përgjithshme e Republikës së Shqipërisë në Stamboll, shprehet se është duke e ndjekur rastin në përditshmëri.

“Në vijim të iniciativës së Qeverisë shqiptare dhe kujdesit personal të Kryeministrit Edi Rama për kurimin e Elonës 15-vjeçare në spitalin Universitar të specializuar ‘Marmara Pendik’ në Stamboll, Elona është duke marrë trajtimin e duhur mjekësor dhe nën kujdesin maksimal të profesorëve të klinikës së hematologjisë pediatrike”, thekson Konsullata e Përgjithshme e RSH-së në Stamboll.

“Konsullata e Përgjithshme e RSH-së në Stamboll është duke e ndjekur rastin në përditshmëri. Duke i uruar Elonës shërim të shpejtë dhe kthim në Shqipëri shëndoshë e mirë ne mbetemi në shërbim të qytetarëve tanë në çdo rast dhe çdo rrethanë”, shton Konsullata e Përgjithshme e RSH-së në Stamboll./atsh

U transferua në Stamboll për kurim, 15-vjeçarja merr trajtimin e duhur mjekësor Read More »

15-vjeçarja me sëmundjen e rrallë, skuadër mjekësh specialistë enkas për të në spitalin turk

Kryeministri Edi Rama dha sot lajmin e mirë për të gjithë miqtë e interesuar për Elonën, 15-vjeçaren e prekur nga një sëmundje shumë e rrallë dhe e rëndë.

Kryeministri informoi se vajza po transferohet në këto momente në një spital të specializuar publik në Stamboll, nën kujdesin maksimal të autoriteteve dhe të një skuadre mjekësh specialistë, të ngritur enkas për të.

“Uroj megjithë zemër që Elona të kthehet shëndosh e mirë në Tiranë”, tha Rama.

Në 19 gusht, 15-vjeçarja që po lufton me një sëmundje shumë të rrallë e të rrezikshme u nis për kurim të specializuar në Turqi.

Të gjitha shpenzimet për kurimin e saj, do t’i mbulojë Qeveria shqiptare./atsh

15-vjeçarja me sëmundjen e rrallë, skuadër mjekësh specialistë enkas për të në spitalin turk Read More »

121 milionë lekë investim / Dy laboratorë modernë për kontrollin e barnave

Agjencia Kombëtare e Barnave dhe Pajisjeve Mjekësore po rehabilitohet dhe zgjerohet, duke mundësuar ngritjen e dy laboratorëve modernë për kontrollin e sigurisë dhe cilësisë së barnave që prodhohen dhe qarkullojnë në Republikën e Shqipërisë.

Ministrja e Shëndetësisë dhe Mbrojtjes Sociale Ogerta Manastirliu inspektoi punimet e rindërtimit të Agjencisë së Barnave, një investim i Ministrisë së Shëndetësisë dhe Mbrojtjes Sociale me vlerë 121.4 milionë lekë.

“Ky është një investim shumë i rëndësishëm që kemi ndërmarrë sa i takon garantimit të sigurisë së barnave dhe materialeve mjekësore, ku përveç rehabilitimit të godinës, po investojmë në ngritjen e dy laboratorëve modernë, që do të jenë të certifikuar për kryerjen e një seri analizash që garantojnë cilësinë dhe sigurinë e barnave në vend”,- tha Manastirliu.

Investimi në institucionin e vetëm kombëtar që ka në qendër të punës së tij kontrollin mbi sigurinë dhe cilësinë e barnave, ruajtjen dhe regjistrimin e tyre, pritet të përfundojë brenda vitit dhe në 6 muajt e parë të vitit të ardhshëm do të pajiset me aparatura moderne laboratorike.

“Dy laboratorët e rinj që do të pajisen me aparatura bashkëkohore për analizimin e barnave që regjistrohen për herë të parë në vendin tonë si dhe të barnave që janë në qarkullim, do të akreditohen, për të përmbushur standardet europiane të cilësisë”, tha Manastirliu.

Investimi parashikon ngritjen e laboratorit fiziko–kimik dhe atij mikrobiologjik, duke bërë të mundur garancinë e certifikimit të sigurisë dhe cilësisë së barnave, me analizimin e të gjithë gamës së barnave që tregtohen në vendin tonë dhe me kapacitete analizuese të përmirësuara.

Godina do të përfshijë një sportel të dedikuar me 2 poste ku bizneset do të kryejnë regjistrimin për barnat dhe pajisjet mjekësore. Do të ketë ambiente të posaçme (dhoma frigoriferike) per ruajtjen e mostrave dhe acideve. Si dhe dy laboratorë modernë për testimin e barnave dhe materialeve mjekësore.

Ky është një investim i rëndësishëm edhe për vetë volumin e punës së Agjencisë, e cila vetëm vitin e kaluar ka lëshuar mbi 53 milion pulla për barnat e prodhuara dhe ato që qarkullojnë në Republikën e Shqipërisë.

Kontrolli mbi cilësinë dhe sigurinë e barnave që tregtohen në vend është në fokus të politikave të Ministrisë së Shëndetësisë. Me përfundimin së shpejti të depos qendrore të barnave në QSUT dhe investimin në Agjencinë e Barnave dhe Pajisjeve Mjekësore do të rritet në një standard të ri kontrolli mbi sigurinë e barnave që qarkullojnë në vendin tonë. /atsh

121 milionë lekë investim / Dy laboratorë modernë për kontrollin e barnave Read More »